Buff

好多話想說，好多話沒說，好多話不能說。(1) 香煎海蝦龍蝦汁捲捲意粉意大利「即食麵」每日限量發售。捲捲麵體紮實不易軟爛。龍蝦汁不算濃稠，但每條麵條麵充分掛汁，香氣溫暖。許願有不同口味的捲捲意粉。(2) 火炙北海道左口魚粟米奶油扁意粉用畢大熱捲捲熱粉，即刻令扁意粉口一瀉千里。口味屬於期間限定，必須一試。粟米奶油醬汁輕盈，非常有驚喜，加入的檸檬、香草及芝士令質感更順滑。就算身邊人聲鼎沸，夢裏的樣子也不再皺眉，變得不苦。…Read More

❣️原來捲捲意粉真係可以超彈口❗️自從失敗左好多次捲捲意粉後，我決定去餐廳食！❣️呢間文青cafe 走悠閒風，有手沖咖啡之餘，窩夫意粉都有，木系裝修好舒服🍝香煎海蝦龍蝦汁捲捲意粉 $148- 原來捲捲意粉真係可以彈口，掛滿掛滿龍蝦汁，仲有蟹子勁正！海蝦煎到好實香🧇士多啤梨野莓窩夫 配雪糕$118- 窩夫好脆厚身又超脆，好有蛋香 ，雪糕texture夠曬rich🍳特盛全日早餐$138- 超豐富，雞肉肉質嫩，水準唔錯。仲有窩夫配上蜜糖，幾香口🥣值得一提係蜆味噌湯，真係有粒粒蜆肉，好清甜☕️手沖咖啡（DAK Cherry Pick Costa RicaAnaerobic Natural）- fruity有層次感，幾清香另外仲可以飲（凍）百利甜酒咖啡鮮奶$60…Read More

點了香煎海蝦龍蝦汁卷卷意粉、開心果蛋糕，再加杯維也納咖啡，由醇香到鹹鮮再到甜潤，一口接一口，啱晒放空嘅時光。主角海蝦龍蝦汁卷卷意粉一上台，碟邊整整齊齊擺咗四隻大 𫩥 海蝦，蝦身飽滿彈牙，睇住就好有食慾；中間嘅卷卷意粉居然係空心㗎，螺旋形嘅意粉能掛住嘅龍蝦汁，但龍蝦汁味道不是很濃郁或減香。咬落第一啖意粉，首先feel到外層嘅煙韌，跟住空心位裏面嘅龍蝦汁口感豐富，龍蝦汁沒有腥氣；空心面咬落「彈中帶脆」，唔會腍痴痴亦唔使咬到腮痛，每啖都有嚼勁。食完意粉再拎起碟邊嘅海蝦，肉質雪白彈牙，蘸少少龍蝦汁食，海蝦嘅清甜同意粉夾埋，簡直冇得彈。性價比很高！凍維也納咖啡，杯身帶住適中嘅冰感，入口剛好解膩。望入杯裏，中間浮住幾粒冰，唔多唔少，啱啱好凍住成杯咖啡，又唔會影響飲用口感。 最靚係面層——厚厚一舊忌廉蓬鬆得似朵雲，頂頭仲均勻撒咗層咖啡粉，賣相即刻靚晒！用羹舀一啖忌廉，滑捋捋嘅，入口居然有啲似提拉米蘇嘅綿綿口感，淡淡奶香Cream混住上層的咖啡粉很特別有一點點咖啡苦味，口感好像吃燒過的棉花糖。 再啜返啖下層咖啡，冰涼口感好順滑，入嘴滿是濃郁嘅咖啡香，醇厚度好足，完全冇半分微苦，只係純粹嘅香滑咖啡味。配埋頂層嘅忌廉同咖啡粉，先嘆到粉嘅細緻、忌廉嘅柔滑，再嚐到咖啡嘅濃醇，幾種味道搭得啱啱好，一口落肚，下晝嘅倦意即刻散走，忍不住要點多一個開心果芝士蛋糕配合咖啡！最後呢件開心果芝士蛋糕真係成餐嘅亮點！上層係淡淡73比例3份是原味芝士，滑捋捋又夠香；下層7分就係混入咗開心果嘅芝士底，咬落有淡淡堅果香，兩層口感好分明。最妙係中間位置——軟糯到有少少流心感，又唔會完全水汪汪，用羹舀起時會微微「掛住」，入口滿滿都係濃郁嘅芝士香同開心果味，甜得好夠層次，又唔會齁喉，食完個口仲留住淡淡堅果香，正到冇朋友！…Read More

平日12點半左右過去已經排晒長龍 大部分都應該係附近返工嘅上班族 店舖位置唔算太少 等咗20分鐘左右就入到座～🥢香煎海蝦龍蝦汁捲捲意粉同想像中嘅味道一樣 龍蝦汁味道濃郁 意粉軟硬度啱啱好 值得一提嘅係份量啱啱好 🥢開心果芝士蛋糕有兩種口感 下層係超級超級順滑 芝士味好夠再搭配適中嘅開心果位 成件事緊夾 會因為呢個cheesecake想再幫襯應該會再去幫襯 呢個價錢對得住個質素 見到隔籬枱食其他意粉都好吸引 會想再過去試埋其他意粉!!…Read More

鰂魚涌其實有好多高質食肆，今次介紹呢間餐廳主打西日料理同Homemade甜品，晚市嚟叫套餐會附送餐湯同熱洋甘菊茶，仲可以優惠會加購甜品同小食同時呢度係一間精品咖啡店☕，主要供應本地烘焙豆，每個月都有嚟自唔同產地單品咖啡豆，啱晒Coffeeholic 餐廳位置鄰近鰂魚涌B出口，約朋友食飯都好方便✨香煎海蝦龍蝦汁捲捲意粉呢度有近期大熱嘅捲捲意粉又點可以錯過呢驟眼睇好似粗身版即食麵，每條掛滿香濃龍蝦汁嘅捲捲意粉都彈牙得嚟又紮實✨和風明太子炸薯條 灑有紫菜碎嘅熱焫粗薯條上有木魚絲，蘸明太子醬添風味✨日式焦糖布甸質地柔滑嘅布甸入口即化，帶有一種輕盈感，焦糖醬微苦同布甸奶香味相得益彰✨士多啤梨野莓窩夫配雪糕份量夠多两個人食啱啱好香甜窩夫外脆內軟，可蘸士多啤梨醬或者𢳂少少帶有椰子香雪糕一齊食，士多啤梨同藍莓夠多✨蝶豆花檸檬氣泡水蝶豆花加入檸檬汁後會變成夢幻紫色，視覺效果一流味道微酸微甜，氣泡水提升整杯飲品嘅清爽度✨髒髒咖啡幼滑冰牛奶配香濃濃縮咖啡，鍾意飲咖啡嘅你唔可以錯過…Read More

外形像即食麵的意大利捲捲意粉，最近在香港大受歡迎，於人氣cafe 不苦的鰂魚涌新分店亦可找到這款爆紅菜式，鄰近鰂魚涌B出口，交通方便，以木系裝潢為設計主軸，作為精品咖啡店，餐牌主打西日式料理及自家製甜品，主要供應本地烘焙豆，及每月都有來自不同產地的單品咖啡豆，晚市套餐附送餐湯和熱玄米茶，更有加購甜品或小食優惠，是日餐湯為蜆肉味噌湯。香煎海蝦龍蝦汁捲捲意粉 $148捲捲意粉即是 Fusilli Lunghi Bucati，以意大利南部出產的高蛋白硬質小麥製成，最大特色是它的長條螺旋造型與中空結構，麵條結構堅韌且富有彈性，極易掛上紅潤鮮甜的龍蝦汁，蝦肉新鮮爽彈。日式咖喱吉列豚肉定食 $108定食附上米飯和漬物，炸成金黃的麵包糠外層酥脆無比，豬扒肉質纖細易嚼，肉汁豐滿，沾上經典日式甘口咖哩，甜而不辣，拌飯一流。墨西哥粟米片配雙色醬 +$55將輕薄香脆的墨西哥粟米片沾上牛油果醬和明太子醬，開胃惹味。脆炸七味海苔魷魚 +$48炸得乾身不油膩，吃時蘸些蛋黃醬，魷魚肉質彈牙爽口不過韌。提拉米蘇 +$48做法正宗，融合了苦香可可和濃縮咖啡粉，浸滿咖啡香的手指餅有如海綿蛋糕般鬆軟，以杯裝盛載還有助保持細緻濕潤的質感，入口即化。開心果芝士蛋糕 +$48芝士蛋糕口感濕潤綿密，趕上近期大熱的開心果熱潮，散發果仁芳香。日式焦糖布甸 $50布甸質地Q彈細滑，微苦的焦糖醬剛好與帶甜味的布甸達到味蕾上的美妙平衡。熱鮮奶咖啡 +$22 及美式咖啡 +$18口感溫潤圓滑，咖啡香氣細膩，留下回甘餘韻。…Read More

來到鰂魚涌新開一間簡約木系文青風的咖啡小館，餐廳亦都有售賣自己烘培的咖啡豆，走進店空氣中瀰漫著淡淡的咖啡香。☕🌱🏡👫🍽️餐廳的晚市套餐，會包了一份主食、湯品及熱洋金菊茶，以及加購特色的小食、升級飲品和新鮮自家製甜品。🥘🍲🌼✨ 香煎海蝦龍蝦汁捲捲意粉（$148），以濃郁龍蝦汁搭配彈牙的捲狀意粉，做到非常掛汁的效果，大蝦口感爽彈，很回味的組合搭配。🦐🦞🍝✨ 法式蘋果奶油雞，雞肉煎至外皮金黃，內裡嫩滑多汁，忌廉汁吸收在雞肉裡，感覺很邪惡。周邊的伴菜以一片片的的蘋果代替了薯角，感覺很健康、清新，微甜果香中和了奶醬的濃郁，口感層次豐富。🐥🥘✨ 維也納咖啡，綿密鮮奶油與香濃黑咖啡形成完美對比，外形很打卡，入口先滑順後回甘，幾有驚喜。🧁☕️✨ 比利時朱古力牛奶，整杯朱古力都很深色，當中的可可粉落了不少份量，令巧克力味醇厚，再撞入牛奶更香濃順滑。🍫🥛✨ 炙燒芝士雞肉棒，雞肉鬆軟多汁，外層塗上濃郁芝士後火槍炙燒，芝士微焦拉絲。🍢🧀✨ 日式焦糖布甸（+$48），布丁的頂層加上了滑溜的cream，滑嫩如絲的蛋奶布丁，入口即化，甜度恰到好處，很有日式精緻的造型。🧁🍮✨ 提拉米蘇（+48），每一口都非常軟滑而且充滿咖啡香，口感輕盈不膩，是一份很滿足的飯後甜品。☕️🍰…Read More

之前喺深水埗食過呢間cafe，原來鰂魚涌都有佢嘅分店，仲要好近地鐵站，真係好方便😜 呢度行文青風格，真係可以過一個寫意嘅下午☺️香煎海蝦龍蝦汁捲捲意粉呢個係餐廳嘅招牌菜之一，幾乎每一枱都有嗌呢一個啊🍝 捲捲意粉形狀更加掛汁，而且食落口幾有口感 。仲有幾隻彈牙嘅香煎海蝦🦐63°C溫泉蛋煙腩肉卡邦尼用上扁意粉，每條都沾上忌廉☺️ 面頭有溫泉蛋同埋煙腩肉，味道略帶點鹹香，幾有風味。手打蝦堡厚吐司呢個吐司都係勁足料，手打蝦堡甚至比厚吐司更加厚，真係好誇張🍞 手打蝦堡彈牙，配埋千島醬，入口唔會太乾，每啖都好令人滿足😌 側邊仲有薯條，係我最愛嘅粗薯條🍟墨西哥粟米片 配雙色醬呢一份小食份量都幾多，惠顧晚市套餐可以用優惠價加配😉 個人好鍾意牛油果醬，真係同香脆嘅粟米片好夾。提拉米蘇呢一份招牌甜品好多客人都有嗌，mascarpone cream真係好順滑，咖啡嘅香味都好正😎開心果芝士蛋糕另一款人氣嘅甜品，呢個芝士蛋糕嘅質地真係好滑溜，入口即溶🥰 開心果嘅味道同芝士都好夾。小山園抹茶拿鐵可以揀少甜同無糖嘅版本，我哋揀咗少甜，抹茶嘅味道濃郁，有少少甜味就冇咁苦🍵比利時朱古力牛奶勁鍾意呢一個飲品，朱古力嘅味道唔會太甜🍫呢度晚市都有套餐可以叫，套餐包咗餐湯同熱洋甘菊茶，都幾抵食㗎。鍾意飲咖啡嘅朋友仲可以買烘焙咖啡豆返屋企🤩…Read More

呢間Cafe既甜品賣相好靚。今日同大家去鰂魚涌。不苦@buffcafehongkong 由九龍開到嚟東區，好近鰂魚涌B出口，幾方便。全店都係採用淺色木系裝潢，簡單得嚟又令人舒服😌。呢度係一間精品咖啡店，主打西日式料理&自家製甜品。呢度亦會供應本地烘焙豆同埋海外不同產地咖啡豆。估唔到晚市佢地都有套餐（～HKD150)，會附送餐湯（味噌湯）、熱洋甘菊茶，仲可以加購甜品/小食優惠。呢度可以食到近期大熱捲捲意粉🍝。意粉沾滿香濃既龍蝦汁，食落幾彈牙。海蝦幾大隻爽脆👍🏻。安格斯封門柳牛味都濃又帶點嚼勁，配埋燒汁惹味送飯都唔錯。「煙三文魚配黑醋汁沙律🥗」落左黑醋好開胃，份量都好多，健康朋友之選❤️。呢度甜品賣相都好吸引🤩。呢款開心果芝士蛋糕超靚，質感較軟滑，下面既cream都幾輕盈、上面仲有d開心果碎，口感都唔錯。Tiramisu 好大杯，中間既cream cheese都幾滑口，咖啡酒又唔會令手指餅過濕。整體咖啡味都幾突出。最後仲叫左一杯日式焦糖布甸，食落好滑，帶微微雞蛋香，配埋焦糖醬會更香甜。整體嚟講，呢度都坐得舒服嘢食，賣相都好吸引，味道都錯，大家嚟鰂魚涌，都不妨約friend嚟試返次～…Read More

深水埗不苦cafe開店以嚟好受歡迎，最近喺鰂魚涌開咗分店，木系簡約裝修環境幾chill，中午都成日見有唔少人排隊！—— 鹽烤鯖魚伴燒汁定食 $138魚皮烤到微焦！鯖魚魚肉keep到juicy，燒汁甜中帶微酸，配埋珍珠飯超送飯！—— 香煎海蝦龍蝦汁捲捲意粉 $148大熱捲捲意粉好多枱都叫！蝦肉爽彈，捲捲意粉質感反而有啲硬，醬汁再多啲就更好～—— 開心果芝士蛋糕 $68全晚最鐘意依個😍😍價錢唔算平但真係好食，開心果味夠濃，芝士質感超級幼滑，淨係食邊邊嗰層都食到好香芝士味！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 不苦 (鰂魚涌)海光街7-9號龍景大廈地下6號舖…Read More

朋友發現鰂魚涌有間新開嘅cafe店，就一齊去試吓。Menu唔單只有all-day breakfast 等西餐仲有日式定食，好吸引嘅甜品同精品咖啡.一定要試吓個《特盛全日早餐》啦生菜，炒蛋，香腸，薯餅，窩夫，全部都好食.個menu有好多特別嘅意粉都想試，諗咗好耐結果叫咗個《香煎海蝦龍蝦汁捲捲意粉》個意粉睇落似公仔麵，但其實好有口感個汁有濃郁海鮮味，海蝦夠爽，甜甜哋好好味.加咗個小食《柚子芝麻手羽先》，炸得好香.我哋兩個都俾個甜品menu吸引咗叫咗個《提拉米蘇》同《伯爵茶芝士蛋糕》一齊share果然係落力去咖啡豆度嘅cafe個提拉米蘇好有咖啡香味，幾好！個homemade伯爵茶芝士蛋糕真係超好味伯爵茶味夠濃，同個原味芝士蛋糕有對比非常讚！非常推！！嚟呢度真係一定要叫甜品！.另外朋友叫咗杯《骯髒咖啡》店員介紹呢間cafe係主要用本地烘培嘅咖啡豆亦有每個月入不同產地嘅咖啡豆賣難怪杯咖啡咁好飲.我叫咗杯《小山園抹茶拿鐵》店員真係好認真咁whisk杯抹茶，非常濃厚而且倒到好滿好滿咁😆抵哂！.店內環境優雅清靜，同朋友坐得好舒服非常清潔，裝修令人感覺好relax.地點位於鰂魚涌地鐵站行幾分鐘就到而且朝早9點開到夜晚9點，好值得再去chill吓～…Read More