Daokeaw thai restaurant.

幾年前食過呢間，假日下午2點食都要大排長龍🫨🫨 【燒牛肉】$108可以揀5/7成熟，燒得好好，肉質嫩滑！另外再配埋個醬汁，微辣亦都可以減低燒肉嘅油膩感！【生蝦】$108特別要講生蝦個汁，好出色！不過要注意返有少少辣⋯⋯ 蝦頭就炸左，蝦膏都多，味道都唔錯！【馬拉盞炒通菜】$78呢碟份量滿滿，炒得勁有鑊氣！絕對餸飯一流🤤【Pad Thai】$88金邊粉就覺得普通，雖然炒得幾好，亦都好足料：有蝦、豆乾、蛋絲、芽菜等！但個味道就唔係太出，偏淡身～飲品- 龍眼冰 /青檸梳打 $28百香果沙冰$35百香果沙冰真係消暑解渴🤙🏻 好清涼又好fresh!…Read More

九龍城最出名嘅泰國餐廳就係呢間泰金國，雖然餐廳入面嘅環境比較逼，但次次嚟到都一定係大排長龍！今次就同一班朋友嚟到呢到叫多啲野食大家Share，咁就可以試多啲唔同嘅野食啦～泰式木瓜沙律💰HK$68木瓜切到一絲一絲，酸酸甜甜，好開胃～泰式生蝦💰HK$108生蝦彈牙爽口，非常新鮮，襯埋個泰式酸辣汁，夠哂正宗～泰式肉碎生菜包💰HK$88肉碎食得出係用咗好多香料去煮，再加埋爽脆嘅生菜夾住一齊食，正呀～泰式拼盤💰HK$148拼盤好豐盛，有4種小食，包括蝦餅、魚餅、炸雞卷、皮蛋炸撒，其中蝦餅最好味，口感夠彈牙～燒牛肉💰HK$88呢到嘅招牌菜之一，我地叫咗7成熟，外層燒到焦焦地，入面嘅肉仲係粉嫩嫩，食落口係好濃嘅牛肉味，好juicy，點埋啲秘製酸辣汁更惹味～泰式冬蔭功💰HK$138好足料，大蝦都有幾隻，味道偏酸～馬拉盞炒通菜💰HK$78通菜質地爽脆，炒得都幾有鑊氣，辣辣地好惹味～泰式炒金邊粉(蝦)💰HK$78材料都好足，夠鑊氣～…Read More

一路都知道哩間泰國菜好出名，今次星期五收工專登約左fd黎試下😌7點到左就發現已經大排長龍，我哋排左一個鐘先入到去🤣食到先知原來排隊係有原因，啲野食全部都好滿意👍燒牛肉🥩好大一份.可以揀熟度，我哋揀左7成👌對我哋黎講啱啱好，牛肉表面稍微有啲焦焦哋，非常香口，唔點汁都已經好好食🤤個汁係鹹酸口，點落好開胃泰式炒粉絲唔知大家鍾唔鍾意食粉絲？我超級鐘意因為可以好入味！哩個粉絲就係入味嘅好範本，肉碎配上少少辣味，真係好正👍燒雞翼好味好味，係蜜糖味可以食冬陰功湯料好足！…Read More

這間位於九龍城的泰國菜餐廳，必定是泰國菜的首選，經常有長龍排隊的情況，所以提前多點時間是必要的。但是，我可以告訴你，它值得等待！這家餐廳的招牌菜是燒雞翼，每隻只需18蚊。這是一種全隻上菜的燒雞翼，色澤金黃，外皮烤得香脆，內裡多汁嫩滑。咬下去時，你可以感受到肉質的鮮美，絕對是一種令人難以抗拒的美味享受。另外，他們的燒豬頸肉也是一絕！肉質有彈性，咬下去時帶來即時燒烤的感覺，讓你彷彿置身於泰國的街頭美食攤中。這道菜物超所值，口感絕佳，絕對能夠滿足你對於泰國燒烤的渴望。除了這些招牌菜，餐廳還提供各種傳統泰國菜式，如泰式拼盤、冬蔭功湯等，口味地道，豐富多樣，記得試埋佢Ｄ沙冰，都好好飲。雖然，餐廳的服務就一般一盤般，可能人客多人手少，但有效率，食物都上得好快。總而言之，這家九龍城的泰國菜餐廳是一個值得一試的地方。它以燒雞翼和燒豬頸肉為招牌菜，味道美味，價格實惠。如果你喜歡泰國風味的燒烤美食，這裡絕對是你的首選！…Read More

燒牛肉推到口臭，今次推真點食到口臭嘅蒜蓉包同生菜包啦🤭！・・・・・・・・・・・・・・・・・・・・🍞 蒜蓉包 6件 HK$28 👍・味道：重蒜味但個包又唔會油，愛口臭嘅肚波大喜。・口感：睇住佢係爐上面燒，外皮微脆但麵包軟熟！🍜 泰式乾炒海鮮河 HK$88・味道：真係乾炒，食哂碟底冇乜油！蝦同鮮魷都新鮮係少咗啲。・口感：河粉令身。海鮮新鮮彈口，菜心鮮甜。🥬 馬拉盞炒通菜 HK$78 👍・味道：食得出鑊氣！醬汁亦足，比起出面嘅醬冇咁重味，通菜冇苦澀或泥味～・口感：鑊氣十足，通菜莖爽脆。🇹🇭 泰式酸辣鳳爪 HK$88・味道：酸辣度調得好好，開胃。・口感：好爽好脆XD本波唔食鳳爪，輕嚐一下only～🥦 泰式肉碎生菜包 HK$88 👍・味道：偏辣少咸非常好，因為市面有啲好咸好油～個辣係食完先有個後勁攻返上嚟！・口感：肥瘦均稱，生菜爽甜，肉碎有脆口微生但唔澀嘅洋蔥吊味，好食。🍲 泰式冬蔭功 (細) HK$98・味道：唔係扮哂嘢蕃茄湯，係真點冬蔭功XD聽到隔離枱望咗好耐又話好足料，內有兩大邊開邊虎蝦同秀珍菇。・口感：酸辣度夠～🥩 燒牛肉 5成熟 HK$88 👍・味道：今次真係5成熟喇，不過外皮冇上次燒得咁香口，但同樣咬一啖成個口充滿牛脂香，大滿足！・口感：冇筋喎今次，叻！🥥 椰青 HK$42・味道：正常椰青，甜！🧋泰式奶茶 少甜 HK$25・味道：少甜都仲係好甜XD🥭泰式芒果沙冰 HK$38 👍・味道：今次喺呂宋芒啊！唔係水仙芒了！芒果季要來了(尖叫！)！・・・・・・・・・・・・・・・・・・・・🤰性價比：高～🤰9衝度：9衝～🤰結論：唔敢講全九龍城最好食泰菜(因為未試哂)，但個燒牛肉就一定係必食㗎喇！…Read More

食呢間真係預左要排隊，即使８點幾都見到門口長長人龍，同埋佢九點半就會截單，人龍都會一定時間就截，有啲比較出名既野食都好快賣哂，當日就食唔到生蝦同埋芒果糯米飯。但真係排隊都覺得值得，真心好食，絕對會再返黎食！ 泰式燒牛肉沙律 $98★★★★☆燒牛肉建議大家叫五成熟，黎到剛剛好。同埋記得趁熱食，仲加滋味！食落個牛好香口帶有燒嘅風味，食落帶有硬勁，越咬個牛肉就越多汁越香，佢牛肉跟一個辣醬汁，超級惹味同辣口，比起平時泰式醬再多啲野同埋個味道豐富好多，但只可以每次點少少，唔會蓋過味道之餘又香，但唔好太多因為真係幾辣。呢個菜式其他地方冇呢個水準，必試！馬拉盞炒通菜 $78★★★★☆呢一碟份量滿滿，通菜同馬拉盞真係無敵呢個組合。馬拉盞有XO醬嘅或香、風味，但再比起本身更多左鮮味，搭埋爽脆嘅通菜同小小蝦米，口感、味道一流。絕對餸飯！真係食極都仲有，抵食。泰式冬蔭公 (細)$88★★★★☆冬蔭公超級香濃，飲落似汁多個湯，料又足，差唔多料仲多過湯。味道好濃郁，個酸辣味好突出，香料味重。有1隻半海蝦，中間開邊，蝦頭身身有膏好肥美，肉質結實唔會霉。又有一啲秀珍菇，滑溜又索湯。叫細份都夠三個人分，大概每人分到1碗半多啲。飲完特別開胃！泰式拼盤(細) $108★★★★☆泰式拼盤分別有炸蝦餅、炸魚餅、炸雞肉卷三款小食。炸魚餅煎炸得好香口，味道唔會辣，魚肉帶小小檸檬葉香氣，但又唔會太勁，令到人卻步，同埋食落口唔會太油膩同有好益味。炸蝦餅好酥脆外皮，入面啲蝦肉好彈牙，唔會全部都係粉。加埋酸酸甜甜嘅泰式醬，真係勁快KO。炸雞肉卷細細舊，一啖一件岩岩好，食落本身以為魚蛋之類，因為唔太似雞肉口感，呢個就正常發揮，冇炸蝦餅同炸魚餅咁出色。泰式肉碎生菜包 $88★★★★☆雖然叫左小辣，但都好辣下，即使我平時食得辣嘅都覺得辣，辣個後勁都會停留一陣，大約1分鐘到就會開始冇咁辣，或者飲番淡飲品都可以中和到，但佢辣得黎開胃惹味，肉碎唔會好乾身，仲有啲乾葱蒜蓉檸檬配料，食落個味道同口感豐富，雖然辣但都忍唔住再包黎食。同埋呢到個菜同肉碎比例係岩岩好，因為好多時會剩番哂啲肉碎冇哂D菜。泰式炒金邊粉 $78★★★☆☆呢個泰式炒金邊粉就正常啦，勝在炒得乾身得黎帶少少濕，唔會一PATPAT，同埋都幾足料有蝦、蛋絲、芽菜、豆腐乾等等，同埋炒得幾均勻。但個味道我覺得可以再出啲濃啲，而佢唔係帶酸甜個款金邊粉。泰式芒果沙冰 $38★★★★☆沙冰我諗係呢到嘅必點之一，佢飲落係天然芒果味道，應該落左芒果肉落去加冰打，所以唔會好快就溶哂。又唔會特別甜，解渴又解辣，大大杯都只係$38蚊,絕對必點。泰式百香果沙冰 $35★★★☆☆飲落有百香果味，但就偏向百香果糖漿味啲，但都係好味，只不過冇芒果咁天然個味。同埋呢個口味會甜啲，少左百香果個微酸味🌟總括：打入我心目頭泰國菜頭三名，整體味道、質素、價錢各方面都好好，係要排隊時間長。基本上餐牌上嘅野都唔會有伏，可以放心盲點，但燒牛肉、沙冰必點！…Read More

推薦： 🍉🍉🍉🍉🍉 (5/5)   味道： 🍉🍉🍉🍉🍉 (5/5)   價錢： 🍉🍉🍉🍉🍉 (5/5)   打卡： 🍉🍉 (2/5)   位置： 🍉🍉 (2/5)   回訪： 🍉🍉🍉🍉 (4/5)  泰式酸辣鳳爪 $88 🍉🍉🍉選擇分汁係一個好明智嘅決定，因為啲醬汁實在係太辣😂食第一隻個時唔知咁辣，浸到成隻都係汁，飲咗成杯水都仲係覺得好辣🔥 佢係泰國香料個種辣到覺得痛嘅感覺，如果唔太食得辣嘅話記得叫分汁😂蒜蓉包 $28 🍉🍉🍉🍉🍉烤到舖面嘅蒜蓉牛油乾乾哋，但係又未乾到塊包都無哂水份，啱啱好😍 外脆內軟，如果再多啲蒜蓉就好啦😍泰式肉碎生菜包 $88 🍉🍉🍉🍉肉碎嘅調味充滿泰式風味，肉料微辣，肥肉/脂肪偏多，唔知點解咁多汁，有一半嘅肉碎都浸喺汁入面，包生菜個陣要超小心，如果唔係就會滴哂出嚟🙈第一碟跟肉料上嘅菜完全唔夠食，肉碎仲有一半碟菜已經所剩無幾，要多碟菜要另加$10燒牛肉 (7成) $88 🍉🍉🍉🍉🍉基本上每枱都會叫一碟嘅招牌菜，係窗外會望到牛肉係會先係氣炸爐整完之後再放上爐燒，肉質唔算優質，唔係入口即融，甚至有啲位會有少少韌，不過燒得好有火候，另上嘅醬汁酸酸辣辣，辣度比鳳爪個汁無咁辣，差唔多吞落口先會感受到陣辣味，同牛肉好夾今次呢碟叫7成熟有啲太熟，有啲邊位已經變咗全熟咁濟，下次會叫5成泰式冬蔭功 $138 🍉🍉🍉🍉🍉終於飲到一碗比較似樣嘅冬蔭功😭 冬蔭功湯通常都係我去食泰國餐廳必叫嘅菜式之一，但係唔係間間都整得好飲，一係就等個酸字，一係就得辣味，有啲仲衰啲，得蕃茄味🙈 呢碗真係做到恰到好處，微辣得嚟帶少少酸味，非常開胃，魚露突顯埋湯入面嘅鮮味，真係好正😍 而且湯料超級多，起碼有4隻大蝦，蝦肉亦都無因為用咗嚟煲湯令到肉質變韌/霉，非常推薦👍馬拉盞炒通菜 $78 🍉🍉🍉🍉通菜炒起上枱都係非常翠綠，好新鮮，菜梗爽脆，菜葉淋嫩，落埋蝦仔一齊炒，好入味👍蝦醬炒飯 (豬肉) $78 🍉🍉🍉🍉就咁睇以為呢碟飯好細碟，但係最後我哋6個人都食唔哂呢碟飯😂蝦醬配埋肉鬆、炒蛋真係非常夾，飯粒顆粒分明， 炒得好香，不過略嫌洋蔥太大條，如果切粒/細條少少就會更好😍泰式燒雞翼 $36/2 🍉🍉因為排隊等得太耐，見燒雞翼好吸引，叫咗人頭計各1隻燒雞翼😋 雞翼肉汁好豐富，燒到雞皮微焦，食落脆脆地，不過無乜調味，感覺就係食雞嘅原味後記💟 星期日晚去食，由6點15排到差唔多8點先入到去，輪候時間超過1.5小時💟 用餐時間75分鐘📍 泰金國地址：九龍城侯王道9號地下A號舖…Read More

朋友7點九左右到等到差唔多九點先入座排咗咁耐隊真係好期待果然冇令我哋失望入面每一樣食物都對得住個價錢而且好大份 尤其是個炒金邊粉幾有鑊氣本身自己都唔係特別鍾意飲冬陰功湯但係飲完一啖之後發覺真係好正 燒牛肉朋友都話幾好食四個女仔叫咗咁多樣嘢真係眼闊肚窄最後要打包走不過咁多樣嘢令我最有驚喜嘅都係馬拉盞炒通菜大份得來第一啖食落去真係覺得好好食未食過咁好食嘅馬拉盞炒通菜！好有鑊氣又好香味道都非常適中鳳爪就比較辣反而覺得蝦餅皮蛋就正正常常可能太高期望…Read More

早排係”香港牛扒關注組”入面，見到有好多人都大力推介既一間食碳燒牛扒好正😋，位於九龍城嘅泰國菜館🔥泰金國🔥，我7:00pm去到門口個陣，已經見到有條長龍排緊隊，目測有約20人好誇張，最後排左超過成個鐘先入到去。😂😂😂😂📍#泰金國 1. 碳燒牛扒 ⭐️⭐️⭐️⭐️⭐️今次專程黎試嘅呢塊牛扒，因為係香港牛扒關注組排top5,所以我有很高期望。雖然佢都真係幾好味，不過期望過高，冇我想像中咁出色，但亦不失為一塊好食嘅牛扒。但考慮到佢既價錢，絕對無投訴，價廉物美🥰🥰其他菜式就係九龍城泰菜水準，都唔會失望既🤣2. 泰式鳳爪 ⭐️⭐️⭐️3. 生菜包⭐️⭐️⭐️⭐️4. 碳燒豬頸肉⭐️⭐️⭐️⭐️5. 炸蝦餅⭐️⭐️⭐️6. 菠蘿炒飯⭐️⭐️⭐️7. 馬拉盞炒通菜⭐️⭐️⭐️🍽 環境 ⭐️⭐️⭐️🤵🏻‍♀️ 服務 ⭐️⭐️⭐️😋 味道 ⭐️⭐️⭐️⭐️💵 CP值⭐️⭐️⭐️⭐️🤓 Overall ⭐️⭐️⭐️⭐️😇 回頭度⭐️⭐️⭐️⭐️…Read More

之前經過同睇到食評因為佢嘅燒牛肉而排隊嘅，上次嘗試過排不過唔成功，不過今次6點幾就到店外排隊，雖然係短短嘅隊等咗30分鐘總算入到去食啦。我哋叫咗一馬拉盞炒通菜少辣，唔知係咪我唔係好食得辣，都覺得好很辣生蝦，我本身唔食生嘅蝦所以比唔到評分，但我身邊個位感得個炸蝦頭好食過啲生蝦泰式咖喱炒青口，青口食得出係雪藏青口，好大陣雪味，完全唔入味。咖喱還咖喱青口還青口，咖喱又唔辣上面有一大層油，完全唔好食！最期待嘅燒牛肉最尾出場，所謂期望越大失望越大，有比較就有傷害。燒牛肉熟過龍，牛肉多筋無咩肉汁而且都幾韌吓。大家可以參考吓我另一個食評，個份燒牛肉就真係叫好食啦！呢間餐廳嘅唯一好處係比較大同光猛，食物質素就。。。最後我身邊個位講咗句，排唔到隊食唔會有損失…Read More

九龍城一直都係泰國菜既集中地 當中最出名既莫過於呢間泰金國 雖然寫左有wts/電話訂位 但係鋪頭話只有walk in😂 禮拜日都預左多人 由1800開始排 排到1840先入到座 都算係咁架啦 一行5人 叫左8樣野 味道同價錢相符 都叫抵食 （笑話一則... 以為側邊蝦頭係伴碟用 食哂生蝦就叫人收左隻碟 店員提醒先知炸蝦頭都食得.... 失禮失禮😂）整體黎講不過不失 價錢同質素都相符但係又未至於去到要排咁耐去試🙈 店鋪內疫情問題都擺少左座位 通道較窄 店員上菜都有d困難😂 環境衛生就小店水準啦 唔好期望好乾淨 有緣經過可以一試 太多人就唔好排啦 限時食飯75分鐘 可以加單一次 大家排隊就好睇定食咩啦🤤…Read More

星期日六點左右黎到已經見人龍，等左40分鐘終於有得入去啦！環境企理光猛，不過waiter就好似唔想做野咁🤔等左陣都未攞餐牌黎。見到空碟，檯面又唔夠位擺野食都唔會主動幫手收碟。生蝦平均$12隻，肉質彈牙。蝦頭炸到脆卜卜，又唔會好奇怪wo！好似平時食炸野咁～都係第一次見會炸埋蝦頭，有心思蒜蓉包燒得岩岩好，香脆有濃濃牛油味可惜就無咩蒜蓉味啦泰式冬陰功入面有菇、番茄同少少蝦，配料味道正常。不過個湯好酸仲鹹到苦泰式燒雞翼雖然只係好普通既燒雞翼，但火候控制岩岩好。唔會太熟保留肉汁燒牛肉見好多人推薦滿心期待咁叫，但真心失望。舊牛本身就好瘦仲要有筋。加上燒既火力唔平均搞到中間全熟，真係咬都咬唔開。另外個醬同牛一d都唔夾。泰式燒豬頸肉相反豬頸肉爽口，香得黎唔會肥到漏。醬雖然同牛肉一樣少少酸辣重香料味但帶出到豬味。泰式炒金邊粉大大碟粉，過濕，味偏淡。馬拉盞炒通菜又係成碟水呀⋯唔係太食到馬拉盞既味道。泰式西瓜沙冰、芒果沙冰、百香果沙冰沙冰類質地打到好綿密，明顯都係水果加糖水。最好飲就係芒果沙冰啦，飲得出係用泰國青芒，清新味道好適合濃味泰菜呀。椰青每次叫椰青都係靠運氣，因為隻隻既味道都唔同。今次叫左兩隻椰青，都一樣咁甜，果肉又淋又滑…Read More

九龍城不嬲都係出名食泰國菜嘅地方，因為佢最多就係泰國菜同潮州菜餐廳，可以被譽為香港嘅小泰國，以前好少去九龍城，因為交通唔方便，屯馬線又未開通，但就算未開通個時，呢一間泰國菜嘅人龍一直都有，因為佢係唔少人心目中香港最好食嘅泰國菜。泰金國係一間九龍城嘅泰國菜餐廳，由泰國人主理，老闆娘係泰國人，由泰國嫁來香港，同丈夫一齊開舖，已經係九龍城開業差唔多12 年，以前佢係喺衙前圍道，係一間細舖，之後係上年年尾搬咗係侯王道既大舖，可以喺疫情疫市情況下搬大舖，證明佢嘅生意完全冇被疫情影響過，係屯馬線開通後，老闆娘話員工忙到飯都冇得食，就咁經過下間間餐廳都要排隊。咁好食咁出名嘅餐廳仲要係良心小店，喺餐廳出面嘅玻璃已經見到。以前餐廳淨係做晚市，六點鐘開門，所以五點幾就嚟六點就會見到人龍，依家搬咗新鋪就連午市都做埋。特別一提雖然佢嗰個電話寫住可以whatapps報名，我嘗試過佢話呢家無得訂位，得walkin。話晒係香港數一數二泰國菜餐廳，人龍一定有，大家食個時準備好心理準備排隊，前後黎過兩次，第一次係平日星期三夜晚，四個人嚟食，最早個個朋友18:55就到，個時要等五張枱，最後等到19:40終於可以入座，而第二次都係平日嘅夜晚18:55就到，不過最後八點先可以坐到，但第二次去屯馬線應該開通左，交通方便左多人都正常，朋友有同我講過星期六夜晚7點去等到9點2，侍應出黎同大家講後面個啲無得食只可以外賣，可見星期六日更加難食到。加上佢個抽風系統對正門口，所以會比較熱。題外話我第一次嚟嗰時，見到Ian特登過嚟買外賣。餐廳唔算話非常之大，但座位數量比起以前細舖起碼多一倍，以前細舖應該只可以容納20個人，依家應該可以容納30至40人。裝修無好似小曼谷泰國美食站既打卡火車、無緬泰皇宮好似宮殿既套飾，比較簡陋，就淨係專心食泰國菜，但無阻咁多人過嚟排隊，呢度有用餐時間係75分鐘。睇過餐牌，嘢食種類算幾多，沙律類有10幾款，海鮮類有炒蟹、炒蝦、炒蜆、炒青口、烏頭魚、鰂魚，燒烤小食類有雞翼、魚、海鮮、牛肉等，小菜類有炒肉類同咖哩，湯類有冬陰公、椰汁雞、海鮮同肉碎湯，蔬菜類有炒通菜、芥蘭同椰菜苗，炒飯類有各種炒飯同海南雞飯，粉麵類有各種炒河、粉絲、金邊粉、湯河、船河，飲品類除咗有七款口味嘅沙冰，仲有泰國菜有嘅龍眼冰、泰式奶茶、椰青等。價錢算平民，不過可能因為有用餐時間限制，呢度基本上只可以落一次單，但因為冬陰功湯實在太好飲，問店主可唔可以再叫多碗個時，最尾都叫到。-1️⃣ 泰式生蝦刺身 💰98（👅: 9/10）呢度既生蝦刺身唔係淨係得生蝦，會連埋炸左既蝦頭，生蝦大大隻，比起出面餐廳呢度蝦肉好飽滿，咬落爽口，肉質結實彈牙，食落新鮮，冇醒味，而且會食到蝦嘅膠質，點泰式酸辣醬汁食超惹味，醬汁嘅酸味同辣味都非常足夠，食多幾舊就會有後勁嘅新味，如果你覺得有醒味，點完呢個汁一定冇晒，蝦頭炸到好脆好好食，仲會食到少少蝦膏，唔會太重味，但食到佢嘅香味，加埋生蝦上面嘅蒜頭同辣椒，絕對係有層次嘅味道。呢度唔會好似平時啲泰國菜餐廳解凍解得唔好有雪味，同完全無肉，算係食過好食既泰式生蝦。-2️⃣ 馬拉盞炒通菜 💰78（👅: 9/10）通菜咬落好嫩口，好爽脆，無渣，食落好香好惹味，因為醬汁帶小小辣味，而且味道有層次，入口先係鹹香，再黎係後勁既辣，加上佢係連埋蝦乾一齊炒，蝦乾除咗帶點鹹味仲令到口感更加豐富，最重要係炒得好夠鑊氣，呢樣係好少餐廳炒通菜做到嘅地方，呢碟嘅炒通菜絕對係我食過最好食嘅炒通菜。-3️⃣ 泰式炒金邊粉 💰78（👅: 8/10）金邊粉配料有好多，雞蛋唔係蛋絲或者網狀，而係好似炒飯咁切到有舊舊，仲會見到有幾隻大蝦，咬落有咬口，乾身唔會太濕，唔易斷，食落有少少甜味，甜酸適中，有少少鑊氣，配料仲有豆乾，隔離仲有一堆花生碎，整體唔會太油膩，不過對比起其他菜式就冇咁特別出色。-4️⃣ 泰式燒雞翼 💰18/隻（👅: 8.5/10）估唔到泰式都有燒雞翼，雞翼係用蜜糖做調味，雞翼係雞全翼，非常大隻，咬落去係外脆內嫩，食落雞肉多汁，冇燒燶到所以唔會食到苦味，入面都係熟曬唔會食到生肉，不過味道同調味好似平時食港式串燒嘅燒雞翼，偏鹹少少，味道唔係太過泰式，如果係泰式應該會更加辣或者係沙嗲味嗰種，但整體都係好食嘅燒雞翼。-5️⃣ 泰式炸蝦餅 💰78（👅: 8.5/10）呢度有兩款蝦餅，一款係原味，一款係皮蛋蝦餅，後者其實更加人氣，因為我唔食皮蛋所以就叫咗原味。蝦餅有八件，份量非常多，炸到金黃色，煎到熱辣辣， 外層炸衣唔會太厚，咬落卜卜脆，蝦肉咬落爽口彈牙，食到啖啖蝦肉，帶少少嚼勁，蝦味夠重，夠足料，整體來講係個好食嘅蝦餅。-6️⃣ 泰式冬蔭功湯 (細)  💰98（👅: 9.5/10）呢度嘅冬陰功湯非常足料，有幾隻大蝦肉、有菇、有茄蓉，而且有非常多香料，湯底飲落非常濃味，酸味係非常足夠，香茅味唔算好重，因為太好飲我前後飲咗兩碗，但兩碗嘅味道會有少少分別，第一碗會偏辣少少，而第二碗可能落多咗椰奶，飲落反而冇咁辣，係比較甜啲，重椰奶味，但無論係第一碗定第二碗，呢度個冬陰功都係我飲過最好飲，因為佢酸味足夠，非常開胃，而辣味都係好足夠，我感覺係酸味多過辣味，酸無搶辣既風頭，係酸中有辣，辣中有酸，係好有層次嘅冬陰功湯。-7️⃣ 燒牛肉 💰88（👅: 8.5/10）燒牛肉係呢一度嘅招牌菜式，基本上係每一台都見到有人點，我當初係喺燒牛肉同燒豬頸肉揀緊，最尾揀咗牛肉。呢度嘅泰式燒牛肉份量非常之多，食極都仲有，差唔多有成二十舊，牛肉都係切到成一條條咁，外表上係燒到有六、七成熟，肉質粉嫩，未食之前已經聞到好香嘅炭燒味。牛肉感覺好似平時鋸扒食個種牛扒咁，食落係幾重牛肉味，而且充滿炭燒嘅香味，有肉汁，唔會燒到好乾身，唔會好油膩，邊位食落更加有焦香味，牛肉係半肥瘦，會見到邊位嘅筋位比較多，而且牛肉有啲係生啲有啲係熟啲，所以略嫌熟啲嘅咬落去偏韌少少。加上佢個醬汁非常惹味，食落酸酸辣辣，唔食得辣嘅人都食到，絕對係有提升個層次，如果佢個牛肉可以燒到再生啲就更好，咬落應該就會更加入口即溶。-🍧 泰式芒果沙冰 💰 38（👅: 9/10）呢度嘅沙冰係非常之大杯，啲沙冰係高過個杯身起碼三分之一，絕對係夠一餐飯飲，飲落非常之夠凍，即使食完餐飯都仲有啲冰喺度，沙冰夠綿密，芒果味飲落夠甜，唔會好酸，唔係假既芒果味，都係用果肉整，夏天飲係消暑一流。-🍧 泰式菠蘿沙冰 💰 35（👅: 9/10）菠蘿沙冰比芒果沙冰無咁甜，飲落唔算好酸，幾開胃消暑。-🍧 泰式青檸沙冰 💰 35（👅: 8.5/10）青檸沙冰飲落會幾酸下，比起其他口味，我自己就唔太習慣，但冰沙一樣係滿足。-🍧 泰式椰汁沙冰 💰 35（👅: 9/10）椰汁沙冰入口綿滑，椰汁味夠，飲落唔會太甜。-🌟食物質素來講，係我食過最好食嘅泰國菜餐廳，因為佢有好多樣菜式都有驚喜，係以前其他泰國菜餐廳搵唔到嘅質素，最出色我覺得係冬陰功湯，因為連同行朋友都一致覺得要叫多碗嚟飲，酸味同辣味都非常足夠，非常之開胃所以好想飲多碗，而炒通菜係有驚喜，因為佢嘅鑊氣非常之足夠，叫咗咁多樣，我覺得除咗金邊粉比較冇咁出色之外，其他都係好好食，食物質素來講係絕對可以一食再食。價錢來講都係好平民，視乎大家嘅食量，如果大家食量唔算多，其實一碟金邊粉、一碗冬陰功湯、每人一杯冰沙都已經夠，買單可能都係接近每人$100，如果多人就可以叫多啲小食去試，但整體賣單應該都唔會過$200，嘢食份量都係非常之多，而且碟碟都係熱辣辣好有鑊氣，講性價比非常之高，$200可以食到香港最好食嘅泰國菜，絕對值得。其實仲有好多樣嘢食都未嗌，下次會想食燒豬頸肉、生菜包、燒鱸魚。環境唔會係好靚好有設計，但嘢食已經好食到咁，其實對環境無追求都無所謂，服務來講雖然我哋加咗一次單，但都無黑我哋面，而且同門口嗰個肥姐姐有講有笑，之前上網話佢服務有啲唔好，但今次完全覺得冇，野食上菜速度幾快，點左菜之後十分鐘就有生蝦、通菜、金邊粉，兩分鐘後就上哂沙冰，之後一個字就上埋其他菜，最後係燒牛肉。餐廳因為好食而且好具人氣，所以排隊就基本上一定要，除非你係去開門嗰時就到，就可以做到第一輪食客，至於值唔值得排咁耐隊，就睇吓你對泰國菜有幾追求，如果你真係好鍾意食泰國菜，我覺得你最少要來一次，食一次你就知道原來泰國菜可以咁好食、咁正宗。大膽講句，如果無食過泰金國，根本唔夠膽話自己鍾意泰國菜。-👅味道: 9.5/10🍴環境: 7/10💰消費: $100-200pp (服務費: NA)…Read More