Charisme Pavillion

我訂位後，他們已經WhatsApp把菜單發給我，並說明那一些需要早一天還是要更早預訂，菜單上有很多菜式也有套餐，由於菜式太多，讓我們有選擇困難。首先第一道上的菜是杏汁白肺湯，杏汁不算太濃，不會只有杏仁味，有很大粒白果。之後喺早一天預訂的墨魚滑釀雞卷，雞髀肉包著墨魚滑，有一陣陣南乳味，沒有油膩感，是一個香脆可口配搭不錯的菜式。再嚟係另一個預訂的雪菊石榴球，這個菜式賣相很美，蛋白皮包著沙角、蝦等配料，再加上金華火腿提味，連綁着它的蔥也很好吃😋。桂花炒魚肚炒得乾身，但不會太乾難以入口，略嫌有一點碎，整體也算不錯。紅酒牛筋腩的紅酒🍷味不算太濃，牛筋和牛腩也很腍很易入口，是一個很好的送飯菜。焗魚腸需要等45分鐘，我偏向喜歡較重陳皮味的焗魚腸，這個沒有陳皮味，但亦不會有草腥味或苦味，所以也是一個很好的菜式。最後是加單嘅金銀野菌蒸勝瓜，估唔到係勝瓜上加上金銀蛋，而不是好像其他地方這樣把勝瓜野菌和金銀蛋混在一起蒸，每一個瓜都有一個鹹蛋黃，賣相不俗，野菌份量很多，但略嫌太鹹。最後每位送一碗番薯糖水。這間餐廳服務殷勤，職員有耐性介紹菜式亦不時到來換水及收碟。但由於我們坐在房內，有時要等一陣先看到服務員到來下單。整體來說服務和菜式的味道也很好。…Read More

1月份又要周圍搵好餐廳同親友食團年飯相聚，要迎合一家大細口味，中菜、私房菜呢啲當然係首選！今次同親友嚟咗呢間灣仔嘅私房菜，好高質，餐廳座位闊落舒適，傳統中菜裝修，亦設有VIP房。我哋一行8人，叫咗10款餸菜😳 人均大約$400左右，性價比都幾高🤩✰順德豆腐魚蓉羹 ❥完全冇骨嘅魚蓉羹🤩 充滿魚鮮味，有豆腐、青瓜、香菇等配料煮成𡙡。✰青芥冰燒雞 🌟❥推介！手撕雞加上炸到脆卜卜嘅芋頭絲、薑粒、海蜇等等，咬落去口感好正，個汁有少少芥辣味，開胃又好味。✰懷舊蝦多士拼大良炒鮮奶 🌟❥推介！蝦多士炸到非常香脆，而且好厚身，釀咗好多蝦膠🤩 大良炒鮮奶都幾特別，加咗蛋白炒好滑溜，如果加埋醋食嘅話有少少似食緊賽螃蟹。✰一口鮑魚豆腐❥每件豆腐上面都有一隻鮑魚，團年飯當然要食！包你富貴啊😂 ✰雪菊石榴球 ❥好精緻嘅福袋菜式，啱晒新年食！雪球入面包咗馬蹄粒、蔬菜粒同埋肉碎，味道偏淡唔會好油膩。✰臘香蠔豉鬆 🌟❥推介！臘腸、蠔豉同埋其他配料切碎晒，炒到好香，用生菜包住食，好似泰式生菜包嘅食法，呢個都好好食！✰鬼馬咕嚕肉 🌟❥推介！咕嚕肉就食得多，咕嚕油炸鬼都係第一次食😳 呢個菜式有齊咕嚕肉同油炸鬼，原來油炸鬼咁香脆沾滿晒酸甜汁係咁好食！✰秘製啫啫雞煲 ❥啫啫雞煲上枱嗰陣時吱吱聲好吸引！非常惹味。✰蝦乾魚肚浸大芥菜 ❥魚肚夠厚身夠淋，大芥菜同蝦乾浸出嚟嘅湯好鮮甜。✰特色小炒王 ❥每次食中菜，必食小炒王，有開盲盒嘅驚喜，唔知嗰日會有啲乜嘢炒埋一碟😂 佢哋嘅小炒王夠鑊氣！✰贈送飯後糖水🤩 蛋白杏仁茶或紅豆沙，非常滿足食到攬住個肚走！🧧中菜圍餐都好適合新年團拜聚會，而家plan定就啱晒啦！…Read More

臨近過年，開始同朋友食團年飯，今次去到灣仔呢間私房菜，主打順德特色美食，每款都好精緻，菜單如下:1）順德豆腐魚蓉羹廚師將魚肉起骨，加埋豆腐、青瓜、香菇等配料煮成嘅湯羹，充滿魚鮮味2）青芥冰燒雞好有特色嘅一度菜，芋頭切到一絲絲好脆口，配以薑粒、海蜇等等，以芥辣調味，微微辣非常開胃3）懷舊蝦多士 拼大 大良炒鮮奶一般嘅蝦多士咬落去就成口油，呢度嘅蝦肉比例相對比較多，所以咬落去啖啖蝦肉，結實又彈牙😍4）一口鮑魚豆腐件呢道菜豆腐先至係精粹🤩，豆腐非常入味，軟綿綿好香滑，濃度適中絕不過膩5）雪菊石榴球好精緻嘅菜式，雪球入面包有蔬菜粒、馬蹄粒、及肉碎，簡單而清淡😌6）臘香蠔豉鬆將臘腸、蠔豉同其他配料切碎，用生菜包住食，中和咗臘腸同蠔豉自帶嘅咸味，多了一份清爽😇7）鬼馬咕嚕肉第一次食油炸鬼配咕嚕肉，好有驚喜，估唔到沾滿咕嚕醬汁嘅油炸鬼都依然保持香脆，咕嚕肉非常Juicy，讚👍🏻8）特色小炒王傳統小菜，有蝦乾、脆炸白飯魚、韭菜花、腰果等，用料豐富😃9）秘製啫啫雞煲離遠已經聽到吱吱聲同埋聞到好香🤤，雞煲好惹味，煲身夠晒熱，一路食都可以保持住溫度，適合送飯10）蝦乾魚肚浸大芥菜大片魚肚同蝦乾浸煮大芥菜，連湯一齊入口滲出海味嘅鹹香味😙甜品有蛋白杏仁茶或者紅豆沙，食完個個都捧住個肚走，味覺視覺全方位得到滿足☺️…Read More