今個星期六又要返工，仲要成一點先放食LUNCH，同事話不如又去食呢間，今次叫咗兩個定食，陶板燒御膳 九州黑毛和牛及豚肩肉同三色丼前菜有蘋果蛋沙律、雞肉同冬瓜蘋果爽脆鮮甜，好開胃雞肉嫩滑，個醬仲有好重嘅蒜香，冬瓜配上菇仔，好入味，凍凍哋，好得意，好惹味，三色丼 ($250)三色即係三文魚親子丼、蟹肉海膽丼及吞拿魚丼。三文魚親子丼，三大片三文魚再配上大大粒三文魚籽，好有口感蟹肉海膽丼嘅海膽不是好多，與蟹肉、紫茶同菇伴勻，剛剛好，仲好新鮮添吞拿魚丼都係有三大片吞拿魚，顏色鮮豔有油光，口感軟嫩，魚味濃郁陶板燒御膳 九州黑毛和牛及豚肩肉 ($440)先來刺身三點，分別有針魚、吞拿魚同三文魚，先食味道較淡嘅針魚，然後食三文魚，最後係最濃味嘅吞拿魚，全部都好新鮮同鮮甜。响選擇嘅時候，三心兩意，店員聽到後，為我哋作特別安排，一半九州黑毛和牛、一半係豚肩肉，肉一到，店員就向我哋講介如何製作燒肉，首先要等陶板燒熱，然後放肉，一放落去，就渣渣聲，正到呢！牛肉同豚肩肉油脂分佈都好平均，唔韌，仲入口即溶，又多肉汁，仲有三款醬汁比你選擇，燒肉汁有少少辣，香草海鹽更加帶出肉味，檸檬汁酸酸哋，好醒胃，食完，個盆仲有肉嘅油份就去燒蔬菜，大滿足雖然係一個要返工嘅星期六，比我坐得舒舒服服咁食個LUNCH，都係一種享受…Read More
