金玉滿堂

同朋友喺大圍食完飯，因為佢好多嘢要傾訴，所以就轉戰下場食甜品。因為食開嗰間執咗，上openrice望見呢間好似幾ok就行咗過去幫襯。天時暑熱，一定要食凍嘢，睇相見個天鵝西瓜盅同金箔龍眼冰都好吸引，天人交戰一輪下，終於嗌咗2個金箔龍眼冰。睇相真係好澎湃，啲龍眼鋪滿晒個「冰山」，可惜實物嚟到得大約2/3左右，有啲失望。龍眼算清甜，但個冰底勁淡，近乎冇味，出面多數都係椰汁冰底，佢呢個食落似清冰，龍眼上面灑咗少少金箔做點綴，賣相還可以。…Read More

今日早收工喺大圍食完飯，諗住搵甜品食下，聽朋友講附近有間甜品舖足料又抵食，仲好似會有埋金箔加上去，聽到咁正梗係要去試下啦！老闆娘又靚又熱情啊一坐低就送咗我一壺10年陳皮普洱茶！幫我哋食完飯消滯解膩😍首先講吓個金箔龍眼冰先，簡直物超所值啊！$58超級足料龍眼有新鮮！冰底係用椰青同鮮奶打成😻，絕對唔係平時出面一般刨冰加糖漿！仲要一上枱嘅賣相簡直10分打卡able! 睇落去非常高級仲有金箔做點綴，有種去咗韓國食刨冰嘅感覺！我哋仲嗌咗一個芋圓4號，老闆娘話芋圓係由潮州姐姐親手制造！而且仲可以配搭四款唔同嘅雪糕！今次我哋就揀咗曲奇味😋臨走嘅時候見到街坊帶住自己嘅寵物一齊食糖水，老闆娘仲送咗啲少少水果粒俾狗狗食，真係人情味十足，又有愛心💗…Read More

講真，本身唔想公開，因為舖頭細細，怕你哋蜂擁而至我食唔到。但首先我無影響力，其次好嘢本應開心share。食過幾次，主菜試過西班牙黑豚肉日本元貝台灣麵(幾國際化)，豚肉嫩，肥瘦適中，肉味偏淡，中和返鮮雞湯底嘅濃厚。元貝直情係一嚿嚿咁堆上嚟，慷慨程度令人感動。個麵好滑但唔會無口感，最勁抽係啲蔥，竟然用日本京都九条蔥，係唔係好過分？老闆娘傻咗！而我！感動到哭_咗！小食玫瑰露雞翼，酒香慢慢滲出嚟，好過癮，鹵水有層次唔係咸咁簡單，隻隻size一樣，肉厚又嫩滑，揀過先奉客，誠意有眼睇。最最值得介紹係甜品🍮，至今試過幾款，金箔龍眼冰粒粒龍眼都咁大咁圓，新鮮生果嘅清甜爽口，無得呃人。老闆娘話男朋友做果欄生意，所以入到揀手貨🤪😋另外試過芋圓杏仁露，個杏仁味好濃、好香，食緊都覺得補，塊面白咗兩度。芋圓軟綿綿有咬口，好治癒。至於椰汁芋頭糖水係最新嘅潮州風系列，我從未食過咁杰嘅芋頭糖水，食到芋頭絲同蓉，好飽足，不計功本，真心顛。超親切健談嘅老闆娘話自己開店都係尋開心，鍾意煮，又鍾意分享，唔講賺錢，我信咖，你去試一次就知！…Read More

喺大圍食完lunch就過咗嚟食甜品。呢度甜品數量好多，正當我十五十六嘅時候，老闆娘就強烈推薦我食金箔龍眼冰！既然講到咁正，就一於點啦！❤️金箔龍眼冰$48一上枱見到有十幾粒龍眼肉，仲有金箔喺上面，即刻嘩一聲！同menu張相相符！龍眼肉絕對唔係用罐頭，而係用新鮮龍眼肉。啲冰好細滑，充滿牛奶味，仲有少少椰汁味！好食度：⭐️⭐️⭐️⭐️(4/5)✅好清甜，消暑好選擇✅咁多龍眼肉，超抵食餐廳推薦度：⭐️⭐️⭐️⭐️(4/5)一入舖頭老闆娘已經熱情款待，好健談😂 難得揾到咁有人情味嘅店，值得嚟下！…Read More

一間用心的店，食材講究，點滴用心。因為夏日炎熱關係，所以特別喜歡吃冷麵，點了冰鎮豬手讚岐烏冬(烏冬彈牙，豬手味道剛好)朋友點了牛腩牛筋台灣麵(湯底沒有味精，分量十足，牛根好到位)甜品金箔芝麻糊(吃得出是自家磨的，比例正宗)金箔龍眼冰(推介消暑佳品，清甜配搭一流)牛奶綠茶芋圓雪糕，裏面有爆珠，香濃牛奶綠茶味，也值得是推介的。值得一提，店家的10年陳皮茶非常解渴，服務態度良好，有家的感覺。感恩、珍惜，堅持、有誠意的店。…Read More

今日同朋友過大圍食飯吹水，其實大圍有好多小店，路經呢間糖水舖勁多人喺門口，一定係好野啦！開頭諗住食完飯過嚟食甜品，望吓餐牌先發覺原來有麵食，於是決定喺度食埋晚餐，等左一陣已經涉到兩個位入去。鋪頭應該新開，連門口招牌張紙都未撕，店舖細細裝修簡潔，牆身貼左好多甜品嘅相，我哋叫咗一個「牛腩牛筋台灣麵」（ $58 ）同埋「冰鎮豬手讚岐烏冬」（ $68 ）。:)老闆娘好熱情招呼，由我地揀食咩到上菜都好熱心推介佢嘅食物，佢話啲嘅麵湯底係養生湯，用天麻、大蒜、香茅等材料淆咗好多個鐘而成，確實又真係好好味，我成碗飲晒，而且啲牛筋牛腩炆得好腍，好好味！「冰鎮豬手讚岐烏冬」有幾塊切片豬手，烏冬勁彈牙撈左胡麻醬好香，仲有中華沙律同辣味螺肉配合，唔錯。如果份量再多一點會更佳。食完主菜梗係要叫埋甜品，我哋一路食已經一路留意住，幾乎每枱都叫呢個「金箔龍眼冰」（原價$55 ，特價$48 ），一於跟風！哈哈！果然係好嘢，首先賣相已經攞滿分，好似雪山一樣，龍眼有好多粒，超級勁甜。個頂有金箔，仲有啲台灣水晶珠，卜卜聲好有咬感好得意。至於下面嘅刨冰，老闆娘話用鮮奶、椰青水、龍眼打爛然後說十幾個鐘頭，到上枱時才攞出黎刨，事實上真係食得出個味道係鮮甜，唔係普通水製刨冰加汁，真心推介。另外仲叫咗個「櫻花椰汁芒果紫米露」，都好好食，芒果好甜，原來仲可以比客人揀甜芒果定偏酸嘅芒果，真係未聽過。所謂櫻花係一啲粉紅色嘅珍珠咁樣，好有咬感。紫米露仲有補血功效添！呢度仲有儲印花， 食夠$50蓋一個印，儲夠10個就送一個客甜品，而且仲唔收加一，幾抵喎！…Read More

一尼到餐廳，老闆娘就極力推薦佢地嘅金箔龍眼冰，見佢咁熱情推介，就決定試一試。首先一尼到，碗野嘅賣相已經好精緻，上面有十幾粒大大粒嘅龍眼肉，仲有塊金箔喺上面。味道方面呢，食落同出面嘅唔同，唔係罐頭龍眼肉，聽老闆娘講係空運新鮮嘅龍眼肉尼整。個冰底好綿滑。一開始撈埋粒龍眼肉食都冇嘜特別，只係覺得好綿，點知食下食下個冰底開始溶左就食到有奶味同椰汁味，食落好清新，同出面嘅龍眼冰明顯有好大嘅分別，有機會想再試下佢其他嘅甜品😋…Read More