LooBah Taipei

喺黃埔行吓街，呢一度除咗多商舖之外，連食肆都越來越多，更加講求多元化，😍以前嘅黃埔相對就好似日式餐廳就比較多啲，當然而家基本上每個區都可以混雜晒十幾個國家嘅菜式，所以美食天堂果然係世一嘅稱號。 🤣相信好多人都恨去旅行恨咗好耐。如無意外台灣應該係大部份人嘅首選。既然未係時候去嘅話咁不如繼續喺香港尋覓緊正宗嘅台灣菜。 🤗今晚黃埔呢一度有間新嘅台北人餐廳，當然叫得台北人就梗係食一啲地道嘅台灣菜同埋便當，啱晒上班，返學一族。😳雞腿便當— 🍱鍾意大大啖同埋啖啖肉嘅話呢一個雞腿便當絕對係必叫之選，🍱台灣嘅便當款式多，而且裏面嘅配料亦都非常大方，可以見到有成隻大雞髀，🍱經過香煎同微微嘅炸之後更加香更加皮脆嫩滑鎖住裏面嘅肉汁，🍗另外當然仲有便當少不了嘅滷蛋，🥚特別在額外仲有粉絲同埋粟米，🌽除咗飽肚感十足之外，更加係配飯一流嘅餸菜，無論賣商定味道都係近乎一流，🍱有鹹香嘅雞髀再配上甜粟米，🌽新鮮蔬菜同埋酸酸辣辣嘅粉絲真係各種味道齊全晒，啱晒胃口。🍱另外小食嘅話，首選絕對係台灣特色嘅蛋餅🫔— 呢一度嘅蛋餅就係根據個人喜好來選擇，統一都係原味蛋餅，追求嘅就係蛋香同埋軟糯嘅質地，就有啲似蚵仔煎嘅外皮，配料方面就選擇左粟米🌽、芝士🧀、肉鬆，炸薯餅。 🥔芝士就當然做到係流心拉絲嘅效果，令到成個質地更加多層次，🧀至於肉鬆同埋粟米就帶嚟更清香嘅味道，炸薯餅為成個蛋餅嘅質地額外再多一份軟滑綿綿嘅感覺，🥔就算係單獨食一個蛋餅都已經夠晒緊急充電嘅用途🥔蜂蜜檸檬蘆薈— 🍋喺台灣嗰陣時除咗成日都會飲苦瓜汁之外，為咗可以解一解喺夜市掃完街嘅膩，🍋通常少不了都係會要蜂蜜檸檬，酸酸地夠清新再加埋蜂蜜🍯嘅潤喉就帶嚟煥然一新嘅感覺，🍋而呢一杯更加額外加咗蘆薈，令到養生感大大提升，🍋至於功效就有瀉火、解毒、化瘀及治療便秘等藥用，此外它還具有極高的美容價值，🍋啱晒食完煎炸嘢嘅時候飲番杯🍋台北人 (紅磡)紅磡民泰街36號黃埔新邨安華樓地下K1B號舖…Read More

中午行咗去黃埔嗰邊搵嘢食，我發現有間新開嘅小店叫「台北人」。雖然佢係一間外賣店🥡，不過仍然有花心思裝修，木系嘅門面打卡一流。小店由一對年輕男女主理(個女仔好靚女🙈)，主打台式便當同小食🇹🇼。佢哋目前所賣嘅食物款式唔算多，希望遲啲會有埋拌麵食啦。我同同事一人要咗一個便當🍱，再加一份蛋餅，價錢就屬中等水平啦。訂單數量唔少，但食物製作過程大約只係十分鐘，相當快手。外賣盒造型似足台灣鐵路便當🚝，搞到人好想去旅行啊～。排骨便當($65)，🐷炸排骨超大塊，外皮炸得好酥脆，完全係台灣夜市鹽酥雞嗰隻皮。即使係豬扒，但肉質都唔嚡，加上厚切，口感唔錯。雞腿便當($65)，🍗炸雞腿同樣係加大碼，整體調味同排骨相若，不過肉質就當然再嫩滑啲。我平日唔食雞皮，但炸完融為一體，成塊食晒。便當盒睇落唔係好大個，但其實飯量都唔少🍚，而且仲有好多配菜，包括滷水蛋、木耳、粟米同椰菜，好豐富呢。我唯一略嫌飯質稍為濕咗啲。玉米肉鬆蛋餅($35)，🌯蛋餅可自由組合配料，淨蛋餅$22，我加咗粟米($5)同肉鬆($8)。蛋餅唔錯，熱辣辣整起，餅皮柔軟，滲透蛋香🥚，而所加嘅配料份量都足，再沾埋醬汁，口味正宗。阿嬤冬瓜茶，隨便當奉送一包冬瓜茶🍵，味道超正，好好飲。佢有應有嘅甜度，但唔會過火，飲落好香，消暑解渴飲佢無得輸🤤。題外話，從玻璃望入去可以睇到廚房同便當製作過程👀。總括嚟講，呢度嘅便當能夠令人聯想起台灣嘅味道，特別係肉扒嘅炸皮，佢做得到台式嗰種酥脆👍。我希望小店遲啲可以賣多幾款嘢食啦，咁就可以幫襯多啲。…Read More

同同事做完野，最緊要快，熱到不得了，買外賣上車食！雞腿便當 ($65)等咗大概10分鐘就有得食啦~ 隻雞腿熱辣辣，外脆內juicy，好入味；而且好多配菜，有我最鍾意嘅椰菜及粟米！排骨便當 ($65)排骨肥瘦適中，啖啖肉，好酥脆鹹酥雞 ($35)鹹度適中，而且雞嘅份量算多，啱啱整起，聞到啲香味忍唔住即場拮一件食吓先！店員非常有禮貌，見今日咁熱，提我唔好企喺門口等，好貼心呀！值得一提係門口嘅木櫈影相都好靚，不過太熱太曬喇，否則將便當放喺木櫈上影就靚喇。…Read More