Social Place (Silvercord Tower)

行完街又係時候諗下食咩好好耐冇飲茶🫖就決定試下這中菜館店內有QR code落單，要諗定開咩茶（如果有選擇困難既人）✨黑天鵝🦢（天鵝酥3件）賣相好特別～可以打卡📸外面咬落酥脆，內裏有滿滿的韭菜亦吸引小朋友嘗試食韭菜✨黑蒜帶子燒賣（3件）外表似磨菇🍄最頂係黑蒜，配上大粒鮮甜帶子，燒賣入口鬆軟✨龍躉肉煲仔飯需要自己倒醬油，份量有點少的龍躉肉，但每啖都係嫩滑的肉煲仔飯最重要有飯焦和粒粒分明，當每次我都會有將飯焦配肉肉一起食，好滿足☺️✨非常山竹（龍蝦汁、蟹肉）（3件）咸水角外皮，食落好香又多汁～可以打卡📸外貌真係好似山竹，外皮軟糯帶點脆，入面主要有濃香龍蝦汁和蟹肉🦀仲有少少粟米🌽增加口感和鮮甜✨蘿蔔絲蝴蝶酥（3件）賣相好似蝴蝶🦋好吸引～可以打卡📸酥皮有香噴噴的牛油味，香脆可口，內裏蘿蔔絲濕潤香甜🏡環境：柔和的燈光和坐位寬敞舒適🍽️食物既精緻又有創意又特別，打卡一流📸🤵🏻🤵🏻‍♀️侍應親切有禮又有笑容‼️注意餡料太熱，需要小心食用…Read More

餐廳在新港中心，入坐有限時的。這次來是午飯時間飲茶，入口很有氣氛，似古代市場，很多擺設，也有零售食品，由於午膳時間有限，未停下慢慢看便趕著入座。餐廳燈光偏黃，枱與枱之間有一定的距離。枱上的碗驟眼看以為內有螞蟻，原來是碗本身的設計圖案。非常山竹 （$59）：質感似咸水角，外層煙韌帶點脆身，饀是龍蝦肉和汁，少許粟米和牛啤梨 （$59）：質感都似咸水角，饀係黑椒味和牛肉碎，黑椒味濃沙薑豬手：沙薑醬汁味濃、豬手切成細塊、爽口、夠味也不肥膩得意小豬 （$39）：真的幾得意的，不太甜，是士多啤梨乳酪奶凍D friend，有創意點心賣相特別，有創意，小朋友必定鐘意。…Read More

第一次去唐宮小聚。個招牌菜係沙田燒乳鴿。行入去用手機app點菜。總價$153。點咗個沙田乳鴿、黑豆漿加非常山竹。個山竹造到好似海賊王個蝙蝠果實。小朋友一定好鍾意。賣相滿分。內餡有龍蝦汁及蟹肉。外皮係山竹。內裏係海鮮。味道好新奇。沙田燒乳鴿味道一般。食過龍華酒店個燒乳鴿，用咗秘製醬汁。有刺激味蕾之感。但唐宮出品既乳鴿。肉質鮮嫩。但少咗刺激味蕾之感。杯黑豆漿好重黑豆味。新奇好味。間食肆有出售零售。埋單時，職員建議我下載唐宮app。加入成為會員可以儲分。我見到人地桌上有一個空樽。原來係黑糯米酒。職員俾咗一個小量俾我試飲。飲完好重黑糯米味。酒精達55%。微辣。建議同乳鴿食。最後我買咗個$158，500ml黑糯米酒外賣。包送個tote bag。…Read More

黎黎去去都係普通酒樓，燒賣蝦餃。所以今次搵到間與別不同既中菜廳食。環境唔似一般酒樓侷促，裝修燈光都做到好高級，而且野食唔似一般酒樓大同小異！入到去已經有蕎麥茶飲，覺得已經高級左今次仲叫左幾樣又睇得又食得既點心：沙田乳鴿 （堂食價)$42夠平取勝，二切一方便食，上枱色澤均勻，而且有肉地非常山竹$59外表整得好得意，外皮軟糯，中間夾住龍蝦汁及蟹肉，咬開好香，而且食落好juicy，爆汁了和牛啤梨$59內裏係黑椒和牛咸水角，黑椒味好重，而且和牛份量唔少得意小豬$39豬仔震揗揗，食落係乳酪凍，好滑口臘味煲仔飯 $89臘味每樣都有啲，但相比外間的煲仔飯份量少；都有飯焦，正常飯品一種沙薑豬手好彈牙，蒜蓉沙薑汁好重，滿滿骨膠原…Read More

講起「唐宮小聚」，不得不提嘅就係佢哋嘅招牌乳鴿🐦由於近舊公司，蘑菇以前成日會同同事光顧。今次約左男朋友媽咪飲茶，諗住帶Auntie食下非傳統創意點心～☺️店內環境優雅寬敞，設有卡位同圓檯，坐得好舒服，啱晒一家大細在此享受family time🙆🏻‍♀️。侍應耐心安排我地入座，並幫手斟茶，服務算唔錯。❀ 鳳眼蝦餃（$59）長條形托盤昇華呢款點心嘅格調🆙蝦餃皮都特登整到好精緻，大大啖蝦仁食到好感動～起碼有兩三隻喺入面🍤❀ 黑蒜帶子燒賣（$69）個topping勁似冬菇🤣，但其實係黑蒜黎。入口即溶嘅濃郁口感又讓男朋友誤以為係黑松露😆。帶子結合大大啖鮮蝦仁，好滿足呀～❀ 脆蝦多士（$89）上次去坪洲冇食到蝦多士，所以今次要嗌黎試下。個多士麵包炸到勁鬆脆，又唔太油，咬落沙沙聲😽蝦仁更加唔洗講，新鮮彈牙😋❀ 沙田乳鴿（堂食優惠$49/隻）次次黎都必食嘅肥美乳鴿😍外皮香脆，肉質十分juicy～二分一切開，方便大家share，可使用檯面準備好嘅手套大快朵頤😽❀ 乾燒大蝦（$139）蝦好大隻，分量十足！酸甜口味好開胃🤤食到停唔到，我連青紅椒都不放過🫣❀ 非常山竹（$59）整到好得意嘅山竹造型💜色香味具全！外衣整到酥脆但紫薯球又keep得好軟糯💕點解話佢「非常」呢？因為佢係包住熱辣辣龍蝦汁同蟹肉係入面😲粟米粒增加鮮甜口味，好新穎🫶🏻🌟寫寫下食評突然發覺個日食左好多蝦😆🔆餐廳另收茶位費每人$10，同➕1服務費。📝環境：8/10📝食物：8.5/10📝服務：8/10…Read More

好耐冇約呢班朋友，大家想食中菜，就揀左位置方便，處於TST 新港中心嘅唐宮小聚。裝修偏高檔，比較時尚，食物方面係比較新式嘅中菜。沙田乳鴿乳鴿夠入味，唔洗額外落鹽👍🏻冰鎮咕嚕肉冰鎮效果幾特別，咕嚕肉脆口，酸甜開胃。和牛啤梨(和牛餡料);非常山竹(龍蝦汁蟹肉餡料) ，外皮似鹹水角，味道唔錯，不過餡料太少。皮蛋豆腐我嘅心水之選，皮蛋香豆腐滑，唔錯👍🏻挪威煙燻三文魚脆粢飯呢個係唯一唔推介，煙燻三文魚+暖粢飯+wasabi 呢個組合係唔夾😕花雕醉雞正常發揮，冇乜驚喜酒醉蟶子口感彈牙，香甜爽口，值得推介👍🏻另外有叫招牌黑金流沙包，同兩款煲仔飯，全部都好好味😋，不過唔記得影相。最後埋單每人港紙三百中，尖沙咀晚餐嚟講價格合理。總括而言，食物選擇非常多，賣相精緻，味道不俗，不過個碟份量較少。…Read More

之前見到啲人post呢間啲可愛造型點心 尤其嗰隻小豬布甸🐷今次食先發現原來其他點心都好精緻全港有四間分店：尖沙咀 中環 荃灣 沙田用QR code落單嘅▶️ 非常山竹 ($59)外型超可愛💜一切就爆汁出嚟入面係龍蝦汁配蟹肉同粟米粒🌽咬落煙煙韌韌 好似啲新年年糕口感👍🏻外皮炸到香脆而唔會太油膩▶️ 鳳眼蝦餃 ($59)連蝦餃都同平時見到嘅好唔一樣樣外皮橙色嘅 入面起碼有三隻蝦蝦食落幾新鮮爽脆🦐不過個皮厚左啲同粉咗啲▶️ 花雕醉雞 ($80)做冷盤幾好花雕酒味幾重🍶雞肉算嫩滑🐔皮同肉之間有好薄嘅啫喱層唯一係唔夠厚肉，偏多骨▶️ 豆漿蟹肉蕃薯葉苗 ($89)豆漿味唔夠香，同埋比較稀，冇大公館嗰個咁好食番薯苗口感有少少黏黏地🥬勝在面頭啲蟹肉好大舊，咬落有啲似龍躉口感 (大嚿都以為係蒜頭 差啲冇食到嘥咗🙈)另外都落咗唔少杞子▶️ 醬汁蘿蔔 ($49)蘿蔔好大嚿，醃到變咗啡色食落酸酸地鹹鹹地，微微帶啲辣🤏🏻相當開胃佢喺每個蘿蔔面頭切成風琴咁樣，令醬汁可以滲入蘿蔔中央，更加入味蘿蔔本身咬落超級爽脆😋有啲似韓式黃色嗰隻醃蘿蔔▶️ 炒蝦腸粉 ($99)一堆腸粉，加咗好多XO醬同醬油另外炒埋啲芽菜同韭菜🔥最後沈上芝麻粒另外都有唔少蝦，啲蝦係捲埋嘅，口感比一般蝦人好食味道上XO醬味好出，所以帶少少辣不過腸粉就唔算煙韌▶️ 黑武士 ($69)呢個係黑松露墨汁餃，一客四件-整體點心好有水準，睇得出賣相上面有花功夫，真材實料環境幾舒服，成間舖頭好大，我哋五個人坐咗起個七人枱服務還可以，門面嗰個幾好禮貌，不過入面上菜啲侍應態度就差少少😅就咁擺低碟菜就走咗有啲都幾醒目，會主動嚟收走唔需要嘅碗碟嘅價錢就偏貴啲，每人收$10茶錢，計埋加一，平均$180一個人推介「非常山竹」同 「醬汁蘿蔔」👍🏻…Read More

💎總評分：7.5/10-呢間中菜館一直出名食點心，創新好食賣相特別，啱晒打卡📸。小編今日6大2小嚟到dinner，menu太吸引，唔太肚餓都叫左成20樣野🤭，個個食到超級飽。1️⃣ 沙田乳鴿 $39/1隻乳鴿係呢度signature之一，好多枱都有叫，一坐底已經俾定手套你方便食乳鴿👏🏻。水準的確唔錯,外皮香脆，唔好睇佢細細隻都幾多肉下🐦，咬落有肉嫩多汁，每人半邊剛剛好👍🏻。2️⃣ 和牛啤梨 $55/3件 ；非常山竹 $49/3件兩款點心異曲同風，都係咸水角D FD，外皮放左一陣先食都keep到脆身，煙靭得嚟唔會痴牙✅。啤梨外型馬上諗起GagiNang 嘅咸水角，前陣子小編都review過！不過呢度入面嘅餡料就用左和牛配以黑椒調味🐂，好香口。「山竹」入面嘅龍蝦汁🦞同蟹肉🦀味道濃郁，同時滿足到視覺同味覺～推介🌟!3️⃣ 黑金流沙 ; 小小熊仔 $49/3件兩款包都熱辣辣，做到超級爆漿效果💥，用手MID開一定掂到湧出嚟噴泉，食時要小心。流沙包充滿蛋黃香味🥚，好食；熊仔入面係朱古力餡🍫，小編覺得有點太甜，作為甜品倘可，小朋友應該會好鐘意。4️⃣ 松露紅菇 $49/3件呢款包唔係流心款，但一MID開就已經聞到陣truffle香，餡料係切碎晒嘅菇類🍄，總之由外到內全部都係gu gu gu🍄，相對地輕盈。5️⃣紫薯天鵝 $49/3件 ；鮮肉層酥 49/2件兩款都係酥皮類點心，略嫌外皮整得唔夠鬆化，餡料雖多但係握得太實🤭，若可以多反少少空氣感可能會好D。尤其係天鵝，裏面嘅紫薯餡好香甜🍠，一個已經好濟。6️⃣ 蟹粉麻球 $99/3件 ; 脆蝦多士 $89/3件兩款煎炸點心都有水準，做到脆口係基本野。貌似煎堆嘅波波入面係蟹粉mix蟹肉🦀，食落雖然有驚喜，不過衡量反其他點心價錢同呢個size，覺得有點太貴💰。蝦多士係大大隻蝦，不過淨係3隻蝦🦐加3小塊包就charge $89，小編同樣覺得貴左D。7️⃣ 黃金冰茄 $89；煸四季豆 $89茄子聽個名就知係用鹹蛋黃炸嘅邪惡菜式🍆，不過整得有點失色，無想像中入味，但卻好油膩仲要係茄子，簡直索晒D油，no good。四季豆就中規中矩👌🏻，都算惹味。8️⃣ 冰鎮咕嚕肉 $99除左賣相特別D之外，冰鎮可以令到外皮更加脆身🧊，外冷內熱有別於一般咕嚕肉，食落有驚喜💫!9️⃣ 小聚拼盤 $89 （3款）多個option入面，屋企人揀左沙薑豬手、冰鎮秋葵、黑松露雞🐓，清清涼涼咁作為前菜都好開胃😃。🔟 大肚婆炒飯 $99 ; 臘味煲仔飯 $79 ; 擔擔拉麵 $493個main dish都好食👍🏻。大肚婆炒飯個名好得意，用左薑米、蟹肉、蝦、脆豆、粟米🌽嚟炒成嘅一個飯，睇個配搭己經知係健康之選💚，即使係炒但係食落一D油膩感都無，蝦大隻而新鮮，推介🌟!煲仔飯除左有基本臘腸、膶腸、臘肉同臘鴨脾外🦆，仲有小編好欣賞嘅四川麻辣腸🌶️，因為佢真係夠辣！無咩飯焦不過米飯好香臘肉味，拍得住專食煲仔飯嘅舖頭💯。擔擔麵質感唔錯🍜，湯底都算濃郁，一人份量但叫咁多野share嚟食都好足夠👍🏻。試過大部份菜式後, 明白點解餐廳會咁受歡迎😄。食物質素高，就算趕唔切即刻食都keep到熱辣辣，該流心的流心，該脆的脆💯。唯獨佢D餐具都好特色，print 左D螞蟻喺上面🐜，小編全程無望佢。若有人欣賞呢個design可以即刻去潮聖下🤪~-環境服務：⭐⭐⭐食物質數：⭐⭐⭐⭐打卡指數：⭐⭐⭐⭐…Read More

非常山竹 $49外層口感係煙韌咸水角裡面係龍蝦湯汁配蟹肉，好味又特別😋仲好味過傳統山竹牛肉和牛啤梨 $49啤梨只不過係因為外型似，同味道無關。本身以為有細細地嘅和牛粒，點知原來係被打碎既和牛粒，可以用和牛碎黎形容😅 被強勁嘅黑椒蓋過牛味，一般般炒蝦腸粉 $79 腸粉唔會好膠/好粉，配勁多蔥同芽菜同埋蝦+少辣，好惹味好正！！ 而家份量都幾多～總括無論賣相/食材配搭，呢間走中菜fusion 路線得來很有心思～（估唔到頭兩個點心用咗朱古力百力滋🤣）點心/小食有gimmick 得來，味道又幾好…Read More

节假日不少人都出外吃饭，同层的鼎泰丰等候的人实在是太多了，最后还是选择了这家。虽然也要排队轮候，但等了不到15分钟就有位子了。餐厅内部颇大，空间也比较宽敞，有种舒适的感觉。晚上主要是吃小菜，点心不多，看了一下，便随意点了几样东西。看见附近几桌都有点咕噜肉和乳鸽，就跟风下了单。咕噜肉食法比较特别，盘底垫了冰块，除了菠萝，还加了一点车厘茄和蜜瓜粒。酸甜味保持着，猪肉本身变得较为爽口，整体口感不错。 至于乳鸽，身型是小了点，但骨比较软，而且腌得比较入味，还带点肉汁，不错的选择。还点了几样点心，造型别致，卖相非常讨好，而且味道不差。这里的东西不算便宜，但还在接受程度内，加上不错的口味和独特的造型，是值得一试的。…Read More

整間鋪嘅裝修都令人坐得舒服，唯獨是係個比較新穎嘅碗，有昆蟲圖案喺碗底，令到討厭昆蟲嘅我需要服務員換一個沒有圖案嘅俾我。原本有位男性服務員話沒有冇圖案嘅碗，我都諗住用碟食，而另一位女性服務員喺旁邊聽到，佢竟然去搵個冇圖案嘅碗俾我，呢個女仔嘅服務真心要比like👍🏻非常山竹 $49外皮係鹹水角外面嗰層咁，裏面類似蛋白蟹肉羹，外型可愛水煮魚春卷 $49未試過咁特別嘅點心，食嘅時候大家小心熱‼️水煮魚嘅味道很出，而且真係有魚肉，並唔係太過辣，怕辣都食到得意小豬 $39豬仔嘅外型係得意嘅，不過完美主義者唔好叫，因為對豬眼未必咁好睇。味道方面不過不失，就係草莓乳酪味🐷陳皮燉梨 $39似非常甜嘅話梅汁去燉個雪梨，食唔到陳皮味，真係好甜…Read More

疫情下已甚少外出用餐，今日難得跟朋友睇完戲便順道晚餐。海運/海港城那邊未到6:30已四處都是等位的人，來到新港中心竟是另一片天，星期日晚約七點，這裡仍然有少量座位，太好了！餐牌其實不算太多選擇，但很多點心都賣相精緻，首先吸引我的眼球是一道叫「非常山竹」的點心，外型是山竹的樣子，外皮似是咸水角但很鬆軟，裡面是龍蝦汁及蟹肉，一口咬下便「爆出」香濃的餡料，喜歡！焗鮑魚酥也是不錯的選擇。香脆撻底及鮑魚中間夾有一層似是鮑魚絲的東西，雖然不確定是什麼，但配合那個帶松露香的醬汁令到口感更有層次😋黑松露雞反而有點低於期望，黑松露味道不太突出，但雞絲配上炸脆芋頭絲感覺很搭配。可惜以$69感覺份量實在太少。由於這裡的份量偏少，所以多點幾味較「飽肚」的：紅油抄手、擔擔拉麵及炒蝦腸粉。味道雖不算太突出，但合格有餘。最後點了一個陳皮燉梨，糖水有陳皮的酸酸甜甜，並加上桂花的香味，很醒神。梨子燉的時間剛好，口感軟棉且全入味，雖然食到一半開始嫌有點甜，但總算為這一餐畫上完美句號。…Read More

媽媽生日想食中菜同點心，一方面想搵d特別少少嘅點心，另一方面又要搵個方便嘅地點就細佬weekend夜晚份part time，於是就book呢間位於尖沙嘴新光中心嘅唐宮小聚～沙田乳鴿啱啱做緊買一送一！超抵！我地仲叫多左兩隻麻辣乳鴿試哂兩款唔同口味～乳鴿肉質非常嫩，不過醃得有d過鹹，一人食一隻會覺得口渴。小聚拼盤揀左黑松露雞、沙薑豬手、醬汁鴨舌。我地對黑松露雞印象最深刻，拌雞絲嘅炸芋頭絲超脆，口感一流，十分有驚喜！沙薑豬手又爽又多骨膠原，鴨舌啱啱一人一條，夠哂惹味！陳釀醉蟹細細一隻蟹嘅蟹膏同酒香都十足，甜甜嘅酒味釀得好入味，簡直食指大動！大家都好鐘意呢個非常山竹，個樣勁棧鬼！山竹皮好煙靭，咬開暗藏爆漿龍蝦汁同蟹肉，為你嘅視覺同味覺帶來衝擊～焗鮑魚酥亦係另一重頭戲，一口鮑魚好有嚼勁，底下有好濃黑松露味嘅金茹，如果曲奇皮再鬆化d就Perfect~冰鎮咕嚕分量好多，而且冰鎮後嘅咕嚕肉脆皮keep住脆，可以慢慢食而不失口感。荷花蒸飯嘅飯有荷葉香，裏面餡料十足，有四隻蝦，火鴨同雞丁，仲有瑤柱。炒蝦腸粉好夠鑊氣，每條腸粉都比XO醬蓋住，韭菜更將香味提升。媽媽最愛陳皮燉梨，既有濃郁嘅陳皮同冰糖味，又有淡淡嘅桂花香，清潤養顏。最後嚟隻得意小豬！雖然唔知點解甩左隻眼，但依然super cute，cute到唔捨得食！食左13款精緻嘅餸菜大家都好滿足，最重要係得到媽媽嘅認證，唔錯唔錯！ …Read More

二月生日，年初二中午去食，會員優惠送指定甜品，坐低同店員講，報上登記手機號碼就送咗隻生日豬😁，係布甸嚟，另外仲可以用$50 coupon，好著數😄其他食物都好食又有特色👍🏻…Read More

新港中心新開嘅唐宮小聚地方闊落，係疫情下食野都較放心🙂黑金流沙包外貌滿分，一上菜大家都要相機食先！流沙餡質地比較似吉士醬，唔係平時食開嘅流沙包沙沙質地，但整體黎講係好食嘅。蟹粉麻球外層炸得香脆，芝麻好香。咬開後見到滿滿嘅蟹粉同蟹肉，好味🥳而且味道同口感都好有趣，值得再試。非常山竹造型可愛，插上一條pocky有點攪笑，又係打卡必叫嘅一品。味道同蟹粉麻球有點相似，因為依款都係釀入蟹肉，只係醬汁用上龍蝦汁調味。外層有點厚但炸得脆，所以都食得津津有味。龍鬚芥蘭不過不失，個人覺得可以再炒得更有鑊氣。荷花蒸飯用料足，入面有好幾隻大蝦，荷葉飯都幾香。整體而言水準都唔錯，而且點心種類新穎又好味，下次再黎食會想試下其他可愛點心❤️…Read More