Katsuo Udon (Camel Paint Building Block 3)

嚟到要排隊 同埋好多嘢都賣晒本身想食嗰啲都冇晒就帶咗下面幾樣個湯既鰹魚味我覺得偏淡 唔夠濃味因為幼烏冬冇晒 所以揀咗粗烏冬但係粗烏冬我覺得太煙韌 好難咬其實味道本身唔差 不過有少少攤凍咗先送黎唔係好夠熱 所以覺得味道差啲流心蛋嘅賣相有少少差 切得唔係好靚碟邊又整到少少蛋黃味道普通 有流心 不過唔算好好味醬油味比鰹魚味個碗濃啲不過啲烏冬都係太粗應該都係嗌返幼烏冬會好啲雞食落都有肉汁 味道都係普通天婦羅什菜餅真係太油食落成口油 侍應擺低嗰陣放左係張單上面食完之後成張單都係油呢個價錢我覺得唔係咁抵食同埋落完單之後上菜時間都幾耐…Read More

位於觀塘工廈既💛小店 發覺自己真係好鐘意食烏冬 一見到呢間就即刻決定要試佢🤤 平日lunchtime去咗試 雖然都多人食但餐廳店員做野好快手 入座落單上菜都好快💨 見我趕時間仲係我等緊入去座既時候幫我落單先 超好🥰🍥🍗鰹魚清湯烏冬 配 骨付雞 ($76) [😋8.4/10]第一次食所以揀咗最原味既鰹魚清湯烏冬🤩 烏冬可以選擇粗幼我揀咗粗 口感真係夠煙韌 超! 鐘! 意! 個texture😭 鰹魚湯味道清甜 好欣賞唔會好鹹💫 烏冬加埋呢個湯真係出色🌟 出面好多既鰹魚湯烏冬都係得個鹹字所以呢個真係我係香港試過數一數二好食既烏冬👑 骨付雞係有骨既雞髀🍴 好貼心比埋刀叉方便切黎食 雞髀既size屬於正常 再大啲會開心啲🤪 煎到金黃色🔥 而且仲好juicy😚 個碟上面望到既油有啲多 不過食落其實唔會膩 只係望落去比較邪惡🤣🍳🍤月見烏冬 配 天婦羅 ($98) [😋7.1/10]月見烏冬既不同之處就係多咗隻生蛋🥚可以撈黎食啦! 烏冬口感一樣好出色😍 湯都係好清甜既鰹魚湯😙天婦羅有5⃣️件 包括🦐蝦, 🐟魚柳, 🐟多春魚, 🍄冬菇, 🍆茄子 覺得天婦羅就普通啦 雖然粉唔係好厚 但做唔到好鬆脆嗰個口感 屬於正常😶 不過味道真係好淡 一向食野已經較清淡唔重口味既我都覺得無咩味😩 🍄金菇牛肉卷 ($42) [😋7.4/10]另外叫咗金菇牛肉卷黎試🤓 牛肉煎過但唔會太乾 肥瘦適中 碟上面有汁所以食既時候點埋就啱啱好🤪 不過不失 鐘意食金菇牛肉卷既可以食佢!😗所以烏冬真係好好食啊🥰 雖然性價比唔高但好鐘意食烏冬既我一定會成日再返黎食😋 呢個烏冬既口感真係可遇不可求😽 😋味道評分: 8.1/10 🥳環境評分: 5.2/10🤑性價比: 4.3/10🤩回頭度: 8.6/10…Read More

觀塘好少專賣烏冬嘅店，到埗剛好下午茶時間，叫咗份雞烏冬旁邊有一碟天婦羅碎碎，比客人自行加入，有啲後悔一次過落曬，鐘意食脆口嘅朋友記得分次加入，避免淋曬，雞後上，超香！皮脆肉嫩加咗份金菇牛肉卷，金菇量超多，碟底滿滿係汁友人叫咗份鯖魚咖喱烏冬，鯖魚煎得好香，個皮仲甜甜地，魚肉唔乾身。咖喱味道超正，唔會濃得濟、亦唔會淡到水咁，有紅蘿蔔同蔥花，友人覺得加蔥調和咗咖喱嘅濃味，呢個配搭幾好！免費提供熱麥茶，放涼咗姐姐仲會定時主動換返新嘅非常暖心！…Read More

呢間烏冬真係食極都唔厭，選擇十分之多，有冷有熱，有湯冇湯，連配料都有幾款，任君選擇今次就揀左月見烏冬（熱）配骨付雞同埋竹簾烏冬（冷）配金菇牛肉卷另外再加左隻糖心蛋天婦羅🙊💛 月見烏冬（熱）配骨付雞$82月見烏冬個湯底就咁飲就冇乜味，但將隻蛋打散撈埋個湯就即刻唔同晒，同烏冬好夾！而佢個自家烏冬就更加唔洗講，一如既往咁煙韌彈牙👍🏻👍🏻骨付雞（姐係雞髀）可以話係呢到嘅must have item，差唔多枱枱都有叫，佢仲好貼心咁付上刀叉，可以唔洗整污糟隻手，隻雞髀醃得好入味，燒完嘅雞皮又香又脆，雞肉仲要好嫩👍🏻👍🏻👍🏻💛 竹簾烏冬（冷）配金菇牛肉卷$81竹簾烏冬會配上一個醬油沾汁，個沾汁都好好味，醬油味岩岩好唔會太鹹，仲有少少鰹魚香！而凍嘅烏冬口感就比起熱嘅更加正，仲要十分掛汁👍🏻👍🏻金菇牛肉卷嘅份量都唔少，有成6粒，味道都十分唔錯，調味做得好好，好香，牛肉亦唔會太乾👍🏻👍🏻💛糖心蛋天婦羅呢一個係冇係menu到嫁🤫事源係有一次叫外賣，係外賣app到叫過，仲要好好味，今次再返黎堂食反而係menu到搵唔到，咁我就問下店員，佢又好親切咁幫我問師傅，結果佢話可以幫我做🤤🤤🤤呢隻溏心蛋個炸衣一啲都唔厚，而隻蛋都冇因為炸過之後變熟，仲好流心👍🏻👍🏻👍🏻下次仲有冇就唔知啦，想食嘅可以試下問下🤫…Read More

呢間人氣手打烏冬店 凍食熱食都有好多款式 作為烏冬fans嘅#🍎👧🏽 樣樣都想試🤤 最近天氣開始涼 又想食啲重口味嘅嘢 所以就點咗咖喱湯底🍛🔹鰹魚湯咖喱烏冬<熱> 配骨付雞🍗($84)🔹鰹魚湯咖喱烏冬<熱> 配金菇牛肉卷🥩($79)🔹鰹魚清湯烏冬<熱> 配骨付雞🍗 ($76)👧🏽同朋友都揀咗粗烏冬 都幾掛湯 不過質感較硬身 唔係軟滑煙韌嗰種😯咖喱嘅味道比想像中溫和 再辣少少更好🙈一開頭食個汁偏杰身 似撈烏冬 食到後面就好啲~ 加上烏冬份量非常足夠 大食嘅👧🏽都食唔曬🥺骨付雞即係雞髀🍗幾大件 不過上枱時微暖🤔 用咗少少七味粉去醃 醬汁類似燒汁加蜜糖 味道帶甜😋個肥牛卷煎得幾香 但略嫌油膩咗少少有機會再試下佢哋嘅幼烏冬同埋天婦羅😆－－－－－－－－－🍴食物：6/10🏝環境：5.5/10🛋服務：6.5/10💲價錢：7/10💥翻兜指數：6/10✨CP值：6.5/10…Read More

位於觀塘駱駝漆大廈既「鰹烏冬」除左觀塘店之外，長沙灣都有一間分店。店主因為熱愛日本文化，睇左一套有關烏冬既電影，之後特登跑到日本學習讚岐烏冬既傳統製作方法，學有所成後就番黎香港建立鰹烏冬。除左開店賣烏冬之外，店主仲會開班教整烏冬添，又會介紹讚岐烏冬文化，真係睇得出店主對讚岐烏冬文化既一份熱誠。佢既烏冬有冷烏冬同熱烏冬選擇，又有粗幼之分，味道都有十幾款，仲有幾款小食添。我地點左鰹魚清湯、鰹魚湯咖哩，配金菇牛肉卷、骨付雞另外再加左個關東煮。手打烏冬彈牙可口、骨付雞外脆內嫩、金菇肥牛煎過有牛肉汁金菇唔太癡牙，關東煮好足料。除左堂食之外，佢仲有賣烏冬俾你返屋企自己煮架。…Read More