Hanakaido

放工去完銅鑼灣Sogo買Nespresso咖啡後係附近食埋晚餐，今晚選擇左渣甸坊巷中嘅一間居酒屋。呢條街好靜，無咩人流，但見餐廳製作用心，食物質素又幾唔錯，所以寫篇文支持下。免治雞肉棒口感軟糯，味鮮，加埋蛋香及醬油嘅香甜，味道豐富；紫蘇豚肉卷屬自家製豚肉卷，豚肉味濃，具豐富肉汁，內裡包著日式紫蘇葉，帶微微清香；雞翼一夜干嘅雞皮燒得十分香脆，但雞肉仍保持嫩滑多汁；豆腐屬硬豆腐，燒完唔會一夾就散，加上日式甜麵豉醬及蔥花，都幾惹味。在處理馬友而言，日式一夜干比中式/潮州凍魚更為香口惹味，醃漬後令魚肉富有咸香，而馬友魚嘅油脂豐富，更為美味。魚皮香脆，魚肉鮮嫩，連皮都可以食埋。炸完都仲係淺黃色，應該都係新油，炸粉夠薄脆，中層夾左一塊日式紫蘇葉，而魚肉亦夠幼嫩，味道鮮甜，帶紫蘇葉嘅清香，兩者幾搭配。鱈魚干脆到好似餅干咁，配沙律醬，簡單美味。蜆肉肥美鮮甜，帶微清酒香，酒味唔會太濃。半熟嘅厚切牛舌芯肉質細膩，口感爽滑，牛味濃郁，且十分Juicy多汁，配炸蒜片、蔥及酸汁，味道層次豐富，非常好食。…查看更多

身為港島嘅buddy，銅鑼灣簡直係我嘅美食天堂，而最近朋友帶我去咗間超隱世嘅居酒屋🏮 位於渣甸坊嘅隔涉街角，但係佢嘅嘢食絕對唔馬虎，好有驚喜🤤 仲要喺銅鑼灣嚟講，一啲都唔算貴，即刻介紹下✨平時唔係好鍾意食沙律🥗，但呢個海草沙律又唔同講法😳 海草爽口，加上一大串海葡萄，口感超豐富，好得！呢度嘅蜆份量好足，大大嚿肉☺️ 而湯底充滿牛油香，加上蜆嘅鮮味同淡淡嘅酒味，搞到我哋幾乎清咗佢個湯🤤大鄉理出城，沙咀魚都係第一次聽，唔係店員介紹都唔識嗌🤣 除咗魚之外，仲加咗塊紫蘇葉入去一齊炸，好脆口🤩 魚肉又勁滑身，冇咩骨，冇介紹錯！嚟食居酒屋一定會嗌嘅item😝 牛脷腍身得嚟又幾有咬口，而最欣賞係佢嘅調味，有大量蔥花同炸蒜片，成個配搭好match😌✨ 免治雞肉棒 $40用上靚靚日本蛋，蛋香味好重！而雞肉含少少軟骨，口感豐富，點上雞蛋同日本醬油，好夾好好食😋✨ 紫蘇豚肉卷 $36佢係以豚肉捲住紫蘇葉再燒嘅，紫蘇味好出，啱啱去到豚肉嘅油膩，好鍾意🤤✨ 雞翼一夜干 $36果然係一夜干，醃咗一晚，勁入味☺️ 仲要燒得啱啱好，做到皮脆肉嫩！✨ 大蔥雞肉 $38雞肉燒完都仲幾嫩口，夾雜住大蔥嘅香味，好唔錯！大蔥燒完又幾好味喎😋✨ 豆腐 $24唔好以為呢道菜只係簡單嘅豆腐，佢真係好令我驚喜😳 豆腐似係炸過嚟，外皮脆脆哋，但入面又勁juicy！而面頭嘅係甜甜哋面豉醬，出奇哋同炸豆腐好夾，好好食😋馬友外皮勁脆🤩 而肉質燒完依然好嫩口，一夜干果然令成條魚更加入味，就算唔點汁但食落都帶有鹹鮮味，頗高質👍🏻茶漬飯用上冇加味精嘅鮮雞湯，飲落好清甜，加上燒飯糰一齊食，大滿足🤤總括而言，我哋今餐超級滿足！估唔到喺銅鑼灣以呢個價錢食到咁多嘢😋 佢啲串燒真係做得好唔錯😌 雖然位置就隔涉咗啲，但下次想食啲CP值咁高嘅日式料理，都會再過嚟幫襯😎…查看更多

Tucked away in the depths of Jardine’s Crescent, this unassuming izakaya is hidden behind a cluster of street market stalls.  With the down-to-earth and relaxed atmosphere, Hanakaido 花街道酒処 is a great choice if you are looking for a place to catch up with friends over drinks with small bites.  The menu consists of a variety of izakaya classics made from quality and fresh ingredients at very affordable prices.海草沙律（$65)The veggie salad was served with the green caviar - Umibudo, added just a bit of ponzu dressing was well enough to accentuate the freshness.蕃茄漬（$28）These peeled pickled cherry tomatoes were perfect for palate-cleansing between courses.免治雞肉棒 （$40)The chicken meatball on a stick was well seasoned, juicy, and flavourful.  The raw egg yolk went particularly well with the meatball.豆腐 （$24）The texture and taste of this deep-fried tofu are similar to stinky tofu but without the odor.紫蘇豚肉卷（$36）The pork roll was brought to another level with the addition of the minty, herbal shiso.大蔥雞肉（$38）The chicken skewer was deliciously marinated and grilled with a nice char. 牛脷芯 （$98）The ox tongue has a deep beefy flavor and it’s tender and juicy, a must-order item, especially for people who love gyutan.紫蘇梅醬沙咀魚天婦羅 （$42）The tempura batter was puffy and light, encasing 沙咀魚and shiso inside.清酒煮蜆 （$68）A perfectly a-okay sake steamed clams!  The simplicity of seasonings brings out the maximum flavor of the clams.馬友一夜干 （$280）The broiled overnight fish was well seasoned with a thin crispy exterior skin and tender within,the flavor was intense with a hint of saltiness and freshness.茶漬飯 （$48）A rustic ochazuke comes with chicken broth and a pile of seaweed and it was delicious.StorefrontInteriorMenu…查看更多

如果現實中有賈寶玉、林黛玉出現咁淒美既故事，又或係一個書生，經歷邂逅、相愛、私奔，呢種感覺一定好似酒一樣愈係濃、愈係醇，只係淺酌過後，但呢世你都會記得呢種味道。今晚就係呢條花街，真正體驗酒不醉人人自醉。👇📌前 菜 -▪️ 鱈 魚 魚 乾 -  ▪️ 海 草 沙 律 -▫️ 居酒屋一定要啤啤佢，有得啤一定要有佐酒小食「鱈魚魚乾」，而呢個「海草沙律」前菜就開開個胃得黎，帶少少清新感，海草幾有咬口，唔錯。▪️ 清 酒 煮 蜆 -  ▪️ 番 茄 漬 -▫️ 前菜過後就開始由淡到濃食起，先黎個「清酒煮蜆」，清湯入口順滑，味道唔會太搶，蜆肉夠爽彈，好食；「番茄漬」相當新鮮，食落酸甜比例適中，調味較得岩岩好。📌燒 物 -▪️ 串 燒 拼 盤 -▪️ 馬 友 一 夜 干 -▫️ 跟住開始串燒環節，揀左幾款唔同串燒湊埋一碟「串燒拼盤」，當中包括紫蘇葉豚肉卷、大蔥雞肉、牛脷芯、炸豆腐、免治雞肉串。每樣串燒鹹香十足，燒得夠均勻，師傅控制火候有水準，高質之作。而「馬友一夜干」魚肉非常鮮香，肉質緊實得黎油香十足，配搭檸檬汁或者蘿蔔蓉一齊食同樣出色。📌主 食 -▪️ 紫 蘇 梅 醬 沙 咀 魚 天 婦 羅 -▪️ 茶 漬 飯 - ▫️ 最後嗌埋個「紫蘇梅醬沙咀魚天婦羅」同埋「茶漬飯」，前者炸粉夠薄透，炸完食落金黃鬆脆，配搭紫蘇葉，吊出成個香味；後者用高湯做底，就咁飲都唔會太鹹，飯粒帶少少焦脆，夠哂咬口，呢點抵讚！…查看更多

呢間居酒屋環境幾幽暗 放工同朋友過嚟放鬆下都唔錯🙌🏻.📌鱈魚干 $32食落去好脆卜卜 好似薯片咁😝點埋沙律醬 好開胃🥳.📌清酒煮蜆 $68蜆肉好鮮甜 酒味唔係好重 唔鍾意酒味嘅人都可以試吓🍶.📌海草沙律 $65有洋蔥🧅青瓜🥒海草, 海帶同海葡萄🍇平時食沙律菜都好大嚿 好難入口 但係呢一個全部切到啱啱好 可以一啖食晒🥗加埋麻醬一齊食好fresh✨海葡萄好似平時普通迷你版爆珠 好特別🤣全部一齊食好有口感💕.📌蕃茄漬 $28細細粒 好入味 夠晒清甜🍅.📌牛脷芯 $98呢個好推薦💯肉質好爽口又腍 用鹽同蒜做調味🧄調味簡單反而更加帶出個牛味🐮.📌豆腐 $24應該係用咗煎豆腐 外脆內軟🤍上面個醬汁好食 雖然味道偏鹹 但配豆腐好夾 中和左個鹹味😋.📌大蔥雞肉 $38個炭燒味好香🔥加埋個大蔥 好解油膩 賣相仲好靚✨.📌馬友一夜干 $280炸到魚皮好脆 可以連骨一齊食🤤但肉質有啲乾 燒到唔太juicy🐟個味同紅衫魚差唔多 加啲檸檬喺面 食落酸甜開胃🍋.📌茶漬飯 $48個飯係飯團嘅形狀🍙唔係普通嘅飯 而係飯焦嚟 幾有咬口😍表面有層醬 同豆腐個醬係一樣嘅 好惹味😋.📌免治雞肉 $40肉質有啲硬 冇乜雞肉味🥺但配埋個燒汁同蛋漿 味道好豐富😚.📌紫蘇豚肉卷 $36用左鹽同黑椒做調味 肉入邊仲捲住啲紫蘇 令到成個食上去冇咁油膩👍🏻細細舊 仲好Juicy🐷.📌紫蘇梅醬沙咀魚天婦羅 $42炸粉味太重同太多 令成條冇乜魚味 得炸粉味🥲…查看更多