Thai cool (Hung To Road)

咖哩軟殼蟹麵包 🦀賣相好得 咖哩唔太濃味 偏甜 點包食一流😋 (如果個包可以脆啲就更好!!)小食拼盤有春卷 蝦餅 魚餅 同單骨雞翼 正常水準 👍🏿馬拉盞炒通菜份量係出面食開嘅兩倍🤣 (張相影嘅時候已經食左1/3😂) 唔會太咸太辣😋青檸薄荷梳打一入門口就有棵好應節嘅深黃桃花樹 Yell Card機 同埋一啲好黃嘅postcard 💛💛💛…Read More

串燒拼盤（細）• HKD $88勁大份，超抵食！兩個人食係會飽架，要小心串燒黎講有晒牛豬雞，個人覺得雞肉最好食除咗串燒之外仲有蜜汁燒豬頸肉，調味唔錯，不過肉質比較鞋～冬蔭功明爐烏頭 • HKD$168呢個冬蔭功唔太夠味，如果可以酸d會更好～魚肉要食到近尾聲先入味馬拉盞炒通菜 • HKD$68份量大，調味又唔錯，鑊氣就爭少少同埋感覺d菜就有d老🤔整體：環境幾好，坐得好舒服～野食份量比較大，細食嘅朋友按人頭叫就好了～…Read More

放工趕住去上堂，頂到9點終於有晚飯食，喺附近見到有泰國菜，二話不說衝入去。門口有有兩尊泰像，一睇就知有泰菜食。冬蔭功夠酸夠辣，落咗唔少香料，幾開胃。除咗蝦之外仲有好多魷魚，頗為足料。咖哩軟殼蟹係我哋最鍾意嘅一道，用嘅係黃咖哩，味道偏甜。軟殼蟹炸得酥脆，而且都唔細。配上香滑嘅咖哩，餸飯一流。馬拉盞炒通菜亦唔錯，非常惹味，同樣係白飯殺手。最後為咗獎勵自己，我哋叫埋芒果糯米飯，糯米飯由三色飯組成，帶微鹹，椰汁味道好香，芒果亦算香甜，為忙碌過後嘅晚餐劃上完美句號。…Read More

雖然觀塘有個大型shopping mall, 但我同朋友總喜歡捐窿捐罅搵食, 通常都搵到意想不到驚喜!今日走到近工廠區一帶既十字路口, 見到間樓上泰菜, 門口看看價錢唔貴, 雖然錯過左下午茶時段, 但總想入內一試!餐廳整潔, 設有卡位, 座位舒適闊落。一般泰國菜餐廳食物款式都很齊全, 價錢公道~ 【無骨鳳爪沙律】HK$78份量多, 無骨鳳爪酸尾尾, 每件鳳爪中心位都連帶左軟根位, 既開胃又滿足到口感。【馬拉盞炒通菜】HK$68炒得幾有穫氣, 通菜爽脆, 當中既馬拉盞香料令整體更為惹味【冬蔭功鮮蜆肉意粉】HK$78冇預期中既辣, 偏向乾身, 蜆肉冇沙, 味道其實唔錯, 但意粉質地煙韌, 如果林返d會更加好。 …Read More

同朋友見依間新野，特登去食。不嬲最愛係食秦國野，但依間就不過不失。生菜包、紅咖喱做得唔錯，值得再叫。但好奇怪係馬拉盞炒通菜好甜，好奇怪。燒雞翼最失望，唔夠熱又干。我杯三色冰太甜，朋友話佢杯龍眼冰唔錯。…Read More