Video
Read full review
2019-03-14
477 views
前排睇報導話內地一間著名水餃店【西塘花記】將會殺入香港灣仔天樂里，今日有時間一於去試下啦。呢間水餃店點解咁出名? 因為佢唔係食傳統水餃咁簡單，而係食彩色水餃。店舖叫得【西塘花記】，所以同花都有關，門口就以粉色花卉🌸🌸做裝飾，入到店，中間整咗個長形涼亭擺咗幾張檯，帶點中國風，店舖以清新簡單嘅顏色裝修，牆上有花同埋詩句，畀人一種脫俗優雅嘅感覺，同店舖名好配合。呢度最出名就係招牌五福水餃同埋雨花石水餃，可惜雨花石水餃已經賣晒😯😯，唯有食招牌五福水餃啦，五福水餃有五隻唔同顏色，包括有刴椒魚水餃、蕃茄牛肉餃、冬菇豬肉餃、海三鮮水餃、素三鮮水餃，每款有2隻，一次過可以試晒五種口味😁😁！(白色)【刴樣魚水餃】：用上新鮮淡水魚🐟，再配埋秘製辣椒醬🌶，辛辣中帶點鮮味(紅色)【蕃茄牛肉餃】：水餃皮採用紅莧菜火龍果汁去整，一咬開，啲汁已經必晒出嚟，餡料用蕃茄🍅同牛肉🐂，超juicy(黃色)【冬菇豬肉餃】：水餃皮採用南瓜汁🎃去整，餡料有新鮮豬肉同冬菇，爽口有彈牙(黑色)【海三鮮水餃】：水餃皮採用墨魚汁🐙去整，餡料有蟹柳、元貝、蝦仁🦐，可謂鮮味十足(綠色)【素三鮮水餃】：水餃皮採用菠菜汁去整，餡料有蝦仁🦐，韭菜
前排睇報導話內地一間著名水餃店【西塘花記】將會殺入香港灣仔天樂里，今日有時間一於去試下啦。
呢間水餃店點解咁出名? 因為佢唔係食傳統水餃咁簡單，而係食彩色水餃。
店舖叫得【西塘花記】，所以同花都有關，門口就以粉色花卉🌸🌸做裝飾，入到店，中間整咗個長形涼亭擺咗幾張檯，帶點中國風，店舖以清新簡單嘅顏色裝修，牆上有花同埋詩句，畀人一種脫俗優雅嘅感覺，同店舖名好配合。
呢度最出名就係招牌五福水餃同埋雨花石水餃，可惜雨花石水餃已經賣晒😯😯，唯有食招牌五福水餃啦，五福水餃有五隻唔同顏色，包括有刴椒魚水餃、蕃茄牛肉餃、冬菇豬肉餃、海三鮮水餃、素三鮮水餃，每款有2隻，一次過可以試晒五種口味😁😁！
招牌五福水餃
$78
16 views
0 likes
0 comments
(白色)【刴樣魚水餃】：用上新鮮淡水魚🐟，再配埋秘製辣椒醬🌶，辛辣中帶點鮮味
(紅色)【蕃茄牛肉餃】：水餃皮採用紅莧菜火龍果汁去整，一咬開，啲汁已經必晒出嚟，餡料用蕃茄🍅同牛肉🐂，超juicy
(黃色)【冬菇豬肉餃】：水餃皮採用南瓜汁🎃去整，餡料有新鮮豬肉同冬菇，爽口有彈牙
(黑色)【海三鮮水餃】：水餃皮採用墨魚汁🐙去整，餡料有蟹柳、元貝、蝦仁🦐，可謂鮮味十足
(綠色)【素三鮮水餃】：水餃皮採用菠菜汁去整，餡料有蝦仁🦐，韭菜同雞蛋🍳，清新得嚟又有少少鮮味
韭菜蝦肉煎餃(6隻)
$58
17 views
0 likes
0 comments
我哋仲點咗個韭菜蝦肉煎餃(6隻)，店員話得番最後一碟咋，我哋真係好彩。煎餃熱辣辣，煎到脆卜卜，韭菜蝦肉新鮮又爽口。
另外，我哋仲點咗幾款小食...
山東秘制手撕雞
$48
18 views
0 likes
0 comments
山東秘制手撕雞🐔：雞肉又嫩又滑，有芝麻香，同埋大量芫茜，mix埋一齊食絕配呀
雞絲拌粉皮
$48
15 views
0 likes
0 comments
雞絲拌粉皮：我至愛😍😍，見到一定要點，師傅放咗大量蒜粒同芝麻，超香呀，再加埋辣油，好好味呀！
鹵水牛展
$48
8 views
0 likes
0 comments
鹵水牛展：都算好入味，如果切得再薄啲就更好。
山楂雪梨水
6 views
0 likes
0 comments
鮮搾南瓜露
7 views
0 likes
0 comments
如果點水餃、山東馳名醬豬蹄、山東秘製手撕雞、鹵水牛肚及鹵水牛展，都可以追加飲品🥃。我哋揀咗一杯凍嘅山楂雪梨水，清熱又滋潤，最緊要唔會太甜。另外揀咗杯養生熱飲-鮮搾南瓜露🎃，全部熱飲都自家鮮搾㗎，南瓜味好出，完全係真材實料，飲完超飽飽！
食完成餐飯，完全感受到師傅嘅認真同心思💓，隻隻餃子都五彩繽紛，別出心裁，睇見都夠晒開心！🤗🤗
Post
