Social Place (The L. Place)

一出𨋢就見到透光嘅玻璃屏風，成個用餐環境光線充足丶陳設精緻，令人心情愉快；入座時，每枱已備一壼玄米茶，喺用餐途中，店員會很主動添加熱茶，服務效率很高。中午時份，近乎滿座，呢張相係我走時等無哂人先影嘅迷你聚寶盆 $188聚寶盆熱辣辣送上，店員好細心，會先問客人係咪即時開蓋，以確保食物唔會咁快攤凍，可以慢慢食。2人份量好足料，有鮑魚丶瑤柱丶花膠丶蝦丶冬菇丶豬手丶雞件丶發菜丶魚旦丶蘿蔔丶貓耳朶丶娃娃菜… 特別鍾意豬手，炆到勁腍又入味！麻辣乳鴿 $39 /隻凍盤，乳鴿肉質軟嫩，麻味較重，辣度只屬BB級，對我嚟講就啱啱好。備有膠手套👍🏻非常山竹 $49山竹造型，似足煎堆口感嘅脆脆外層，入面係一絲絲嘅蟹肉，濃濃龍蝦汁，仲有粒龍蝦肉，物如其名確係非常焗鮑魚酥 $29 /件黑松露味，撻內有菇菌絲，鬆脆香口陳釀醉蟹 $79 /隻凍盤，陳釀浸大閘蟹，上枱時已聞到好香酒味陳皮燉梨 $39 /位去芯雪梨，加桂花蜜燉製，清潤，啱哂呢排咁乾燥嘅天氣貓山雪糍 $29 /件榴槤控必試，雪米磁餡以貓山王榴槤肉製，齒頰留香，每一啖都好滿足 🤤原來佢哋有個「唐宮小聚」APP，下載及登記會員就有超過$200優惠劵，每枱埋單時，店員會問客人係咪會員，留意到附近客人大部份都係會員，即刻download咗～ 下次要介紹朋友再嚟食過，呢個會員價$249餐，迷你聚寶盆 + 臘味煲仔飯 + 非酒精飲品2杯…Read More

過年前與同事來上環唐宮小聚吃團年飯，一行八人，可以吃很多不同的點心！難得這天沒有滿座，沒有很嘈吵，吃得也開心！推介點心有墨汁松露蝦餃、黑金流沙包、黑白無雙煎包、脆蝦多士；小菜如冰鎮鳳梨咕嚕肉、麻而不辣兼超爽滑的麻滑石斑；主食有開蔥拌麵、荷花蒸飯都相當不錯；甜品則推介陳皮燉梨，滋潤又不太甜。其他如肉鬆抓餅我覺得有點膩，麻辣燒賣也不是我杯茶。整體來說是環境、服務及食物都有水準，但價錢是偏高，午餐平均每位要$250。…Read More

第一次食唐宮小聚係中環分店，之後又係尖沙咀分店食過。今次同朋友話想食中餐，再去中環分店。真心，無得輸，好正來到當然要食最出名既乳鴿。最鐘意佢地既細心服務，比手套同骨桶，方便清潔、整理。前棻有酒呈醉雞、青芥木耳同貢菜海蜇。醉雞不過不失，青芥木耳辣度適中，一食就停唔到。貢菜海蜇就一般，海蜇未算好爽口。另外叫左荷花蒸飯，飯好香，材料勁多，有蝦、雞丁、鹹蛋等，好好味 最後叫埋甜品陳皮燉梨，熱辣辣，唔太甜，正!…Read More

預祝屋企人生日一開波叫左一堆食物 相太多upload唔曬味道有趣，整成東菇樣嘅麵包，入面係松露餡，幾重松露味，鐘意食包嘅人會覺得幾新鮮口水雞，稍為覺得唔夠辣荷花蒸飯，充滿荷葉嘅味道，食落好香中式甜品 我覺得個梨好酸🙈辣嘅燒賣 入面好似係糯米飯（？）呢個係有玫瑰味嘅麵包好特別，食落口之後超級香玫瑰味，入面係豆沙秋葵令到啲野非常之潺😂我麻麻地鐘意一個松露味非常之濃啲雞入邊非常之滑，又多汁，加上佢外邊酸酸地，好味，但係份量偏少，得四舊😂我地5個人岩岩好有一個人冇得食一個又有奶皇再加上紫薯嘅外皮，兩樣都係我至愛😘😘😘整體黎講啲食物都算幾好，但相對個價錢黎講，份量偏少，唔算太抵食…Read More

家庭聚會，一家四口，去了一間未食過的餐廳「唐宮小聚」台上放上玩味十足的碗，媽媽以為碗清洗得不乾淨，原來是碗的玩味設計！！餐廳有多款香港人工啤酒，有Ｄ麥味重，有Ｄ就好香花果，女生既話揀花果味右一或左一都不錯，喜歡麥味重一點的就揀中間那款吧！白玉王鴿真的不錯，上台時仍然是熱騰騰的，而且肉質嫩滑，外脆內軟麻辣燒賣，外表挺吸引的，糯米製成，麻辣味不算濃郁，如果想要正宗麻辣的話，一定會失望。玫瑰饅頭，外表精緻吸引，用作呃ＬＩＫＥ非常好，而且饅頭上台時飄來陣陣玫瑰香味，味道亦不錯！！紫蓉豬豬，外表好得意可愛，紫蓉好香且滑松露香菇仿真度好高，就連爆裂紋理都勁似玩味十足！！內在的菇菌材料亦好足料，味道香濃，一定要ＯＲＤＥＲ！！無咁簡單，呢個菜名一看就知玩味啦！！其實係辣子雞，用川椒炒炸雞粒，用來配啤酒一流！！最玩味的是「假蛋」，其實係芒果醬汁，好似分子料理咁，不過只有２隻，我地４個人唔夠分！！食的時候，一啖放晒入口，含爆「假蛋」，薄膜一爆，芒果汁湧出，好清甜！！酒呈醉雞在味道方面是有點失望，不夠香濃，不過雞肉夠滑！！陳皮燉梨，滋潤甜品，梨子清甜，但桂花糖水略為太甜。…Read More

爺爺慶生飯，在網上找了一間網評不俗的中菜館「唐宮小聚」試試。未抵達前，還以為餐廳是一間酒家菜館。抵達後才得知和想法有異。餐廳走新派時尚風格，格調製作富新鮮感。因週日晚幾近滿座，座處難免有點擠迫。餐廳的食品以小碟為主，迎合大眾「眼闊肚窄」的心意。一行七大兩小點了以下美食。小聚併盤是一份自選套餐，三款小碟只取價 $108 頗為實惠。蔥油樹雞雞肉嫩滑，蔥油香口。翡翠鴨卷是凍食小品，內𥚃以酸爽瓜菜為主要食材，反而鴨肉味道不算突出。皮蛋豆腐是彰顯刀功的菜式，難處在於把豆腐切成薄片，豆腐口感挺滑。餐廳的必食之選有五款，除火焰菠蘿暫停供應外，其餘各點一客試試。白玉王鴿熱食皮脆，肉味濃，但肉汁未算豐富。猛虎咬豬雖以豬腩肉製作，但選料不算太肥，細周生擇肥而食，一口氣吃了件半，筆者只能淺嚐一口，未能試真味道。荷花蒸飯內有充足的蝦肉及雞丁作餡，加上搶口的鹹蛋黃碎，味道不俗。無咁簡蛋主要素材是辣子雞，以川椒炒勻炸雞粒，入口以川辣口味為主，鹹重辣輕，雞肉不太出味。菜式借用「無咁簡單」為名，玩味之處落在「假蛋」之上。大家所見的蛋黃，其實是芒果醬汁，做法相信參考了份子料理的晶球化作用。以酸甜果醬伴以上火炸品是不錯的選擇。 來到品評小點時候，筆者放棄了講求特別賣相的飽肚包點，直接著眼於蒸炒小點。麻辣燒賣以糯米製成，口感黏糯，麻辣水平不重。炒蝦腸粉和一般的豉油皇炒腸粉分別不大，只是面上多了數只海蝦。桂花豚肉、焦糖龍井及松子鱸魚是明爐小炒。與同樣是炸品的辣子雞相比，桂花豚肉不論在口感上或是味道上皆稍勝一籌。焦糖龍井的重點除龍井外，也包括白滑魚粒，只可惜菜式整體調味略重偏鹹，蓋過了應有的甜感茶香。松子鱸魚製作大條，肉厚無 (少) 骨，口感酥化軟嫩，甜酸汁濃稠味道適中，人多的話值得一試。小菜茄湯時蔬以菜心浸煮蕃茄湯，菜心清甜爽感合理，茄湯味道普普通通，綜合多方意見這份茄湯湯底還是不及自家製作好！主食呷醋拌麵，醋感不強，反而麻香更突出，但因麵餅黏著在一起，質感有點怪不太欣賞。陳皮燉梨是滋潤甜品，燉梨腍身清甜，陳皮芳香，都不錯呀！回顧整頓飯，菜式普遍小巧精緻，並富一定水準，想試試有點新意的中菜，可以到訪一試。 …Read More

約左幾個朋友仔一齊食唐宮未黎之前己經比佢個菇菇包吸引住所以大家一致認同要食呢個菇包仲無懼咁熱都拎上手菇菇包未食時會聞到好香的朱古力味原來表層的紋其實係用朱古力粉整的超聰明的食第一啖就己經好開心因為未身係好鍾意食菇的人呢個包真係充滿香菇味~鍾意菇的人不可錯過!!!!!之後食左個小聚拼盤, 入邊其實包左3樣前菜都只係108 好抵拼盤有辣口水雞, 有機青瓜苗同翡翠鴨卷我最鍾意食青瓜苗, 因為平日食手拍青瓜就多, 青瓜苗真係第一次食原來係超爽口, 佢無青瓜味咁出, 如果唔係太鍾意食青瓜的人都可以試下因為我男朋友都食左好多~~~口水雞又係好出色, 用個樽仔裝住感覺好得意如果佢外賣都係呢個package 一定好吸引人買講番味道, 佢唔係話好辣個隻, 所以一般唔係好食得辣的人都可以食到但係佢非常惹味香口, 而且雞亦都好嫩滑, 值得一試, 下次想試下醉雞, 聽聞D醬汁好唔錯最後翡翠鷝卷, 一個好夾的前菜鴨係有D咸的, 加上菜就會將佢平衡番, 味道會更好我係唔覺唔覺食左好多舊因為覺得好清新 入口口感好好呢到ge 乳鴿而家做緊promote只係$38 一隻, 係$38 lorrrrrr真係黎淨食乳鴿平過食快餐雞Lorrrrrr呢到D乳鴿 鴿味好出, 但就唔係話燒得非常脆口如果鍾意香口D ge 人可能會想佢脆D, 唔知可唔可以同廚師request 呢但for 我, 我就覺得岩岩好, 但為鴿仔細細, 如果太脆我就驚會食唔到鮮嫩的肉而家味道同口感都將佢ge 鴿味帶晒出黎, 好味終於輪到主角蟹粉乜乜乜啦~~首先係蟹粉豆腐蟹粉味道好重, 配上清淡的豆腐略為蓋過左D豆腐味不過蟹粉自己本身好香口, 舖頭用了很多薑絲,令味道有更多層次, 用黎送飯絕對無得輸蟹粉豆苗可說是咁多樣之中我最鍾意的因為蟹粉没有遮蓋豆苗的味道, 反而把味道提升兩者好夾, 因為有豆苗的清, 你又唔會覺得蟹粉味好重好咸,呢個係完美配搭, 我覺得我自己一個可以食晒一碟蟹粉窩粑呢個蟹粉比其他的咸左小小, 可能因為要沾窩粑呢個無乜味道的野所以點小小味道己經好出, 最後仲剩一大盆可以用黎食埋豆苗呢個蟹粉亦比其他更重薑味, 減輕小小薑我會更愛呢個個樣咁搞笑的係黑醋雞花其實佢係一隻雞翼, 但係佢將D肉整到好似雞脾咁點解要咁整我真係唔知, 但應該係好花功夫的東西佢D肉亦都好嫩滑, 唔知關唔關佢咁整事我其實平時唔食糖醋乜乜個D, 但呢個我都食而且覺得有埋D芝蔴係面, 好香好好味佢仲附上燒菠蘿, 又係超好味的!!!!輪到甜品出場一入去己經見到有人叫左就覺得呢個甜品必食黎到真係無令我失望, 超靚超香超好味用上陳皮燉梨, 陳皮的香都索晒入個梨到平時D燉梨只係會好甜, 呢個就帶D酸酸甜甜好開胃同感覺好滋潤另外叫左個乒乓麻球, 個menu 上呢個甜品影得超靚因為咁我地又問下人有無道具借我地影點知又真係有, 超正個麻球入邊其實係好似鳯梨酥咁ge煙煙韌韌咁, 又幾特別架喎最後我地食到人地就黎關, 舖入邊有張乒乓枱, 其實係比人客食飯的但如果無人其實佢有網同拍可以比你玩下宜係超cute~~~好鍾意呢個style, 有型得黎帶點傳統又可愛…Read More

來這午餐已是第二次午餐時間還真是多人因為這附近全是Office吧不過還好這次不用等位剛好可以坐吧枱前菜先來沙薑豬手及辣口水雞味道開胃椰皇燉雞香香的椰皇味不錯之選松露香菇包賣相吸引之餘熱熱的包翻開包之後清而香的松露味撲鼻而上這可是不可不點之一糯米燒賣這也是不可不點之一桂花凍糕不愛吃甜的牛這對我來說味道剛好但反而陳皮燉梨比較甜不過亦比較滋潤而賣相亦不錯這店價錢絕對不貴地方環境亦不錯午餐不錯之選…Read More

這個世界上並不是只有朱古力蛋先可以一次滿足你三個願望，唐宮小聚social place一樣得! 先說「視覺享受」，lahris唔少朋友即時想到atum desserant，就會即刻we嘩鬼叫一番，lahris就仲未有時間去，唔知係咪咁worth to try。今次要介紹的這間social place也是賣「視覺享受」，這裡都有中式點心小炒，卻配以越‧法式裝修，這種飲茶style，感覺好新穎這裡賣「無限創意」，無論是menu，抑或食物賣相，一樣精雕細琢，lahris看見上圖這個碗，差點兒就尖叫起來，哈哈，冷靜過後，才覺得好好笑我們三個女人仔，拎住menu就完全失控，「呢個好」、「果個好得意」、「呢個好多人推介」，愈叫愈多，上圖只是first round（掩臉）開始囉! 這像花一樣的是starter，開花蘿蔔，凍食的，有點醬油嗎? 蘿蔔好爽口好crispy，咬落去是「索索聲」架，的確是不錯的開胃菜請留意menu，1000years duck eggs & silken tofu，豆腐切片，雖然未係切得絲咁薄，但係每片都好工整，中間就係皮蛋碎，仲有少少蔥點綴吓，再將打混的皮蛋蓉拌在碟邊（lahris平時都好少食皮蛋，但係都忍唔住食咗兩大啖，因為呢個整法，完全無食皮蛋的feel） 媽呀! 酒呈醉雞，個雞脾位好正，好食到不得了!lahris覺得白玉王鴿就一般般，烤得好香，不過肉就薄啲啲啦這個紅油抽手也一般啦! 椰菜肉饀，無太大驚喜叫咗太多肉，所以lahris叫了個龍鬚芥蘭，哈哈「點龍鬚法?」，原來是這樣，這個刀功也不得了，真得活像龍鬚一樣呀! 而且味道也好好，好幼嫩，薑汁芡就幾fresh這個是看到隔離枱食得津津有味才叫的! 黑醋雞花，雞肉嫩滑，黑醋也是極開胃的，仲有芝麻花，賣相一流重點來了!!!!!!!!!!!!!!!!!!!!!! 松露香菇竟然是一個包，開頭還在想，應該是松露釀香菇吧! 哈哈 怎麼來了隻香菇，好搞笑，香菇紋路做得似模似樣，連香菇椗都好似! 一邊咬着淡淡朱古力味的包，lahris在想，「又話係松露! 你呃人!」再咬多啖，裡面原來真係有松露香包餡，真係太a.may.sing!為了今日一聚，lahris揀咗5 of the best，因為友人P看了食評，好想知道咩係「猛虎咬豬」，所以就六決定一試social place所謂「猛虎咬豬」，其實是豬腩肉餡餅，裡邊夾有雪菜、茄汁、花生粒醬，仲有最靚的豬腩肉! 豬腩肉就當然係無得彈，超肥美，夾埋雪菜食，算係中和少少，無咁膩，而且因為餡料豐富，裡面太有層次，好似同時間食緊好多好多combination咁..好啦! 差唔多介紹完啦! 這個玫瑰饅頭是用來拍照用的，美美的，玫瑰花形，仲有花瓣添! 真係有淡淡玫瑰味!!!!! 最後，真係最後啦! 陳皮燉梨，陳皮絲超香!!!雪梨好甜好味視覺享受，又有創意，又好味道，仲唔係一次過滿足你三個願望? 哈哈 其實，monday blue一抹而去，這才是我們仨的最大得著，值得推介!…Read More

忙忙碌碌, 人總為生活奔波勞碌, 能夠相約小聚, 實屬難得, 所以每次都很珍惜與友人的飯聚。今次大家相約在【唐宮小聚】用餐, 聽其名幻想是一間古色古香的菜館, 但經看食評和電視報導才知它設計時尚, 有別於店名。今次第一次到訪, 身處其境感受這裏的特色之處。內裏地方寬敞, 環境光猛, 木地板、雲石枱配木椅子及沙發, 以粉色為主調, 感覺舒適自在, 還設有吧枱座位讓食客把酒談心, 整體設計新穎時尚。當然不得不提那張標準的乒乓球枱, 其實除了以食一聚外, 以運動作為小聚, 有益身心, 亦是一個好選擇。開放式的廚房可讓食客看到各廚師用心製作的過程, 廚房的四周尤如的一個雜貨士多, 整整齊齊地擺放了大量的油鹽醬醋等烹調的必須品。還被我發現一個很吸引的小擺設, 其混合了兩個即將到的節日, 就是以玖瑰花饅頭代表的情人節和以醒獅代表的農曆新年, 中西節日匯聚, 挺有心思。安坐後便馬上看看那本以打乒乓球為封面的菜譜, 內裏設計精美, 色彩柔和, 以粉色背景顏色配搭色彩繽紛的菜式相片, 以及中英文菜名, 清晰吸引, 令人百看不厭, 不禁一翻再翻。來到這裏怎能不吃招牌包點之松露香菇 ($49/3件)呢? 一打開蒸籠蓋, 熱煙隨即散出, 新鮮熱辣。每個香菇包 賣相精緻巧手, 不論外形、色澤、菇腳, 甚至菇的裂紋都十足十一個香菇模樣, 真的可以假弄真, 忍不住馬上咬一口, 香濃菇味湧出, 還有黑松露 的幽香, 內饀眾多, 每咬一口均有爽身的菇菌粒, 簡直內外兼備。******************************這款令我讚不絶口的開花蘿蔔 ($48), 把蘿蔔 切成片片大小相若作為花瓣, 以一粒鮮紅的車厘茄 作花芯, 堆砌成一朵優雅的花兒, 不單止賣相吸引, 連口感和味道亦一流! 平時所吃的酸醃蘿蔔不是過酸, 就是過甜, 吃後喉涸, 而且加入大量白砂糖醃製, 很不健康。但這道開花蘿蔔酸甜有至, 還能嚐出蘿蔔的原有味道, 咬下去爽脆兼無渣, 清新美味, 令我此刻亦回味當中, 推介之選!******************************一頓飯有一碗靚湯才能滿足, 在椰皇燉雞和每日燉湯之猴頭菇燉竹絲雞($78)中揀選了具有利五臟、助消化及滋補身體的猴頭菇, 相信更加有益。一打開盅蓋, 香濃的氣味隨熱煙直湧鼻子, 極之吸引! 原來除了外層的膠盅外, 內裏還有一個鋁盅, 難怪啖啖燙口, 喝到最後仍暖笠笠。內存不少湯料, 有腍身的豬肉、嫩滑的雞件、甜美的杞子、元肉 和紅棗, 還有多件猴頭菇, 用料十足。猴頭菇菇身爽口, 海棉狀的菇頂索盡湯水, 每咬一口都爆出湯水在口中, 滋味得很。雖用上不少肉類燉製, 但燉湯 清澈見底, 並無油光, 味道濃郁而帶菇香和微甘, 喝了這盅滋補養生的燉湯後, 馬上温暖起來, 面色通紅, 難道咁快變靚? 哈!******************************來一道較為矜貴的花膠濃湯菜苗 ($129), 估不到原來菜苗竟是小棠菜……平時不太愛吃小棠菜, 皆因其硬身嚡口, 亦難於咀嚼, 但這裏的小棠菜 弄得爽口嫩身, 而放在中央的花膠 雖不夠厚大, 但滑身兼富稍稍黏性, 還有甜美的杞子 相伴, 與味道剛好的濃湯 同吃, 感覺清新, 絶無味精。******************************檸檬鳳尾 ($119)以隻隻大蝦炸至金黃, 掛上檸檬的醬汁, 亮澤且金碧輝煌, 賣相矜貴。每隻大蝦 已去頭去殼, 吃得方便, 肉質鮮味, 啖啖爽彈, 酸咪咪的薄檸檬醬汁 剛好掛在整隻蝦面, 還拌上絲絲的檸皮 和甘香的芝麻, 味道清新而不感油膩, 只吃一隻真的不夠喉!******************************黑蒜成為近期推崇的食材, 身邊眾多友人都紛紛在家中自製, 據講有助抗癌之用, 現時亦有不少食店採用它入饌。這道黑蒜鳳凰 ($99)就是採用獨特的黑蒜、甜美的杞子、爽口的雲耳 蒸雞件, 還以荷葉墊底, 雖荷葉香氣不夠突出, 但雞件肉質嫩滑鮮味, 蒸籠中餘下的甜美雞汁 用來撈飯簡直一流!******************************一客欖角彩龍 ($109)共有八件大小相若的魚塊, 肉質嫩滑, 但略欠魚味, 淋上以欖角碎 和三色椒粒 所烹調的芡汁, 估不到鹹度適中, 而且帶點酸咪咪, 味道合宜。******************************愛吃魚的我嫌之前的欖角彩龍吃得不夠滿足, 索性點選原條黑醋爐魚 ($288)來吃過痛快, 松子魚就吃過, 不知用黑醋烹調又如何呢? 服務員把它放上枱時都令我們嘩然, 估不到如此大條。仔細看看它的賣相, 真的令我們目不暇給, 大廚刀工了得, 將整條魚起骨界花再炸, 外表有點像一朵朵盛開的菊花, 極美! 淋上合適份量的黑醋, 魚肉既有酸酸甜甜的味道, 亦存脆口, 不至濕淋淋。最愛是魚皮 部分, 炸得極之香脆, 而薄薄的炸醬亦脆口而不油膩, 起骨的魚肉 肉質嫩口, 令人啖啖吃得滋味, 但愛吃魚骨的我, 連炸至無比香脆的魚頭也不放過, 吃光!這條黑醋鱸魚雖然味美, 但始終炸魚的魚鮮味不及蒸魚, 可惜這裏並沒有蒸魚供應, 期待大廚日後能推出各款蒸魚的菜式, 相信有另一驚喜。******************************在乾燥的寒冬下來一碗清心潤肺的糖水最適合不過, 故揀選了一客陳皮燉梨 ($59), 以原個去心去核的鴨咀梨 入饌, 梨頂上看到絲絲幼細的陳皮 和點點桂花, 只看其外表已感到非常滋潤, 相當誘人。鴨咀梨燉至腍嫩, 充滿水份, 糖水帶有陳皮香, 味道清甜帶微酸, 極討我喜歡。------------------------------這場小聚的確令人吃得極之滿足, 看着款款精緻有趣的菜式相片, 忍不住手樣樣都想點選, 眼闊肚窄, 結果大家都撐着大肚腩離開……等等~~ 不如馬上在這張標準的乒乓球枱來一場滴滴仔小聚, 消化一下, 燃燒一些卡里路吧!…Read More

由於中上環因地鐵西港島線正式通車，地區經濟因此而迅速增長大批的食肆爭奪先機在中上環一帶大展拳腳新派菜館在高競爭下應運而生，用新鮮感來吸引顧客眼光。這天很難得的一個聚會，當然不能輕視吧發現一間打著新派中菜旗號的餐廳，精美圖片吸引著我眼球，Let's GO!在位於L2 Place的唐宮小聚，地點絕不難找，在靠近上環地鐵站的出口，地點十分方便。^從入口處由一落地式玻璃幕隔開，透視感十足。^識飲可樂一定是飲樽裝！一支支排滿了餐車，不喝也很吸引眼球。^各種新潮裝修，型格Cafe格局你會想到是賣中菜的嗎？光猛的燈光配合淺色系佈置，利用各種飾品填滿框框有著充滿活力的作用。重點是在餐廳中央竟然有一張乒乓球檯！店員跟我表示若果不是繁忙時段，真的可以在這檯子來場競技！不過現在是晚餐時間就先用來招呼食客吧！^適合各種朋友或是商業聚會的好地方。^初看到的時候嚇一跳，以為碗子很髒，原來是很有賣點的裝飾 - 蒼蠅跟螞蟻在你碗上爬著，怕嗎？清新而明顯的龍井香，值得一讚的是會用小蠟燭保溫，加水反覆溫著茶味亦不會沖淡太多。烏雞肉不是太老，有別於一般燉湯的肉類均會很「鞋」的感覺，蟲草花爽脆彈牙。湯頭很甜很香而且絕不油膩，亦明顯只靠食材本身味道來調味，絕讚饅頭稍嫌韌了一點，但粉紅玫瑰花造型，玫瑰花香和吃得到的玫瑰花瓣的確令人驚喜，加點煉奶就讓人有甜絲絲的感動。這個我覺得是一絕！肉眼看來真的與一粒大冬菇無異！原來是一個饅頭！包身相比玫瑰包鬆軟很多，內有包著濃濃黑松露和綿滑野菌粒，松露香久久不散，如果餡料更多便好了...鳳凰即是雞肉。利用被稱為健康養生的黑鑽石 - 黑蒜配上紅棗、杞子和荷葉以蒸的方法製作。黑蒜帶點蜜甜而微酸，雞肉吸收了黑蒜的甜和荷葉香，肉質嫩滑。利用滷汁煎炸而成的乳鴿，皮脆內嫩而不油膩，吃完一隻又會很想再吃。沙薑豬手是帶著啖啖沙薑味道的嫩滑豬手，味道沒太大驚喜；酒呈醉雞，雞肉嫩滑，但過分重手的花雕酒味使我只吃到很甘很苦的酒味作為冷盤，兩者不過不失。一道考師傅刀工心思的菜式，但味道就是一道清淡清新爽口的鮮芥蘭，相比其他菜式就被比下去了。起初以為是雞脾，經店員了解後原來是由雞翼起了一條骨後反起用黑醋炸成雞翼體積看來十分大，啖啖肉，黑醋汁微酸微甜，酥炸的口感帶點芝麻香，多吃而不膩。牛王點醫是由牛坑腩蘸脆漿粉炸至金黃，吃時蘸一些椰汁咖哩。牛坑腩牛味十足，脆漿炸得酥脆但肉質仍嫩，加上濃郁的椰汁咖哩，好一道咖哩牛腩啊！利用川汁的麻辣吊起皮蛋和豆腐的清新，薄片又嫩滑的豆腐實在很考驗廚師的刀功呢！大大隻的老虎蝦用濃稠的喇沙汁烹煮，喇沙汁很濃，味道正宗，近似新加坡喇沙的味道。惜蝦有點過熟，肉質有少霉，但汁調和下仍屬不賴。鮑汁鷹爪的鷹爪就是雞腳。雞腳被鮑汁炆得極腍，肉很容易與骨分離，鮑汁味道深入雞腳，個人喜歡比較濃烈的鮑汁，這道鮑汁不是我杯茶，但愛吃清淡的人相信會比較喜歡。陳皮燉梨作為秋冬甜品是我的大愛以前在家自己煮總是會吃到苦味，但在唐宮吃到的卻很甜！相信是選用了九製陳皮（味道很像在外面買到一包包小吃那種）和冰糖煮成。而我最佩服的是餐廳很細心的挖走梨心，所以吃時就能大口大口地品嚐，不用怕吃到核心時的尷尬場面。乒乓麻球，果然很切合餐廳的乒乓球檯而做的主題甜品。大小就是乒乓球一樣，看起來像一粒小煎堆，驚喜處是內餡由一般的蓮蓉餡變成了一粒甜菠蘿，很特別。奶凍系列：椰汁紅豆、桂花凍糕、芒果奶凍。我只吃了桂花凍糕，作為甜品，嗜甜者可能會失望，但對於我來說是剛好。因一直下來的菜式都很濃味，因此桂花的清淡，微微的甜味有著清新口腔，減低口中膩滯感的作用。唯一稍要挑剔的地方是凍糕造得很稀，即使用匙羹還是有點難舀起凍糕來吃。但轉個想法，落少一點魚膠粉，味道天然很多，很舒服。相對於西餐，我一向對中餐都帶點嚴格。因中餐味道分明，好吃不好吃很易分出來，今次唐宮給我的印象是好評:)因為喜歡嘗新，新派中菜能夠保留部分傳統味道之外再加上新式的製法，確實能吸引到我的味蕾和眼球另外要一讚的是店員勤快和有禮的招呼，相對老式中菜廳的招呼輕鬆得多亦不拘謹。…Read More