Menyafuku

魚介豚骨沾麵 $80成set黎到賣相相當好。 湯味夠濃，唔會勁咸，食完冇好口渴。湯唔算杰身（個人喜好鐘意杰身啲，但佢都好好味） ，配有少少柚子食落濃而不膩。麵粗幼度適中有咬口，麵質食頭兩啖覺得略略硬左少少，但放耐左食多幾啖就慢慢balance返。 叉燒薄薄大大塊，肉質非常嫩，好味！個湯入面本身包有兩塊叉燒、半熟蛋。我extra加左叉燒同蔥。辛味噌沾麵（極辛）$90 湯夠辣，如果湯入面加豚角或其他配料冇咁單調就更好。 配料本身包括有叉燒、溫泉蛋、筍。Extra 加左叉燒同筍。 ******************************整體非常好，的確係香港食過最好食嘅沾麵。唯一希望湯個溫度可以keep耐啲就100分。 會想再食～～ ！ 員工友善，看得出老闆用心。 …Read More

喺荃灣收工搵嘢食😆 朋友想食沾麵， 又見網上評分唔錯，所以就去咗試～  店舖嘅位置比較隱蔽， 要花啲時間先搵到 店入邊唔算好多座位，我哋去到嘅時候前面有對情侶都等緊 我哋等咗大概10分鐘就入得😜  🍜 魚介豚骨沾麵 ($78) 平時食開嘅沾麵湯底都比較死咸，佢哋嘅湯底濃得嚟反而一啲都唔鹹🤩， 而且個湯底好足料，有大量蔥花、筍同芝麻， 口感豐富🤤！ 最特別嘅地方係叉燒同埋溏心蛋會放喺湯入邊，可以保持溫度，但係叉燒依然keep到口感好淋， 同埋溏心蛋都仲keep到係流心😍！ 而麵條粗身， 勁彈牙😋！！  🍜 黑蒜油豚骨沾麵 ($88） 黑蒜油豚骨湯底都一樣，唔會死鹹😚，黑蒜味勁出，但又唔會好苦😋！湯底都係好足料，有大量蔥花、筍同芝麻～  食完之後，仲可以叫職員幫你加湯， 飲完都係一啲都唔咸，仲好夠味🤭！  總括而言，佢哋嘅沾麵好出色， 每食一啖，口感都好豐富， 絕對值得過嚟食😚～…Read More

.其實一直都對沾麵印象麻麻(◐‿◑)食過幾間都覺得唔岩我口味個湯普遍都係偏咸每次食都係朋友介紹就試下不過都係一般今日又俾多次機會沾麵揀左麵屋福去試下要求好簡單，唔好太咸我就覺得可以接受ಥ_ಥ我揀左魚介豚骨配左兩片薄叉燒及糖心蛋一上台試左一口湯底先比想像中淡味 （可能以前試的過份咸？）味道幾有層次，仲有舊柚子，食中果下好清新再加面落去沾下湯麵條都掛湯既口應少硬，爽口我又覺得幾好食食完麵後，我都有再加湯飲多幾啖湯黑蒜油我都試左啖，濃味少少整體都好食，今次試完我無後悔既不錯👍🏻目標達成 唔太咸..#唯有食是最治癒的…Read More

有時lunch time就係想食下comfort food，慰藉下心靈。麵屋福嘅沾麵絕對可以一解想食平平地又好食嘅沾麵之苦!佢嘅lunch time係嗌一個拉沾麵包一罐汽水，加上佢沾麵唔貴，真係諗起都開心!!我嗌咗魚介豚骨沾麵（$78），一上枱就有好香嘅魚介味撲鼻而來，沾麵嘅湯內有芝麻、蔥、荀、叉燒、魚介粉等等。可能因為我唔算好鐘意芝麻，如果可以揀少啲話就好啦！不過整體而言係好濃郁，上枱嘅時候又熱辣辣！之前食過黑蒜油湯底，雖然都好食，但係就比魚介偏油，相比之下我自己會鐘意魚介多啲～同埋麵屋福抵食嘅位係$78係包埋紫菜同糖心蛋！佢嘅糖心蛋絕對冇hea你，係我食完會回味嘅糖心蛋！好多拉麵店都唔包紫菜同蛋，要自己另外再加錢，但係呢到唔使！！仲要有汽水！所以真係好抵食！不過佢嘅麵係暖，唔係話會唔好食，但係如果可以有得比客人揀凍/熱麵，就會令成件事更加完美！！…Read More

呢間沾麵小店係好多人推介荃灣必食🤩舖頭座位比較少，開舖無一陣出面已經需要等位啦🍜沾面嘅湯底款式只有3款，除左沾麵嘅份量好多，湯底入面仲有半熟蛋以及大大塊嘅叉燒，呢個價錢黎講難怪大家都話CP值高，食到好飽呢👍🏻🔸魚介豚骨沾麵（HK$73）沾麵粗身得黎，口感係偏硬個種，食落比較有咬口呢😎湯底幾濃郁，仲有芝麻增添香味，少許嘅柚子味帶點清新感🍜豚肉係薄身設計，不過勝在大大塊~🔸番茄紅油沾麵（HK$88）呢款嘅湯入口有好濃郁嘅番茄味，見到湯底有番茄溶，好真材實料呀🍅不過溏心蛋就有啲太熟，蛋黃無流心感🥚🫢🔸完熟桃梳打（HK$22）因為唔想飲汽水，所以就叫左呢款梳打試試，唔會太甜，白桃味都幾突出，即刻好似去左日本咁呀🍑…Read More

沾麵之選。麵屋福荃灣實在太多野食，相信深水埗既隱家大家都食過。今次介紹番價位唔高既沾麵，我食既係魚介湯，相對黑蒜油，我覺得重口味既朋友會鍾意，但如果唔係可能少少鹹。同朋友一齊食佢地就覺得麵略嫌硬，所以提醒大家可以預先叫要腍啲，咁就可以食得更舒暢了。豚肉兩片唔算厚既，可能食肉獸既朋友就唔夠可以再加，不過我既同行朋友，就食完一隻蛋再加蛋，佢話但溏心做得好好，呢個我都覺得係所以都推介番比大家，仲有店舖係會你食曬之後加湯比你飲埋，一味兩食呀。魚介豚肉沾麵 $73黑蒜油豚骨沾麵$83…Read More

.📍麵屋福📍 #饅頭去荃灣 #饅頭食日本菜------------------------------魚介豚骨沾麵 ($73) 湯底有好濃嘅木魚味🐟，唔會太稀或太稠，剛好令麵條掛上湯汁，另外加咗柚子皮🍊令個湯底多咗份清香同冇咁油膩，食嘅時候feel到個口腔充滿住味增同豚骨嘅香氣，就咁飲會有啲鹹，配麵條就啱啱好，加上蔥花同芝麻，倍添香氣。麵口感煙韌有麵粉香😋，有好幾條粘埋一嚿有啲難夾，而且溫度就有啲熱，少咗沾麵熱湯冷麵嘅特色，應該係想fit翻香港人口味。叉燒肩胛部位，唔會過肥，瘦肉部位軟腍唔嚡口，但個人認為片得有啲薄；荀就爽口入味，保留到荀滲味🌽；半熟蛋軟滑流心，不過就食唔出用咗咩去調味。最後食完可以叫店員加湯，感受湯底滿滿嘅精華😍，溫暖又飽肚，而且拉麵嚟講真係唔算好貴，CP值高，值得一試。------------------------------整體評分：8.1/10小編回頭率：7/10…Read More

今日係荃灣食沾麵真係別有一番體驗，估唔到食到一半成間舖停左電，店員仲講左句「又黎？」，我諗都唔係第一次，仲要食完果刻都整唔番，又黑又熱，食到一半就拿拿林趕住走，出到去發現成條街嘅餐廳都停晒電，雖然食物不錯，但係呢個體驗會令我唔想係呢條街到搵食😂🔺魚介豚骨沾麵 $78魚湯味唔算好濃，夠晒大碗，麵質都算掛湯，煙韌幼滑，叉燒肥瘦適中，湯底配埋蔥花芝麻，更加有口感同刺激味蕾🔺黑蒜油豚骨沾麵 $83呢個湯底油左啲，蒜味好濃，偏咸，食完不停飲水🔺蕃茄紅油沾麵 $88湯底比魚介淡，紅油唔會係好辣果種，都食到少少蕃茄渣，所以都幾足料🔺靜岡蜜瓜梳打 $22、富士山柚子梳打 $22、信州蘋果梳打 $22三款梳打我諗大家都飲過，一如以往地好飲，唔太甜，lunch時間係包一罐可樂/雪碧嘅，如果飲以上嘅日本汽水就可以平$5…Read More

麵：無得揀麵質，有咬口，但究竟係熱嘅？！湯底：魚介豬骨湯，有加入少量柚子，減少油膩口感，味道濃淡適宜。失敗之處係唔夠熱，一上枱連煙都無，可以直接放入口，唔怪得要用熱麵，因為用凍麵兩下就成碗凍晒。配料：荀同蛋合格，蛋入味有流心。叉燒：有2塊，不過不失，唔柴。價錢：＄7x，無加一，合理。服務：細舖位，一個侍應生run全場但都應付到。會fill冰水，fill湯。但慘在食食下停電（唔關舖頭事），趕走晒啲客，但舖頭有應變（應該並非第一次發生），即刻攞手提燈同風扇仔出嚟，值得加分。…Read More

晚市的選擇不多, 就揀左間食日式沾麵主要有三種沾麵店內有介紹食沾麵的教學店內座位不算多魚介豚骨沾麵@$73因為是追加了半熟蛋及肩胛肉叉燒, 所以沾麵是有加多的餸; 但本身魚介湯入面都有肩胛肉同半熟蛋, 所以意外地覺得有點餸太多了哈個人幾鐘意沾麵黏黏地的感覺( ´ ▽ ` )魚介湯如果平時食得清淡既會覺略鹹了少少, 但整體湯底濃郁~~ 將沾麵撈在湯中, 好食! …Read More

🐮魚介豚骨湯沾麵 麵質夠彈性 麵條既曲度夠 掛到湯！湯底濃厚 直接飲會有少少鹹 但沾上拉麵剛剛好！魚介味重 飮到底有少少柚子味 感覺清新 叉燒不過不失 溏心蛋好流心 醬油味重 食到尾店員幫你加返啲木魚湯 再飲哂成碗湯底 味道就剛剛好😋-🐷黑蒜油豚骨沾麵 食嘢比較重口味既我都覺得呢個黑蒜油好重手😂未食之前聞都勁 食落好重味！就算加返啲木魚湯我都係飲半碗就停手！麵較粗身我幾中意 但呢個湯底試一次就夠 都偏鹹 食完頂唔順有啲頭痛😂…Read More

3-10-2020 (Sat)晏晝同老公送完膠後食晏,正值午飯嘅高峰期,所以有人龍同等得耐,我哋第咗38分鐘就入得去.而喺排隊嘅時候,店員會遞上menu俾客人揀定先,其實選擇唔多,不過算吧,舖仔細細,真係做唔到咁多嘢食出嚟.我哋坐低後,店員即跟我哋揀咗嘅嘢,遞上同樣$22.00嘅完熟桃梳打同靜岡蜜瓜梳打各一支俾我哋,然後就得我哋嗰兩set沾麵.我哋要嘅係$73.00魚介豚骨沾麵同$83.00嘅黑蒜油豚骨沾麵.等咗6分鐘到嚟,睇見麵份量適中,沾麵湯滿滿,叉燒有兩片,魚介豚骨湯味道嘅濃淡同鹹度都得宜,好舒服.黑蒜油豚骨湯同樣夠味,不過我會鍾意魚介豚骨湯味道多啲.而拉麵口感仍爽彈,半熟蛋蛋黃深黃色,唔錯.食完都可以要求加木魚湯,我哋只加喺魚介豚骨湯喥,味道同稠密度都必定淡同稀咗,老公一個人飲鬼晒.老公好記得我哋6月喺Donki入面嗰間麵屋哲食過嘅魚介豚骨沾麵,話好似差唔多.(嗰個食評: https://www.openrice.com/zh/hongkong/review/%E5%94%94%E5%A4%AA%E9%B9%B9%E5%98%85%E9%AB%98%E6%B9%AF-e3755682)而嗰支靜岡蜜瓜梳味道唔太甜,同樣係舒服.服務:好好,好有禮貌.環境:細細間,但空間感仍合理.衛生:客人食完走人,除咗抹枱外,都會即時抹嗰塊間隔膠片.…Read More

沾麵喺日本未食過，卒之喺呢度食，呢間店近期賣廣告，傳媒又有介紹，好似幾掂咁。第一啖食落去，就真係好香濃，啲麵好煙靭，精神為之一振! 其實呢種味似武藏麵館，食落去就覺得好膩又偏鹹，我明白正宗日式拉麵係咁鹹嘅，一試無妨，但始終5唔會好似食港式牛什麵咁成日食。…Read More

拉麵迷好友介紹下，試咗荃灣西呢間日式沾麵小店裝潢陳設以日式小店為藍本，座位闊落，算係坐得舒服主打沾麵，全店只有三款沾麵選擇今次可以試哂三款，包括係魚介豚骨沾麵、黑蒜油豚骨沾麵、蕃茄紅油沾麵魚介豚骨沾麵 $73 湯底唔算太黏稠，唔係一點就沾滿麵條以豬骨熬成嘅湯底，魚介味唔算太出眾鮮味恰到好處，唔算太鹹配料有芝麻、溏心蛋、筍、叉燒、蔥花等，味道更香濃特別係味荀，入口唔似攞貨，似係自家製作，好夠鮮味同好入味，掛湯力十足至於麵條就係粗麵，質感煙韌又彈牙而溏心蛋亦入晒味，流心度高，好有水準不過叉燒就比較一般黑蒜油豚骨沾麵 $83  味道相對較重口味黑蒜香未入口已聞到好濃烈嘅味道，食落口更濃味同樣有溏心蛋等基本配料加$10可多蔥花，一碟足夠三至四人分享蕃茄紅油沾麵 $88 係招牌之一蕃茄湯底嘅沾麵比較罕見以超香濃嘅蕃茄湯底炮製，滿碗都係蕃茄蓉，好真材實料唔單止有蔥花，仲有微辣感，入口清新，醒胃又惹味不過，如果飲埋湯可能會覺得口渴，記得準備定杯水最後當然要加木魚湯飲埋個沾汁啦不過份量都算多，太飽難以飲完成碗…Read More

上年喺尖沙咀食過一次沾麵，依晚係第二次食，不過係喺荃灣~今次同朋友，誤打誤撞入咗嚟呢間食因為落雨天呀，所以比較少人幫襯。一入到嚟餐廳第一印象好好，因為燈光明亮環境舒適，雖然座位嘅數量唔多但係店員非常之有禮第一時間遞上點餐紙俾我用鉛筆圈低自己想食嘅嘢然之後交返俾店員落order就得啦我點咗~~魚介豚骨沾麵+ 日本半熟蛋+可樂盛惠$97，好抵食！麵條好煙韌好有咬口，彈牙呀！淋上碗湯真係好味到爆湯汁入面仲有一隻蛋，一邊食脆卜卜嘅紫菜，一邊食返隻日本半熟蛋，即係一共食咗兩隻雞蛋， 真係好鍾意佢嘅半熟蛋，啲蛋黃介乎全熟與半熟之間嘅感覺，佢真係做得好好， 太心急掛住食都冇影低添重點就係，我要再講一次！店員真係好好服務好有禮貌，簡直一流！咁好嘅service配上舒適嘅環境，同埋埋佢啲沾麵真係幾有水準下囉！有機會要再返嚟食多一次， 另外我都幾鍾意佢嘅裝修…Read More