Tokyo Taishuu Sakaba

呢一間餐廳地方都有少少偏遠但好值得再來，人少少坐得好chill 的中午！未試過任食但咁chill🤣🤣 我係旺角站行去奧海城途經，大概要15分鐘，我同朋友都放假可以飲下酒，叫咗任食加清酒放題，每人$245～ 首先先選擇一個主食，因為我同朋友一齊食，所以我就揀咗一個飯，等個肚有多啲空位食串燒飲酒🍻 叫咗一個蟹肉蟹膏飯定食，另外叫左咗一個壽喜燒，然後其他叫左佢主打嘅關東煮同埋串燒！蟹肉蟹膏飯定食好驚喜，因為原來佢仲有埋蟹籽，係三色全有大滿足，蟹膏夠滑身同濃味，撈完飯好鮮，有種番左韓國食蟹膏飯感覺！太耐無去旅行食過呢種味道有少少激動🤣蟹肉就唔算多，蟹籽都新鮮脆口，三樣野加埋拌飯超香！強烈建議！配清酒好夾另外的壽喜燒鍋都唔錯，淡淡嘅甜豉油湯底，加埋牛肉煮之後愈來愈濃郁，再加埋唔同嘅蔬菜好清爽！不過男仔食可能就份量偏少左，不過佢其他串燒關東煮🍢任食就無所謂啦🤣串燒一定要即上即食！因為熱辣辣脆卜卜真係會好食好多，我朋友都比我迫佢放低個飯先 🤣🤣🤣 款款都試左，雖然佢雞類串燒為主，無牛豬，但款款雞感覺都唔同，最鐘意係明太子芝士雞肉串，明太子咸香，芝士濃滑，配上雞肉串好好食，三種口感，不過會略咸少少，要送酒喔🙈🙈🙈胡椒柚子雞肉串就略帶酸味好開胃，真係都好有新鮮感🤣同埋雞軟骨都係必叫！雖然有一串雞軟骨頂頂個舊燒得太勁少少燶左無食到，但係其他全部水準以上再以上！考得非常之香脆，比起雞肉嘅口感更多，有埋雞油香，送酒一流！烤雞皮好考火候，一定要脆焦先好食，呢一間火候真係控制得唔錯，串燒方面都好滿意，有時食肉食到悶悶地，就會食下秋葵，蔬菜🥬口感中和一下！燒粟米雖然因為佢斬開咗一半，所以嗰竹籤成日都會跌出嚟，我就用手食🤣但係佢係燒得非常之好，同粟一燒個包裝上面嘅粟米係一模一樣樣，少少焦香但係入邊仲有汁，唔會好乾，非常之好，我都食咗4寸🙈關東煮方面我最鐘意食蘿白！成舊冇渣入晒味真係冇得輸！福袋同埋麻吉燒都好特別，係腐皮同魚糕外層，入邊係麻薯，雙層口感非常之正！福袋一咬仲勁多汁🤤🍢先付任食嘅章魚🐙同墨魚咀勁啱配清酒！因為味道都比較重身，芥末章魚的確比較鹹香辣，Wasabi味都好勁，墨魚咀就會大舊少少，平時食開嘅日式小前菜😋我兩樣都鍾意❤️配酒一流！松葉蟹野菜沙律🥗就中和一下味蕾，松葉蟹分量唔算好多，但係都會食得出，係真正嘅蟹肉，我都幾鍾意食當一個小菜，味增青瓜都係配串燒中和味蕾必選！海鮮方面叫左海老、牛油帶子！牛油帶子超肥但超香，牛油帶子呢個配搭無得輸 😌海老唔算大隻同無膏🙈但烤得好香，出面個殼係焦脆，蝦味好濃郁，送酒一流！最後酒方面叫咗三款～你叫完酒之後佢會比一個九宮格盤你，入面有唔同酒杯俾你去選擇，成件事好有儀式感！喜多屋特別釀造清酒，順喉滑身，清酒嘅米香味都好足，尾調有少少燒灼感，整體好適合配串燒飲喔！大眾酒場自家製梅酒，色澤係漂亮的香檳色，口感酸酸甜甜，梅香味同酒味皆重，好適合女仔飲，如果有得熱水更加好喔！尾瀨之雪檸檬柚子酒！超級超級推介女仔飲！！！因為勁易入口，比起清酒，酒味唔算好濃郁，算果酒感覺重，係滿滿嘅柚子蜜清甜味，檸檬味好醒胃，後尾不斷encore 呢款，酒精度數: 8%，我心水大推平時唔飲得太列酒嘅女仔飲，飲咗兩三杯都好順！我仲即刻上網睇吓邊度有得買😂😂😂都成二百幾蚊一枝！只要飲多幾杯就夠回本啦😏呢間店環境對住個大玻璃，出邊街景遼闊，同朋友一邊傾偈，一邊小酌真係非常休閒，下次如果經過旺角奧運呢邊，都會再選擇嚟多次試吓其他唔同酒！…Read More

想小酌一杯與朋友聊聊天減減壓，於網上找到這間位於大角咀的東京大眾酒場。地點不算很方便，奥運站岀要再行一會，不算難找。坐下得知經openrice訂座可享折扣，即覺得可安心亂叫食物(笑。坐下不久店員便送上每人一杯熱雞湯，冬天飲很暖胃。飲品及關東煮都是自行走岀去選。店員見我倆想飲Sake亦有了解我們口味後再作推薦，選好會用冰桶裝好，並帶來一盒sake杯讓你選喜歡的，很貼心。關東煮湯有點過咸，點的食材除了蘿蔔外其他還好不是相當吸味，算是不過不失，配上一個港式的麻辣醬顯得不倫不類，如像日本提供黃芥辣可能更好。串燒及燒物點了數款，整體質素不錯。發現便宜的比貴的好吃，明太子雞串、車厘茄煙肉串等都味道不錯，較貴的牛舌硬得如香口膠，咬得牙軟方能勉強吞下。甲羅燒味噌及蟹膏味均不足，未有該有的香味，相對失色。最後點了一個美人鍋作結，店員會幫忙處理。雞湯濃及熱辣辣，吃罷一堆小食及飲酒後暖一暖胃確實舒暢。可惜又是去到最後偏咸。整體餐廳氣氛不錯，有點置身日本居酒屋感，飲杯酒確是不錯，食物質素正常，仍有進步空間。…Read More

最近發現左大角咀有間食居酒屋、關東雜煮嘅選擇。相信會喺附近上班一族下班之後聚腳嘅好地方。有邊個裝修其實擺設好特別，儘量擺設格局做到好似東京市內地道嘅風格，所以相當有氣氛。入到去仲有感覺好似係東京收工之後，成班朋友一齊聚餐喺小攤檔面前食關東煮咁樣。大量日本燒酒、清酒、啤酒選擇。菜單上面有唔少係關東煮、串燒、燒物、炸物等等大量關東煮菜式、蘿蔔、雞蛋、蓮藕、魚蛋、竹輪。個湯好甜，記得大家都要飲埋，唔會太鹹啱啱好而且有少少甜。我自己個人最鍾意當然係蘿蔔啦，又多汁又甜！另外值得推介嘅係牛筋，雖然有啲港式風味，但係最重要真係好味竹輪冰凍黑啤，成個杯都係用冰鎮，非常過癮！記得定要試吓！我自己覺得明太子玉子燒都係一個非常之惹味嘅食物，雖然只係香噴噴嘅玉子燒，上面加上明太子加芝士，但係簡單好味嘅食物，反而係居酒屋最特別嘅特色燒牛舌蒲燒鰻魚 鰻魚肉烤得軟軟，皮脆脆有的口感，燒製的鰻魚色澤偏深色，魚肉味鮮富彈性最後係邪惡嘅和風紫菜薯條作為主食！飲啤酒又點少得依啲熱氣野🤪…Read More

今日同朋友慶生，去左公司附近既餐廳食，見到有人介紹呢間好有日本風味既餐廳，人唔多又可以靜靜地傾下計，岩晒放工後同同事朋友黎食野吹水門口望入去裝修好有日本風味好靚餐牌見到有好多選擇，燒物好多款，豬牛雞都有，蔬菜都有八九款，唔會只係食肉咁寡，前菜更加多，價錢又平又我貼地，試多幾款都唔會話好貴關東煮係餐廳推介，值得一試關東煮係餐廳入面俾食客慢慢揀，可以見到岩食先點，跟足日本既做法，好似真係去左日本我地揀左三款，白蘿蔔好入味好冧，好正，芋絲爽口味濃，竹輪都好香好冧，最後忍唔住飲多兩啖湯三款前菜好開胃食到停唔到，蓮藕爽脆，仲有柚子既少少酸味，好開胃，味付大根都好多汁，少少酸，開胃一流，墨魚咀好少見有餐廳提供，好爽口，三款都好正串燒我地試左四款，由上到下係明太子玉子燒，黑毛豬腩肉，胡椒柚子雞肉同日本和牛，玉子燒好驚喜，明太子好足料，同蛋好夾，烤得好香，豬腩肉既油脂同肉比例一半半，但烤得好香脆，烤既時間好好，唔會韌或者鞋雞肉串味道好豐富，柚子香味好夾雞肉，雞肉好嫩滑和牛更加無得彈，好濃牛肉香又唔韌油香令人好想食完再食，最貼心係個串燒爐，一路熱住串燒唔會放耐左就凍晒，岩曬同朋友吹水甲羅燒好特別，用薯片配黎食，濃濃既蟹膏配薯片，好有新鮮感，值得一試，而且甲羅燒份量好多，鋪滿成個殻，呢個價錢好抵食燒元貝好新鮮好爽口，之後發現原來係新鮮元貝唔係雪藏貨正燒蕃薯同南瓜，烤得表面香脆入面又冧又香，技巧一流，燒物都可以食得好健康吹水點少得酒，試左新酒Suntory Highball，易入口，岩晒女仔傾計飲飲酒當然唔少得枝豆唔飲酒既都有好多日本飲品，日本提子梳打同蘋果梳打都好推介，提子味好香甜，蘋果味好清新呢個場完全係為左附近上班族放工輕鬆傾計而設，加上附近唔係旺區市中心，絕對無食飽趕客走既情況，好值得大家黎輕鬆一下，以後三五知己聚會又多個選擇…Read More

之前去東京食過串燒，好掛住當地嘅食物，所以就去呢間餐廳懷念一下，店舖嘅裝飾好有日本特色，掛滿左燈籠自己可以出去揀關東煮嘅材料，點咗蘿蔔、蝦餅、魚餅、燒賣、牛筋、牛腸，每樣都滲滿醬汁，好鮮甜美味我哋今晚揀咗好多串燒，好似呢樣係蟹肉蟹膏甲羅燒，可以將熱辣辣嘅蟹肉放上薯片一齊食，好特別，而且蟹味濃郁點左新鮮嘅海老，佢大大隻啖啖肉，食得出好有鮮味，配上少少鹽已經可以牛舌肉質鮮嫩，只需輕輕加上調味粉或者鹽，已經夠美味，因為燒得好香明太子玉子燒嘅蛋好滑，加上明太子嘅香味，配搭好好而大蔥雞肉串就充滿大蔥嘅香味，可以平衡蔬菜同肉嘅口感明太子雞肉串同雞皮串都燒得相當香脆，雞皮串雖然油份較重，但燒完之後食落脆卜卜，好惹味芝士煙肉焗大啡菇亦係邪惡之選，因為芝士味好濃，加上煙肉再配合鮮嫩嘅菇，燒完之後仍然保留好多汁如果想食清淡啲可以叫一個美人鍋，因為裏面充滿蔬菜🥬，亦有雞肉帶出鮮味，裏面仲有烏冬，一定夠飽肚，清清地可以平衡串燒嘅肥膩感覺我自己好推介呢支靜岡綠茶可樂，因為夠特別，平時嘅餐廳好少見，其實好似係綠茶充滿咗氣，再加上汽水嘅味道，夏天飲一流，夠解渴信州白提子梳打亦都夠清新，酸酸甜甜好開胃職員嘅服務態度好好，會主動幫我地處理美人鍋嘅材料，而且我哋叫咗好多串燒，上枱嘅速度亦都非常快如果餐廳嘅通風系統可以再改善少少就好啦，不過整體來講服務質素同食物都好出色，令人有去咗東京嘅感覺…Read More

天氣轉涼，很想吃點暖烘烘的湯物，找了個火鍋以外的選擇。來到大角咀的東京大眾酒場。落地玻璃配日本居酒屋必備的開放式廚房，增加空間感，座位非常寬敞，適合三五知己飲酒傾計。居酒屋以關東煮及串燒為主打，關東煮是一貫的款式，串燒的選擇則較多。關東煮的湯底清甜，蘿蔔和竹輪等煮得入味，每咬一口都會流出湯汁，蘿蔔帶有少少爽的口感，蒟蒻和芋絲滑溜彈牙，沒有煮得太腍，很不錯。玉子福袋  蛋白軟彈，蛋黃是剛剛好熟，不實也不痴牙，加上福袋內的湯汁，配搭很好，是整個關東煮的亮點。吃完關東煮後，我和朋友各叫了一杯啤酒。平時和朋友出外飲啤酒常常要求店員拿最凍的啤酒，這店非常貼心地用雪到冰的酒杯盛酒，超正。芥末章魚看似細細碟，其實份量很多。章魚嚼勁十足，芥末味不會嗆鼻，微微的辛辣感更能帶出章魚的鮮甜，達到很好的平衡，作為前菜非常開胃。柚子味付蓮藕片柚子味太淡，只能吃到一點點酸味，沒有想像中的清新感覺。不知道是否冷藏太耐，蓮藕片略硬。雖然我和朋友都喜歡吃爽口的蓮藕，但這個確實有點過硬。日本和牛串 牛肉味不算太濃，肉燒得有點久，雖然不至於過熟，但欠肉汁，味道和口感都不算出色。牛舌串相比之下，牛舌就燒得剛好，軟脆又帶彈性的口感，用鹽輕輕調味後更能帶出肉味，比和牛串好吃得多。梅子紫蘇雞肉串 雞肉嫩滑，對於我來說調味太咸，即使用來佐酒也覺得過於濃味，適合重口味的朋友。明太子雞肉串 燒過的蟹籽加上芝士，香口卻絲毫不膩，雞肉邊燒得有點脆，令口感更豐富，個人最喜歡這款。山葵雞肉串 賣相和味道都較前兩款遜色，山葵的味道淡，像在吃普通燒雞肉串，有點可惜。要是山葵的份量更多，相信味道會突出。煙肉露筍串 煙肉燒至金黃色，夾著少少油脂，滲出油香，加上爽脆多汁的露荀，口感和味道均十分出色。芝士煙肉大啡菇 芝士味不濃，正好能吃到煙肉和洋蔥的味道，大啡菇燒得不錯，保留大啡菇的水分，又不會有苦澀味，不過不失。只是這樣的配搭太常見，沒有什麼驚喜。蕃薯 近乎沒有調味，蕃薯本身不甜又乾。粟米 燒至焦黃的外表非常吸引，每一口都會噴汁，清甜爽口，很好吃。相比肉類串燒，我和朋友更喜歡蔬菜類的串燒，火喉和調味都拿捏得更好。…Read More

天氣漸冷，來到這餐廳最窩心的地方就是先來一碗暖湯。暖暖的，淡淡的，增添一份暖意。雖然是東京酒場，在入口處道先看到的卻是這個關東煮。形式有點像港式的車仔麵，食客隨便點算，每一款都只是$12至$18，價錢相宜之餘，味道也十分之好，真的喜出望外。另一個叫人驚喜的地方是有不少的飲品，其中有日式的可樂，有櫻花或茶味的，很有趣。前菜中最有趣的是螢光魷魚沖漬，細細隻的魷魚很易入口。口味爽甜的，加上咸咸的漬味，味道很好。甲羅燒是新鮮美味的，而這裡較特別的是有薯片相佐，與薯片一起吃，口味立刻不同了，很讚。蠔也是一讚的海鮮食品，除了日本清酒外，這裡還加了蒜溶一起燒，帶出蠔的鮮味外，還有蒜的惹味。串燒方面，來到日式店當然要燒雞皮。一點都不會油，還很脆，很美味。還特別介紹這個煙肉蕃茄，新鮮的蕃茄酸酸甜甜的，令到煙肉很清新，很易入口。…Read More

自從知道大角咀原來同旺角好近之後，就覺得大角咀一啲都唔隔涉喇😚呢日就嚟到位於大角咀利奧坊嘅東京大眾酒場～餐廳入面有條好大碌嘅柱，但餐廳就請咗本地artist為呢條柱加添生氣～幅畫好靚，大家嚟到都一定會比佢吸引到。真係估唔到成幅畫都只係由一個人畫成！天花掛咗好多燈籠，好靚有個大電視，播住日本電視節目～餐廳嘅枱櫈好有特色～係用擺可樂樽個箱整成嘅～不過張枱就有啲頂腳，坐得唔係好舒服🙈睇下menu先～坐低咗就可以出去揀自己想食嘅關東煮，再自取飲品，返埋位坐低食嘢，等其他嘢食到～～調味角～呢度都有幾多調味料～有芝麻、醋、餃子豉油、辣油～坐低咗之後就會有杯雞湯俾你，話係可以潤下喉嚨～我就覺得有啲太鹹～～食物講求色香味俱全，「色」排頭，可想而知食物嘅外貌係好重要嘅～而呢度就正正做到所有食物嘅樣貌都好好關東煮（$12/$18@）所有item都係$12/$18@～我哋最鐘意就係佢個湯底！超超超好味～玉子福袋（$18）日本魚肉包心燒賣（$18）最推薦嘅有玉子福袋同日本魚肉包心燒賣～出面比較少見，幾特別～玉子福袋入面嘅口感煙煙靱靱，有啲似稔少少嘅年糕，我好鍾意～而個燒賣嘅味道都好特別，一定要試下！信州白提子梳打；完熟桃子梳打（$28@）飲品都有好多選擇，我哋就揀咗呢兩樽～好味！飲完會想出去自己買嚟飲！除咗關東煮之外，我哋仲叫咗個美人鍋同一啲串燒～食食下關東煮就上咗個美人鍋喇～店員會定時過嚟睇下個鍋得未，得就會通知你地食得架喇～美人鍋（$188）因為個鍋入面有超多骨膠原，所以先叫做美人鍋～湯底係好濃嘅雞湯，越熬越入味，而且唔係味精湯，係好清嘅，所以不斷飲都唔會搞到你好口渴～雞件煮得啱啱好，唔生又唔老，好食仲有好多好多嘢菜，食完呢個覺得自己好健康😂至於備長炭燒物，我哋都嗌咗唔少！備長炭燒物（$15~$18@）又係上碟好靚嘅～廚房其實會燒好先攞出嚟，但餐廳都會將串燒擺喺個迷你爐上面熱住佢，好貼心～嚟緊天氣會更加凍，呢個做法就可以令啲嘢食擺幾耐到係咁熱辣辣啦！黑毛豬腩串（$18）其實全部串燒都好好味，調味好好。我最鍾意嘅就係呢個黑毛豬腩串，唔肥唔瘦，面頭嘅鹽同黑椒同豬腩嘅配搭又好！總括嚟講，好鍾意呢間餐廳，嘢食又靚又好味，而且價錢仲好實惠，再多啲人share再平啲添！有機會一定會帶朋友嚟試下！除咗大角咀呢間分店之外，仲有尖沙咀店，可能會方便啲～而且服務亦都好好，好鍾意呢度嘅員工，佢哋會比客人feel到佢哋對工作嘅熱情！佢哋仲好貼心咁比橡筋客人紮住頭髮，唔駛吸咁多味另外，呢到日頭係做拉麵嘅，都可以嚟試下呀…Read More