君戶鍋貼大王 (Closed)

不嬲都對上海野食情有獨鍾, 特別係水餃同鍋貼. 夜晚放工行經呢間餐廳見到有哂呢兩樣野食當然要入去試下啦. 叫左一碗韭菜水餃, 好大隻, 而且好足料, 肉味亦夠濃, 最估唔到既係碗水餃入面加左榨菜, 而且同水餃一齊食真係好夾, 值得一試. 個湯底反而無乜味. 同時亦叫左碗菜肉雲吞豬排擔擔面, 擔擔面既醬有驚喜, 好香, 而個面質亦適中, 唔太軟. 塊豬排算係普普通通啦, 唔係太特別, 調味亦唔係話太濃. 而且有骨. 下次會試下佢個魚腐或炸雞翼. 叫左兩客鍋貼, 上到黎果時見到好多油, 可以因為剛剛煎好, 未吸好油啦, 但係真係唔係太想放入口, 因為目測真係太油啦, 到最後要用水餃既湯底洗洗佢先可以食. 鍋貼咬落口係脆口既, 但係味道一般, 可能因為鍋貼只有鮮肉沒菜去帶出肉既鮮味 所以下一次都未必再叫. 服務果面, 鍋貼可能太受歡迎所以等左好耐. 但其他方面都唔錯既. 

趕住上堂，路過這間店，就來一個簡餐。店鋪很大，平日晚上七點坐唔滿。櫈子是可以疊起的膠櫈，所以是預大家吃完即走。見其他食客都有一碟煎鍋貼，也叫了一份，價錢很相宜。不想喝甜的，便要了一碗咸豆漿，反而盛惠十幾大元。咸豆漿先到，油條很脆，可惜太咸太油了！不是我杯茶。可能咸豆花會好些，至少沒有浮面的一層油。鍋貼到了，當然賣相不會很精緻，但即叫即煎，那有不好吃的道理？熱辣辣，皮煎得香脆，咬落也有肉汁，推介！見餐牌還有其他排骨菜飯等食物，可以下次試吓。

小時侯，吃到的上海鍋貼都是又大隻又皮厚的，總以為這就是正宗的上海鍋貼。直到去了上海吃了正宗的鍋貼後，才知道這是香港Style的鍋貼。大大隻皮厚又多肉，就好似証明香港人執著「抵食兼大件」的概念一樣。但是，可能根在香港的原因，對這種「抵食兼大件」的鍋貼始終情有獨鍾。13蚊5隻的鍋貼，每隻都煎到底部脆卜卜，咬落去肉汁熱辣辣咁Bit哂出黎，一不小心就好易辣親個口。配上豆瓣醬，港式鍋貼就出現了！大大隻，5隻已經好夠飽！以往都係飲開甜甜的凍豆漿，今日打風天的晚上忽然想飲下咸豆漿。豆漿好似落左唔少味精落去咁，而且忘記了走蔥，蔥味太濃。蔥味加上味精，其實唔係好食到豆漿的香及甜味。油條都幾新鮮脆卜卜，索哂D豆漿去食都幾過癮

係灣仔學完日文就搵野食，見呢間舖頭平平地咁就黎呢度食喇！其實君户都算係大集團，餐廳遍佈全港九新界！店舖特色之一: 一定有人係出面整啲鍋貼叫左個牛肉麵 湯底係麻辣湯底真心要推薦下，唔係話好辣，但酸酸辣辣咁好開胃。料方面又係大大份，我次次食都食剩曬半碗麵，肉有好多舊，一定夠飽。如果想食辣湯底嘅話，記得落單時講聲！黎到鍋貼大王，緊要試下佢個鍋貼，皮唔算話好薄，但底好脆，咬落去滿滿嘅肉汁飛奔出黎，仲要勁大舊又多餡，有時候想口痕食啲野，呢個就啱啦！ 3蚊一隻，13蚊5隻，好抵

君戶在西灣河成名已久,經常人氣旺盛,雖然灣仔區一直沒有類似的店,卻從來沒想過君戶會進軍灣仔。就在開張的那一天,急不及待的一個人就去試了。早午餐一起吃。栥飯當然是要點的,也要了招牌的鍋貼,再加一杯凍豆漿。栥飯還好, 內裡配料不少,因是新鮮現包的,油條和肉鬆也能保持鬆脆,美中不足的是飯比較乾和有點硬,失去了「煙韌」的口感。招牌鍋貼也是不錯的,底部夠焦脆而沒有過燶,餡料肉汁充裕而帶鮮味,配上豆瓣醬和大紅浙醋同吃份外滋味,如果店方能提供鎮江醋風味更佳。豆漿多凍但只是普通貨色沒特別。很多人點了酸辣湯,看來挺足料的,下次要試試。其實整體不算特出,價格不不算非常實惠,但不知為何灣仔卻一直沒有這樣的店,這次落戶灣仔也算是附近居民的一大喜訊。