Sam Ka Tsuen Seafood Restaurant

今日同以前既同學去左食飯望住個無敵大海景食飯真係無得頂環境又舒適我地3個女仔嗌到成枱都係野食當中佢地既招牌菜「馬友一夜干」真係無得輸燒完出黎又唔會太乾身值得推介×N…Read More

今日和男友山長水遠去到鯉魚門食海鮮，不過真的覺得是值得的。門口的右邊有一個個缸，可以自行挑選浜燒的海鮮；部份是四隻一份的，不過餐廳很有彈性，可以給我們兩隻兩隻的，可以多試幾款。*香蔥金槍魚腩卷 ($148)只吃海鮮怕不夠飽，所以就點了壽司卷；卷物比較大件；金槍魚腩很有油脂味；卷物沾了芝麻和黑松露，很香口。*三家村海鮮粥 ($118)最近男友要減肥，所以選的菜式都較為清淡；這個海鮮粥用了珍珠米和高湯熬煮，很入味，而且很有海鮮香；配料有蝦和蜆和蛋白。*馬友一夜干 ($328)是日的一夜干用上了馬友；馬友用了一比一的海鹽和水醃過；魚開邊燒，一邊是沒有骨的；魚骨燒得很香脆，只要咬得碎我都吃了；魚肉燒熟了仍然很嫩，味道充滿海水的味道；店員建議先試原味，再加檸檬汁，然後就試一下沾醋；不過個人認為原味已經好好食。*牛舌 ($48)薄切的牛舌要趁熱食，很爽口。*安格斯牛肉串燒 ($68)厚切的安格斯牛肉肉很淋很JUICY。*白金豚露荀串燒 ($58)豚肉的邊燒得很香脆，中間卷了露荀，少一點油膩。*雞軟骨雞肉串 ($28)又是比較少見的三角形雞軟骨；清新爽口，一點都不油。*清酒沙白 ($98)沙白很甜，而且很有海水味；清酒湯都忍不住飲了；很濃的海鮮味。最後就是浜燒，我們挑了兩款貝類。*胭脂蚌 ($69/兩隻)首先是比較推薦的胭脂蚌；胭脂蚌熟了的話，帶點胭脂的紅，所以叫胭脂蚌；味道比較甜，口感是爽口的。*日月貝 ($64/兩隻)日月貝都是爽口的；而味道方面是比較濃海水味。…Read More

鯉魚門三家村, 呢個有150年嘅小漁村, 隨著港鐵油塘站開通之後, 新型屋苑係附近相繼落成, 附近嘅環境已經慢慢改變。以前西貢嘅居民往返市區, 都先要去三家村坐渡輪, 所以西貢嘅海鮮以前都係係呢度賣, 所以鯉魚門嘅海鮮餐廳同酒家都非常多, 而家雖然呢度唔再係西貢海鮮嘅中轉站, 不過鯉魚門海鮮已經深入民心, 差唔多每一個香港人都應該去過鯉魚門食呢度嘅海鮮。😁姑姐姑丈都好鍾意食海鮮, 以前每年幾次家庭聚會總有一, 兩次係坐船去三家村食, 不過自從佢地移民去加拿大之後, 我地都少左去。表弟呢幾日由加拿大返左黎探我地, 今日我專程同佢坐船過黎三家村, 俾佢試下鯉魚門海鮮嘅滋味。😋我係網上搵到呢間位於三家村碼頭嘅三家村水產, 佢係一間日式浜燒專門店, 我地一落船隔離就係。餐廳門面以木材裝飾, 加上日式燈籠, 非常有日式食店風格, 一入到餐廳我地都好surprise, 因為景觀實在太靚, 從店內嘅大窗望出去, 由港島東至中嘅景色, 一覽無遺, 我地到餐廳時仲剛好睇到日落, 景色超正。😍餐廳主打浜燒活海鮮, 海產嘅種類果然唔少, 我地除左揀左海鮮做浜燒外, 另外仲點左刺身拼盤, 同店員推介嘅一夜干, 再加其他食物, 兩個人應該夠哂食。😙季節刺身特選拼盤(6種) $388今日嘅季節刺身有深海池魚, 帆立貝, 油甘魚腩, 三文魚腩, 左口魚, 吞拿魚呢6款空運直送時令刺身, 非常鮮甜, 當中我覺得油甘魚腩最美味, 油脂豐富, 入口即溶, 而且對住無敵海景食海鮮, 份外鮮美。😍海膽軍艦 $65表弟唔食海膽, 但我因為太想食, 所以都忍唔住點左一件, 軍艦採用加拿大海膽, 海膽非常厚身, 入口creamy之餘充滿濃濃海膽嘅鮮甜味。👍鵝肝牛油果卷 $168鵝肝牛油果卷有4件, 大大件, 鵝肝味道香濃, 牛油果味道清新, 加上爽口嘅蟹籽, 味道層次豐富。馬友一夜干 $328一夜干係北海道漁夫保存魚嘅方式, 將捕獲嘅鮮魚剖開, 清除內臟再浸泡係同海水濃度相近嘅鹽水入面,風乾一晚。呢款馬友經一夜干方法炮製後, 魚肉更鮮香, 肉質比較緊實而且帶有少少咸香味, 再沾上微酸嘅醬汁, 非常惹味。😋海膽牡蠣一夜干 $108另一款一夜干我地點左由生蠔加海膽呢兩款超鮮甜食材組合而成嘅海膽牡蠣一夜干, 牡蠣一夜干味道比生蠔更濃郁, 加上鮮嫩濃滑嘅海膽, 兩個人share三件唔多夠喉。😆浜燒福岡岩蠔 $58×2福岡岩蠔都幾大隻, 店員會把活生蠔係我地面前即場浜燒, 中途再加上木魚水燒, 令生蠔唔會燒得太乾身, 浜燒岩蠔好鮮甜, 蠔肉飽滿, 超多汁。😋之後我地再點左一客串燒同天婦羅, 呢餐非常滿足, 由於三家村尾班船係22:30先開出, 我地食飽之後仲可以慢慢坐, 等船返西灣河。😁牛舌串燒 $48江戶前天婦羅拼盤 $178…Read More

雖然話就話係我生日～不過正式做野第一年～決定帶爸媽食返餐好嘅！係不斷Research吓搵到呢間三家村～係鯉魚門少有嘅日式水產店！非常高質！因為已經係4月中去食～而家個桶蠔優惠應該無咗～但如果去食見到有平！絕對要試！！！可以揀係外面一次過燒 ／ 自己枱燒～因為當晚外面都有啲忙～就係自己枱燒啦！（爸爸不斷大讚負責浜燒嘅姐姐好厲害～全部食物都Keep住多汁鮮甜）超肥美漲卜卜～一桶有成9隻～我地仲嗌咗啲海鮮～唔好睇份量好似好少～慢慢燒慢慢食都好飽㗎！媽媽最愛嘅蟶子皇！平時食開中式炒／蒸嘅～今日浜燒一樣爽口彈牙！好味！睇住隻鮑魚係個燒爐度掙扎～勁生猛～燒個陣仲會加佢地自己煲嘅木魚水～等啲肉會唔太乾！有殻嘅食物我地都無諗住放過佢地lol白雪雪嘅肉～仲要同個殻差唔多大細～絕對肥美無得輸～～食到差唔多埋尾～媽媽話頭先係外面見到有魚掛係度曬～又為食想試下lol本地疆代表嘅馬友一夜干食落油份充足～唔係咸魚味嚟架！唔洗餸飯都一樣食得晒！服務態度一流～燒嘅時間都會講下食物嘅特色！同客人有足夠嘅交流同互動～…Read More

三家村水產位終三家村碼頭旁，是一間新開的日式浜燒和食店。在餐廳的正門位置，掛了一隻大紅蟹裝飾，遠在鯉魚門牌坊位置也能隔岸望到，頗為搶眼。因餐廳臨海而建，能同時望到避風塘及維港景緻，漁村風味洋溢，更合品嚐海鮮。 作為一間浜燒店，海鮮當然是主打項目。在餐廳近入口位置，設有一冰櫃魚缸，擺滿了各式游水海鮮及空運抵港的日本飛機貨。 飯餐以一客金鎗魚伴山芋蓉作前菜。山芋蓉質感黏軟，隱含微量粉粒，本味清淡，主要為菜式帶來獨特口感。金鎗魚味道鮮濃，是菜式給味的主力。連帶滑溜的蛋黃，吃前把所有食材拌勻，再以脆薄紫菜包裹同吃。建議略加少量芥末調味，效果理想。 提起刺身，很多時會聯想起金鎗魚、油甘魚、池魚、鯛魚等款式。至於烏頭刺身，實在甚少出現在餐桌之上，令人期待。這碟日本烏頭刺身，以日本野生烏頭入饌，一如其他白身魚，魚肉味道趨向輕盈清甜，質感軟身，輕蘸少量醬油提鮮味道剛好。 友人喜愛三文魚美食，但又覺得刺身做法有點單調，最後選擇試試三文魚他他。平日吃的他他，多是以打碎了的刺身拌入汁醬製成。這份他他，則採用了三文魚刺身片。廚師先燒煮刺身表面至半生熟，面上塗沬醬汁及放上辣蘿蔔蓉，最後以紫蘇葉花作裝飾點綴。半生熟的刺身片不論味道與口感皆漸變多元，討人喜愛，唯一的考量在於價錢，近三百元一份實在有點貴。 接下來的料理長特上選 6 件壽司也緊隨送上。壽司既然以「特上」評級，選材有一定要求，款式包括有象拔蚌、牡丹蝦、油甘魚、金鎗魚、金鎗魚腩，以及海膽。象拔蚌產自日本，以爽彈清甜食感取悦食客。牡丹蝦蝦香味甜無容置疑，唯一要投訴的地方是蝦肉已開始帶微微黏感，要盡快食用。金鎗魚腩選用大拖羅部份，油花多而密，入口如預期在舜間溶化，甘香四溢。海膽大塊厚肉，味道雖濃，但也吃得出有一陣不討好的明礬味道，有點可惜。至於壽司飯本身，飯粒口感煙韌，飯團亦握得比較實。整體評價，小編只會給予這客壽司盛中等評分。 「一夜干」是餐廳的名物，連餐牌上也有著墨推介可知一二。「一夜干」是處理魚類海產的一種方法。首先將鮮魚剖開洗淨，再浸泡於濃鹽水中醃漬，最後風干即成。這個做法既能保魚鮮，又可確保魚肉的原汁原味。這條馬友一夜干，出菜前再經燒烤處理，魚皮薄脆香口，魚肉軟嫩味濃，十分可口。不過，未知是否浸泡鹽水時鹽水未能浸過整條魚，兩邊魚身的鹹度存在明顯分別，可留意一下。 是晚唯一的菜蔬菜肴是野菜天婦羅盛，一客五款十件天婦羅，分別以南瓜、蕃薯、蓮藕、青椒及冬菇入餚。天婦羅的炸漿外層不算做得特別薄，但無礙其香脆享受。南瓜與蕃薯是天婦羅的常客，味道甜蜜。相比之下，蓮藕是稀客，雙重份額的爽脆感屬添分亮點。青椒及冬菇選材飽滿水潤，味道亦不錯。 來到日本料理店，理應點一瓶清酒與佳餚相伴，奈何好友沒有酒意，最後只點了兩杯特飲作罷。藍海菠蘿梳打明顯以外觀意景取勝；鮮果茶味道清新，同時又有新鮮果肉品嚐。三家村水產擁有先天地利優勢，享用海鮮特別富漁港風味。不計浜燒食品，小編能在其他和式菜餚找到一份新鮮感。特別推介金鎗魚伴山芋蓉及馬友一夜干這兩款菜式，既特別又美味，值得試試！ …Read More