Ramen Bari-Uma (Kimberley Road)

第一次食霸嗎拉麵 ，位於尖沙咀金巴利道26號地舖。店內有點熱，冷氣唔夠。我們三人點霸嗎二人前 ( 枝豆、炙燒豚肉味玉拉麵、雞叉燒味玉雞白湯拉麵、羽根燒餃子、味玉、雀巢檸檬茶、可樂) $248、 沙拉唐揚炸雞$38、雞叉燒味玉雞白湯拉麵$95。 ▫️枝豆🫛 ～ 味道普通，口感乾乾地。 ▫️炙燒豚肉味玉拉麵🍜 ～ 湯底好濃，豚肉厚切夠軟腍，拉麵軟硬適中，流心蛋口感香滑。 ▫️雞叉燒味玉雞白湯拉麵🍜 ～ 有兩大塊雞叉燒，湯底鮮甜，兩款拉麵各有特色。 ▫️羽根燒餃子🥟 ～ 餃子即叫即燒，肉汁滿滿。 ▫️沙拉唐揚炸雞🍖 ～ 炸雞又五件， 外皮唔算好脆口，味道普一般。 整體味道幾好，但罐裝飲品唔夠凍。 🏷️溫馨提示～ 整個用餐體驗均屬個人分享意見， 只作參考😊。     …Read More

這天晚上我約了朋友在尖沙嘴吃晚飯，經過網上的介紹，我們便決定來到這間拉麵店試一試，店內環境寬敞明亮和清潔衛生，店內的客人是坐滿的，需要排隊等候入座，證明的質素應該非常高雞叉燒味玉雞白湯拉麵($95)雞肉嫩滑細密，叉燒稔香軟彈，自家製的拉麵十分軟身，十分長，湯底經過長時間的熬製，十分入味，不放味精，飲完不會口渴灸燒豚肉味玉拉麵($95)細碎的蔥粒，厚身的豚肉非常淋，香稔軟嫩，非常新鮮，是用慢煮的方式烹調，再用火熗燒，拉麵可以選擇軟麵，適中，硬麵羽根燒餃子($35)餃子外脆內嫩，十分大件，十分新鮮，外層的脆皮很大塊，薄身和脆口唐揚炸雞($35)炸雞十分香稔軟嫩，非常新鮮，炸的時候鎖著肉汁，十分大件整體來說，食物的質素非常高，食物的份量非常多，食物的選擇十分多，食物的用料非常新鮮，食物的賣相十分吸引，從網上得知霸嗎拉麵原來是日本廣島規模最大的拉麵品牌，食物的定價相對合理，有紙巾和水供應，而店員亦有良好的服務態度和積極，所以我認為這間餐廳是值得再去惠顧…Read More

成日經過尖沙咀都會見到排長龍既拉麵店，難得今日見到無人排隊，就決定試試佢咩料！餐廳裝潢是日式風格，好像在參加日本慶典一樣，幾有feel既，空間唔係好大，但係坐得舒服既，環境乾淨，食物方面我地試左佢新推出既二人套餐期間限定二人套餐炙燒豚肉味玉拉麵雞叉燒味肉雞白湯拉麵小食揀左羽根燒餃子另外配有枝豆粟米同兩杯野飲$248價錢還可以吧...佢個羽根燒餃子幾好食，好脆口，點埋個醬帶小小微酸，好開胃（太肚餓無影度）而個雞白湯拉麵，雞叉燒好肥美，湯底味道偏淡，雞白湯唔算好肥，當你食過座銀既雞白湯，你會覺得霸嗎這個差9條街，無比較無傷害，如果唔係對拉麵好了解只係想食飽的話可以，但係想食特色拉麵或者想要更高層次的味道霸嗎未達標，只能夠說一般，不會回頭吃不過值得一讚反而係服務，話說我唔小心整污糟左條裙，店員發現後即刻主動提醒我，仲好貼心咁為我準備紙巾，係令我喜出望外既，亦感謝店員幫忙，辛苦了！…Read More

今日忽然之間拉麵癮大起，近近地去左尖沙咀搵麵食，經過the one。對面，見到金馬倫道路邊一間超大門口，面略有人龍既拉麵店。又因為唔算太餓所以等等位，等得唔算耐15分鐘左右有位，叫左個（雞叉燒味玉雞白湯拉麵）加左支久遺既波子氣水，環境舒適闊落，每兩位中間有一渣檸檬水自助形式，等餐時間合理，一坐底先拎支波子氣水飲住先，10分鐘唔夠又有野食上台，眼見賣相一般正常，湯底絕對唔算濃，口感不厚不油膩，但又唔會太重味精味，但重點一定唔會係個湯，中平。雞略微覺得太厚，情願佢薄啲，一片片會斯文啲，燒香滑，肥瘦適中，木耳絲等配料都正常，但炸蒜有啲痴牙。整體一般般，可試唔算伏，好食過味X…Read More

係尖沙咀做完FACIAL之後同老公到附近食晚飯, 為左感謝老公係🚉地鐵站等左我成個鐘(同老闆娘傾耐左, 佢好犀利, 對上一次見面已經係大約八年前, 竟然仲記得我), 就佢食佢最愛既拉麵。霸嗎拉麵頗受歡迎, 晚上八點過後也全院滿座, 要係門口排隊等候入座。我地點左雞叉燒味玉雞白湯拉麵同濃厚豬骨豚肉玉子拉麵。同無幾耐之前食過既熊拉麵比較, 我覺得霸嗎拉麵既湯底普通, 就是一般的豬骨湯底味道, 不甚濃郁。雞白湯湯底亦唔太飲得出雞湯既味道。沒有比較之下, 湯底質素是不錯的, 因為有食過一D拉麵店, 湯底好油, 味精好重, 霸嗎拉麵絕對唔係呢種, 只是沒有特色而已。相對之下, 霸嗎拉麵既配菜做得比湯底出色。溏心蛋入味, 最愛半熟流心蛋。雞叉燒原來係雞肉既意思, 我仲以為有雞同叉燒, 好味, 雞肉嫩滑厚肉。豚肉同樣啖啖肉, 肉質新鮮, 入口鬆化, 不錯。仍然未係香港食到一間湯底和配菜同樣喜歡既拉麵店。…Read More

放長假外出食晚餐，揀左好耐冇食的拉麵，係最愛雞白湯拉麵，有雞湯鮮甜，唔似平時豬骨湯咁膩。雞叉燒味玉雞白湯拉麵熱辣辣好香，雞白湯濃而不膩，係咸左少少，但幾鮮甜。成碗都係雞，除左湯底係雞湯，連叉燒都係雞肉。雞叉燒好正，有2大塊，厚切啖啖肉，肉質嫩又彈，雞皮唔肥又薄，仲好香。味玉糖心做得好好，流心又入味，味道相當濃郁，仲多份酒香味，好正。麵質好咬有麵粉香，掛到湯汁好吸味，份量亦足夠。炸雞 $15有2件，不過口感麻麻地，雖然炸得脆身，但雞肉乾左d，同埋肉質老哂。…Read More

今日做完運動，肚皮都餓扁了，所以我們好快便想到去食日式拉麵。見到平時常出現人龍的拉麵店，今日下午茶時段竟然不用排隊，心想今日真幸運。入到舖內，見裝修設計好有東瀛味，再睇睇餐牌有什麼好食，見有期間跟定拉麵、招牌拉麵、小食、飲品等都好多選擇。沙拉野菜炸餃子餃子炸得好脆，內餡野菜好清爽! 外層還淋上沙拉醬和葱花，十分夾。雞叉燒味玉雞白湯拉麵我平時都是叫豚肉拉麵，今日改改口味，點了用雞肉捲成的雞叉燒，它肉質扎實又嫩滑，味玉是流心的，麵條我選擇了硬身，再配上用豚骨和雞淆製而成的濃雞白湯中，真係好吃。我還加了ㄧ份粟米，份量好多，粒粒飽滿，香甜爽口，增加多一重口感。辛辣炙燒豚肉味玉拉麵朋友就想食辛辣口味，拉麵送到檯時都有點擔心，怕太辣食不下，事關見到湯水全是紅紅的，還有隻辣椒乾在碗中，但嚐ㄧ口湯後，發覺辣味剛好，便開懷大口大口進食，煙韌麵條泡在濃厚豚骨湯內，吸收了豚骨鮮味和辣椒辛辣味，口腔內充滿刺激感，令到不停的食下去。另外，碗內的厚叉燒經炙燙過增添不少香味，肉質方面肥瘦適中，再加上流心味玉，真係ㄧ大享受。難怪朋友食完ㄧ碗還要追加ㄧ份替玉才罷手。天婦羅軟殼蟹櫻花蝦湯拉麵這款拉麵是期間限定的，所以吸引了我另ㄧ朋友試食。點餐時侍應告知由於天婦羅軟殼蟹是即叫即炸，所以製作需時，但等候都是值得的，因為隻軟殼蟹真係炸得好脆好金黃色，蟹身好大，咬落啖啖肉。湯底都好利害，不知加了多少櫻花蝦才會有這樣濃郁的蝦味，好正!!我們各人都點了飲品: 麒麟啤充滿麥味，又可解除他口腔的刺激感。另ㄧ朋友點了綠茶可樂，顏色是青綠的，可樂味中有淡淡綠茶味，都幾得意!我就點了静岡蜜瓜梳打，打開樽蓋已傳出陣陣蜜瓜香味，飲落甜甜地好容易入口。總括來講這間拉麵店，各種口味的拉麵都做得好有水準，難怪人龍常出現，下次要排隊才可食到，我都心甘情願。…Read More

又一段時間冇黎食呢間拉麵店啦!開業到而加都仲係咁多人食，晚上9點去到仍然要等位!等左一陣就有位啦!只需要在點餐紙點餐然後交予店員便可!雞叉燒味玉雞白湯拉麵，這裡的拉麵能夠吸引我再食的原因，是因為這店的拉麵湯底冇出面的咁油膩!這裡的湯底用上雞湯，所以冇豬骨湯咁油，食完都唔會太滯!雞叉燒好厚身，但一D都唔肥!叉燒有稍稍燒過，幾香!味玉係流心蛋，蛋白位置帶有少少甜味，幾特別!拉麵還有蔥粒同木耳絲，令拉麵口感更豐富!我還加了味筍，這裡的味筍都好大碗，爽口鮮甜!辛辣炙燒豚肉拉麵，朋友中心意食辣，所以就點了這款辛辣的拉麵。我試了一口湯，都幾辣!豚肉很大塊很厚，但係食落好鬆軟。拉麵軟硬適中，隨拉麵還有蔥粒和味筍!這款拉麵非常刺激味蕾!這間拉麵店除了有本身的拉麵款式可以選擇，周不時都會推出期間限定拉麵，值得再去!…Read More

呢間霸嗎拉麵開左一段時間，但每次想食都排長龍， 咁岩經過見到唔洗排， 就入去食下~一打開Menu， 就見到兩張最大嘅相， 就食呢2碗灼燒豚肉味玉拉麵厚切灼燒五花腩， 半瘦半肥入口即溶， 湯底勁濃， 溫泉蛋正常水準，整體份量好足，啱曬重口味既食肉獸。雞叉燒味玉雞白湯拉麵呢碗個雞湯濃郁到有d 誇張，非常鮮甜，有一層雞油係面，雞叉燒份量好大，口感嫩滑，屬中上水準。另外仲加左2個湯麵配料， 味筍和野菜，原本以為細細碟，點知黎到先知都幾大份，係一般餐廳既三人份量。再點左碟辛口燒餃子:餃子煎得好脆好香口，重點好食係佢個辣椒醬度， 辣得黎開胃又唔會太over👍🏻總括嚟講霸嗎拉麵唔算貴， 但份量十足， 水準服務都屬於中上，下次會再黎試埋碗 - 期間限定極上原隻龍蝦味玉拉麵👍🏻…Read More

這間拉麵吃過很多次，寫它的食評還是第一次。每次吃的水準都係一樣的，證明實力真的不容忽視一碗拉麵好吃與否，湯底是很重要的。濃濃的豚骨味，很厚很creamy，我選了少油，健康點吧！火灸豚肉厚切，半肥瘦，吃下甘香可口。流心蛋很嫩滑，切開蛋黃即流岀來，朋友點的這個拉麵湯底是雞湯，沒有豚骨湯底般厚，雞味濃，味道算不錯。加上爽脆木耳絲和葱花，增加口感。叉燒味道亦不錯呢！餃子皮薄，餡足而且肉汁豐富，蘸上餃子汁，酸酸的，很醒胃。…Read More

今日約了媽媽行街睇戲食飯直落，第一站去了飲茶，第二站去了睇戲，來到第三站就帶媽媽到人氣拉麵店食拉麵。霸嗎拉麵位於尖沙咀金巴利道，鄰近The One、美麗華等大型商場。門面設計好搶眼，店內設計亦像日本拉麵店。拉麵選擇主要包括濃厚豚骨湯拉麵、雞白湯拉麵和期間限定湯拉麵，還有其他小食及飲品等。炙燒豚肉味玉拉麵拉麵一上枱就香噴噴，熱辣辣。湯底好有層次，豚骨湯底濃厚，拉麵爽滑亦都掛湯。豚肉是厚切的，微微炙過減輕了肥膩感。糖心蛋的蛋白軟滑入味，當然也有流心，高質素。雞叉燒味玉雞白湯拉麵拉麵一上枱同樣香噴噴，熱辣辣。雞白湯底比較少見，相對豚骨湯底比較清新，雞白湯好香雞肉味，喝落不油膩。雞叉燒好特別，整到好像叉燒般，雞叉燒同樣是厚切的，肉質爽彈，味道香濃。糖心蛋的蛋白軟滑入味，當然也有流心，高質素。信州蘋果梳打食完拉麵叫了一支信州蘋果梳打，蘋果味好香甜加上梳打，好滿足。…Read More

同朋友係附近睇完戲都9點幾，近近地又唔使有選擇困難，就食快靚正拉都，呢間仲要有雞白湯拉麵，一般都食開豬骨湯，不過雞湯仲好味。羽根燒餃子 $35，羽根即羽毛，餃子連住一塊輕盈如羽毛的麵粉薄脆，口感很香脆，比一般煎餃子更好食，肉餡幾多，菜肉均衡，唔會好多汁，味道仲帶點辣，幾好味。雞叉燒味玉雞白湯拉麵 $88，雞湯濃而不膩，雞味突出，飲得出個湯熬左好耐出哂味。麵係幼身有咬口，都掛到湯汁。雞叉燒超正，厚身嫩滑，雞肉好彈牙，味玉也夠入味，醬油味與半熟蛋黃好香濃美味。炙燒豚肉味玉拉麵 $88，豬骨湯好濃調好香，不過咸左少少，豚肉經炙燒，有油香，豚肉都係厚身，但肥肉偏多，整體味道不錯。…Read More

久聞這間拉麵的大名，今晚因為早左收工，所以能夠不用排隊就入到黎食。這裏以炙燒豚肉拉面聞名，另外點了一個雞叉燒味玉雞白湯拉麵加鷄白湯味玉拉麵。灸燒豚肉玉子拉麵拉麵一到，即刻試下個湯底！嗯..濃厚豚骨湯底，灸燒豬腩肉燒得很香口，但是比較肥膩，都係交給他食。不過麵條硬度適中，配合蔥花，很入味的糖心蛋，還是很讚整碗都是酷愛重味肥膩食物的人既恩物。雞叉燒味玉雞白湯拉麵哩個拉麵勁得我歡心！市面上做鷄湯拉麵比較少，味道通常比較像罐頭或粉開的。這個鷄白湯是喝得出鮮味的，而且雞叉燒好厚身，又嫩滑，加埋木耳絲，濃郁的流心蛋 整體而言這間拉麵店水準極高！如果唔洗排隊，很值得黎再吃！…Read More

第一次嚟試來自日本廣島嘅過江龍拉麵店。霸嗎拉麵嘅日文名Bari-Uma解作「極之美味」。同其他啲拉麵店好唔同，呢度嘅拉麵款式唔算多，有豚骨湯、雞白湯及辛辣味，不過好有趣嘅係竟然有石鍋飯揀，唔鍾意食拉麵嘅朋友都唔洗擔心喎！炙燒豚肉海苔味玉拉麵 ($88)喺叉燒上面嗰啲係豆瓣醬，不過對我嚟講已經係太辣喇！豚骨湯底好濃厚，而且真係唔算油，飲落口都有豬骨味，而且唔係太鹹，唔錯唔錯！自家製嘅麵好滑溜，我揀咗最硬，食到最尾都仲keep到！至於叉燒就非常大塊又厚身，低溫煮10幾個鐘後再燒都仲好軟腍，油脂好香口，旁邊仲有啲焦香，肥瘦適中，又真係唔錯喎！雞叉燒味玉雞白湯拉麵 ($88)湯底比起另一種就稀好多，不過同樣地都係冇好油餌嘅感覺，飲落幾清甜，雞味都幾出！兩塊雞叉燒好厚身，不過有啲失望，雞味唔算濃而且唔係太滑溜，相比起嚟叉燒出色好多喇！好在驚喜位係，老實講試過好多令人失望嘅溏心蛋，從此之後都冇乜特別期望，但點知呢個真係比拉麵更有驚喜！一咬開啲蛋黃真係好似山洪暴發咁樣，蛋香仲要激濃郁！其實我真係好想再食多隻呀！…Read More

位於TheOne對面七點半大排長龍唔係攞「飛」嗌Number系統想行開下都唔得呢兩個人排了大概25分鐘就入得去了人數：2位地點：尖沙咀地鋪，The One 商場對面Walk in：長期多人，要排隊（其實街上行人見到大排長龍，都會慕名而來...）環境：唔算大大間，不過樓底高，有塊大玻璃窗，出面的人輕易看到裡面服務：一般待客態度食物：2碗麵＋1客小食因為太餓又怕碗麵唔大碗所以叫了客小食...辣汁唐揚炸雞 $38因為熱辣辣上碟炸得好香口肉質嫩滑夠大件充滿豐富的辣油不過個辣油味道單調得個辣字食食下見到有小昆蟲因為識飛既未必關廚房事灸燒豚肉味玉拉麵 $88我選了硬麵Only 一塊豚肉OH NO! 腥既!豚肉唔新鮮呢雖然唔係好腥不過已經感到難過...豚肉好濃味（我中意食濃味）如果唔腥就好好食既另一碗好D 無腥味啦雞肉都好難腥既雞叉燒味玉雞白湯拉麵 $88同樣選硬麵＋走蔥雞脾肉好滑滑味道唔錯兩碗湯都唔一樣飲左幾啖豚肉果碗湯底濃郁D雞肉果碗湯底清新D突然...有陣難聞氣味聽到刺耳的滅火筒噴射聲成間店白濛濛的失火時無影相啊！好在樓底夠高白濛濛氣體向上升食梗碗麵唔算有影響不過氣味好難聞...賣單兩個人二百幾蚊...感覺都偏貴...（如果豚肉唔腥＋唔洗排咁耐＋無被人望住食野＋無小昆蟲＋無失火既話...感覺會抵少少）總結：我記得我之前講過：「食過一次已經OK，將來向朋友提議食呢間就未必了」…Read More