一生懸麵

黎到九龍灣諗唔到食咩好，於是過黎得寶商場覓食，印象入面都有幾多野食，見到一生懸麵，諗起有唔少朋友講過呢間好味，就食下😚🍽️用餐人數：1▪️雞軟骨棒$29幾鍾意呢個雞軟骨棒，食落口感有少少似麥樂雞之餘仲有啲雞軟骨碎碎，食落都幾有口感，醬料囉得啱啱好😚▪️魚介豚骨沾麵$82呢個沾麵嘅湯底好濃郁，最鍾意嘅係可以加埋青檸🍋‍🟩，令到個湯底變得清新咗食落唔會有油膩感，味道都提升咗一個層次，麵就OK嘅，鍾意再幼身小小🤏叉燒肥瘦相間，燒到好香，食落唔會嚡😚同埋溏心蛋都好好，蛋白入味，蛋黃做到流心效果😚…Read More

下班出到來九龍灣找吃的，看見這家好特別的店舖名字就決定來試試。這家舖面很小一間，是吧枱式座位；還有開放式廚房設計看著師傅煮麵，很有日本feel😙📌📌📌1️⃣特濃豚骨沾麵 $822️⃣魚介豚骨沾麵 $82預設日式粗拉麵,1️⃣沾麵湯底夠濃郁而2️⃣嘅沾麵湯底就差小小,不太濃郁。兩片肉燒過，有很香的火炙味。整體都是不錯的。3️⃣煎餃子 $29不過不失 香脆可口 肉餡算飽滿🧮🧮🧮Total HK$193…Read More

小妹同Mami👩🏻早兩日去咗九龍灣食拉麵呢間一生懸麵都幾出名 早排好興嘅雪糕拉麵都系佢出嘅🤣🤣而家期間限定都做緊個花生醬雪糕拉麵不過小妹想試咗佢哋最original嘅先🤭啲特色嘢就留待下次啦🤪-👍🏿魚介豚骨沾麵 $82小妹嗌咗個沾麵 揀咗凍麵同埋唔要蔥麵質揀咗標準 煙韌有咬口😆系小妹鐘意嘅軟硬度魚介湯嚟嘅時候熱辣辣 出晒煙😳沾麵有個好處系可以自己控制味道 唔驚個湯會太鹹🤭今次嘅沾麵湯好濃厚 但唔會系死鹹嘅味道真系飲到魚介味😝湯入面仲有粒豚肉 唔系鞋灼灼嘅湯渣 系偏肥嘅叉燒粒😳粗身嘅麵條唔算好掛湯 配濃郁嘅湯底恰到好處味道啱啱好😚配料有兩塊叉燒 肥肉比例多火炙後充滿油香不過對小妹嚟講太肥太油膩Mami👩🏻就好鐘意啦🤭另外仲有半隻溏心蛋同筍片整體小妹覺得幾好食 值得encore😚味道: 8.5/10性價比: 8/10-👍🏿白湯豚骨拉麵 $72呢碗系Mami👩🏻嗌嘅 小妹都有試味😂拉麵麵條系幼身嘅 相比起粗麵 幼麵冇咁有口感但依然夠煙韌 唔錯😚拉麵嘅白湯唔使好似沾麵咁杰身飲落味道濃郁得嚟唔會過鹹👍🏿Mami👩🏻超鐘意個湯佢基本上飲晒咁滯🤣證明真系幾高質配料同沾麵一樣 不過多幾片紫菜同木耳絲索咗啲湯又點會唔好食吖😂😂味道: 8/10性價比: 8.5/10-以拉麵店嚟講佢價錢真系唔算貴對比起而家出面嘅拉麵店賣成百幾蚊碗仲收埋加一質素又唔系話特別好 食嘅似系舖租🧐呢間一生懸麵唔使加一 抵食又好食 小妹覺得值得回頭😆😆下次可以試埋佢嘅雪糕拉麵😜順帶一提 九龍灣分店座位唔多得一張長bar枱同兩張卡位想食真系要早啲嚟 我哋好好彩坐咗最後一張枱之後有對情侶就變咗要等位😝由於廚房系開放式嘅關係 煮食嘅油煙都幾勁🙌🏿不過食物高質 整體用餐體驗良好😆整體評分：味道: 8.5/10環境: 4/10服務: 7/10衛生: 6/10抵食: 8/10回頭率: 8.5/10…Read More

📍$98 柚子雪糕拉麵好味道：🌕🌕🌕🌕🌗柚子雪糕係清清地個種，酸酸甜甜食落有d似雪笆咁，好fresh🤩湯底同雪糕一樣，都係柚子味🥰食落比相像中match🐣原來酸酸甜甜的拉麵都可以咁正🤪隔左一星期後C小姐已番兜左一次🙆🏻‍♀️.📍$79 魚介豚骨沾麵好味道：🌕🌕🌕🌖🌑相對上味道無柚子拉麵咁驚艷但湯底真係幾濃郁，又唔會淨係得個咸字沾麵時亦都好掛湯😆叉燒見店員用火槍燒過外層燒到微焦，咬落好軟Lum😍…Read More

𖡁 一 生 懸 麵 | 牛 頭 角⋯雪糕拉麵就無緣了..但總算是嚐過她們的拉麵平日晚飯時段到訪都需要排隊入座海老拉麵濃郁，海量櫻花蝦因此鮮味十足，幼身拉麵很能掛湯，額外加了一顆玉子，所以共有3顆半開溏心蛋呢～～魚介豚骨沾麵，湯底濃稠有厚度，選了冷的粗麵底質感爽且彈牙⋯ 𝙊𝙍𝘿𝙀𝙍𝙀𝘿＊海老拉麵加玉子⁹⁷＊魚介豚骨沾麵⁷⁹＊章魚燒²⁸⋯@issyoukenmen 🪧牛頭角牛頭角道3號得寶商場地下121號舖…Read More

間中會試吓唔同嘅拉麵沾麵店，但真係喜歡到會再幫襯嘅唔係好多，試完呢間之後，可以多一間喇！ 睇佢menu，感覺佢所有選擇都比同類型鋪頭平。今次主要想食沾麵，所以同男友揀咗兩款口味，鵝肝海膽汁沾麵，同埋魚介豚骨沾麵，硬度標準，再另加紫菜，男友另加叉燒。小食得三款選擇，今次先試雞軟骨棒，其實三樣都有興趣，爭啲有衝動叫晒😂 先試魚介豚骨沾麵，湯比平時見嘅沾汁稀身，但味道鮮甜，唔油膩，而且有蔥粒同洋蔥粒加重香甜味，就咁飲感覺不錯😋 麵條係粗身麵，上網睇係用全麥做，所以仲見到啲粒粒，咬落彈牙，亦都有麥香👍🏻 跟住沾汁食，雖然唔算太掛麵，但濃淡程度好啱我口味😁 叉燒半肥瘦，味道正常，冇好出色嘅感覺。溏心蛋唔錯，蛋黃有流心。紫菜估唔到係一驚喜位，數量有成4 5塊已經夠晒過癮，仲要味濃，浸湯食有豚骨湯味又有紫菜味，好正🤩 成碗麵真係比5/5分🥰 另外試嘅係期間限定嘅鵝肝海膽汁沾麵。呢個沾汁就杰身好多，海膽味唔算好突出，但都輕微食到鮮味，不過對我嚟講有啲太鹹，所以唔算好喜歡。鵝肝好大方有兩大件，煎到少少燶燶地，亦有少少脆嘅口感，香口得嚟唔油膩。成碗麵整體嚟講就一試無妨，不過冇乜需要下次再食😬 仲有小食雞軟骨棒，一開頭睇賣相好似hea hea地，但食落又唔錯，好多軟骨粒粒喺入面，襯埋醬汁同大量蔥，味道好夾，如果燒得再重手少少就更香口更正～一人一碗麵，又加配菜，又加小食，又加嘢飲，都只係300蚊，真係比其他同類鋪頭抵食，味道亦出色，再加埋佢顏色靚🟡，絕對會再嚟幫襯😁…Read More

📍旺角𝙼𝚘𝚗𝚐 𝙺𝚘𝚔/ 九龍灣𝙺𝚘𝚠𝚕𝚘𝚘𝚗 𝙱𝚊𝚢❝人氣大排長龍沾麵店🥢💛回頭率唔高?!😶❞旺角個間成日大排長龍 我去九龍灣分店唔洗等🤣唔錯啦但覺得有更好選擇🙈要排隊食就未必再食😶(不過我本身對沾麵冇咩研究/愛-v-)🍜🥢魚介豚骨沾麵 $78 (3.5/5)湯底濃郁但可以再厚稠少少 入面仲有肥豬肉粒😚揀左冷麵口感煙韌都掛湯🥢仲有舊青檸添份清新酸味🍋叉燒有舊偏瘦有d乾同鞋…🥲另一舊半肥瘦就好好多😆仲有溏心蛋🍳✌🏻꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍一生懸麵旺角通菜街73號地下牛頭角牛頭角道3號得寶商場地下121號舖…Read More

好耐無食拉麵啦！之前食過旺角嗰間但日日都排長龍今次就試下九龍灣分店😋店舖位置好少 得兩張四人枱同一張長吧枱可能要行到入商場 雖然都滿座但人流唔算多所以唔洗等好耐～首先講我最愛嘅沾麵😍極中意呢度嘅麵底！佢本身已經係粗麵同好彈牙而我中意叫凍麵同加硬所以食落更加有口感🥰但又唔會覺得佢係生或者咬唔斷而浸湯一樣好入味～而材料嚟講 兩款一樣都係有蛋 兩塊厚叉燒同荀魚介嗰碗仲有青檸😛叉燒煮熟會再燒一燒 更加焦香😋湯底呢 兩款都有濃濃豬骨香魚介嗰碗魚味都濃 層次感再強啲～呢款拉麵特別在於好多蒜 芽菜同椰菜唔中意嘅話都可以喺點菜紙度剔走～因為有蒜 成個湯都好香好濃同時啲菜又可以令油膩感減低所以都係個唔錯嘅配搭————————————————————總結湯底真係好濃 用料十足最中意佢嘅麵底！真係好彈牙絕對值得回頭😋…Read More

這間細細的黃色拉麵店在德寶商場已經開了很久，但一直沒有嘗試。⁣⁣今天的晩餐相約了在酒店實習時期的supervisor 跟上司一起吃。他跟她真的很好，我們因為手作布口罩而再次見面，很感恩身邊有他們的支持。⁣⁣講番食物，我揀左魚介豚骨沾麵（$78），仲叫左雞軟骨棒（$28）同章魚燒（$28）⁣⁣餐廳職員話可以加一點青檸在沾麵上之後再落湯，我想是擔心豚骨湯會太油膩吧！沾麵的粗幼度我很喜歡，因為湯拉麵用的是幼麵條，而我喜歡粗身。豚骨湯味濃，所以我沒有加太多湯配麵吃已經很有豬的香味。兩塊的豚肉很淋，吃後口腔充斥面層炙燒的味道。⁣⁣至於雞軟骨棒同樣出色，咬下去滿口是軟骨的口感真係好正。🤣⁣⁣最後的章魚燒反而沒有特別，幸好內裡沒有很多的粉漿。⁣⁣…Read More

返左一個星期工，終於都到星期五，好攰😞唔想去得遠就近近地搵間拉麵店食算啦。店面好細，2張4人檯+10個吧位，吧位啲櫈會偷偷地自己縮矮🌚野食唔多揀，但做得好食真係幾款就夠。仲有一款期間限定，見到海膽係想食既，但一諗到响香港伏過幾次海膽，都係食返啲普通野算喇。自己填order紙，可以揀麵既硬度，要唔要䓤/筍等等。睇之前啲食評話個湯好鹹，原來張order紙都有講口味會比較濃，要淡口可以出聲。店員指示青檸汁唧落麵，湯汁攪勻就食得👍🏻我食麵一向第一啖都係試啖湯先，可能你覺得我廢up ，但魚介真係好有魚味，櫻花蝦真係好有蝦乾味🤣 叉燒夠淋身，麵我地都係食開軟麵，夠煙韌😋整體味道係好味，湯亦的確偏鹹，但美中不足係沾麵既湯汁唔杰身，掛湯方面可以改進一下。埋單時聽到原來可以轉粗麵，不過諗諗下唔係好掛湯情況下，我都係揀返幼麵算。…Read More

這間拉麵店的店面很小，只有數張吧枱位及兩張四人枱，但樓面卻站了三個人，令店面有點擁擠。當天不到晚上六時到達，當時只有兩名客人，店員安排我跟朋友坐在四人枱。這裡食物的選擇不算多，我們二人點了特濃豚骨沾麵、魚介豚骨沾麵、煎餃子及章魚燒。我點的是魚介豚骨沾麵，店員建議加點青檸汁以提味。呷了一口湯，實在鹹得緊要，基本上喝不到魚介湯味，全被過鹹的豚骨湯味覆蓋。朋友點的特濃豚骨沾麵湯底則一般，沒有魚介豚骨湯般鹹，就只是普普通通的豚骨湯底，味道亦不算香濃。麵條方面我選了凍麵，硬度選了較硬，因為硬的凍麵一向比較彈牙有咬口。可惜這裡的硬麵仍是軟軟的，跟朋友點的普通硬度差不多，口感欠佳之餘掛湯力也不足，有點麵和湯分開吃的感覺。要讚的是叉燒燒得香口，味道不錯；溏心蛋不會太生或太老，煮得剛好。我一向對拉麵舖的其他小食不會抱太大期望，這裡的煎餃子中規中矩，$25五隻餃子算是實惠。章魚燒熱辣辣，可惜燒得不夠，外皮過軟不夠挺身，內裡也吃不到章魚，只吃到整顆軟身麵團加醬汁，不建議點這道小食。整體來說，如果點特濃豚骨湯底的話還可一試，畢竟在香港吃拉麵沾麵消費不低，以這個價錢在香港吃沾麵的質素來說可接受，CP值算不錯。但如果點的是魚介沾麵，就算價錢再低我也不願回頭再來，因為湯底實在鹹得誇張，吃完還口渴了一晚。…Read More

雲丹拉麵 $93雲丹係日本人對海膽既叫法 其實呢個係海膽豚骨拉麵🤩海膽預先炙燒過 新鮮甘香 完整一片片唔易鬆散 一啖麵加少少湯再加片海膽食好幸福😭💛湯底愈食會愈重海膽鮮味 而拉麵既掛湯力都好強 可能係因為拉麵偏幼身 但亦都因麵條煮得過淋而欠缺彈性評分：8/10.魚介豚骨沾麵 $73本身諗住魚介豚骨湯底味道會多層次啲 可惜呢碗既魚介粉唔夠 魚介味被豚骨味蓋過😕但湯底濃郁得黎唔會死鹹 亦可隨意落青檸汁吊味 沾麵麵條掛湯力還可以 可選冷/熱麵同軟硬度 小編認為麵質偏淋 想有韌勁啲可以揀偏硬💁🏻‍♀️半肥瘦既叉燒燒到帶焦香🤤不過溏心蛋就熟左少少唔夠流心啦🙁評分：7/10.煎餃子 $25煎餃一共有5隻 餃子皮偏乾硬 餡料胡椒味重 但食落唔係好juicy 睇黎都係專心食麵好啲🙈評分：5/10…Read More

特濃豚骨沾麵 ($68)魚介豚骨沾麵 ($68)辛辣沾麵 ($68)雞軟骨棒 ($25)魚介豚骨沾麵麵質可選軟硬度 (我就鍾意食硬D既，而呢個硬既硬度非常好)麵既話，我會想再粗身D，純個人喜好，同埋我覺得麵既掛湯力有進止空間半熟蛋我表示唔錯，但荀片好淋，煮得耐左啦沾麵湯如店舖所言係偏濃味的，不過因為佢講定，所以都係可以接受到的程度 (特濃豚骨沾麵/辛辣沾麵偏濃味，魚介豚骨沾麵就正常既)(anyway周月暫時仲係史上最重口味)叉燒肉有驚喜，食落勁香，仲會用火槍燒過個面呢碗偏濃味的沾麵係無味精feel，食完不會話要狂喝水，所以係唔錯既雞軟骨棒醬汁惹味，肉質夠嫩再混左脆既雞軟骨，唔錯，叫得過…Read More

是日繼續地獄考試之旅😵趁考完上半場有鬆動啲既食飯時間一於跟地膽同事黎食下沾麵啦😆🍜一生懸麵位於牛頭角得寶商場喺九龍灣站B出口行過黎亦算方便🙈呢間小店雖然座位唔多但環境裝修都幾有日本拉麵小店特式加上有位日本師傅坐陣煮麵👨🏻‍🍳風味十足😆如果黎食既朋友們請預啲時間等候啦🙊最後我叫左至愛既魚介豚骨沾麵🐟🐟🍜另外再加配半熟蛋同紫菜😆麵質軟硬度適中🍜跟沾麵另上既湯夠哂濃郁有驚喜😋🍜麵亦好掛湯吸收左唔少湯底既精華😆食落好入味☺️叉燒肉則脂肪比例均勻😆食落亦富有油香🤤半熟蛋就中規中矩食落都夠滑嫩😋如果有埋流心效果會更佳🙈而紫菜可能因爲擺耐左而影響口感如果更脆會更佳🙈…Read More

係日本返黎之後，就一直好掛住果到食過既一碗掛湯力強、麵質彈牙既沾麵唯有係香港揾返間日本人做既餐廳頂住癮先～order左特濃豚骨沾麵同魚介豚骨沾麵其實兩碗麵既配料同麵底都相同，只係湯底唔同我就覺得兩種湯底既味道大同小異，如果中意食濃味啲既朋友就推薦特濃豚骨湯，而淡口味既朋友就會中意魚介豚骨湯。同埋特濃豚骨湯浮面既油脂相對較魚介豚骨湯少。湯底味道唔差既，食完唔會頸渴，食到最尾都唔會太膩，湯入面仲有兩舊肉添，肉質幾嫩嫁，湯底表現算唔錯既哩到既沾麵選用既係小麥拉麵，同我係日本食既係一樣嫁！(哩個係我想試哩間沾麵既最主要原因)當然，哩到既麵質冇日本食到既咁好食。我中意食彈牙爽口既麵，所以叫左硬身果種，但黎到啲麵好似煮耐左咁，漿住左，可能無過冷河，成塊面餅咁。食落麵質無口感，無特別其實都幾失望，因為我最期待既係佢既麵質～配料方面有溏心蛋半隻、兩片叉燒同四片筍溏心蛋普通，蛋白唔彈牙、蛋黃過熟唔流心，蛋係無味嫁，嚴格黎講唔可以話係溏心蛋，只可以叫半熟水煮蛋叉燒係半肥瘦叉燒(油脂其實較少，瘦肉部份佔多)，因為上台前用火槍燒過，油脂既香氣逼出黎，多左炙燒既香味，加上瘦叉燒肉肉質嫩滑，幾好味！平時見到半點肥肉就調頭走既我都食左兩小塊筍算爽口，但就無咩特別總體黎講，哩碗沾麵唔算差，但唔會有突然想食既衝動一生懸麵無論係店鋪形式、經營模式同選用既麵都同日本一模一樣，其中一、兩個廚師都係日文溝通添。雖然係貼近日本既感覺，可惜味道、彈牙口感既麵質仍然不能同日本既相提並論，睇黎要食返好食既沾麵，要留意住幾時有飛日本既平機票啦！…Read More