Dab-pa Peking & Szechuan Bistro

母親節正日帶媽媽食小籠包同酸菜魚，上網book左位，一行五人幸運有個sofa位坐，而同行有小朋友，女侍應亦很細心準備了bb椅同兒童餐具。分別叫了小籠包，鍋貼，酸菜魚，炒飯，高力豆沙，酒鑲丸子，同豆漿。 當中最出色是酸菜魚，呢度是一整條魚上，d魚一d都唔「醒」，應該是新鮮魚，啖啖肉，另外還有煎了的魚頭魚尾，我媽說很好吃，她讚個不停。湯亦很濃味，夠惹味，下次會再來吃。另外要讚一讚當日serve我哋枱的馬尾帶眼鏡女侍應，她經常會留意我哋有咩需要，見我哋唔食得太辣主動提議酸菜魚辣油可以另上，亦得閒會撩我小朋友傾計，態度幾親切。之後吃到一半，餐廳送上每位母親一朵母親節花，很有心思。今餐不錯，媽媽亦很滿意，會encore呢度👍🏻小籠包，鍋貼，飲品冇影相，其他影了，食得非常飽。…Read More

見到佢哋有得食片皮鴨，就去試一試。如果就咁叫半隻片皮鴨，要$208。見到佢哋有個二人餐， $400多啲，個餐入面已經可以揀半隻片皮鴨，所以就叫個二人餐啦。個餐入面，除咗半隻片皮鴨，仲揀咗四隻小籠包同埋一碟奶油津白。個餐會包兩碗飯同埋兩隻高力豆沙做甜品。額外再叫多咗一個咕嚕肉同埋抄手。首先服務員態度非常好，有耐性介紹菜式。上菜速度亦都幾快。環境不過不失，算係舒服嘅。片皮鴨嘅話，鴨皮鴨肉分開，適合一啲可能只係鍾意食皮唔食肉嘅人。鴨皮部份其實鴨香唔重，冇乜油份。鴨肉反而多啲鴨香，亦都唔會好乾柴，反而幾Juicy. 奶油津白幾好味，抄手辣到適中，就算唔食得辣嘅人都應該接受得到。小籠包皮薄多汁。高力豆沙都唔錯。鬆軟，又唔會太甜。整體來講，味道唔錯。唔可以話超級好味，應該算中上。坐得又舒服，好過啲平但係一大陣味嘅酒樓。…Read More

今日系結婚40週年,仔，女話請我兩公婆食番餐所以揀咗我最愛嘅上海菜，行左去家附近屯門市中心,一家開冇耐嘅稻成小館，行到門口已被大張的食物poster吸引，入到去睇埋餐牌，原來系有上海及京川嘅fusion菜，店舖好open,裝修好新，坐嚮入面可見到外边D商店及人來人往，跟其他傳统店舖不一樣，侍應就十分忙碌，可能人手唔多夠，見佢地不停跑來跑去，都真系好辛苦，雖然系感，個侍應姐姐都幫我地添咗3次茶，招呼算唔錯架哪😃😃、…Read More

屯門市廣場入面嘅間格好鬼騎呢，啲餐廳嘅鋪位好似要轉好多個彎至搵到心血來潮突然好想食烤魚，咁啱見到稻成小館有，二話不說入去試下。坐低後個個店員都笑容滿面，幾好禮貌，係bonus餐廳推介水煮系列，但因為怕太辣，所以嗌左小辣烤魚烤魚嘅份量算多，條魚都算大條同埋厚肉！食落去真係啖啖肉，唔係啲奀瘦魚仔不過都要小心有幼幼嘅骨。個味道好夠香濃，初頭黎到都冇話好大陣香味，但開爐後越煲就越濃味，味道亦越黎越香，如果配白飯或紅薯粉，真係一流！炸醬麵嘅麵底好好咬口，好好味！估唔到嘅係炸醬竟然喺我地食完晒啲麵之後仲有一大patlunch/下午茶嘅話，呢個麵真係抵食同好食之選！黑松露小籠包係限量發售二十件的。係一籠一舊。超！多！肉！汁！ 呢隻大大隻嘅小籠包係冇可能一啖食得晒，一咬落去一定會爆汁，啖啖肉點都嗌個菜黎𡁻下，奶油津白對比起剛才嘅重口味食物當然較清淡，但其實佢嘅奶油底都好香濃，呢個又真係估佢唔到嘅。之前喺茶木食過，覺得味道淡淡，只靠櫻花蝦吊味，但稻成嘅奶油津白真係真材實料！甜品time!!! 嗌完等左一陣，新鮮整比我地嘅豆沙球黎到時仲暖的！食落去滿滿嘅餡料同暖暖地嘅糕底，帶比我地幸福嘅感覺稻成小館係真係估唔到樣樣都好水準啊！下次有幫襯！…Read More

今天和朋友到屯門市中心買嘢後，順道一起晩飯，朋友話想食得淸淡尐，於是，搵下搵下，揾到稻成小館稻成小籠包小籠包大大隻，皮薄又唔腍，一咬湯汁出哂來，好鮮甜，入面豬肉幼嫩, 唔靭番茄豆腐魚片湯，材料有蕃茄、豆腐及魚片魚片有很多片，魚肉顔色雪白，新鮮，唔腥，豆腐豆味香濃，食落好滑溜，蕃茄湯好好飲，如果再多尐蕃茄會更加好京蔥爆牛肉牛肉炒得唔靭，而一段段京蔥炒得十分惹味，兩者一齊食，味道更加豐富高力豆沙熱辣辣高力豆沙賣相唔錯，外面炸得好香，豆沙唔甜，好食…Read More

作為一名貨真價實的吃貨，搜尋美食是人生的一大樂趣。每次見到新店開幕，總有衝動內進一試。心動不如行動，未夠12點，人客不算多，可以入內一試。店內位置寬落，卡位較多，坐也舒適。看餐牌，午市套餐的價格在$4x至$7x不等，麵飯小炒大概有20多個選擇。酒槽醉雞 配白飯，豆漿 $68雞件入口花雕酒味濃郁，少許苦澀，肉質尚算嫩滑，沒有雪藏味。在這炎炎夏日，這款涼浸浸的美食更是對合我心意。京蔥爆牛肉 配 白飯，豆漿 $68很下飯的一款小菜，牛肉腍滑入味，相對於牛肉，京蔥的香味更為吸引，脆口帶些少香甜，一口白飯，一口配菜，正！套餐另加$8可以加紅油抄手3隻，十分抵食。肉餡飽滿，辣油的辣勁適中，不會喧嘩奪主，一啖一隻，剛剛好。侍應推介的必食點心蟹粉小籠包，一籠四隻，晶瑩半剔透，皮薄有韌度，夾起不易破。一口咬下，湯汁立即流出，蟹的鮮味分明，十分出色。相對於皇朝小籠包專門店的出品，不相伯仲，是近期吃過最皮薄餡靚的小籠包了。甜品點了高力豆沙，入口柔軟如綿，內裡紅豆蓉較為甜，若甜度調低一點會更好。可能新張不久，一到午市繁忙時段，侍應顯得手忙腳亂，希望日後可以改善下。…Read More