Read full review
2019-06-24
484 views
同朋友去左k11行街，幾鍾意呢個商場成日有好多有創意既商鋪進駐，帶比我好多驚喜。今次黎到，比我發現左一間無論裝修同食物質素，都好有誠意既餐廳，野玩田店。呢間餐廳主要係食西式料理為主，用左超級食物作為主題，加入去到菜式入面，好睇好食又健康。今次我地叫左四樣菜式，分別係「慢煮美國雞胸水耕菜沙律配白果醋 」，「黑松露片炒農場雞蛋酥盒」，「韓式和牛面配韓式牛肉汁」同埋「蟹肉美國露筍闊條手造意大利麵」。1.慢煮美國雞胸水耕菜沙律配白果醋 （$138）Hydroponic garden salad with slow-cooked chicken當行入餐廳時，留意到門口位置，牆身放左一個三層既花圃，種滿好多新鮮既植物，不同既蔬菜同香草，不禁令人覺得一定要叫道新鮮沙律食吧！叫左道慢煮美國雞胸水耕菜沙律配白果醋，上菜時比個份量嚇一嚇，因為道沙律好大盤，生菜非常新鮮而且好大塊，多款生菜配椰子條同番茄仔，當以為生菜大塊會撐起令碟下空心，餐廳真係俾足料，而醬汁係另外裝起，係貼心服務，同埋醬汁酸酸地，好開胃，而慢煮既雞肉比較乾身，加上生菜同醬汁食會比較好入口。2.黑松露片炒農場雞蛋酥盒（$95）Black t
今次我地叫左四樣菜式，分別係「慢煮美國雞胸水耕菜沙律配白果醋 」，「黑松露片炒農場雞蛋酥盒」，「韓式和牛面配韓式牛肉汁」同埋「蟹肉美國露筍闊條手造意大利麵」。
17 views
0 likes
0 comments
1.慢煮美國雞胸水耕菜沙律配白果醋 （$138）
Hydroponic garden salad with slow-cooked chicken
當行入餐廳時，留意到門口位置，牆身放左一個三層既花圃，種滿好多新鮮既植物，不同既蔬菜同香草，不禁令人覺得一定要叫道新鮮沙律食吧！
叫左道慢煮美國雞胸水耕菜沙律配白果醋，上菜時比個份量嚇一嚇，因為道沙律好大盤，生菜非常新鮮而且好大塊，多款生菜配椰子條同番茄仔，當以為生菜大塊會撐起令碟下空心，餐廳真係俾足料，而醬汁係另外裝起，係貼心服務，同埋醬汁酸酸地，好開胃，而慢煮既雞肉比較乾身，加上生菜同醬汁食會比較好入口。
慢煮美國雞胸水耕菜沙律配白果醋
$138
19 views
0 likes
0 comments
慢煮美國雞胸水耕菜沙律配白果醋
$138
15 views
0 likes
0 comments
2.黑松露片炒農場雞蛋酥盒（$95）
Black truffle fried egg vol-au-vent
就咁睇menu張相就比佢吸引左，黎到果然冇令我地失望啊，用左三個酥盒去裝滿炒雞蛋，外表相當精緻，而且一上菜就聞到一陣松露既香味，色香味具全，雞蛋炒得好滑，同黑松既比例剛剛好，唔會放得太多搶走左雞蛋既鮮味，而且配埋焗得酥脆既酥盒，兩種分別係滑嫩同香脆既口感令到層次好分明 又豐富左一道材料好簡單既菜式。
黑松露片炒農場雞蛋酥盒
$95
22 views
0 likes
0 comments
黑松露片炒農場雞蛋酥盒
$95
20 views
0 likes
0 comments
3.韓式和牛面配韓式牛肉汁（$348）
Korean style wagyu cheek steak
呢道菜係咁多道菜之中令我最欣賞既，菜式配料好簡單，只有泡菜同蕃薯作配，但好睇得出廚師係主菜上落左心思去煮，望落去以為好似普通牛扒咁，點知一切完放入口，感受到驚喜，估唔到可以整到件牛咁鮮嫩多汁，完全係唔需要點咀嚼就可以吞到，同埋個牛肉汁調較得非常不錯，個味道帶少甜，同呢幾塊煮得剛好既牛件好夾，又唔會搶去左牛既香味，不得不提既係佢既蕃薯焗得好好，準確咁控制到保持佢既水份，食落唔會乾涸，內裡又軟綿，建議先食牛既原味，再試下點個汁食，然後再試下加入泡菜去食，一次過滿足想試唔同層味既你。
韓式和牛面配韓式牛肉汁
$348
23 views
0 likes
0 comments
韓式和牛面配韓式牛肉汁
$348
16 views
0 likes
0 comments
韓式和牛面配韓式牛肉汁
$348
27 views
0 likes
0 comments
4.蟹肉美國露筍闊條手造意大利麵 （$178）
Pappardelle with crab & U.S asparagus
見到餐單上分別有手工意粉同手工薄餅選擇，但因為我地兩個人食，手工薄餅份量多較大份，於是我地揀食意粉，一於試下佢地既水準。由於本身鍾情於闊條麵，所以揀左個廚師推介既蟹肉美國露筍闊條手造意大利麵。
蟹肉美國露筍闊條手造意大利麵
$178
29 views
0 likes
0 comments
蟹肉美國露筍闊條手造意大利麵
$178
15 views
0 likes
0 comments
上菜時，意粉份量睇落剛剛好，一開始望落果醬汁好濃郁，完全都唔會水狀，當食落去唔會感覺到濟，意粉出奇地大塊，類似千層意大利麵大小，而且好質地好軟熟，唔似係平時食慣既質地，可能就因為新鮮製作，每一塊都可以點到更多醬汁。鮮甜既蟹肉，連同新鮮既露筍一齊食，食都一口接一口，好食到差d想叫多份。
我地兩個人叫左四道菜，四道菜都好滿意，都食到抱住個肚走，餐牌上其他菜式都好吸引，想一一都試試，菜式上有充分考慮到營養均衡。餐廳座位幾多，裝修又有田園風格，光線充足。
Post
