Aidan Cafe (Kwun Tong View) (Closed)

呢間韓式餐廳好有人氣，好評有千幾個😲!! 咁火熱，緊係要試下啦!!🤭星期三晚6點零嚟到，當時已經有唔少食客😦 不過到我一個鐘離座果陣都依然有吉位。雖然餐廳有兩款二人餐分別$368、$488，但自己對飲品同甜品無興趣🤔，所以最後單點左四款食物，未加一都只係$322，個人覺得比套餐化算。🙊身為薯怪嘅我，每次見到炸薯條都會點😏，而且好多人都話呢度嘅芝士炸雞好味，既然我無點芝士炸雞，咁就比個藉口自己點芝士薯條啦!!😆芝士薯條 $28份量唔多，細細碟，而且係我麻麻地嘅幼薯條，感覺比麥記再幼身少少；不過勝在熱辣辣，配埋甜甜鹹鹹幾有芝香嘅芝士粉，好快比我地清哂😋韓式甜辣年糕炸雞 $108/4件餐牌寫住大辣，仲諗住唔會辣得去邊，但原來食果陣唔覺辣，但一停口，佢嘅辣就會滲出嚟😦怕辣嘅朋友真係要有心理準備!!雞上下髀各兩件，每件都大大件，肉質OK，上枱即食果陣雞皮仲脆；不過底味蒜粉濃左D，食完個口會有陣味😅溫泉蛋牛柳石鍋飯 $98上枱果陣石鍋都嗞嗞聲!! 不過都係整唔出飯焦，最多係將D飯變到硬韌；牛柳粒比想像中多、同埋食到有牛味、又唔會好韌好難咬；石鍋飯加入好多椰菜絲，食果陣會咬到脆口嘅椰菜。唯一望筆位係個汁度，佢好似用左鰻魚嘅燒汁，一嚟同牛柳無咁夾，二嚟食落令人聯想魚腥味。🥴最後一款係我再期待嘅明蝦辣拌麵 $88我之前睇韓國吃播食辣拌麵，食到津津有味，仲好後悔自己無喺韓國食過，所以當我知道呢度有果陣真係好期待，但…結果係全晚最難食，亦係我近期食過最難食嘅野😫配埋無一樣OK，首先，呢三隻蝦真係得個樣，完全無蝦味都算，仲要一陣雪藏同海鮮腥味🤢；雞蛋無蛋味、沙葛唔甜、甘筍切太粗，食落太硬又撈唔埋；諗住個麵會好D啦，點知食落就係韓式辣醬個味😑，無麻油香、蒜香、亦無加醋調味，根本就係一個辣醬撈麵Feel...中伏...😔職員主動、良好服務態度，不過食物一般，最好味係個薯條，難怪Google得3.8分😂…Read More

今日專登嚟睇吓呢個造價半億嘅音樂噴泉係咩玩法😝 順便食咗呢間人氣No.1嘅高質韓國菜黎之前一日book咗枱 所以有得坐窗口卡位🥳芝士海鮮菜餅 $78芝士海鮮菜餅冇乜芝士 同埋好難切 建議可以叫佢切咗先上菜😅炸紫菜卷 $38炸紫菜卷有驚喜 入面包住韓式粉絲👍牛肉石鍋飯 $98 牛肉石鍋飯有飯焦 可以落多啲辣醬韓式甜辣年糕炸雞 $98炸雞係最好味嘅一道菜 好脆好多汁 同甜辣醬配搭好夾 👍👍👍😍…Read More

因為同朋友係觀塘有活動，所以就隨便係附近食埋晚餐。當然選擇大家都鍾意嘅韓國菜🥰辣炒豬腩肉拌飯好食👍🏻豬腩肉無腥臊味，又唔會好肥好油，而且配埋蔬菜、醬汁、紫菜，搞拌一齊🥣好好食，我哋好快就清左韓式甜辣年糕炸雞🍗今日嘅vip💫，年糕好煙韌，炸雞炸得好好配埋醬汁食，係會食唔停口，最後我哋又order一份。同埋好醬汁嘅我，覺得炸雞嘅醬係萬能，差唔多今餐樣樣餸都點個醬食炸紫菜卷正常，無咩特別。平時食係連辣炒年糕啲醬食，今次無叫，就連埋炸雞啲醬食，絕配😌海鮮煎餅成晚最差👎🏻嘅食物，個餅煎得唔脆，好濕好淋，又無味。都係因為炸雞醬搭救，好味少少。但真心唔推薦叫…Read More

成日經過觀點中心1 樓的小火焰門口都大排長龍，趁住平日，又同先生上去碰運氣，好好彩地只需等幾張枱就有位。炎炎夏日，先來2杯冰凍飲品～～白桃乳酸特飲巨峰乳酸特飲乳酸味道唔太特出，水果味道比較濃郁，冰冰凍凍，真係好舒暢～～～打開餐牌就明白點解甘多人排隊，醬油蝦，拼盤，燒牛扒，炒飯，炸雞，人參酒，火鍋，甜品應有盡有，每樣點了一些後，才發現2人餐更抵～～炸雞系列～有原味，芝士，蜜糖同甜辣味選擇，聽講呢度d 芝士，可以拉到好高 ～～「醬油蝦」 和 「醬油鮑魚」，價錢竟然只相差$10 ，必點醬油鮑魚 ！！原隻上的新鮮醬油熟鮑魚，入口唔會太鹹，保留鮑魚的鮮味同咬口，仲配有口感似脆飯焦的手握紫菜飯團。再來一道必點熱門菜式～「韓式甜辣年糕炸雞」，熱辣辣剛炸起的炸雞賣相吸引，雞脾，雞胸都幾大件。入口外皮香脆，甜中帶辣，好開胃，而且愈食愈辣，啱晒中意食辣的朋友。小妹平時食飯好中意飲湯，特地點了「大醬海鮮鍋」～～有海鮮，有蔬菜，有湯飲，仲有d 韓式粉絲，入晒味，好鮮甜。漏左單既「牛肉石鍋飯」，9 點半先上枱，當大家都在食甜品既時候，我同朋友就好努力甘拌飯，趁熱將配料，雞蛋同牛肉在超熱的石鍋內伴熟。伴好的牛肉熟度剛剛好，肉質頗軟淋，雞蛋令白飯更香滑黏口，酸甜爽口的黃蘿蔔好送飯，每一口都食到唔同配菜同牛肉，幾好味 ！！甜品留返下次再黎食～～～小火焰韓式咖啡廳 (觀點中心)觀塘觀塘道410號觀點中心1樓1號舖🌙月光太太…Read More

同朋友食生日飯，不得不食豪D！太多太多野想食，一於柯打$398 二人餐啦一次過滿足曬食泡菜，沙律，炸雞年糕，石頭飯，牛骨湯，甜品同飲品，我計過等於正價嘅六折1）三色前菜：有傳統的津白泡菜，蘿蔔泡菜同海帶2）脆米豬水沙律：好特別的組合豬手加沙律，但豬手切得厚薄不一，偏厚，建議切得薄D，但味道很好很清新！3）韓式甜辣年糕炸雞：即製熱辣辣，有4件炸雞，每件雞伴上帶較重甜味嘅醬，肉質保持嫰滑多汁，係咁多菜式中最愛仲有煙韌的年糕！4）醬油鮑魚配糖心蛋手握紫菜飯：個鮑魚好入味，個紫菜飯好香麻油味同紫菜好多好香口5）雪香牛骨湯鍋：湯頭好香濃牛味，奶白色湯裡除咗有牛仔骨外，仲有好多好豐富嘅配料有翠肉瓜，粟米芯，金菇冬菇，津白，配上粗身粉絲，口感一流6）牛肉石頭鍋飯：店負好細心撈好石頭飯，所有配菜切得好幼細，配上麻油香嘅紫菜，我倆全部食曬！7）奶油芒果窩夫：賣相吸引，但窩夫不夠香脆。8）蜂蜜生薑茶十巨鋒乳酸梳打：cheers :)係好豐盛嘅一餐…Read More

放假嘅週六心情總係特別好，同先生行完街揀咗呢間人氣極旺嘅韓國餐廳食晏，位置喺觀點中心入面，座位都幾多，但未到十二點已經滿座，等完一輪總算可以入座。一睇餐牌已經鎖定目標，就係呢個超級豐富嘅二人餐，有齊我最想食嘅醬油蝦、甜辣年糕炸雞同大醬湯。二人餐包飲品，而且選擇亦唔少，仲可加錢升級做特飲或者燒酒。前菜有辣泡菜、涼拌海帶芽同醃蘿蔔，清新開胃。脆米豬手沙律份量唔細，豬手爽口彈牙，感覺食緊滿滿嘅骨膠原，加上帶點胡麻味道嘅沙律醬降低膩滯感，加入脆米亦令口感層次更豐富。珍寶尺寸嘅醬油蝦配上溏心蛋同手握紫菜飯，完全係勾起食慾嘅配搭。醬油蝦鮮嫩肥美，肉質結實彈牙，味道唔會過鹹，入口係滿滿嘅鮮甜滋味，令人有種置身韓國嘅感覺！甜辣炸雞配上年糕係極邪惡嘅組合，甜辣醬辣度好夠，無論配搭炸雞抑或年糕都係一流。炸雞即叫即炸，熱辣辣上枱，熱到要吹下先食得，咬開鬆脆嘅外皮，鮮嫩嘅雞肉仲滴住肉汁，冇得彈！大醬海鮮鍋滾住上，侍應話八爪魚已經售罄，所以用其他海鮮補上，鮮甜濃郁嘅大醬湯底配上大量海鮮同韓國粉絲，係另一道我好鍾意嘅韓國菜。食完前面嗰幾道其實已經好飽，牛肉石鍋飯送上嘅時候我同先生都已經想投降，石鍋飯份量非常多，牛肉肥瘦適中，仲有大量配料，加入辣醬喺吱吱作響嘅石鍋入面拌勻，非常香口。食埋石頭鍋飯已經有衝動想叫侍應唔好上甜品，還好奶油芒果窩夫份量唔算大，窩夫比一般食到嘅細件同薄身，新鮮即製，伴上冰凍嘅芒果雪糕、新鮮芒果肉同奶油一齊放入口，為豐富嘅午餐畫上完美句號。巨峰乳酸特飲帶有綿密細緻嘅汽泡，味道清新，解辣一流。餐廳嘅食物份量好足，同先生自問都係擦得之人，但面對呢個極豐富嘅二人餐，實在係要跪低，份量多到三個人分享都絕對冇問題，而且食物質素唔錯，性價比又高，大胃王絕對唔可以錯過！…Read More

同朋友來食，首先地方幾大，坐得幾舒服！食物來講正常價錢，兩三個朋友分享食物的話，大概每人$150以下。叫咗個招牌熔岩芝士炸雞麵包，上網睇到好吸引芝士勁多，填滿成個面包仲拉絲！可以用來點炸雞🍗，炸雞本身已經調味，點完更好味，大約10塊細的份量～ 食芝士怕膩隔離有沙拉🥗 炸雞有醬汁但仍然十分脆身唔錯！面包🥯開頭食脆身，最後就會軟身少少，煙煙韌韌另一種口感，個人感覺唔錯～ 芝士唔係好濃味那種，係淡淡咸咸微甜咁❤️ 份量多多真滿足！推介！仲有芝士醬淋面的脆脆皮，要盡快食如果唔係耐左就會諗～炸紫菜卷，好正唔油膩，出面好脆身有紫菜香味，入面係軟綿綿的粉絲！兩種口感 推！最後叫左半份韓式甜辣炸雞🍗其實同啱啱熔岩芝士麵包嗰個差唔多，不過呢一個炸雞偏辣，唔食得辣請skip因為都幾辣！外皮算厚，不過入邊雞肉都滑，有時候太大舊又有骨，比較麻煩食落，好彩佢有佢上手套俾你用手食，年糕口感煙韌，如果份量多點就好啦！整體可encore !…Read More

而家周圍都咁多菌🦠出街食飯最驚就係污糟😣呢間餐廳每一張枱都會放咗一支消毒噴霧‼️飯前飯後都可以噴一噴🤤幾衛生✨不過強烈唔建議大家喺呢度切蛋糕🎂唔知係咪因為嗰段時間係轉場時間～我地比咗切餅費 但係零服務🧐連碟都冇比隻～比$50佢 淨係幫我地將個蛋糕放咗落隻碟度🤔-熔岩芝士炸雞麵包🧀 $148麵包睇落好脆 但係食落好淋身同埋煙韌🤣面頭有層焗到金黃色焦焦地嘅芝士😚下面就係海量嘅半融cheese 拉絲效果一流🤤不過芝士味就唔可以話好濃 偏奶香🍼似cream cheese多啲🧐啲炸雞好脆 炸粉好薄身✨估唔到肉質都幾嫩滑多汁😋將啲雞肉浸落啲芝士到一齊食真係好正😍食完啲雞仲可以食埋個農夫包同埋隔離啲墨西哥脆片👍🏻-韓式甜辣年糕炸雞🍗 $168 (全份）佢menu有好多野都有一隻🌶️ 但係完全冇辣味嘅🙈呢款有三隻 雖然係甜甜地 但係都真係幾辣下🧐呢度嘅年糕好得意係比較幼身嘅～不過我就鍾意正常嗰啲多啲🤣炸雞大約有八舊左右 每一舊都好大舊‼️但係因為佢有好大塊雞皮同埋雞骨 所以其實都唔太多肉😟呢款都炸得好脆 不過肉質就冇上面嗰款咁嫩滑😣值得一讚係呢度好貼心會提供手套 比人用黎食雞🧤-韓式蟹籽卷蛋🍳 $78呢個卷蛋味道相當豐富🥰個蛋係好似玉子燒咁甜甜地 上面仲有好多蟹籽、沙律醬同埋甜辣醬😝最特別係佢卷蛋入面加咗啲飯 所以食落口感好得意😎不過我就嫌佢太多醬好濃味～因為其實舊卷蛋好細舊 蓋過晒蛋嘅味🙈-牛肉水冷麵(蘿蔔味湯底)💧 $78全部嘢食都比較油膩 嗌番個水冷麵最好不過🤤個冷麵質感好爽口彈牙✨冷麵仲配左好多青瓜絲、蘿蔔絲同埋香梨🍐個湯底個味麵調得好好 唔會好鹹好濃味😝食落好清甜 好清新🥰佢啲牛肉係切好左一條條 牛味比我預期中濃好多‼️啲肉仲好滑 一啲都唔韌唔鞋🤩呢個都幾推介💓-拉絲芝士BB豬肋骨伴泡菜炒飯🐷$88除咗芝士之外🧀個豬肋骨仲加咗BBQsauce 所以食落甜甜地🍯個豬肋骨比較少肉 骨同地肉都好難切開 🧐但係肉質都幾淋 唔會太肥 😛不過同上面一樣 個芝士係偏奶味🍼因為嗰日都幾多人去食 所以個炒飯淨係淺嘗咗兩啖🙈但係都食到有幾多泡菜🤤個飯唔會炒得好油 酸酸辣辣咁都幾惹味‼️-泡菜肥牛炒粉絲🐮 $78個粉絲炒得好香 口感幾煙韌同好滑嘟嘟🤤除咗肥牛同泡菜之外 佢仲有蔬菜一齊炒😚呢個都淨係試左兩啖 覺得佢炒得幾油下🤫不過啲肥牛好滑💓但係就相對冇上面嗰款牛肉嘅牛味咁濃🙈-仲帶咗兩杯嘢飲✨-藍柑白桃梳打🍹 $34呢杯梳打個味好fresh✨桃味好濃🍑藍柑就似lemonade嘅味🍋又有白桃嘅甜味 又有酸酸地嘅檸檬味👍🏻可以解膩😛-紫薯沙冰 🍠 $46呢個沙冰真係好驚喜 勁香濃嘅紫薯味 又唔會話係死甜味💜成杯冰堆到實一實 勁滿成坐山咁🤤飲極都仲有🤣仲加左啲cream同埋四粒甜薯仔😋好豐富‼️不過要間唔中食下啲冰 如果唔係就會融晒🙈呢個好推介💓…Read More

高人氣韓式咖啡餐廳💕-餐廳於2016年3月底進駐觀塘，已經吸引唔少港人，網上佢既評分都幾高咖！依間其實我都食過兩次了🤣價錢中等合理亦迎合到港人口味！而且上菜速度好快！-1️⃣韓式甜辣年糕炸雞(一份8件)$168⭐️⭐️⭐️⭐️之前食過一次之後一直在回味，所以再叫左！年糕好搞笑地係用好幼既年糕😂炸雞每件size都偏大，兩次都有兩隻比平時大小小既雞翼😂😂炸得好脆，粉也不會過厚，肉質保持嫩滑有肉汁🥰甜辣醬今次就有點偏酸，甜番啲就perfect ！/2️⃣炸雞combo $68⭐️⭐️⭐️依個都幾抵食，有三樣野: 雞軟骨、甜辣炸雞4件仔、芝士薯條。雞軟骨份量勁多，食唔晒完全😂炸得岩岩好同香脆，不過就小左啲調味，稍為有點淡。芝士薯條好食😋芝士醬濃味，唔夠喉！/3️⃣拉絲芝士BB豬肋骨伴泡菜炒飯(可轉白飯)$88⭐️⭐️⭐️⭐️芝士落得好多，真係有拉絲效果😍 飯係泡菜炒飯，泡菜多到食每淡都會有🤣所以飯會偏酸，豬肋骨都充滿芝士味，肉質腍得黎又爽🤣不錯👍🏻-環境：8/10服務：8/10好味指數：9/10回頭率：9/10…Read More

今日嚟到呢間韓式餐廳食晚飯，已經晚上七點半，仍然有人排隊等入位，可見呢間餐廳嘅名氣。同朋友叫咗兩個主食同一個小食：韓式甜辣年糕炸雞半份（$88）、辣炒猪肉蓋飯（$78）同燴牛肋淮山麵（$68）。韓式甜辣年糕炸雞，睇落去賣相非常之邪惡同吸引，炸雞同年糕上面沾滿韓式甜辣醬汁，炸雞有先用胡椒、香草醃過，再沾上粉漿拎去炸，外皮炸到好酥脆，雞肉亦都好滑嫩，但重點係個醬汁非常好食，食落偏辣帶點甜味，好惹味開胃！而年糕好煙韌，同醬汁好配搭，非常推薦！辣炒猪肉蓋飯，配料有炒五花肉、紫菜、紅椒、翠玉瓜、泡菜同韓式拌飯醬等，食之前同將佢哋拌勻，食落帶點微辣，表現中上。燴牛肋淮山麵，燴牛肋煮到好入味，食落去質感似豬軟骨，而麵條條分分根明，唔會煮到好爛，但麵條無彈牙口感，湯底亦都表現中庸，唔會特別推薦。…Read More

辛苦左成個星期，禮拜六臨做gym之前梗係搵啲好嘢食啦。咁啱女朋友又想食韓國嘢，咁就搵左呢間之前喺電視都有介紹過嘅炸雞餐廳。不得不讚嘅係個冰梅沙律，完全有意外嘅驚喜，蕃茄沾上酸酸嘅梅子味道，兩者配合得天衣無縫，完全冇違和感，鍾意食酸野嘅我哋，食到停唔到口。睇完個Menu之後，就決定叫個招牌嘅熔岩炸雞。個雞炸得香脆可口之餘，配合佢微酸嘅芝士，好能夠引起人嘅食慾，再加上芝士唔太漏，令人食多幾件都唔會有罪惡咁。喺韓國嗰時食咗個水冷麵，就好掛住，好食嘅水冷麵冰凍得來又清新，好能夠refresh食肥膩野嘅感覺。呢度嘅水冷麵做得都幾出色，尤其是我哋食咗好多炸嘢之後再食佢，感覺食多幾round熱氣嘢都仲得。年糕炸雞亦令人諗起韓國嘅味道，年糕煙煙韌韌口感一流，炸雞係韓式嘅酸辣味道，令人忍唔住食多兩舊。下次約多幾個朋友你就可以食多幾款嘢食啦。…Read More