Something Wild - The Farm

同朋友去左k11行街，幾鍾意呢個商場成日有好多有創意既商鋪進駐，帶比我好多驚喜。今次黎到，比我發現左一間無論裝修同食物質素，都好有誠意既餐廳，野玩田店。呢間餐廳主要係食西式料理為主，用左超級食物作為主題，加入去到菜式入面，好睇好食又健康。今次我地叫左四樣菜式，分別係「慢煮美國雞胸水耕菜沙律配白果醋 」，「黑松露片炒農場雞蛋酥盒」，「韓式和牛面配韓式牛肉汁」同埋「蟹肉美國露筍闊條手造意大利麵」。1.慢煮美國雞胸水耕菜沙律配白果醋 （$138）Hydroponic garden salad with slow-cooked chicken當行入餐廳時，留意到門口位置，牆身放左一個三層既花圃，種滿好多新鮮既植物，不同既蔬菜同香草，不禁令人覺得一定要叫道新鮮沙律食吧！叫左道慢煮美國雞胸水耕菜沙律配白果醋，上菜時比個份量嚇一嚇，因為道沙律好大盤，生菜非常新鮮而且好大塊，多款生菜配椰子條同番茄仔，當以為生菜大塊會撐起令碟下空心，餐廳真係俾足料，而醬汁係另外裝起，係貼心服務，同埋醬汁酸酸地，好開胃，而慢煮既雞肉比較乾身，加上生菜同醬汁食會比較好入口。2.黑松露片炒農場雞蛋酥盒（$95）Black truffle fried egg vol-au-vent就咁睇menu張相就比佢吸引左，黎到果然冇令我地失望啊，用左三個酥盒去裝滿炒雞蛋，外表相當精緻，而且一上菜就聞到一陣松露既香味，色香味具全，雞蛋炒得好滑，同黑松既比例剛剛好，唔會放得太多搶走左雞蛋既鮮味，而且配埋焗得酥脆既酥盒，兩種分別係滑嫩同香脆既口感令到層次好分明 又豐富左一道材料好簡單既菜式。3.韓式和牛面配韓式牛肉汁（$348）Korean style wagyu cheek steak呢道菜係咁多道菜之中令我最欣賞既，菜式配料好簡單，只有泡菜同蕃薯作配，但好睇得出廚師係主菜上落左心思去煮，望落去以為好似普通牛扒咁，點知一切完放入口，感受到驚喜，估唔到可以整到件牛咁鮮嫩多汁，完全係唔需要點咀嚼就可以吞到，同埋個牛肉汁調較得非常不錯，個味道帶少甜，同呢幾塊煮得剛好既牛件好夾，又唔會搶去左牛既香味，不得不提既係佢既蕃薯焗得好好，準確咁控制到保持佢既水份，食落唔會乾涸，內裡又軟綿，建議先食牛既原味，再試下點個汁食，然後再試下加入泡菜去食，一次過滿足想試唔同層味既你。4.蟹肉美國露筍闊條手造意大利麵 （$178）Pappardelle with crab & U.S asparagus 見到餐單上分別有手工意粉同手工薄餅選擇，但因為我地兩個人食，手工薄餅份量多較大份，於是我地揀食意粉，一於試下佢地既水準。由於本身鍾情於闊條麵，所以揀左個廚師推介既蟹肉美國露筍闊條手造意大利麵。上菜時，意粉份量睇落剛剛好，一開始望落果醬汁好濃郁，完全都唔會水狀，當食落去唔會感覺到濟，意粉出奇地大塊，類似千層意大利麵大小，而且好質地好軟熟，唔似係平時食慣既質地，可能就因為新鮮製作，每一塊都可以點到更多醬汁。鮮甜既蟹肉，連同新鮮既露筍一齊食，食都一口接一口，好食到差d想叫多份。我地兩個人叫左四道菜，四道菜都好滿意，都食到抱住個肚走，餐牌上其他菜式都好吸引，想一一都試試，菜式上有充分考慮到營養均衡。餐廳座位幾多，裝修又有田園風格，光線充足。…Read More

🔅🔅🔅聽聞尖沙咀有間靚餐廳好多適合打卡影相位本女子作為偽文青即搵朋友一齊去😄🔸位於藝術濃厚的K11餐廳採用簡潔木製傢俬特色牆上擺滿綠色小植物禾草農作工具擺設增添氣氛營造了野外大自然的舒適環境😃🔹除了環境外餐牌設計也花上心思圖文並茂解說自家有機菜來源菜式和特色飲品選擇確實不少🔸<炸蟹餅配芒果乳酪> 先來一個餐前開胃小食金黃色酥炸外皮超脆裡面係鮮蟹肉作餡蟹肉香味好突出😍配上甜甜芒果乳酪口感清新而不油膩😋🔹<韓式和牛面配韓式牛肉汁> 在網上介紹說必點之一慢煮方法令韓牛又淋又滑筋位入口融化骨膠原好豐富配菜是炸黃金蕃薯外脆內軟🤩蘸著帶少甜的牛肉汁十分搭配～🔸<巴馬火腿配火箭菜Pizza>  巴馬火腿和火箭菜鋪得滿滿薄餅很薄焗得香脆又鬆軟芝士份量超多足夠拉絲😱材料果然新鮮好好吃喔👍🏻🔹<總結>環境真的讓人很舒服放鬆看著療癒小盆栽邊聊天材料新鮮食物質素很棒🤗🔅🔅🔅…Read More

無諗過係K11行行下街會見到咁田園風既餐廳🍴未入去已經見到好多花草樹木，非常文青！門口既植物仲種緊架！餐廳有好大個玻璃窗，可以好清楚咁望到外面既風景，每張枱都放左的綠色植物做裝飾，配上木製的枱同椅子，文青打卡一流！餐牌都用左綠色既設計，感覺非常舒服，好像身處自然既感覺。坐底無耐侍應就拎左的仲熱既餐包比我地，勁香既蜜糖甜味，忍唔住流口水🤤主菜叫左韓式和牛面配韓式牛肉汁$348好特別既和牛面，一上枱見到好大塊牛肉，牛肉切落唔硬非常容易切開，牛味十足，咬落有口感，中間仲有少少骨膠原咁，好過癮！韓式牛肉汁係甜既，配上牛肉面同泡菜非常特別！用黎做配菜既係炸蕃薯🍠代替炸薯仔，非常健康！蕃薯勁甜，炸得非常軟，好好味！食唔停口，仲可以沾韓式牛肉汁，非常夾！不錯！小食方面叫左焗芝士溫泉蛋大啡菇 $110鐘情於芝士同溫泉蛋既我非常滿意呢個大啡菇，芝士味香而溫泉蛋生熟度剛剛好，大啡菇焗得夠淋身，份量亦足夠！不錯👍🏻切開溫泉蛋時，蛋黃慢慢流出黎，真係好治癒！天然蝶豆花伯爵茶湯力 $78外歡非常靚，用冰塊雪住左成朵蝶豆花，打卡一流！倒落去既時候會見到杯底既紫色慢慢漸變，非常靚！伯爵茶味頗香，飲落回甘，帶少少青檸檬味既清新，不錯。最後叫左個甜品：野玩驚喜$128一上枱侍應就將熱既朱古醬倒落個球體度（如果可以自己倒就好了！）睇住個朱古力波開始溶化，直到見到入面既甜品材料，好特別！入面都好豐富，有雪糕、蛋糕、士多啤梨、藍苺同棉花糖，淋左朱古力醬既外層朱古力非常甜，配上酸酸地既水果同蛋糕，食落剛剛好。尖沙咀想靜靜地食個飯其實都有的困難，到處都好多人，呢間餐廳好舒服，人流不少但依舊做到安靜既環境，有坐cafe既感覺！不錯！…Read More

野玩田店吃過一次，記得上一次吃過韓牛後被其深深吸引😋，這一次特意帶同爸媽再訪。這晚8:00來到，全場爆滿，等了一會才能入座。一坐下，服務員馬上奉上暖暖的餐包，其中一款是黑糖包，很好吃🥯。韓牛必點，此外點了些上次未吃過的菜式。黑松露片炒農場雞蛋酥盒（$95）Black Truffle Fried Egg Vol-Au-Vent聞到黑松露香，但吃起來黑松露味不突出。🐣炒蛋嫰滑但欠缺鹽味，酥皮盒整體上味道較淡，份量少，價錢較貴。韓式和牛面配韓式牛肉汁（$348）Korean Style Wagyu Cheek Steak牛面肉是這間餐廳的必吃菜色🥰，幾乎半數以上的食客都有點這一道菜。4塊厚切的韓牛軟腍入味，肉中還帶有牛筋，充滿膠質🤤，再配上微甜的韓式醬汁，非常好吃👍🏻👍🏻。旁邊還有泡菜和不少甜蕃薯🍠做配菜，焗製的甜薯不油膩又飽肚，是一道健康又美味的菜式。唯一可挑剔的就是牛臉肉的份量不多，吃完後還意猶未盡呢！若能有多幾片就更滿足了😋。海鮮薄餅牛角脆餅（$198）Seafood Pizza Croissant 外型獨特的餃子薄餅好好吃😋，餅底煙韌🍕，又不會過厚。中間夾有千島醬，海鮮和Mozzarella cheese。千島醬酸酸甜甜，十分開胃！海鮮分量亦不少，有蝦🦐、蜆、魷魚🦑和拉絲芝士🧀。味道豐富，頗有驚喜。燒焗本地黑毛豬安鞍架及扒菠蘿配燒汁12oz ($348)Local Black Haired Pig 12oz with Roasted Pineapple豬鞍又厚又大件🐷，很有睇頭🤤，切起來有肉汁，但味道偏淡。前半部份的肉汁不少，點上醬汁後味道會較好吃，後半部像豬腩肉🐖，脂肪部分較多，口感有點膩。反而旁邊的燒菠蘿香甜多汁🍍，令人驚喜。整體上豬鞍特色不大，同樣的價錢還是點韓牛較化算。食物真的不錯，唯獨價錢貴了點，間中與家人來享受一下都不為過。…Read More

野玩有三款系列，當中包括野玩田店🌱、野玩山店⛰和野玩海店🌊，不同系列，有不同主題。🌱野玩田店主打自然味道來自田原，餐廳會自家種植有機方式的菜苗🌱，能夠確保菜苗百分百新鮮和健康👍🏻。前菜🍴韓式和牛面配韓式牛肉汁（$348）Korean Style Wagyu Cheek Steak🐃牛面肉一客有四件，每一口牛面肉也帶肉帶筋，筋位部份膠質十足👍🏻。牛肉肉質Juicy之餘💦，又入味軟腍。🤤吃過之後，讓人感覺齒頰留香！旁邊的配菜有泡菜和焗番薯🍠，焗番薯不油膩，由於是澱粉質，令人感到飽肚😚。雖然價錢不便宜，💁🏻‍♀️不過真的值得來這裏一試！🥩高質韓牛面肉，😎你試過未呢？🍴炸蝦餅配芒果乳酪（$108）Deep Fried Crab Cake with Mango Yogurt🦀蟹餅新鮮炸起熱辣辣，🤤外面香脆可口，中間絲絲蟹肉細嫰，充滿鮮味🦀。🍴日本頂級帶子海膽汁意大利飯（$208）Japanese Scallop & Uni Sauce Risotto🍚意大利飯一上枱便傳來濃郁的海膽香味🌊，飯中加有意大利黃瓜🥒，意大利米的口感粒粒有咬口，是正宗的意大利飯口感🇭🇺。海膽汁味道濃郁，十分不錯，飯面的四片帶子輕輕煎過表面，口感仍保持柔軟，充滿鮮味👅。餐廳內環境，配合主題有不少菜苗作擺設。餐牌如下…Read More

野玩田店喺尖沙咀K11 2樓的Natural內，非常配合主題。有主打鮮榨蔬果汁的corner。也有種植食材的地方，整個佈局就像農莊一樣，很有特色！閒日黎講，都幾旺場！餐包鬆軟可口。菠蘿黃金樹 $78杯飲品成尺咁高！菠蘿沙冰帶微甜，還有天然的酸，十分清新的！木架和杯都是很輕身的，飲用的時候不會感到不便。雲耳新鮮無花果牛油果沙律 $118很特別的組合，都是有機蔬菜來的，清新好味又健康！牛油香蒜炒野菌 $72牛油和蒜蓉的香氣撲鼻，野菌爽口清新，而且份量很多，正！韓式和牛面配韓式牛肉汁 $348和牛面配上濃郁的醬汁，旁邊還有泡菜和蕃薯。和牛面軟腍細嫩，肉味香濃，配上濃郁的牛肉汁更是錦上添花！旁邊的泡菜和蕃薯也是很高質，誠意推薦！…Read More