Hong Kong Wing Nin

位於#沙田新城市廣場 嘅 #香港永年車仔麵茶冰廳係元朗超過50年歷史嘅 #永年車仔麵 @wingninyl 其中一間分店難得晚市堂食重開#淘小姐 我今日就食佢哋嘅 #晚市套餐二人晚市套餐$298可以喺11款小菜裏面揀選兩款而我就揀咗荷葉籠仔蒸白鱔同鐵板黑椒牛柳粒手機自助落單上菜十分之快先來兩碗原盅燉湯今日嘅燉湯係 #蘋果雪梨燉豬展雞腳湯味道十分清甜十分滋補套餐包一款油菜我哋就揀咗 #腐乳通菜可以揀少腐乳但師傅出手仍然闊綽😂#鐵板黑椒牛柳粒 份量都多好夠鑊氣黑椒味道香濃如果牛柳粒醃嘅時間耐多少少就更好#荷葉籠仔蒸白鱔 喺最後上枱果然係即叫即蒸白鱔口感爽脆 十分新鮮豆豉味道恰到好處而且份量都幾多套餐仲附送兩碗白飯同飲品飲品揀咗#凍檸檬茶 同 #熱檸茶有三四片檸檬好夠味適逢係「永年感謝折」我哋可以以五折加購食品我哋就嗌咗 #白灼鮮蝦都幾鮮甜彈牙點下辣椒豉油就更加惹味🍽香港永年車仔麵茶冰廳 (沙田)📍沙田沙田正街18號新城市廣場L1樓113號舖…Read More

📍 香港永年車仔麵茶冰廳 沙田永年車仔麵茶冰廳宜家六點後外賣做緊優惠～最平 $53就有一餸、一飯同一杯熱飲😱 好抵食 ‼️-鐵板黑椒牛柳粒 $148牛柳粒食落煙韌 有咬口😋 亦都好香黑椒味🥰仲有唔少洋蔥粒同埋三色椒 增添口感 唔錯牛三寶 +$28有牛柏葉、牛筋同牛肚 份量都唔少 兩個人食都啱啱好💛 牛筋食落去好軟淋 好味😋滑蛋叉燒 $53叉燒係半肥瘦 食落去口感唔錯 而且有超級多蛋 都幾足料🙈銀魚香菇蒸肉餅 $53有唔少銀魚喺上面 肉餅食落去鹹鹹地 完全唔鞋 送飯食都唔錯☺️招牌蔥油雞 $59呢個size係例牌size 份量其實都唔細😬雞肉食落去唔鞋 又唔會過油😋永年車仔撈麵 $73揀左魷魚、酸齋、芝士腸同豬紅4款餸撈麵食落去口感好滑 自己幾鍾意佢汁🤭 好快已經食哂成碗😋抹茶紅豆冰 +$9套餐加$9可以轉特飲～呢款小編推介大家試吓！飲落去冇抹茶嘅苦味 紅豆冰嘅份量都唔少 飲落去甜甜地咁 …Read More

放假去咗新城市廣場Shopping🛍，屋企附近冇乜餐廳晚市有開，所以決定喺沙田買埋嘢食先返去。商場餐廳選擇繁多，但講到最受歡迎嘅莫過於「香港永年車仔麵茶冰廳」。之前喺尖沙咀食過佢嘅車仔麵，但係唔知原來佢都有小菜賣，可能得沙田店獨有🤔。餐廳人氣極高，落單都派哂隊，而且更發現唔少菜式都售罄🔥，不過冇計啦，而家貨源都好緊張，明白嘅。外賣自取有八折優惠🥡，而有部份菜式價錢更低至六折，$60以內就有交易，包小菜、白飯同飲品，佢分分鐘仲平過街邊啲茶記。題外話，收銀男店員超級無敵好人，即使訂單接唔停，但仍耐心介紹菜式，仲教你點樣嗌先最抵👍，佢嘅服務絕對值得高度表揚。由於訂單多，製作需時，要耐心等候。不過外賣包裝妥當，拎到返屋企都好完整呢！全部食物大大碟，明明係嗌四人份量，但四條友都食唔晒😳。招牌豉油雞($138/半隻)，餐廳有唔少雞嘅菜式🐔，而我揀嘅豉油雞好正，再配埋蔥油，夠晒入味，但又唔會過鹹。雞皮富有彈性，而雞肉厚身嫩滑，整體來講好出色，可媲美高級酒樓出品。鐵板黑椒牛柳粒($148)，🥩牛柳粒肉味濃郁，生熟度應該介乎七成，所以肉質唔韌，但略嫌肥膏位較多。黑椒汁惹味唔搶口，另外仲搭伴燈籠椒同洋蔥，配飯食一流。叉燒炒蛋(六折後$53)，🍳炒蛋造型好靚啊，味道亦同樣令人滿意。炒蛋炒得好滑，濕度恰到好處，當中嘅叉燒大大嚿，夾雜喺蛋入面都食得出好軟稔，一啲都唔馬虎。銀魚香菇蒸肉餅(六折後$53)，肉餅即叫即蒸，所以要等比較耐。肉餅令人又愛又恨，老實講佢浸鹹魚味好勁🐟，未必個個鍾意，但食落又冇乜嘢喎。肉餅口感富嚼勁，肉汁滿滿。香脆南乳雞翼($28)，🍗雞翼一客有三隻，每隻都非常酥脆，並且滲透出啖啖南乳香，特別得來又好夾。飲品方面，我哋全部轉晒特飲(+$9)，其中兩款係樽仔奶茶同樽仔烏龍茶，兩者屬正常發揮。冷泡烏龍茶甘香，無糖無添加🍵；奶茶就係港式口味，茶底唔澀，甜度亦適中。同時，我哋仲叫咗兩款非原味嘅紅豆冰，價錢一樣就梗係試吓新嘢😝，分別係抹茶紅豆冰同紅豆奶茶冰。雖然味道唔算好驚艷，但最起碼佢哋好夾，而且紅豆份量激多，一啲都唔孤寒。總括嚟講，永年嘅小菜水準不俗🥢，就算屋企會煮飯，嚟加碟餸都好吖。呢餐我冇乜好挑剔，只係比較可惜嘅係冇機會試到佢嘅迷你盆菜，希望疫情快啲過去，社會回復正常，咁大家就可以開開心心出街堂食啦🙏🏻。…Read More

近期疫情關係晚市冇得堂食，好多時在家煮食，但食得多都有d厭和唔想煮:(噤啱今日經過新城市廣場，見到呢間茶餐廳開左好耐都冇試過而且佢又有d特式和懷舊食物，今晚就一於買d外賣返屋企試吓還有宜家外賣可享8折，有些甚至6折添，買幾個餸有飯和飲品都唔係好貴鐵板黑椒牛柳粒：黑椒味非常惹味，洋蒽、青紅椒和牛柳粒好入味，牛柳粒一啖一囗，入囗唔硬，囗感軟腍招牌蒽油雞（例）：蒽油香囗美味，雞肉蒸得剛剛好，肉質嫩滑，皮和肉之間冇肥膏銀魚香菇蒸肉餅：銀魚仔和香菇好鮮味，肉餅肥瘦適中梅菜蒸茄子：梅菜鹹香味美，茄子索晒梅菜味道，越食越想食滑蛋叉燒：叉燒大大件，肥瘦適中，入囗唔硬，蛋炒得好滑，濃濃蛋味抹茶紅豆冰：抹茶和紅豆好夾，入囗濃濃抹茶味混和紅豆嘅香甜味，而且有好多紅豆，可以一路飲一路食自家製樽仔烏龍茶：入囗清涼甘甜，生津止渴今餐真係冇選錯，外賣都可以保持味道和賣相，如果堂食應該更加好，當下次冇疫情時候，可以試吓堂食，因為餐廳環境幾舒服有懷舊嘅裝修和懷舊美食，現在因疫情關係有好多美食好快賣完冇得供應，要叫外賣就要早d去。…Read More

今日行開city super順便睇吓附近有咩餐廳既時候，發現永年做緊小菜優惠，永年既車仔麵一向都多人食， 而家做埋小菜6點後自取淨餸6折/小菜套餐8折🥶，真係點都要試下，平到傻。-中式小菜套餐🥢💕 鐵板黑椒牛柳粒 $148💕 招牌豉油雞(例牌) $98💕 叉燒炒蛋 $88💕 銀魚香菇蒸肉餅 $88跟餐加配🥢💕 腐乳通菜 $16💕 蠔油菜心 $16💕 樽仔奶茶 $9💕 永年辣牛腩 $28💕 樽仔烏龍茶 $9✨中式小菜外賣自取8折✨外賣自取淨餸6折✨全部即叫即整，預15-20分鐘取餐喔～-💕 鐵板黑椒牛柳粒👅好味指數：8.5/10賣相不錯，但唔係即時食，冇獲氣又冇鐵板hold住個溫度，預左會差啲，但真係冇諗過都仲咁好食😳 牛柳粒肉質仲軟腍到一咬就鬆開😍重黑椒味，調味又剛好，夠哂惹味！-💕 招牌豉油雞(例牌)👅好味指數：7.5/10雞肉嫩滑☺️夠入味，如果再重味啲會更正！-💕 叉燒炒蛋 👅好味指數：8.5/10蛋份量好多😂而且炒到好滑，炒蛋同滑蛋之間既狀態☺️叉燒半肥瘦，又唔會太肥，口感夠哂滿足🤣-💕 銀魚香菇蒸肉餅👅好味指數：8.5/10聞落去超香菇味☺️肉餅豬肉夠滑夠香，又唔鞋口🥰味道已經好夠，加埋銀魚再昇華左個層次！-💕 永年辣牛腩 👅好味指數：8.5/10望落去雖然好似好乾，但估唔到係juicy 咖！😳牛腩牛味濃郁，有嚼勁得黎肉質鬆軟😋加埋自家辣醬，味道有啲似沙嗲牛肉醬，更加正🥰！-💕 樽仔奶茶 👅好味指數：8.5/10奶茶味均勻，茶味香濃 口感順滑☺️…Read More