Number One Kitchen

之前聽到朋友勁力推介這間私房菜,於是來試一試。這裏有十多間獨立房間,我們那間房間還有獨立洗手間,而且還有免費wifi。首先飲品都幾多款式,有可樂、忌廉、自家製菊花茶、利賓納丶Lemon CC等十多款飲品,還有酒精飲品,但需另外收費。麻辣雞煲超惹味,又麻又辣,超好食,而且還可以任添。刺身有生蠔刺身和泰式生蝦刺身,超新鮮,如添加生蠔每隻$19,還有生蠔套餐$199有意大利白酒1枝及生蠔半打,一點也不貴。蟹煱非常足料,而且有新鮮大肉蟹。海鮮盤有聖子丶鮑魚丶大蜆丶龍躉片丶蝦丶蠔丶油魚丶鲩魚等多款海鮮,而且還有四款可以免費添加。牛頸脊肥瘦平均,非常好吃,如要添加每份只需$38,一點也不貴。丸類非常彈牙,雲吞皮超薄,蔬菜非常新鮮,響鈴和魚皮非常可口,非常脆,而且可以免費添加。飲品有雪糕波波,有朱古力丶豆腐丶綠茶丶牛奶丶芒果丶士多啤梨六款口味😋。整體來說,食物非常新鮮好吃,多款式,$258非常抵食,值得推介。建議食客先致電69990050訂座預留房間。…Read More

愛打邊爐的友人, 帶我地去了個好地方食飯, 那是位於佐敦的一哥私房菜. 這裡與平日火鍋最大分別的地方是設有獨立房間, 可以相約三五知己一邊打邊爐, 一邊傾計, 但又擁有私人空間, 對於我來講, 這是一個吸引之處.另一個吸引之處便是價錢相宜. 以下詳細列出收費. 這裡是任點任食火鍋, 而且食火鍋前, 仲有刺身和雞煲食. 辣度由bb辣到大辣, 任君選擇, 由於我不食得辣, 友人就我選了bb辣.我本身不食生嘢, 所以無食刺身. 雞煲上枱已香聞撲鼻.對於不食得辣的我, bb辣剛剛好, 醬汁夠惹味, 而雞肉也算嫩滑.食完雞煲, 我地就打邊爐, 湯底是鮮茄花甲野菌蟹鍋.也要混醬, 用來點嘢食.打邊爐比較熱氣, 我地點了能清熱氣的飲品, 就是自家制菊花茶.對於我來講, 甜度適中, 又能潤喉.愛食海鮮的我當然最鍾意海鮮拼盤. 材料相當豐富, 當中包括八至十一款的海鮮, 每日的海鮮款式不同, 選取當日最新鮮的款式.我先食了巨型帶子和聖子皇.兩款都好大隻, 又夠鮮甜. 帶子肉質彈牙, 聖子皇肉質爽口. 鮑魚仔帶點咬口, 本身較淡口, 我會點一些醬汁好味些.而生蠔的蠔味也相當濃味.蝦夠新鮮, 幾彈牙.除了海鮮, 我也是牛魔王, 牛肉當然不少得.手切本地牛頸布脊色澤鮮紅, 脂肪分怖均勻.食全熟的我, 牛肉仍然夠腍身, 也不覺得乾和硬, 而且牛肉味相當濃郁.我也試了鮮蝦雲吞和水鮫.雲吞和水鮫皮夠薄身, 而內裡的餡料也足料, 蝦夠彈牙.一口氣食了多款的肉類和海鮮, 我地點了響鈴.響鈴吸收晒湯的精華, 所以特別好味.最後, 我地點了烏冬.烏冬夠彈牙又有咬口.這一餐非常滿足, 而且價錢相宜, 值得再來光顧.…Read More

朋友極力推介我去試一哥，因為岩岩新開張，先至仲係咁抵食到咁正既海鮮放題!見天氣仲未熱，拿拿聲去試下。原來私房菜冒意思就係要提前預約~見我地幾多個人黎~就預返個份量當日訂海鮮~目的就係保証新鮮! 而家都好少咁有心機營運既食店上去已經見到好多人，成間野好香，不斷湧黎啲海鮮味 好期待啊一門四個人有間私人房，原來因為呢度前身係雀會，幾個人就自己有間房食飯~正啊 !我地點左中辣，辣辣地愈食愈滋味 由於呢度海鮮任食，本身諗住唔食咁多雞煲，留肚食海鮮回本，點知食食下都食左好多舊雞! 老細一哥話佢同廚師研究左好耐先調較到而家呢個味~所以幾野味~好多客都食到一舊冇淨!好正啊雞煲之後可以打邊爐，仲係成個煲會換左佢先上花甲蟹煲，平時出面食有幾可會甘湯底入面仲要係成隻蟹👍夠曬鮮味，配料有好多 有啲再點要加少少錢，但大部份都係任食。生蠔 鮑魚仔 蜆 蝦 魚等等 全部都一流👏食得出好新鮮。D肉係安格斯靚牛~食得出係靚料老細推介我地試埋生蝦刺身，刺身點既泰式青檸汁係入廚廿幾年既一哥秘製，果然又fresh又正埋單$二百幾一位，但依個價錢食到甘既質素都覺得算好抵，就算好忙服務態度都吾錯，仲問我地夠吾夠飽，仲要送甜品俾我地食~食到捧住個肚走~下次一定再黎食過!…Read More