Thai Chef Thais Restaurant

次次嚟金魚街買完寵物用品，食嘢都唔駛諗，一定喺去就近嘅泰廚，價錢仲大件夾抵食😎尤其一定會叫1蚊之選，我就多數嗌生蝦，有時就嗌青木瓜沙律🤤沙嗲串燒 ⭐️⭐️⭐️⭐️⭐️我稱呢度嘅沙嗲串燒為「金魚街名物」，以前佢哋有個爐擺喺門口燒，每次經過都忍唔住買嚟食🤤今次叫咗豬頸肉、雞肉、豬肉各一串，豬頸肉超厚超大件，沙嗲汁係比較杰身，味道好濃郁，誠意推介一定要叫！和牛串燒 ⭐️⭐️⭐️⭐️和牛串燒唔係用沙嗲醬，係用綠色嘅泰式醬汁，好似暫時未見過有其他餐廳咁樣做🧐和牛易咬好有牛味，比起用沙嗲醬更加有泰式風味👍🏻炸蝦餅拼春卷 ⭐️⭐️⭐️⭐️⭐️炸蝦餅炸得香脆、蝦滑好彈牙，一定要點少少泰式辣雞醬😎春卷一向係我嘅至愛，食泰國菜一定會叫，春卷餡料好豐富，炸得香脆乾爽啱啱好！馬拉盞炒椰菜苗 ⭐️⭐️⭐️⭐️食泰菜必食椰菜苗🥬呢度嘅馬拉盞味道極度濃郁，椰菜苗火候剛剛好～冬陰功明爐烏頭魚 ⭐️⭐️⭐️⭐️⭐️明爐烏頭可以揀清湯或者冬陰功，我鍾意濃味啲當然揀冬陰功😆冬陰功酸酸地唔算太辣，咁樣反而仲好，唔會蓋過晒烏頭嘅鮮味，又可以過到飲冬陰功嘅癮😁芒果糯米飯 ⭐️⭐️⭐️⭐️⭐️份量超大嘅芒果糯米飯，糯米飯暖笠笠好軟糯，椰漿份量可以自己控制，配埋芒果味道唔會太甜，水準好高🤤…Read More

已有一段時間無吃泰國菜，來到旺角，順便嚐嚐。樓高兩層的泰菜館，門口是串燒檔，內裏放了泰國畫像。馬拉盞炒椰菜苗($75)，椰菜向來給人爽中帶硬的感覺，馬拉盞更能突出椰菜苗的口感，特別是微辣的辣椒，令整碟椰菜更惹味和更顯得鑊氣足。再嚐串燒沙嗲(豬、雞各一，每串$15)。串燒沙嗲是每次必點的，因其醬汁極惹味，澆上串燒、撈檬或蔬菜都十分美味。豬肉和雞肉串燒兩者的口感差不多，豬肉比較有實在的肉口感，而雞肉比較滑。串燒中以泰燒和牛串($25)最惹味，厚實的肉纖維配上香草汁，令口感和味蕾都得以滿足。炭燒豬頸肉撈檬套餐($45)，撈檬的醬汁不多，如配馬拉盞椰菜苗吃，其鹹香會令撈檬變得惹味。豬頸肉量多，燒得香脆，配上極大份量的滑檬粉，非常飽肚。紅豆冰(套餐+$5)，甜度適中，紅豆多，如紅豆煮得稔一點會更好。至於三絲撈檬套餐($35)，有雞絲、蛋絲和扎肉絲，蛋絲微脆、雞絲帶點煙韌，扎肉絲則最爽口，配上撈檬，口感甚佳。三絲的份量同樣甚多，由於三絲的口感不一，形成多層次的口感。涼粉冰(套餐+$5)，細粒涼粉容易入口，甜度適中，涼粉量多。泰式鮮奶燕窩(凍)($58)，原來是鮮奶加上燕窩，與想像中的固體甜品不同。鮮奶為主，偶而吃到沉底爽滑的燕窩。在夏天喝這杯甜品，有泌人心脾之感。…Read More

每次系旺角想食泰國菜，都會諗起通菜街天橋附近的泰國菜，因呢間門口有個阿姐專門系門口燒串燒好香。香茅豬扒撈㩚，豬扒炸到好香口又夠淋，撈㩚淋上醬汁撈埋酸酸甜甜地好好味。泰式扎肉冬陰公湯河，冬陰公湯底酸酸甜甜辣辣好好味，河粉又索埋冬陰公湯的味好正，扎肉又爽彈。和牛串燒燒到剛剛好，牛味農肉質又淋配上醬汁好入味豬頸肉串燒燒到好香又可以逼到油脂出來不肥膩，豬肉和雞肉都燒到好香口，配上沙嗲醬好香濃，呢度沙嗲醬又唔辣甜甜地好好味。扎肉鳳爪沙律鳳爪好入味又系無骨又爽彈又唔會辣。馬拉盞炒椰菜苗，椰菜苗炒到好爽口又夠味道。龍眼冰又夠味又有龍眼肉。…Read More

這一餐也是泰國菜。多次來這間餐廳吃晚餐，全因這裏可吃到真正的泰式辣。在這兩層地方不太大的泰國餐廳，也可嚐遍飯、粉、海鮮、小菜、特飲、甜品等泰式美食。串燒沙爹雞($12一串)，每次來必點的串燒，烹煮時間控制準確，雞肉不會過硬，更重要是不變獨特的沙爹醬，把串燒雞的肉香提昇到另一層次。馬拉盞炒椰菜苗($75)，每次來必點一碟菜，因其鑊氣十足。馬拉盞味不會太濃，所以不拌飯吃也不會覺鹹。椒鹽鮮蝦球($85)，另一款非常夠鑊氣的小菜。蝦球份量多，外脆內軟，拌上大量椒鹽，拌飯吃十分惹味。泰式扎肉湯河($45)(轉冬陰功湯底+$10)，轉了冬陰功湯底後才能嚐到泰式的真辣。湯河最抵吃，大碗料足，所以我倆點一碗一起吃。扎肉厚身，所以口感更爽實。嚐過冬陰功的火辣，自然要點一個泰式椰青($38)止辣。椰青清甜多汁，一口冬陰功湯，一口椰青水，回味無窮，不論在夏天還是冬天都很適合點這個配搭。紅豆冰($22)也能止辣，紅豆量多，甜度適中。最後選了這款甜品泰式椰汁糕($1)，買滿$200便可加$1，在四款食物中選一款。大部份人選泰式生蝦，但我倆更喜歡椰汁糕。椰汁糕十分足料，上層是香甜椰汁糕，下層是軟中帶爽的西米粒和粟米粒。即使是僅$1的便宜甜品，味道也十分出色。友人覺得好吃，一次吃了三個，只餘下一個給我。…Read More

今晚打波前同隊友去左旺角泰廚泰國菜館食晚飯。好快就有座位坐，安排好上樓上。我哋叫左一串燒豬串，燒雞串。仲有星期二特價泰式菠蘿炒飯，泰式咖哩海鮮，馬拉盞炒椰菜苗，滿200元加一蚊換左泰式椰汁糕。燒雞/豬串-平時門口經過都覺得好香，燒得好香口醬汁都好味道。泰式菠蘿炒飯-成個菠蘿裝著，料都好足炒得好香口。泰式咖哩海鮮-咖哩好香口又唔會辣，海鮮口感幾好。馬拉盞炒椰菜苗-夠晒香口，同埋椰菜苗口感好好又新鮮。泰式椰汁糕好味道…Read More

今日同朋友放工約左行街買野,經過旺角通菜街一間泰國餐廳朋友話串燒好食,所以即時去食喇好彩時間仲早,好快就有位坐了個裝修都好泰國下,感覺幾好睇下食咩先今日叫左一元任選一款的泰式木瓜沙律,串燒沙爹豬雞,馬拉盞炒椰菜苗,泰式咖哩海鮮,乾炒豬肉河泰式咖哩海鮮-傳統泰式咖哩唔會太辣之外仲有少少椰香味,海鮮都算幾多,幾好食馬拉盞炒椰菜苗-味道唔錯,夠晒野味香口,而椰菜苗又夠晒新鮮好味,口感一流串燒沙爹豬雞-個醬汁真係無得輸,夠晒香口,而燒既豬雞都入晒味泰式木瓜沙律-1蚊一款的選擇乾炒豬肉河-炒得好香口,夠乾身又好平衡顏色…Read More

相隔一段時間再來泰廚，這次試試上次沒有吃過的食物。泰燒和牛串($20)，非常惹味多汁的串燒。和牛的肉味濃郁，燒過後的牛肉既有外層的香脆，又有內層具嚼感的軟爽。沙嗲串燒雞串($12)，很多人點的串燒。之前試了牛、豬、雞串，雞串的味道最出色。嫩滑的雞肉，配上有花生碎粒的花生沙嗲醬，是最佳配搭。吃串燒怎少得泰式椰青($38)。吃一口熱燙燙的串燒，喝一口鮮甜的椰青水，人生一樂也。這次的椰青肉有點難分開，但無損喝椰青的心情。馬拉盞炒椰菜苗($75)，沒有馬拉盞炒菜就不是東南亞的特色。味道偏鹹，椰菜曲較通菜爽口，所吸取的沾到的鹹味也較少，反帶出其香爽。泰式菠蘿炒飯($98)，在炒飯來說價錢有點貴。及後看到原來是半個菠蘿盛著飯，倒是覺得值得。菠蘿的肉與飯混在一起炒，加上提子乾，味道不俗。菠蘿的酸甜十分開胃。但我更喜歡比較便宜的冬陰公肉碎薯粉($40)，這是一個午餐套餐，比散點更優惠。冬蔭公很濃郁但不會太辣，薯粉很帶嚼勁，肉碎量足。唯吃畢整碗後嘴上帶點油膩，故配香茅或青檸冰比紅豆冰更適合。紅豆冰(套餐+$5)偏重椰汁，紅豆軟穩，個人比較喜歡少一點椰汁的紅豆冰。套餐本來包餐湯及香茅冰或青檸冰，友人喜歡紅豆冰，便加$5轉了。轉了飲品後沒有餐湯，這點要留意。依舊是大份量大滿足的一餐，平靚正。…Read More

旺角雖然好多選擇，但好食真心唔多，所以朋友問我旺角有咩好食嘅時候，我都好推呢間。次次黎都見到有人等位，但係老闆好快會安排到坐位，所以唔會等好耐。首推串燒，我地叫左一豬一雞，燒到唔乾身，而且汁係甜甜地但惹味但唔辣個種。冬蔭大頭蝦湯，上到黎嚇一嚇😂，隻蝦好有份量，個湯酸酸辣辣，夏天飲特別開胃☺️食飯慣左叫個菜，馬拉盞炒椰菜苗，椰菜苗最怕食到苦味，呢到唔會，惹味岩曬送飯！泰式炒金邊粉同樣不錯，乾身不油膩，真係有粒粒蝦，加埋花生好香口最尾食食下發現佢食滿二百蚊加一蚊就有成個小食，例如係青木瓜沙津，可惜我地戰鬥力太弱，下次會知道攻略。…Read More

在旺角區，最不怕的是肚餓，因為絕對唔會餓親的，不過要搵好食的，就要下點苦功，旺角多食店餐廳，但同時有好多伏食的。呢間泰廚，位置方便之餘，味道亦係穩陣之選，附近想食泰菜，我都會選擇呢間。今日食左呢幾樣：魔鬼咖哩香茅豬扒飯有咖哩香而不嗆喉，夠滑又唔會太油。加上香茅豬扒（平時大多供應咖哩飯的，都只係配一塊煎/炸豬扒）但呢間都會再處理成為一塊香茅豬扒，此之為細心用心，每一個細節都考慮在內，唔會因為成本而偷減步驟。香茅冰 青檸冰 因為和朋友共點了兩個餐，所以會有兩杯飲品，而我自己要的是香茅冰，朋友是青檸冰。由於青檸冰是朋友的，我沒有試。但我頗喜歡香茅冰的，每次到曼谷布吉，都必須要靠一杯香茅冰令自己火速融入環境，一杯很“泰國”的飲品。泰式炒金邊粉 食泰國菜，又點少的一碟Pad thai 呢？色香味俱全，仲附有花生碎粒，好地道。馬拉盞炒椰菜苗 椰菜苗，其實唔係咁多間泰國菜有供應的，我每次去曼谷，都會在 Big C / Siam Paragon的gourmet market買幾大袋返來自用，想不到這家都有供應，那麼這菜是必點的啦。泰式蝦餅拼炸魚餅食到呢度其實已經好飽了，幸好這個份量+好味道，仍然是可以食晒的。…Read More

成日經過旺角東站天橋都聞到好香嘅串燒味,再望一望原來係間泰菜館。門口有個姐姐係炭烤爐前燒緊串燒,見到就覺得好吸引,所以行完街之後都特登返轉頭坐低食埋餐晚飯。依個拼盤有分兩個size,我就order咗個細嘅。有齊晒蝦片,蝦餅,魚餅,春卷同埋我最想試嘅串燒。所有炸物都新鮮炸起所以熱辣辣,而熱辣辣嘅串燒亦有少少炭香味再配埋沙嗲醬食落夠晒風味。份量比我想像中大,木瓜爽脆,味道酸酸甜甜夠晒開胃,再配埋香口嘅花生碎,正。馬拉盞炒椰菜苗基本上係我每次食泰菜都必點嘅蔬菜,椰菜苗炒的夠爽脆,但可惜唔知係咪因為棵椰菜苗太大棵,所以有D苦。食滿＄200仲可以用一蚊優惠價換小食,我就揀咗泰式生蝦,一蚊有四隻,抵到爛。夠晒凍同爽脆,價超所值。…Read More

每次從旺角菲律賓天橋向金魚街出口出去, 慢慢會有陣香噴噴的燒烤味撲鼻落到地面就知道這是從便利店旁的泰廚菜館門口傳來今天約好友人到旺角街市買餸準備晚餐前到泰廚食個lunch大概兩點半已經過了食飯時間, 但餐廳仍有不少食客, 而我們三個被安排由左邊樓梯上二樓翻看一下餐牌, 原來下午茶餐非常吸引, 而吸引之處絕對是價格$28泰粉跟泰式飲品‼️泰式炒麵飯連餐飲都$50有找‼️還無收加一‼️‼️‼️於這個物價飆升的世代, 位於旺區地舖還要是出入口人流多的餐廳居然有這人道的餐價, 相信只此一間入到泰舖沒有不叫泰粉的理由, 所以叫一份扎肉湯河配青檸冰湯底是清湯, 甜酸辣可自行調教, 這是泰粉讓我偏愛的理由另外, 我們二人還點了泰式酸辣鳳爪沙律, 泰式燒豬頸肉, 馬拉盞炒椰菜苗泰式酸辣鳳爪沙律份量十足, 洋蔥絲好爽甜, 主角鳳爪無骨爽口, 為午餐胃口大開泰式燒豬頸肉手掌般大的份量, 薄切得帶點脆口香口, 配上泰式辣汁, 非常惹味馬拉盞炒椰菜苗條條爽口椰菜苗, 非常入味愈食愈辣愈想食最後當然唔少得串燒, 雞/ 豬 / 司華力腸各點一串雖然是燒出來但仍有肉汁, 所有串燒外脆內軟最重要必定是沙嗲醬汁, 重椰香花生醬及香葉味…Read More

今晚同老公去金魚街行街買魚糧，買完魚糧後，有啲肚餓，跟住就去附近睇下有啲乜嘢食～行下行下，聞到一陣好香嘅串燒味。望一望，原來係泰式串燒～我哋就俾依一陣香味吸引左入去泰廚泰國菜館。入到去，人唔算太多，菜館有兩層，可以揀坐樓上或樓下～我選擇咗坐樓下，因為方便啲。菜館入面有好多泰國擺設～而鋪入面嘅員工有啲都係泰國人～未食都感覺到好正宗。員工遞上餐牌，介紹我哋有每日精選～今日精選係菠蘿炒飯，但係我唔鍾意食，所以我揀咗餐牌上其他食物～我order咗最想食嘅沙嗲串燒、泰式鳳爪沙律、海南雞飯、馬拉盞炒椰菜苗同埋咸檸梳打～侍應同我講食滿＄200可以加$1換指定小食～我選擇咗泰式生蝦～大約10分鐘，啲小菜好快上枱，首先黎馬拉盞炒椰菜苗～炒得好有鑊氣，好好食。跟住就黎我最想食嘅串燒雞串、豬串～啲串燒熱辣辣，啲沙嗲汁有好濃嘅花生醬味～甜甜地～好食加一蚊有一碟泰式生蝦，一碟入面有四隻，雖然唔多，但係碟底有冰墊住𠄘托，保持溫度，令d蝦保持新鮮～算幾貼心～泰式生蝦果汁夠辣～good杯咸檸梳打唔係太甜，味道唔錯， ＄20一杯算係抵飲…Read More

夜晚上完堂後join朋友食泰國菜，入到去勁多人，朋友又揹住支結他，勁唔想搭枱……但唔搭枱要等半個鐘先有枱，我哋3個都好肚餓，唯有搭枱啦……我飲過咁多間泰式餐廳嘅龍眼冰，暫時最好飲係哩間，味道唔會太甜，清清哋，好舒服。木瓜沙律同粉絲沙律就無乜特別，但哩兩款沙律都只係$1碟！勁抵！因為每滿$200可以以$1叫指定4款食物嘅其中一款！我哋本來係想叫生蝦，但賣晒。食親泰國菜必食椰菜苗，無其他原因，情義結來，同馬拉盞一齊炒真係好好味！菠蘿炒飯雖然我哋哩碟唔同其他客人一樣，原隻菠蘿上，但都無因為咁而味道差咗，仍然好好味，飯每粒都入味，上面勁多肉鬆，而且配合埋菠蘿嘅酸甜味，好開胃，食晒成碟都唔係問題。小食拼盤要咗大嘅，點知真係好大碟……食唔晒……拼盤有雞同豬串燒，春卷，炸蟹鉗等等，都係一啲比較香口嘅小食，但如果你唔係大胃王的話，叫細就夠。青咖哩雞，雞肉係用雞柳，咖哩完全唔辣，但有咖哩香味。有咖哩就梗係要配薄餅！薄餅奶油味好重！我勁鍾意！不過如果再整得鬆化啲就仲好味！3個人食咁多嘢，埋單都係4百幾蚊，都算抵。…Read More

今次同朋友黎到旺角呢間泰廚食泰國菜。未行到餐廳門口，係門口附近已經聞到燒串燒的味，真係好香，令我已經好想入去大擦一餐。雖然座位係迫左d同坐得沒咁舒服，但都無礙我食泰國菜的意欲，因為真係太耐沒食。一坐低就即刻打開本menu睇下有咩好食。左睇右睇都唔知選咩好，因為樣樣都想食，最後就點左對於樣樣小食都想試的情況下，呢個小食拼盤就啱晒我的要求。因我想食的(炸蝦餅、炸魚餅、炸春卷、炸蝦片同豬雞串燒)都包含在內，仲一開二，可以同朋友開心share。全部小食都炸到好香口，特別係蝦片，真係好食到停唔到口。而串燒就燒得好香配埋個沙嗲汁，非常滋味！！！！呢個和牛串真係燒得剛剛好，juices得黎唔會太韌。而且淋上點生蝦的醬汁(我估)。味道非常特別，令和牛串清新唔膩，仲沒搶走牛肉味，正酸酸辣辣，非常開胃。鳳爪爽口，洋蔥又好味(不過食完個口好大陣洋蔥味)而且辣得過癮。馬拉盞炒椰菜苗好少係屋企可以食到，通常要到泰國餐廳先有得食。所以次次食泰國菜都必點。馬拉盞又香又野味，而椰菜苗又嫩又爽口，炒得夠鑊氣，真係超正。如果配白飯食，就梗好了。炒金邊粉就較為普通，雖然都炒得好食，但味道略為淡左啲。今餐食完好滿足，價錢平，份量足，真係沒欺場！可以再來試其他菜！…Read More