鍾爺爺海鮮火鍋刺身專門店

嚟到呢間好地道嘅海鮮火鍋專門店，門口已經有各款生猛嘅海鮮游緊-天氣開始慢慢轉涼入秋，今日就揀咗濃湯花膠魚翅雞鍋，滋潤美顏進補一下花膠又大又厚，入口滑嫩彈牙，富有滿滿嘅骨膠原翅群真材實料，飲每一啖湯都能夠夠潤肺益氣雞件肉質鮮嫩，兩人一鍋的話食雞鍋已經會半飽🥰加上餐廳既招牌名菜：鍾華記生麵，一碗花膠魚翅雞生麵Get!!店員教路生麵一小撮淥2至3秒，要盡快淥黎食，生麵Q彈有嚼勁，食得出其鮮度同保有水分所帶來的彈性及麥香！果然係餐廳招牌-手切霜降頸背牛，油花均勻細密，首次厚薄適中，更加保留肉汁同纖維彈性，霜降牛牛肉味出眾，油脂香氣喺口內徘徊-最意想不到嘅係響鈴，竟然係新鮮炸起，即刻點特製甜酸醬，超夾！新鮮響鈴熱辣辣入口鬆化，第一次食響而鈴有呢種口感！攤涼後淥入鍋裡，吸滿花膠雞湯又係另一種享受🥰餐廳食材新鮮，多款都係即點即製，期待下次再來食埋刺身先😎大家記得訂枱！餐廳長期爆滿，有好多熟客！…Read More

打風就唔好學人去睇海，其實食海鮮比睇海更開心落咗波就去太子呢間火鍋店滾一滾要食新鮮海鮮，有乜湯底好過清湯？話就話係清湯，都有唔少蕃茄、娃娃菜、粟米同豆腐等湯料，唔會寡又健康先配醬料，就等海鮮登場橫風橫雨食海鮮總係好有feel，呢間新推出深海龍躉海鮮拼盤，雖然因為打風，未有龍躉班頭腩不過都有蟶子頂上，都相當巨型，烚完啲肉都好大嚿本地龍蝦仔都唔仔呀，好大隻好多膏，啲肉勁有彈性。南非鮑魚一人半隻，都好大嚿肉，同樣好爽彈游水生蝦仲係郁郁吓，大胃都係快啲了佢殘生，新鮮烚熟即係真係超鮮味。仲有花甲，烚完即食都好鮮爽食完海鮮就食吓其他肉，一次過嗌四寶丸就唔使揀，有齊梅菜豬肉丸、鮮牛丸、手打鮮蝦丸同手打墨魚丸，手工製嘅質感好唔同，嗰種彈牙用機器都好難整到出嚟，肉香保留得好仲發揮到出嚟除咗一般粉麵，呢度仲有鍾華記生麵，開頭大胃都唔係好識淥佢原來係要一小柱咁淥兩至三秒，咁就食得，咁先食都嗰陣蛋香同爽口打住邊爐要飲竹蔗茅根，自己煲唔會太甜啱啱好，咁先下到火…Read More

同朋友飯聚，首選當然係打邊爐。呢次黎呢間新開嘅火鍋店，店面光猛乾淨，招呼很好。等緊朋友嘅時候，老闆過嚟推介薑蔥涼拌魚皮同埋惹味冰火魷魚，非常好食，結果朋友黎到都差唔多俾我食哂。之後，店長推介佢地嘅海鮮刺生，呢度係有專屬開放式設計，睇住師傅點樣切啲刺生。我哋叫左條深鯭同一條細象拔蚌。之前未食過，估唔到條深鯭咁肉爽味甜，象拔蚌就食得出係新鮮靚貨。食完刺生，叫個火焰花甲牛皇湯底，啲花甲好大隻，湯底鮮甜。再叫左啲牛肉、丸、餃子、水蓮菜等，都唔錯。食飽之際，老闆又過嚟推薦試個鍾華記生麵，原來老闆家族係製麵嘅，食落同一般嘅生麵唔同，無嗰浸鹼水味，結果最終又食哂個麵。老闆好好人，送埋個生果盤。呢間絕對有下次😋…Read More

天氣涼涼地，仍然是打邊爐好季節。朋友推薦左去太子一間新開火鍋，話食過一次幾好，於是帶我地一齊試吓。店舖入面幾新淨，座位都好闊，坐得幾舒服❤️店舖提供好多唔同刺身選擇，當日我地揀池魚刺身，師傅刀工唔錯，魚肉鮮甜，肉質爽滑，非常新鮮，價錢亦都唔貴❤️跟住叫左店舖推薦爺爺牛皇併盤，當中我最推薦佢既牛胸爽，依個部位唔係到到都有得食，我就第一次食，本來見白色一片片，以為是脂肪，原來是牛胸腔肋骨中間的軟骨，口感非常爽脆，油脂香在口中滲出，一試難忘❤️另外併盤有本地手切牛肉，牛展，肥牛粒，每樣都幾好，爽口有肉味火鍋配料方面點左招牌新鮮鵝腸，鵝腸最緊要肥美，依間火鍋店非常合格，淥一陣即刻食，非常爽，好好食！招牌三寶丸，三寶丸有墨魚丸，鯪魚球同手打牛丸，所有丸都超爽彈，冇點豉油就咁食都好夠味❤️十分推薦❤️最後點左店舖推薦嘅鍾華記生麵，第一次打邊爐用生麵，係完全估唔到咁夾！店員請返原來店舖有新鮮自家製生麵提供，生麵處理得好好完全無任何鹼水味，生麵非常掛湯汁，必點！❤️整體來講成餐飯食得好舒服，店員都自動自覺會幫手加湯打邊爐同換底碟，唔怪之得朋友會帶我黎食❤️…Read More