BEEF STATION

今日嚟到呢間“牛站”邊爐店，一入門口就見到裝修幾有特色，牆上貼滿曬關於牛肉嘅圖片。講番個邊爐啦，湯底選擇都幾多，我哋揀咗個麻辣湯底，一滾起就聞到嗰股麻辣香，好似有隻無形嘅手喺度勾引你嘅味蕾。辣度適中，唔會辣到你飛起，但又夠嗮惹味，同啲專門做川菜嘅餐廳嘅麻辣湯底相比，雖然冇咁正宗，但係勝在適合香港人口味，唔會過於霸道。再講下啲牛肉啦，睇落去雪花分佈都幾均勻，落鍋一涮，幾秒就得，入口嫩滑多汁，牛肉味濃郁，不過就覺得份量有少少少，同啲高檔火鍋店嘅牛肉相比，肉嘅質感就差咁少少，但係價錢就親民好多。仲有個甜品，嗰個好似雪糕嘅嘢，外面層朱古力脆皮，裡面嘅雪糕奶香濃郁，仲有啲酸酸嘅果醬，口感豐富。不過就覺得朱古力脆皮有少少厚，食多幾啖有啲膩。食住呢個邊爐，就會諗起以前成班朋友圍埋一齊打邊爐嘅情景，大家一邊傾計一邊等嘢食熟，熱熱鬧鬧，真係好懷念。希望呢間店可以繼續保持水準，等我哋可以繼續嚟呢度聚舊兼且享受美食啦！…Read More

💜❤️🩷天氣凍凍打邊爐🍲少少嘅涼意又令hatty想打邊爐了🤤牛站午市性價比好高，平日去食又唔使等好耐😚今次就嚟到銅鑼灣依間新分店啦！❣️SRF美國極黑和牛火鍋放題❣️$218/ppl依個價錢可以同時享用1、2號餐嘅肉肉放題，午市12:00嚟可以食足4個鐘😆除咗肉肉放題，仲有自助區添！🤭🧡湯底🧡 鴛鴦鍋 +$48湯底揀咗鴛鴦鍋，龍蝦頭鍋鮮味十足🦞枝竹羊腩鍋都可以做湯底🐏冬天梗係要食枝竹羊腩啦！❤️肉類❤️SRF美國極黑和牛片-大大片，油花明顯 肉質入口嫩滑有油脂香美國特級肩胛肉眼-油脂平均，肉味濃有咬口美國牛肩胛片-牛肉味香濃，肉質實在💚蔬菜💚蔬菜係自助區自己拎嘅，估唔到有咁多款選擇！🥬除咗常見嘅綠葉菜，仲有一啲平時好少接觸嘅菜類！例如紫色嘅羽衣甘藍🥬食落口嘅時候其實同綠色嘅羽衣甘藍冇咩分別，不過佢就係顏色靚啲，所以食嘅時候我都覺得味道會靚啲🤣🩷甜品🩷最鍾意就係依間嘅甜品放題位置，真係有好多甜品選擇！😍我個人就鍾意脆皮泡芙、榴槤慕絲大福、提拉米蘇大福，依三款真係可以無限encore！😙軟糯嘅口感仲有爆漿嘅感覺！真係好正！🤍雪糕🤍其實佢哋除咗雪糕，仲有雪條！不過我就鍾意佢哋嘅Häagen-Dazs雪糕🤣有唔同嘅口味選擇，雲呢拿味同埋焦糖脆餅都好正！🍨🤎飲品🤎如果唔想飲坊間嘅樽裝嘢飲，或者罐裝嘢飲飲，可以試吓依度嘅自家製茶飲！🥤我幾鍾意佢哋嘅檸檬鴨屎香茶，清新嘅味道又可以解膩，飲完個口仲有茶嘅芳香！🍵呢度最耐可以食足四個鐘，無論幾點入座，只要係放題套餐就可以食到4點先走😍不過嗰日想瞓耐啲，所以就1:30先食啦！食物選擇多，豐富又高質素，真係慢慢食都得啊！🥰BTW記得save post，方便向店員查詢有關套餐啦❣📍牛站(駅)麻辣火鍋放題📍銅鑼灣駱克道463-483號銅鑼灣廣場二期11樓…Read More

天氣轉涼，又係時候打邊爐，即刻諗起 CP 值高嘅牛站，今次揀咗新開嘅銅鑼灣分店。餐廳座位超寬敞，坐得舒適。我哋揀咗個中價位嘅 SRF 美國極黑和牛套餐$288/位  (120分鐘任食)嘩嘩嘩～ 原本而家牛站新推出支竹羊腩鍋底，好正呀～ 可惜朋友唔食羊，唯有下次再黎試。湯底揀咗胡椒豬肚湯，豬肚爽口，份量幾多。 胡椒湯底辣辣地，好香胡椒味，而家天氣涼涼地飲就最啱。醬料區有成十多款配料，任君選擇。美國極黑和牛SRF入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。美國牛肩胛片對比SRF和牛，則完全相反，肉質較為結實有彈性，咬落有口感。仲有新推出嘅臘味糯米飯、蛇羹 天氣轉涼，嘆飯碗臘味糯米飯同蛇羹，成個人暖笠笠。蔬菜方面，不得不讚呢度連豆苗、冰菜、水蓮都有得食，呢啲貴價菜，出面放題好少會見到有。海鮮方面，都有好多選擇。我哋點咗沙白、青口、海蝦、帆立貝。沙白鮮甜無沙，海蝦彈牙。乳鴿、油炸鬼、午餐肉、炸魚皮飲品方面，除咗一般汽水、冷泡茶。呢度仲有梅酒、清酒、白酒、燒酒都係任飲。甜品方面：有豆腐花、乳酪、芋圓、多款蛋糕、奶凍、糖果、爆谷、軟雪糕仲有雪糕。…Read More