Dynasty Restaurant

前幾日同閨蜜去吃晚飯，預約左呢間能俯瞰維港美景嘅中菜餐廳-滿福樓。一踏入餐廳，立刻被它中式典雅氣派而寛敞的大廳映入眼簾！它獨特之處是以西關大宅為設計靈感，很有特色而且這種氛圍感十分適合家庭聚餐。我們點了金絲脆腰果，花雕原條遼參，蜜汁烤西班牙黑豚肉叉燒，花雕醉香筍殼魚，風味甘磅開邊龍蝦，魚湯手打魚腐浸時蔬這幾個菜色，仲有滿腹精選甜品。🔸金絲脆腰果一絲絲被炸過的芋頭絲加底下有腰果，驚艶到我嘅係每一條芋頭絲都切得好薄，非常佩服廚師嘅刀工！而且配上調好的蜜糖醬，酸甜味十分開胃！😍🔸花雕原條遼參佢哋用左六刺參來製作這菜色，味香爽脆煙韌，肉質細嫩，配上花雕酒的香氣，甜甜的使人陶醉！🔸蜜汁烤西班牙黑豚肉叉燒好彩我哋一早預訂左呢款叉燒，如果唔係就享受不到佢嘅美味了，肉質鮮嫩，一點也不柴，甜甜嘅叉燒醬，十分好食！🔸風味金榜開邊龍蝦龍蝦十分鮮味而且肉質爽口彈牙，炸饅頭加上旁邊有點像喇沙嘅醬料，椰汁香味很重，十分惹味！👍🏻🔸魚湯手打魚腐浸時蔬大大的魚腐每一口都入口即化，魚湯鮮味好濃，好香好好飲！🔸花雕醉香筍殼魚先炸好魚後，再淋上花雕酒，魚肉十分滑嫩，非常特別！🔸滿福精選甜品香蜜蛋散，蛋撻仔都係香港嘅懷舊點心甜品，加上迷你楊枝甘露，甜而不膩，每一啖都很滿足！懷舊的味道為今個晚餐畫上圓滿的句號。🥰…Read More

因為參觀大型水墨畫展在會展，同學早一天預約在會展附近的萬麗海景酒店3樓滿福樓先茶聚後觀畫展，也幸好預約，否則即時到達是座無虛席！看著維港嘆茶是一件樂事。典雅餐具令用餐興緻提升不少！先來懷舊小吃~~蝦多士同學推介滿福樓叉燒和豆腐，我們選擇叉燒、乳豬和豉油雞三拼，叉燒、乳豬較優勝；同學告訴侍應我們六人享用，所以全部佳餚都剛好六件，也因此原本$300三拼燒味，份量因加大小小價錢是$320。上素腸粉比較一般。陳皮排骨傳來陣陣陳皮果香味，舖在排骨有少許話梅碎，話梅碎的甜酸能帶起食慾，排骨肉質炆得鬆化入味，陳皮排骨是唯一不是六件，是九件陳皮排骨。台山焗釀豆腐是每位上，每位$48，侍應很細心提醒每位客人小碗很燙，豆腐釀上免治豬肉，被濃郁惹味汁液覆蓋再焗，汁液中有弄碎味道較淡的鹹蛋白和鹹蛋黃，視覺上却予我蟹黃和蟹肉的錯覺...........大家都很喜歡這款魚湯手打魚腐浸時蔬，我更是第一次吃如此好吃的魚腐，魚肉和蛋白打起的白白滑滑超大魚腐好味道，也令我眼前一亮！昨晚剛看過鼎爺示範荷葉飯，侍應也咁啱推介荷葉飯，我們一試無妨，味道質素也不賴！我們要中國名茶鐵觀音，已經不俗，如果有更高要求可選極品鐵觀音，沒有上鏡的小碟XO醬十分美味。…Read More

週日打完麻雀，牌友六人就去咗一間大家不時都會幫襯o既「滿福樓」度開餐。由於之前已為餐廳寫過食評，深覺食物水準一向有保證，故今次再臨原本都只係諗住簡單影兩張相打吓咭就算，點知食飯中途發生咗段小插曲，令細佬不得不在此作出新評。屬酒店餐廳o既「滿福樓」舊年曾經裝修過，間隔冇乜大轉變，樓底一如以往般高，環境最明顯係新淨光鮮咗。最值得表揚o既就係負責我地張枱嗰位Ken哥，其態度極之誠懇，而且很是體貼！事因年過七旬但外型仍英偉非常o既蕃薯Uncle食食吓飯哽到雞骨，單睇表情足以知道佢好唔舒服，小肥就急忙搵大肥爸爸求救，可能情急下講電話o既聲線比較大，又提到可能要去急症室，Ken哥聽聞即趕上前問及有否能幫得上o既地方，我地有任何需要佢都盡力幫忙，當真落力又有心！有陣時真係唔好唔信邪，蕃薯Uncle當日一個輸三個，破咗財擋咗災，結果大肥一條秘方就成功搞掂咗哽骨事件，大家都鬆一口氣。當晚叫餸由XO仔發辦，五樣餸中叉燒同手打魚腐均為招牌菜。蜜汁烤叉燒（$250/例）：半肥瘦o既靚叉燒皮脆肉鬆軟，蜜汁調味甜美可口，長輩門都話。花雕牛肋條煲（$290）：經理哥哥推介o既牛肋條煲熱辣香濃，牛肋條肉質厚而半帶軟腍，一啲都唔嚡唔乾，雖則話係用花雕吊味，但其淡薄o既香氣又唔會話好搶，大家都覺得好有驚喜。沙薑香妃手撕雞（$240/半隻；$480/一隻）：個人覺得個微辣o既手撕雞都幾嫩滑惹味，除咗雞肶同雞翼位之外全部都去哂骨，最啱好似XO仔咁怕骨o既朋友食，不過如果個「沙薑」可以改為「麻油」，效果可能會更為清新。蒜茸炒豆苗（$260）：翠綠色o既豆苗嫩中帶脆，香甜美味。魚湯手打魚腐浸時蔬（$198）：如相所示，手打魚腐粒粒都脹卜卜，睇頭十足！Ken哥喺出邊幫我地分成六碗後，魚腐都未見縮水，勁呀！魚湯濃而不俗，雜菜清脆爽甜，手打魚腐鬆軟爽脆，鮮味無窮，實屬必吃之選！香蜜蛋散（$48）：蛋散鬆化香脆，甜而不溜，正當大家都不斷話飽時，卻又一分鐘內清碟，咁即係唔錯啦！「滿福樓」環境高雅衛生，菜式精美高質，當中手打魚腐可算為代表作，最重要係服務生不單客套有禮，其關懷細心之情更能令食客可以安心進食，實屬難得。…Read More