SOLO UDON ソロうどん (Closed)

冇特別諗法💡要食咩，今次純粹🕺行到邊食到邊，見呢間新開，價錢正常，走簡約自修風格，感覺冇咩伏就食。 入到去發現都幾high tech，向門口部機叫完野食會出張單，入到去揀好位置之後，原來😨‼️ 佢有個位俾人嘟張單個👁‍🗨QR Code, 店員就會自動送餐，幾有趣😝🍤吉列蝦蝦湯烏龍麵 蝦湯好濃厚，同埋估唔到係🌶辣嘅(大家留意返)，但係佢呢種少少辣又幾過癮。吉列蝦都算脆身，炸衣有返些少厚度，所以浸咗陣湯都仲未淋。🐤雞白湯叉燒烏龍麵 雞白湯🍲都幾出色，有D似住家煲嘅清湯但又濃D咁嘅感覺，唔似拉麵店嘅雞白湯 / 味精feel嗰種。叉燒就俾足3片，烏龍麵份量都幾多下，整體抵食過拉麵店。…Read More

知道登龍街開左呢間Solo Udon 就去試試難得係呢條街都唔駛等太耐位餐廳係採用自助形式 首先係店門口既自助點餐機買飛 入座之後係每個座位都有個QR Code掃描器掃返張飛既QR code落去就可以等上餐喇店內全部都係獨立位 如果1個人黎食都坐得舒服雞白湯叉燒烏龍麵 雞白湯都夠香濃😆明太子溫泉蛋冷烏龍麵🍜呢間既烏龍麵好食 好煙韌彈牙 👍🏻 冷麵更加彈牙😂 見到隔離檯食壽喜燒烏冬都好吸引🤩烏冬主食都唔算好多配料 所以叫多個小食滿足啲 明太子芝士春卷 明太子味香濃👍🏻…Read More

𝑺𝑶𝑳𝑶 𝑼𝑫𝑶𝑵 ソロうどん-🍜 雞白湯叉燒烏龍麵🍽️ 明太子芝士春卷🍜 蝦濃湯吉列蝦烏龍麵🍽️ 南蠻炸雞位於銅鑼灣登龍街，專食烏冬嘅餐廳，算係近期大熱(˶‾᷄ ⁻̫ ‾᷅˵) Solo Udon 人流多但比較快有位！因為全自動化，自助點餐，獨立位(⁎⁍̴̛ᴗ⁍̴̛⁎) 快靚正！一人烏冬全每日新鮮製造，超彈牙，係煙韌有嚼口！雞白湯冇得輸！鮮甜濃烈，但唔會黏口！掛湯，叉燒夠腍，肥瘦平均，仲幾入味！春卷味道好，濃濃嘅明太子味，呢個組合算新鮮！少少辣味加上芝士，唔好太膩。但略嫌唔夠脆，反而上枱時仲有少少涼咗( ･᷄ὢ･᷅ )吉列蝦烏冬，名副其實成兜「蝦」。湯底超濃蝦味，唔苦，夠鮮甜，好惹味！重點係佢哋仲加上蝦油，蝦到極致！天婦羅蝦皮夠薄，而且脆卜卜！蝦好多肉同埋爽口彈牙！炸雞小食幾惹味！十分香口，多雞油雞汁，算Juicy! 但可惜係皮同肉分離( ･᷄ὢ･᷅ )總括，喺銅鑼灣除咗連鎖餐廳，都可以試吓新嘢，性價比算高！新鮮嘅店舖，位置方便，味道好，可以一試！📍No. 3, G/F, V Point, 18 Tang Lung Street, Causeway Bay#jcfoodgasm @soloudon…Read More

成日去食嘢都明白一個人去食嘢係比較麻煩，唔單止係因為一個人食嘢，好難試曬所有想食嘅嘢，更是因為一個人成日都要搭枱，但係依到就唔會啦，不論你係幾多個人嚟，每一個人中間都係隔左一塊板（咁樣不知減少幾多閃光彈🙈🙈）可以選擇嘅款式都唔少，而且每一款都好吸引，真係恨不得可以一齊試曬🤤🤤首先你係屏幕點好餐之後，職員就會帶你去座位，之後再係角落頭掃描一下二維碼，咁樣唔洗好耐，就會有人從你面前的幕後送餐，全程基本上都唔需要同人講嘢，非常適合我呢啲社恐人士雞白湯叉燒烏龍麵（中）$88 推薦指數🗯️：🌟🌟🌟🌟唔好睇佢好似細細碗咁，但因為雞白湯比較，食到後期會好滯，所以一個人食（中）份剛剛好；雖然雞湯飲落去都好重雞味，但整體味道偏淡，所以鐘意食重口味嘅人就未必鍾意；而叉燒雖然只有兩片，但係入口即化（食嘅時候有少少後悔冇加到叉燒🙊因為真係好正）麵質係那種比較有彈性，而且粗身啲，掛湯一流！咖哩湯吉列豬扒烏龍麵（中）$98推薦指數🗯️：🌟🌟🌟🌟叫咗一個清淡型嘅雞白湯，咁另一個就叫個重口味少少嘅咖喱湯；麵質和雞白湯那個一樣的，不過咖喱湯比雞白湯杰身，所以掛湯效果比雞白湯更加好！咖哩味濃稠，帶點辛辣，但係唔會過於重味；吉列豬扒炸到外皮好香脆，但裏面仍然保留到好Juice🤤，而且大大一塊吸曬咖喱味，簡直食唔停口，而且枱上面有個罐，裏面嘅係炸脆嘅天婦羅碎，加少許一齊食，成個感覺又唔同咗明太子芝士春卷 $38 推薦指數🗯️：🌟🌟🌟🌟🌟不得不說，我原本覺得佢哋嘅主食已經好出色，但係估唔到小食更加出色，春卷炸到香脆，一啖咬落去食到滿滿嘅明太子同芝士（啲芝士多到可以拉絲）雖然明太子嘅份量好足，但係食落都唔會過於重味，真心推薦嚟食的話一定要試吓佢啲小食！草莓罐裝牛乳蛋糕 $48 推薦指數🗯️：🌟🌟🌟🌟依個甜品真係唔食得都睇得，好似汽水罐咁樣嘅造型，加上整齊嘅草莓，未食嘅時候都已經流晒口水🤤一打開個蓋，滿滿嘅草莓香味就湧出來，一啖食落去，就食到忌廉好滑，但係唔會過甜，再配上香甜嘅草莓，簡直一絕！中間嘅蛋糕也鬆軟，唔會好乾，整體配埋一齊食，好襯！整體來講，係可以一試嘅！🤤🤤🤤以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…Read More

｛SOLO UDON ソロうどん｝銅鑼灣自修室烏冬專門店.銅鑼灣V-point地下開咗間新嘅烏冬專門店佢哋嘅特色係 座位好似自修室咁 一人一格|´-`)有啲似一蘭拉麵 廚師喺布後出現 然後上菜但係觀察店內大部份客人都係成雙成對 包括我同朋友在內 所以大家都係隔住塊板傾偈lol.星期五晚去食 大概排咗15分鐘左右點餐喺入餐廳之前 用Touch mon點餐機落order 入到埋位可以喺枱嘅左手邊用Scanner掃張單上面嘅QR code  （好先進～）不過烏冬同小食嘅選擇較少 而且當日已經有好多款都賣晒但佢勝在每一款烏冬都有得揀大/細 啱晒唔想食咁多嘅我(๑•̀ㅂ•́)و✧.✎  雞白湯叉燒烏龍麵 HK$88奶白色嘅湯底 撲鼻而來嘅清淡雞湯味店家自家製嘅烏冬麵條Q彈滑身 軟硬適中 有口感叉燒惹味較肥身 做到入口鬆化嘅感覺 整體而言都幾好食 略嫌湯底不太香濃✽好味指數：★★★☆/5.✎  明太子溫泉蛋冷烏龍麵 HK$88冷烏冬更加彈牙有口感！揉合一大堆鹹香明太子醬、溫泉蛋、紫菜、香蔥一啖食落去好滋味～但會越食越喊嘅(･∀･)✽好味指數：★★★★/5.✎  海蝦天婦羅 HK$35✎  日式上湯冷波菜 HK$18Btw觀察到小菜最容易漏單… .⚐ SOLO UDON ソロうどん地址：  銅鑼灣登龍街18號V Point地下3號舖人均消費：$130 (2ppl)回訪指數：🤤🤤🤤/5環境舒適：🪑🪑🪑/5…Read More

想享受獨處嘅時間，除咗一蘭之外，呢間烏冬舖就係另一個選擇啦！餐廳座位設計係一個個嘅單機位，廚師會係你門前拉開白幕為你上菜。由落單到進食都可以唔洗同人交流！非常適合想靜靜的你🤫✨雞白湯叉燒烏龍麵 (M: $88)雞白湯聞同飲都有陣雞湯香味，湯底呈奶白色🤍 碗中有蔥花，海帶做配菜。海帶同湯底嘅味道意外地好夾，吸晒啲雞湯味係另一種感覺。同時有三大塊叉燒、每塊都肥瘦適中，唔會有油漏嘅感覺。✨咖哩湯吉列豬扒烏龍麵 (L: $108)豬扒份量多，炸至金黃色。咖哩湯底唔會太辣，每一條烏冬都可以掛晒咖哩汁。而烏冬係扁身個種，食落煙煙韌韌。烏冬控可以一試！美中不足地方，雖然吉列豬扒擺係面頭影相會靚啲，但就會令到個脆皮變淋。🧡枱上仲有天婦羅脆脆任加🧡最尾有片———————————————————————🌼評分：5個🌕為滿分🫧味道：🌕🌕🌕🌗🫧環境：🌕🌕🌕🌕🫧性價：🌕🌕🌕🌘🫧回頭：🌕🌕🌕⏰限時：NA…Read More

呢間位於銅鑼灣登龍街既烏冬麵店SOLOUNDON，位置十分方便。平日lunch time hour唔洗點等位，入去前需要係部機落咗order先，之後師傅會係枱前既白布遞上熱辣辣既烏冬麵。好適合平時返工返到攰既打工仔，放lunch既時候想me time自己靜下，嘆返碗yum yum UDON好食指數 : 8/10CP值 : 6/10回頭率 : 6/10價錢 : 4/10…Read More

今次同大家分享呢一間位於銅鑼灣嘅一人烏冬SOLO UDON。餐廳嘅裝潢用色鮮明，一人座位設計的別具特色。令到喺銅鑼灣呢一個繁忙嘅都是都市入邊，亦都可以搵到一個好好放鬆享受獨處與美食嘅空間。雞白湯叉燒烏龍麵🐔 $88 （加大+$10）雞白湯烏冬雞味濃郁，叉燒肥瘦均勻，烏冬入口相對淋身。安格斯牛肉壽喜燒烏龍麵鍋 半熟蛋🥘 $138牛肉肉質鮮嫩，醬汁濃郁香醇，安格斯牛肉份量都唔少，大力推薦🤩火炙半熟安格斯牛肉🥩 $78感覺同壽喜燒ga安格斯牛肉差唔多，肉質入口即溶，同醬汁嘅衝撞都好合適，略嫌份量比較少。…Read More

今日黎左銅鑼灣呢間新開既一人烏冬，佢餐牌寫住100%用北海道產既小麥粉制既烏冬，食落又幾好wor，比較扁身但又彈牙又爽口，份量食完都有8成飽，推介一下！88$雞白湯叉燒烏龍麵佢叉燒方面幾好食既，食得出好香下，雞湯十分濃郁，友人大讚！108$火炙半熟安格斯牛肉烏龍麵呢個湯底食得出係魚湯尼，味道都唔差，牛肉燒得幾好食！48$抹茶罐裝牛乳蛋糕呢個喜出望外wor，以為都係打卡野，但味道唔輸d抹茶專賣店！nice!…Read More

如果你問我烏冬定拉麵？雞白湯夾拉麵我就成日食啦，估唔到烏冬都有呢味玩法銅鑼灣呢間「SOLO UDON」就開正登龍街呢條最旺埸既橫街小巷，無論打工仔lunch time想快閃一波定係放工chill住食，我諗Udon都係一個唔錯既選擇，尤其是佢餐廳既格局玩全自助仲要一人一格，正正岩哂我呢d麻甩佬呀！👇📌U D O N - ▪️ Chicken White Broth Chashu Udon - $98/L▪️ Mentai Kamatama Cold Udon - $98/L▫️ 第一道必試佢地烏龍麵，呢個「雞白湯叉燒烏龍麵」雞白湯做到入口香甜，而叉燒肥瘦適中，咬落口感軟綿，而佢地烏龍麵係自家製，比平時烏冬硬身少少，咁樣反而幾彈牙；而「明太子溫泉蛋冷鳥龍面」面頭溫泉蛋同冷烏龍麵撈埋一齊食，口感滑溜，加埋明太子做配搭，鹹香味十足。📌S N A C K S -▪️ Sakura Ebi Tempura Kakiage - $48▪️ Gillette Tokachi Black Pork Rib Eye - $58▪️ Gillette Shrimp - $35/2pcs▫️ 小食方面我試左個「櫻花蝦芫茜餅天婦羅」，炸得非常鬆脆，而且餐廳自家製，誠意十足，食落仲好夠芫茜香，我幾鍾意；「吉列十勝黑豚肉眼」就咁睇外層金黃香脆，食落唔會過份油膩，香口而唔油膩，但同時做到肉質非常軟腍肥美，呢個一定要試！「吉列海蝦」一碟兩隻，即點即炸，入口仲係熱辣辣，外層香脆肉質爽彈，好食。📌D E S S E R T S -▪️ Stawberry Cream Cake Can - $48▪️ Matcha Cream Cake Can - $48▫️ 呢種cake can既甜品都好特別，分別揀左兩種口味包括「草莓罐裝牛乳蛋糕」同埋「抹茶罐裝牛乳蛋糕」。包裝好似汽水罐咁，不過透明既，都幾cute，食落個蛋糕質感係幾軟綿，唔會太甜，唔錯。📌D R I N K S -▪️ Japanese Kimura Yuzu Flavored Soda - $28▪️ Japan Kimura Shinshu Apple Soda - $28▫️ 野飲方面揀左「日本木村柚子風味汽水」、「日本木村信州蘋果汽水」，前者柚子味夠突出，而後者飲落好順口，淡淡果甜，幾清新。…Read More

銅鑼灣登龍街雖然只是一條短短橫街，但九成以上地鋪都是食肆，再加上兩旁幾幢商廈也有不少樓上餐廳，如果要每間餐廳都光顧一次，就算日日去都要食足兩個月！正可能因為競爭太大，餐廳經常轉手，只有少數可以長期經營。今日經過，發現之前的「豐勝手丼」原來已經結業，變成「Solo Udon ソロうどん」。餐廳門面裝修有特色，加上用色鮮明，遠處望過已相當搶眼；但另一方面又顯得低調，招牌名字並不顯眼。入內前先在門口的觸控式屏幕食卷機自助買票，類似日本當地拉麵店或連鎖牛丼店的運作模式。香港強制採用這種自助食卷機的店舖不多，印象中只有少數日式拉麵店 ⋯⋯ 雖然麥當勞、大家樂、KFC 也有相同設備，但這些連鎖快餐店仍然保留傳統排隊買餐櫃檯。講起上來，香港的自助食卷機比日本先進得多，既有圖文並茂的 touch screen、又接受各種電子付款方式；反而日本雖然電子科技先進，但食卷機仍然停留在幾十年前的按鍵式（唔識日文真係唔知㩒邊個掣）及只收取現金（雖然有自動找續功能）。全個電子屏幕都是烏冬，口味走港式新派路線。烏冬有熱有凍，有咖喱湯、雞白濃湯、甚至fusion口味的中式擔擔濃湯！反而欠缺傳統日式烏冬的昆布清湯。除了烏冬，亦有多款日式小食配搭：日式叉燒、日式炸雞、天婦羅蝦、吉列豬扒、火炙牛肉等。室內裝修明亮簡潔，全部都是吧枱式座位，每個座位之間用間板分隔 ⋯⋯ 即時聯想起源自日本九州、首創個室拉麵的「一蘭」。分別在於「一蘭」採用傳統日式拉麵店裝修風格、間板是實心木材；「Solo Udon ソロうどん」則裝修時尚、間板用不鏽鋼粗框加透明玻璃打造。內圍個室的背面就是廚房，廚師煮好烏冬後可打開小門，直接遞給顧客。每個位都有罌天婦羅脆粉，最啱配搭清湯烏冬，偏偏餐牌上沒有昆布清湯烏冬，好似得物無所用。咖喱湯吉列豬扒烏龍麵（$98）的概念很可能源自北海道的湯咖喱。試一啖湯汁，味道小辣、又有蔬菜的清甜，原來廚師選擇了日式咖喱的經典味道炮製湯咖喱。不愧烏冬專門店，又標榜採用北海道麵粉及正宗日式烏冬風味，入口煙韌彈牙。吉列豬扒味道一般，脂肪太少、肉質入口有少少嚡口。雜錦天婦羅冷烏龍麵（$98） 天婦羅放在烏冬表面，好容易被烏冬汁浸軟；又沒有另外提供蘿蔔蓉 / 天婦羅汁或者海鹽調味，到底想點？幸好天婦羅脆衣夠薄、入口鬆化，以烏冬店來説，炸功已算相當好。蝦天婦羅雖然彈牙爽口，但蝦味淡；蔬菜天婦羅較好吃。但沒有天婦羅汁調味，始終有所欠缺。無論什麼食材、湯汁或者冷熱，店主俱刻意整碗烏冬奉客，食材不會分開另上。雖然每隻烏冬碗各有特色、顏色鮮明，明顯係細心挑選，但並非所有烏冬都適合；冷烏冬正是其中之一。沒有一杯烏冬汁，烏冬要沾碗底的汁實在非常不方便，一來太少汁，另一方面，一定無法避免浸軟鋪在表面的天婦羅。偏偏又有一小撮山葵蓉放在碗邊，到底想點？雞白湯叉燒烏龍麵（$88）令人聯想起日式拉麵。雞白湯表面浮起一層泡沫，賣相媲美以濃厚雞白湯馳名的名牌拉麵店。馬上呷一口雞湯，有點失望；偏稀、雞鮮味唔夠濃郁，同名牌日式拉麵店仍有距離，但尚算幾好味。薄切日式叉燒就很好味，有適量豚脂，亦見到兩個部位的豬肉。只得兩小塊，未夠喉。雖然出品加入了港式風味，配搭食材味道一般，不過烏冬質素相當好，媲美烏冬專門店，值得一試。…Read More

下午兩點幾去食 唔洗排隊 先係出面買咗野食 有位就有人帶你入去坐 整體嚟講普普通通雞白湯叉燒烏龍麵味道OK 偏清淡 但食得出冇味精 烏冬係偏彈牙嗰隻 個叉燒口感軟熟 但味道冇乜特別櫻花蝦芫茜餅夭婦羅難食到喊 識落有油益味 同埋辛味 點咗個汁先至勉強擺到入口 亦都冇乜芫荽味 不過食落去係幾碎嘅SOLO TEA 炭焙烏龍係一般嘅烏龍茶 但飲落去會有一浸回甘嘅味道 因為佢加咗甘草粉 我個人嚟講就唔係太鍾意 因為浸味道有啲假 不過呢啲口味好個人整體來講服務OK（因為其實都唔expect佢有咩服務） 嘢食一般 應該唔會再嚟…Read More

【好想試限時供應蝦濃湯烏龍麵🦐】銅鑼灣自己食嘢又唔想食茶記咁頹？呢間啱曬你🤣呢間係新開逐個位隔開好似自修室咁🤣一個人食JENG!!!! 烏龍麵由100%北海道麵粉每日新鮮製作，仲有分SIZE🍜男仔揀大份應該夠曬飽👦.🍴雞白湯叉燒烏龍麵自家製烏龍麵夠彈牙，口感係硬過烏冬少少👍🏻湯底係飲到香甜雞白湯味，烏龍麵都沾滿曬湯底味🤤叉燒薄身，肥瘦均勻。麵加埋上面啲蔥、紫菜etc. 食一流😋特別係佢冷氣勁凍配呢碗熱麵真心JENG😚.🍴明太子溫泉蛋冷烏龍麵凍烏龍麵可能因為冇湯浸，食落明顯硬身好多！醬油味比較濃，麵都係超掛湯！好凍冰冰💩有隻温泉蛋俾你撈！.🍴吉列十勝黑豚肉眼炸豬扒外脆內軟，一定一定要趁熱食‼️凍咗食真係完全唔係果回事😭.🍴草莓罐裝牛乳蛋糕外型好IGABLE📸好得意用罐裝包裝🥫CREAM夠細滑奶味重，甜甜地🥰加埋細細舊士多啤梨一齊食JENG🍓-🔖有啲麵係限時供應🙈想試蝦濃湯吉列蝦烏龍麵不過去果日好似冇曬😭.🎑門口好靚💙店內裝修同門口都好夾😚.💡點餐係用門口自助點餐機， 之後店員再會安排入座-💎推介指數: 💎💎💎(新開可以一試!)💡性價比:✨✨(個人覺得偏貴🥺但其實認真諗平時啲拉麵都係呢啲㗎🤣)🍴ENCORE指數: ⭐️⭐️(下次想試蝦濃湯吉列蝦烏龍麵🦐）-…Read More

Everyone knows Ichiran for their solo dining booths where diners can enjoy their noodles in solitude. Solo Udon is the newest addition to this solo-dining experience where customers are able to enjoy large udon bowls and slurp away without any distractions! 🍜 Pic 1️⃣: 草莓罐裝牛乳蛋糕 - $48 hkd 🍓🍰— How cute is this! Perfect sweet treat to end the meal with that looks good and tastes great. The cream had a rich milky flavour and was super light and airy without being overly sweet. The sponge cake was equally as airy and adequately soaked in a mild syrup to give it that extra bit of sweetness. I was pretty impressed by the amount of strawberries in this, and the acidity in them really helped balance out the flavours!Pic 2️⃣: 半熟安格斯烏龍麵 - $108 hkd 🥩 — This was a massive bowl of udon and guaranteed to fill you up! The tender angus beef slices were nicely torched to give it that aromatic roasted flavour which was really apparent in the broth. Though I personally thought the broth could’ve been slightly richer as it lacked savouriness. The udon had a nice chewy texture and cooked to perfection.Pic 3️⃣: 雞白湯叉燒烏龍麵 - $88 hkd 🐓 — The broth took me by surprise as it was a lot richer than I expected! The creamy texture of the broth made it easy for the udon to hold onto the flavours of the broth, meaning you could taste the intense chicken flavour in every mouthful. The char siu was also really tender with a great distribution of fat all round.Pic 4️⃣: 南蠻炸雞 - $48 hkd — Fried chicken was really tasty, the meat was juicy and the batter was nicely seasoned. However, it was slightly on the oily side.⭐️Would visit again?: Yes! Great spot if you’re ever dining alone and the udon is actually really tasty! …Read More

來到拉麵店林立的登龍街目光立即被這間新開張的烏冬店吸引在現代感十足的精緻裝潢中原來是一人前的日式烏冬店以隔板劃出的獨立用餐空間可以專心享受一人之境的料理自助點餐機位於店舖門口顯眼處付款且取收據後便可自由選擇座位在座位的指定位置掃描收據上的二維碼這樣店員就會知道客人的位置廚師會打開客人面前的簾幕直接將餐點放到面前十分有新鮮感。蝦濃湯吉列蝦烏龍麵湯底熬煮香濃每一口都充滿濃郁的蝦味配上爽滑有嚼勁的自家製烏冬加上酥脆彈牙的吉列炸蝦風味絕佳雞白湯叉燒烏龍麵有奶白色的湯底香而不膩雞湯味道清甜吉列十勝黑豚肉眼外層脆漿夠薄且脆咬下有豐富肉汁溢出做到外脆內嫩明太子芝士春卷炸得香脆且咸香味十足 櫻花蝦莞茜餅天婦羅入口鬆化淡淡莞茜味襯托出濃濃蝦香。草莓罐裝牛乳蛋糕包裝很特別用透明汽水罐包裝蛋糕玩味十足裡頭是一層層慕絲和蛋糕口感層次豐富玉山烏龍是自家製的茶飲加了甘草粉入口香醇回甘此次新派日式一人前烏冬料理體驗不錯店舖裝潢以至料理的包裝都予人新鮮感…Read More