西塘花記

呢個年代，食物好食之餘如果賣相吸引，可以打卡就必定加不少分數，若然食店環境漂亮優美的話就更加無敵了。〈西塘花記〉喺內地好出名又有好多分店，出曬名餃子又靚又好食，現在香港終於有第一間分店了。同內地嘅設計一樣，店內嘅裝修非常優美典雅，真係唔相信咁嘅裝修賣嘅即只係幾十蚊嘅餃子。〈雨花石水餃〉急不及待要叫佢哋招牌嘅〈雨花石水餃〉。水餃皮採用紅莧菜火龍果，菠菜和南瓜這三種蔬菜汁而製成，餡料則用上馬蹄和豬肉。光是賣相已經非常漂亮，打個卡先~~所有餃子都由師傅在鋪中即製而成，看得見的新鮮和質素。雨花石餃子的皮雖然不算超級薄，但是非常Q彈好咬口，配上爽脆嘅馬蹄和肥瘦適中嘅豬肉，絕對不是單用來打卡咁簡單呢。〈紅棗雪耳燉雞湯〉隨餃子還附送這個燉雞湯，雖然是附送的但竟然超濃郁和純厚，味道清甜，滋潤又補身的感覺。〈紅油抄手〉是時候來點刺激的紅油抄手，味道的確比較辣呢。相對雨花石餃子下，紅油抄手啲皮來得非常薄，滑滑的加上脹卜卜的蔬菜餡，迷你的一口一個，吃得非常爽。〈涼拌土豆絲〉乾身又夠爽脆，雖然沒有花巧的裝飾，但是非常清新好吃。〈酥炸排骨〉排骨則夠相對的重口味了一點，但是大大嚿又夠香口，同行的男士們都非常滿意。〈雞絲拌粉皮〉質感十分Q彈的粉皮伴有濃濃的麻醬，加埋多款爽脆的蔬菜絲和嫩滑雞肉絲，口感層次豐富，煙韌控必點。〈山楂雪梨水，鮮榨紫薯露 〉酸酸甜甜的山楂雪梨水開胃得來又夠清潤。鮮榨紫薯露則帶有紫薯嘅甜香，暖暖的非常養生。…Read More

西塘花記已經係內地十分有名，店家自設工場 及培訓中心，員工會出席不同的表演及比賽，介紹花式餃子皮的製作方式。七彩繽紛的水餃皮，未食已經令人心情大佳。裝修都滿有中國風格。雨花石水餃其實內裡包括豬肉及馬蹄餡料, 見到如此吸引的七彩餃皮已經未食先興奮。這個雨花石餃子可是限量發售的，大概是因為七彩的餃子皮製造需時吧，所以記得提早去才可以吃到啊。招牌五福水餃這個是招牌的菜式，每一隻顏色的餃子也代表了一款口味：剁椒魚水餃丶蕃茄牛肉水餃丶冬菇豬肉餃丶海三鮮水餃丶翡翠三鮮水餃。喜歡試新鮮口味的朋友不妨一試。我個人就最喜歡海三鮮口味，有蝦仁、蟹肉及元貝，郊果出奇的新鮮及夾。招牌五福水餃更送老火湯：紅棗雪耳燉雞湯。抵啊。最愛老火湯的我飲個一滴也不留。雞絲拌粉皮大部分的雞絲都在底，記得翻開來慢慢品嚐。效外油菜自家制酸奶也是我其中一個最愛，酸酸甜甜的滋味，而且份量也絕對足夠。除了口味佳，也增加腸內的益生菌，健康之選。…Read More

近期香港開左唔少食餃子的餐廳，今天晚上要自己一個食飯，所以就來到位於公司附近餃子店試試。餐廳裝修有點中式風格，舒適簡潔。這間餃子店有兩款較多人點的餃子，分別是5色餃子和雨花石餃，由於今次是一人晚餐，所以點了其中一款再加了一個小食便夠飽了！招牌五福水餃($78)，這裡的5色水餃用黎打卡都不錯，除左有樣，味道都不錯！5款餃子包括韮菜菠菜雞蛋、蕃茄牛肉、剁椒魚、冬菇豬肉同埋蟹肉元貝蝦仁。當中蕃茄牛肉餃多汁又有蕃茄味，味道特別！剁椒魚餃魚肉彈牙而且有點辣！其他3款味道都好出好鮮甜！而且跟餃子仲有個酸辣醬汁可以點令餃子更加惹味！紅棗雪耳燉雞湯，呢款湯是點餃子送的，湯飲落好有清潤的感覺，很清甜！雞絲拌粉皮($48)，這裡的雞絲粉皮跟平時出面食到既不同，佢呢度既粉皮並不是透明的，而係白色的，而且醬汁酸酸辣辣，非常惹味！配料還有青瓜、花生碎和麵筋，十分開胃！山楂雪梨水($16)，呢杯雪梨水有點潤的感覺，而且有少許山楂味，感覺開胃又消滯！有機會要再黎試另一款特色餃子！…Read More

上海過江龍嚟到灣仔，主打五色餃子🥟，賣點在於主打5種不同的饀料和用天然色素製作的三色餃子皮。五福水餃 （$78/10隻）Signature Five Fortunes Dumpling 招牌推介五福水餃🥟顧名思義有五款不同口味。白色-剁椒魚水餃：魚肉嫰滑🐟，帶辣味，口味有新意。粉紅色-番茄牛肉餃：番茄味頗突出🍅，但牛肉饀竹欠口感。黃色-冬菇豬肉餃：正常水準，是平日常吃到的口味。黑色-海三鮮水餃：加入蟹柳、蝦和元貝，餡料彈牙，是5款中味道最鮮的口味！綠色-素三鮮水餃：特別在於餡料加入韮菜、蛋、蝦🦐，其實應該算不上是素，但概念有趣😆，味道也不錯👍🏻。總體上，西塘花記的餃子湯汁豐富，味道亦算不錯，但餃子肉餡未算飽滿大件，價格稍貴，充是勝在即叫即包，夠新鮮。雨花石水餃 （$72/6隻）Rainbow Dumpling限量發售的三色水餃🥟，外皮用了紅莧菜火龍果汁、菠菜汁及南瓜汁製作。餃子皮較厚，不過仍可接受，以馬蹄及豬肉作為主要饀料，是常見的口味，水準亦屬正常水平，特別的只是賣相吸引🤭。值得一讚的是餃子湯汁非常多，但價錢較貴。韭菜蝦肉煎餃（$58/6隻）Pan Fried Dumpling with Leeks and Shrimps由於餃子是即叫即煎，所以需時大約15分鐘⏳。韭菜味香濃，餃子皮又薄又滑。其中一邊煎至金黃，充滿焦香🍳，而另一邊保持滑溜口感。值得一試！🤗雞絲拌粉皮 ($48)Shredded Chicken and Vermicelli雞絲份量頗多，配上清爽的粉皮，微酸的醬汁令人頗開胃。山楂雪梨水（$16）Hawthorn and Pear Juice清爽，帶少許的山楂微酸。…Read More

前排睇報導話內地一間著名水餃店【西塘花記】將會殺入香港灣仔天樂里，今日有時間一於去試下啦。呢間水餃店點解咁出名? 因為佢唔係食傳統水餃咁簡單，而係食彩色水餃。店舖叫得【西塘花記】，所以同花都有關，門口就以粉色花卉🌸🌸做裝飾，入到店，中間整咗個長形涼亭擺咗幾張檯，帶點中國風，店舖以清新簡單嘅顏色裝修，牆上有花同埋詩句，畀人一種脫俗優雅嘅感覺，同店舖名好配合。呢度最出名就係招牌五福水餃同埋雨花石水餃，可惜雨花石水餃已經賣晒😯😯，唯有食招牌五福水餃啦，五福水餃有五隻唔同顏色，包括有刴椒魚水餃、蕃茄牛肉餃、冬菇豬肉餃、海三鮮水餃、素三鮮水餃，每款有2隻，一次過可以試晒五種口味😁😁！(白色)【刴樣魚水餃】：用上新鮮淡水魚🐟，再配埋秘製辣椒醬🌶，辛辣中帶點鮮味(紅色)【蕃茄牛肉餃】：水餃皮採用紅莧菜火龍果汁去整，一咬開，啲汁已經必晒出嚟，餡料用蕃茄🍅同牛肉🐂，超juicy(黃色)【冬菇豬肉餃】：水餃皮採用南瓜汁🎃去整，餡料有新鮮豬肉同冬菇，爽口有彈牙(黑色)【海三鮮水餃】：水餃皮採用墨魚汁🐙去整，餡料有蟹柳、元貝、蝦仁🦐，可謂鮮味十足(綠色)【素三鮮水餃】：水餃皮採用菠菜汁去整，餡料有蝦仁🦐，韭菜同雞蛋🍳，清新得嚟又有少少鮮味我哋仲點咗個韭菜蝦肉煎餃(6隻)，店員話得番最後一碟咋，我哋真係好彩。煎餃熱辣辣，煎到脆卜卜，韭菜蝦肉新鮮又爽口。另外，我哋仲點咗幾款小食...山東秘制手撕雞🐔：雞肉又嫩又滑，有芝麻香，同埋大量芫茜，mix埋一齊食絕配呀雞絲拌粉皮：我至愛😍😍，見到一定要點，師傅放咗大量蒜粒同芝麻，超香呀，再加埋辣油，好好味呀！鹵水牛展：都算好入味，如果切得再薄啲就更好。如果點水餃、山東馳名醬豬蹄、山東秘製手撕雞、鹵水牛肚及鹵水牛展，都可以追加飲品🥃。我哋揀咗一杯凍嘅山楂雪梨水，清熱又滋潤，最緊要唔會太甜。另外揀咗杯養生熱飲-鮮搾南瓜露🎃，全部熱飲都自家鮮搾㗎，南瓜味好出，完全係真材實料，飲完超飽飽！食完成餐飯，完全感受到師傅嘅認真同心思💓，隻隻餃子都五彩繽紛，別出心裁，睇見都夠晒開心！🤗🤗…Read More

聽講灣仔開左間中國加盟既水餃專門店，主打顏色鮮艷既花色水餃，好似好吸引，所以同同事決定黎試下。午餐時間吾多人，吾需要等位，而且店內仲有好多吉枱，座位幾寬敞座得幾舒服。我地同行3人，叫左3個餃子餐再追加左碗麵(+$20)同小食先岩岩好。彩虹雨花石水餃($72/6隻)佢既餃子皮有3隻色，分別用左三種蔬菜汁去整，不過食落係無味既，而餡料有馬蹄和豬肉，一份得6粒，依個價錢真係偏貴，主要for打卡影相。招牌五福水餃($78/10隻) 有5款口味，餃子皮五顏六色無咩味既，不過色素聲稱係100％由蔬菜提取而黎，個人喜歡冬菇豬肉，菇味好香，好juice。雞絲拌粉皮($48)賣相吾錯，不過略嫌雞絲太少，吾食得太辣都可以入口。個人覺得食過之後覺得普通，餃子黎講偏貴，但係好多顏色可以打卡，未試過都可以試既。…Read More

同女友行完山又攰又肚餓，諗住喺銅鑼灣求其食餐晚飯就返屋企，經過天樂里見到一間新開水餃店，先見到「一份水餃，五種味道」嘅字眼，然後見到餐牌裏嘅水餃相片五顏六色，充滿少女心既女友一個箭步，就衝左入去。餐廳裝修可謂別出心裁，餐廳將卡位設計成涼亭下既座位。牆身畫上荷葉同花，令我恍如置身田園中。為求食盡唔同顏色水餃嘅味道，我哋叫咗招牌五福水餃，當然可以只叫一隻顏色。紅色係蕃茄牛肉味、白色係剁椒魚味、黑色係海三鮮，黃色同綠色分別係冬菇豬肉同素三鮮。我最鍾意就係番茄牛肉水餃，非常juicy之外，牛肉非常鮮嫩。另外，黑色亦係我嘅favourite，可以見到蝦仁非常大粒，另外餃皮係用墨魚汁。水餃亦配有蒜蓉醬。另外我地叫咗雨花石水餃，外皮係彩虹色，非常吸引。餃皮採用火龍果汁、菠菜汁同南瓜汁，當你咬一啖，啲汁就會爆出嚟，有別一般水餃，汁偏甜，非常特別。加$20就可以多一個菌菇湯麵，麵條採用上海麵，分量亦意想不到既多。總括而言，西塘花記嘅餃皮厚薄適中，餡料豐富，用料比起一般水餃店上乘。除咗水餃，餐廳亦提供多種小食，今次叫咗雞絲拌粉皮，平時食嘅雞絲伴粉皮係以麻醬作醬汁，但西塘花記用嘅係辣醬。青瓜絲非常清爽，加上雞肉同粉皮，整體口感爽口惹味。自己唔係太食得辣，所以叫咗杯凍豆漿，味道偏甜。本身想叫酸奶，但餐廳未正式發售，遲啲一定要再嚟，試下佢哋自家製嘅酸奶。估唔到水餃又睇得又食得，賣相味道一樣出色。…Read More