Lung Wah Hotel (Ha Wo Che)

細細個父母就鍾意帶我黎龍華飲茶睇孔雀，今日就帶趁另一半生日一齊過黎回憶下細個嘅味道。今日食依然保持到水準，裝修都冇大執，真係充滿童年回憶！紅燒頂鴿 (⭐️⭐️⭐️⭐️⭐️)乳鴿燒得好嫩，皮薄肉厚，雖然價錢比其他店家稍微貴，但物有所值，乳鴿大大隻，每一啖都好多汁，配埋新鮮炸起蝦片陳年的擺盤方式真係回味無窮。黃金花膠海皇羹 (⭐️⭐️⭐️⭐️⭐️)湯羹真材實料，顏色相當吸引，一分錢一分貨，金黃色由新鮮南瓜打磨而成，裡面放了不少的花膠、元貝等貴價食材，好暖胃補身。姬松茸燉鴿湯 (⭐️⭐️⭐️⭐️⭐️)姬松茸係名貴的食用菌，有不少藥用價值，煲出來帶點點杏仁香味，加上杞子和鴿肉更顯鮮甜，鴿肉份量十分多，有大半隻，個湯熱辣辣好暖胃，鹹度適中，啱晒要補身的另一半。香煎釀豆腐 (⭐️⭐️⭐️⭐️⭐️)豆腐大大舊好滑，外層炸粉薄而脆，面頭魚肉鮮甜不鹹，配合娃娃菜做底既能吸收濃郁醬汁，又帶點清新口感，送飯一流。懷舊豉油皇炒麵 (⭐️⭐️⭐️⭐️⭐️)炒麵好乾身，唔會有多餘嘅油分，每一條麵都長身幼細，大大碟食到4-5碗，餡料亦夠多，大蒜、韭菜、銀芽脆口新鮮，豉油味濃香。~~~~~~~ 龍華酒店 沙田下禾輋22號地舖 👍出色味道👍服務周到👍環境舒適…Read More

前晚帶了一位剛由加拿大回港探親的老友, 去食中式懷舊晚餐,  位於沙田  [龍華酒店].   搭火車由沙田站出,  看 Google map 只 須 10 分鐘便行到, 完全無難度.  經入口小斜路, 沿路掛滿紅燈籠, 好有中國風.到了貴賓廳, 店員熱誠招呼入座.服務員開茶及送上餐牌,  茗茶每位 $13,  水滾茶靚, 餐牌內有多頁, 有介紹 龍華酒店由 1938年開業, 原來金庸曾在此 寫成 [書劍恩仇錄], 朋友先點菜,   首選皇牌頂鴿,  頂鴿也有多種烹調方法,   餐牌有名貴菜式, 也有撚手小菜及燉湯.  價錢豐儉由人.餐廳座位多,  寬敞舒適, 裝修及燈飾有懷舊感.  牆上掛了很多照片, 帶給香港人不少回憶. 等上菜時,  可以細閱牆上照片, 有明星 及法國廚到訪, 來頭真不少.  餐廳也不乏美酒, 可以招待朋友.燉湯先送到,  生磨杏汁燉白肺湯,  這個湯真是頂呱呱, 燉的時間足夠, 食材豐富, 足料.  入口杏汁味美甜濃, 豬肺都燉到好稔, 不是一般酒樓可以嚐到的靚湯, 大家慢慢品嚐.紅燒頂鴿, 賣相好, 炸得香脆,  上檯香氣撲鼻.  我們選擇切開四件, 容易進食. 新鮮鴿的肉比較嫩滑, 有肉汁又好肉,炸得少油膩.  感覺味道香氣與別不同,  乳鴿係必食之選.薑蔥焗廣島蠔, 有鑊氣,  上檯即聞到好香薑蒜味.焗廣島蠔好大隻, 足足有九隻之多,  蠔味濃, 薑蔥爆得香口.  調味正. 香煎釀豆腐,    古法煎釀豆腐比其他酒家出品大件,伴有翠綠小棠菜,   調味正.豆腐 質感軟滑.  鯪魚肉有膠質, 煎得好味出色, 芡汁濃淡剛好,  營養豐富, 好好食.小棠菜好嫩滑, 口感爽！食物足料好味, 廚藝吾錯.   看看 牆上有張大 poster, 原來 2014年李小龍主題畫展 在此舉辦.  好有懷舊意義.酒店面積十分大,  有園林茶座, 花園,  食完飯可在外園遊覽, …Read More

龍華酒店開幕於1938年，至今已有84年歷史。曾經叱咤風雲，與半島酒店齊名。當年嘅沙田尚未開發，山明水秀。好多文人雅士都喺呢度住過。當中包括金庸，佢嘅第一本小說‘‘書劍恩仇錄’‘，都係呢度創作的。1985年開始，龍華酒店因未能符合香港消防條例，轉以餐館形式經營。但酒店兩個字並未因此而抹去。佢哋最出名嘅菜式要數乳鴿，連彭定康亦都係熟客之一。時至今日，因為疫情嘅關係，聽聞龍華酒店都有機會結業。因為呢個原因，我決定要到此一遊，來睇吓呢個地方。喺沙田火車站大約行15分鐘到，就會到達龍華酒店。入口的長長走廊掛滿左紅色嘅燈籠🏮。沿途重會見到有一個古色古香嘅庭園🪷，仲有兩隻孔雀🦚。餐廳室內應該有翻新過，牆上掛滿昔日明星的海報相片。相信好多人都聽到呢度有結業可能，所以當日去到人山人海。嚟呢度一定要叫三寶：🐓沙田雞粥個粥都算煲得綿滑。但食落雞味不是太重。雞件同粥好似係兩件事咁。雞件偏瘦。🦜紅燒乳鴿紅燒乳鴿可以揀原隻上。餐廳提供手套，自己拎住食。即叫即整，上菜時熱辣辣。皮脆肉嫩，保留肉汁。🥄豆腐花豆腐花配有桂花蜜。豆腐花都算好滑，入口即化。整體來講，我覺得呢度嘅價錢偏貴，食物質素尚可。服務方面，可能因為廣告關係，座無虛席。廚房侍應都應接不暇，上菜時間好耐。如果大家都係抱着懷舊嘅心態，可以來呢度一遊。建議飲早茶或下午茶，食豆腐花同紅燒乳鴿。…Read More