Kum Lo Hotpot

曾經在國內品嚐過正宗的老鴨湯，這幾年封關冇辦法再一嚐滋味，慶幸在香港也有一間專門製造老鴨湯的火鍋店，而且味道絕對拍得上國內知名食店。前菜先來一個椒鹽粟米，炸得乾身之餘可以配上一杯冰凍啤酒，又或者一面喝湯一面來一件也是絕配。如果係熟客仔又響OpenRice出過食評，記住問店員攞優惠，大大條活魚刺身立即奉上。火鍋料也絕不失禮，安格斯牛頸脊肉質亂畫有牛味，比得上有評級的牛肉，如果不怕肥的朋友，脆炸午餐肉是必點的項目，正式或是放湯同樣美味。唐生菜也絕不欺場，每一棵都有揀過，絕對無壞菜在其中。除此之外，雖然打邊爐很少會叫丸類，但鵝肝墨丸一定要必點，內裏包含着切粒的鵝肝，貨真價實。…Read More

金撈黃店邊爐貨真價實約了3個月的聚會挑選了金撈刺身火鍋專門店環境舒適不得不說金撈鴨湯底有別於其他湯底滋潤養生 不油膩 十分推介店員服務親切友善 朋友就有跟媽媽在家打邊爐的感覺😂😂😂…Read More

慶祝同事升職，當然要幫老細搵間好野賀一賀，千揀萬揀搵到呢間有龍蝦象拔蚌刺身食既打邊爐預早訂枱去到直入唔駛等，主角係刺身刺身同刺身 重量級頭盤-龍蝦，象拔蚌，活魚，油甘魚甜蝦帶子，叫完可能量多製作需時等既時候飲住鴨湯先，第一次飲，覺得好飲味濃，係會追加既，感覺幾補暖完胃開turbo食刺身略貴不過食過其他比較過，呢隻真係好鮮味，金萡係點綴又係好鮮甜，叫得唔駛諗活魚刺身都好食，可以一試為何要用片檸檬夾住帶子刺身?？完全破壞左個鮮味，why?! 我淨係食到檸檬味，SAI左，其他刺身無咩特別唔多講倍襯既叫左羊肉，豬肉同牛肉，仲有d蝦滑花枝滑，桶蠔本人已戒牛🙏 不過同事話okay好食我已經係好羊之人，but個羊肉片羶到我都頂唔順... 個名好HIGH咁，不過食落比普通豬肉好似重少少肉味，完全無特別好食夠大件，鮮送酒一流，不過太飽食唔晒珍寶珠做甜品幾過癮服務-熱情，店員同食客有交流價錢-$$$$$食物-海鮮新鮮，肉類麻麻，鴨湯出色速度-適中環境-少少逼，隔離枱出出入入會驚hi跌野果種，值得一讚有位置掛袋…Read More

朋友介紹，說金撈鴨湯很好，故特意選它作飯聚。位置雖有點偏，但不算難找。坐位數量不多，整齊企理。有獨立房間可供飯局。先來一盆醬料，每位 $20醬料種類繁多，有我最喜歡的金蒜及乾蔥，打邊爐要是缺一盤好醬料，必定大大失色。池魚刺身 $228刺身是老公大愛，池魚是他必食之選，又怎樣放過呢！單看賣相，已經知道它是呃 like 高手。花生芽 $58單看餐牌，沒法得知它是什麼東東?? 但一看樣子，便知道是以發芽花生，有淡淡的花生味加芽菜味，可耐煮，有新意。金撈富貴老鴨湯 （全隻）$298近年潮流都興起用老火靚湯作火鍋底，都是先飲湯再火鍋。這鍋老鴨湯極鮮味，分量亦超大鍋👍，除掉面層油，湯底清澈見底，跟燉湯沒兩樣。要是自已燉了湯，又怎捨得帶來打邊爐呢～😉用作點鴨肉的特制蔥油，比普通蔥油多了一層青辣椒香味，少了幾分咸味，只帶微微辣味，配鴨肉一起食，新嚐試之一。至尊牛三星 $398牛三星有頂級安格斯牛頸脊，極品牛舌芯，牛柳粒，牛胸爽。牛柳粒肥美嫩滑，油脂分怖平均，牛味香濃唔韌。牛胸爽，首次品嚐，牛味濃郁得有點像牛油味，十分爽口。牛舌芯亦是帶點爽口，味道尚可。頂級安格斯牛頸脊牛肉味重，有點嚼勁。有機黑豆冰豆腐 $58自家制黑豆腐，海綿狀的結構，放進湯內，吸滿了鴨湯，是咬得住的鴨湯豆腐。新鮮野生竹笙 $118 待應大姐誠意推介野生竹笙，每條竹笙都超大隻，跟平日吃到已曬乾的，絕對不能同日而語。同樣是吸滿鴨湯，美味呀～朋友即慶帶來紅酒，為今晚佳餚錦上添花。開瓶費只收$50，屬合理收費。…Read More

爸爸喜歡打邊爐，在油尖旺區在平日找家較易有位，又有質素的火鍋，實在不易。這家有很多好評，於油麻地與佐敦中間，旺中帶靜，位置不是很易找，要睇住google去找，因為近Austin station的八文樓附近。先選鍋底，店員介紹店內招牌老鴨湯鍋，這鍋有素翅，雞脾菇片，蟲草花，杞子，蘿蔔，當然不少得老鴨。飲上口清甜，帶有藥材香，感覺滋補。店員很貼心不時過來隔走鴨皮釋出的油份。我連續飲了3碗，真係好好味。因為一下了火鍋的湯去打邊爐，原本的湯就會混在一起。所以建議盡情先喝幾碗。店內有多款醬料及火鍋配料，以供選擇。澳洲M9和牛粒，份量足，雪花紋理清晰，入口牛油味濃，不能滾太久，入口才會又油又滑。鹿兒島黑豚，略嫌有少少雪味，肉香不夠，不過勝在份量足，正在做特價，都算抵食。北海道干貝滑，其實用了墨魚滑撈上干貝碎，食落好鮮甜，增加了口感及鮮味，亦吃得出有一粒一粒的墨魚，既彈牙有咬口又鮮味。脆鯇片，師傅刀工令魚片厚簿適中，我不太好魚，但爸爸喜歡，説魚片新鮮，基本上魚片，新鮮就好了。不新鮮才會有腥味。新鮮金錢展，值得一讚，平時較少食到，牛味十足，這部位肉質富彈性，爽口，點上少許調味已經好正。3人行，每人3百多一餐手工火鍋，價錢尚算合理。如果有套餐供客人選擇更好。…Read More

這晚和很久沒約出來吃飯的為食好友，來到「金撈老鴨湯刺身火鍋專門店」，品嚐一下老火鴨湯火鍋。之前吃過形形式式的火鍋，但是鴨肉湯底的火鍋，今次我們還是第一次品嚐。據說這裡的老鴨湯火鍋備受好評，因此我們都被吸引過來呢。所有餐具都井井有條地放好。採用電磁爐，夠安全方便。吃火鍋之前，先來混醬一下吧~這裏的醬料包羅萬有：沙嗲醬、干葱碎、辣椒醬、辣椒粉、芝麻、葱花、金蒜、麻醬、蒜蓉等。這就是我親自泡製的混醬了~ 可以隨個人口味自由配搭啊。更附有一碟醬，看似混入許多青葱和油，但味道帶點辣。這裡的配菜選擇很多，但侍應提示我們可先點火鍋湯底，然後再慢慢剔選火鍋菜式。我們兩個人，選了「金撈富貴老鴨湯(半隻)」，湯底既有半隻老鴨，還有矜貴的蟲草花、杞子等藥材，還有素翅和白蘿蔔等，相當豐富。如果人較多，可以選擇全隻老鴨，那麼每人便可以吃多點了。先把火鍋湯底滾熱約 10 分鐘左右。那半隻老鴨的份量都不小，就連蟲草花的份量都絕不欺場！素翅和杞子。侍應先把湯上面的油脂取去，於是我們喝起湯來，便不會覺得油膩了。侍應亦建議我們，先喝一點鴨湯，吃一點鴨肉，然後才把火鍋配料放入鍋裡。因為金撈老鴨湯，是先嚐湯後火鍋。老鴨經秘製材料燉煮兩小時，湯以滋補、鮮美而受人推崇。鴨肉的脂肪酸熔點低，易於消化，所含的維他命 B 及維他命 E 較其他肉類多。燉出之鴨汁，善補五臟之陰和虛癆之熱。鴨肉更可大補虛勞、滋五臟之陰、清虛勞之熱、補血行水、養胃生津、止咳自驚、消螺獅積、清熱健脾、虛弱浮腫等。而蟲草花更有滋肺補腎、護肝、抗氧化、防衰老、抗菌、抗炎、鎮靜、降血壓、提高機體免疫力等作用。燉出來的老火鴨湯，味道相當鮮美，感覺亦相當滋潤、滋補，而且沒有味精，喝了許多之後都沒有覺得口乾口渴。鴨肉肉質都相當軟腍嫩滑彈牙，不會太老太靭。我們兩人吃了半隻鴨，都已經半飽了，所以以後的火鍋配菜，並不需要點許多了。本來我們想叫店家自家製的黑豆冰豆腐，可是這天卻沒有提供。我們又點了其他限時供應的小菜，但亦都賣完了，感覺很可惜。至於一般的火鍋配菜，店舖還是照常供應的。手打墨魚丸，肉質很軟腍彈牙，鮮味十足。自家製韮菜餃，裡面的韮菜和豬肉份量剛好，餃子皮的包工不錯，浸在鍋中久了都沒有散開。雞脾菇，口感相當彈牙，滲入了鴨湯的鮮味，味道更香甜。自家炸響鈴卷，雖然稍嫌油膩一點，亦都不夠炸脆，不過放在鴨湯裡一會，便吸盡鴨湯的精華，亦都相當滋味。我們這餐老鴨火鍋亦都可以食得健康，所以我們不忘叫了唐生菜，放在火鍋裡，又吸收鴨湯的鮮甜味道，吃下去味道甜美不單寡。這裡的老火鴨湯令我們相當回味，而且相當滋補，是秋冬養生的最佳之選。…Read More

朋友介紹黎到佐敦食火鍋,聽聞個鴨湯係必食,咁要試一試了睇左一陣有幾樣野都好想食,不過咩都唔好諗,就係諗左個湯定先叫左金撈富貴老鴨湯混醬都係火鍋前必做之事情,大量蒜同蔥仲有乾蔥,溝少少沙嗲醬更加香口金撈富貴老鴨湯--起動前...金撈富貴老鴨湯--起動後入面隻鴨好好食,半隻鴨都幾多,2個人真係夠晒食,個湯又好好飲加埋仲有D菇同瓜,仲有素翅,入口好正鴨肉好滑同好香鴨肉點一點這醬汁一流呀極品海中蝦--黎到仲好生猛,滾完之後蝦咬落去係實肉既,如果唔新鮮絕對唔會有咁既鮮味同口感真係好正既蝦廣島蠔--都幾好食,滾一陣咬落去都好鮮味,充滿蠔既味道雙拼蚌--入湯一陣就熟,好鮮味好爽口,係唔錯既埋完單仲有珍寶珠食,飯後甜品呀,正呀…Read More

天氣轉涼，又有藉口去吃火鍋。窩夫與蝦子餅日前去了金撈老鴨湯刺身火鍋專門店吃火鍋，坐下來後第一件事便是選湯底。這裡有招牌金撈老鴨湯，選湯底完全沒有難度。落單後便動手混醬，各式醬料的瓶子都蓋上蓋子，衛生程度叫人滿意，蓋子上還清楚寫著裡面是甚麼，一目了然。點了金撈富貴老鴨湯(半隻$198)，加入了蟲草花、素翅和杞子等，更加滋補。金撈老鴨湯是先嚐湯後火鍋，湯滾起後店員會為客人撇油然後分湯。燉煮了約兩小時的金撈富貴老鴨湯味道清甜，多喝也不會覺得膩，藥材味不會太濃，不喜歡藥材味的朋友都可以接受。湯裡的蘿蔔跟平日吃的不同，原來是醃製了一年的，帶點酸味，十分開胃。喝過湯吃過湯料便可加湯準備打邊爐，多款火鍋配料已經準備好了。花膠筒($108)是店主推介之一，一客有四支，是用乾貨自發的，比窩夫預期的大隻，膠質豐富，吸收了老鴨湯的精華，吃得津津有味。餐牌上有十款店主說一定要吃的特色生料，窩夫與蝦子餅選了其中一款北海道干貝滑($108)，因為從來沒有見過，要見識一下。干貝滑的製作工序繁複，用澳洲深海特大墨魚打成彈牙的墨魚滑，加入新鮮帶子和北海道宗谷乾瑤柱，一咬便嚐到帶子的鮮味，又吃到乾瑤柱的鹹香，味道很有層次，窩夫與蝦子餅都很喜歡，誠意推介！新鮮螺肉豬肉丸($88)是另一款從來沒有見過的火鍋配料，一客有六粒。豬肉丸內包著慢煮過的新鮮螺肉，跟干貝滑一樣工序繁複，值得一試。晚市雙子星($138)每晚限量發售，其中一星是牛肉粒，另一星則是蟶子皇或南非鮑魚，由廚師決定，窩夫與蝦子餅當晚吃的是蟶子皇，都算大隻，洗得很乾淨，味道鮮甜。菜心苗($28)比預期的粗，不過沒有渣，而且很甜呢。後加了窩夫愛吃的自家炸響鈴卷($48)，腐皮很薄，不過油份偏多。還有蝦子餅愛吃的牛骨髓($48)，牛骨髓處理得很好，一點腥味也沒有，入口滑滑的。飲品方面，新鮮自家製檸檬薏米水($48)的酸度和甜度都剛剛好，非常好喝。埋單時送上迷你珍寶珠。…Read More

成日都聽到啲朋友講話佐敦舊區八文樓附近有好多好嘢食...所以今次朋友聚餐就選擇係呢度, 試吓呢間火鍋店!嚟得呢度梗係想試吓佢哋嗰個特式招牌鍋...金撈富貴老鴨湯𡃤! 顧名思義個湯煱裏面配料梗係有一隻老鴨啦...其次是蟲草花, 素翅, 同杞子等藥材. 冬天食呢個..正! 夠晒滋補! 呢個鍋價錢係$268. 趁啲肉啊...海鮮未上枱..個個都急不及待先試吓佢個湯! 果然鴨味香濃...但又唔會太大浸藥材味! 有驚喜!!呢度舖位唔太大; 但係裏面都間咗兩間設有獨立電視嘅房. 一班朋友聚會就致啱啦!! 大聲傾..大聲講..大聲笑都唔會影響其他人!哈哈...今次淨係掛住食..都唔記得影低啲海鮮..美國桶蠔..帶子啊..海蝦同其他火鍋配料啲相😋…Read More

之前睇電視飲食節目，介紹佐敦依間「金撈老鴨火鍋店」，好似好正，所以今晚專登約埋班friend 去試下店舖位置文昌街文昌樓附近，入到去地方唔算大，不過有幾間貴賓房～坐底後，我地叫左個鎮店之寶「金撈富貴老鴨湯」做湯底，之後再order其他邊爐材料，隔左約十分鐘，富貴湯到，大家都心急酌黎飲，試左一啖，鴨湯冇騷味，入面有素翅、杞子、蟲草花，好清甜、唔油膩鴨肉唔鞋，配埋青綠色既泡椒醬食，美味我地order左牛肉、岩手縣豚肉、花雕雞、膳片、餃子、墨丸⋯⋯樣樣食材都好新鮮~仲有一個亮點，就係檸檬薏米水，好足料、好解渴、好好飲，我自己唔覺唔覺都飲左一jar，今晚真係非常滿足…Read More

近排公司一直忙, 今晚終於抽到時間同屋企人食飯, 媽咪特意搵左間位於佐敦既火鍋店一家人打邊爐。雖然呢度唔太近地鐵站, 而最大特色既就係呢度既火鍋湯底。主打既老鴨湯湯底, 配上杞子、蟲草花等等食材, 經兩小時炖煮, 具有清熱養顏功效, 第一次打邊爐可以咁健康。呢度打邊爐, 醬油費每位HK$20, 醬油款式都幾多, 客人可以自由混醬。一心黎試老鴨湯, 原來仲可以以優惠價ORDER一客M9和牛刺身, 當然要一試啦!【澳洲頂級M9和牛刺身】HK$198M9和牛刺身以冰墊底, 中間堆砌了一座小冰山, 佈上新鮮、色澤鮮紅既和牛刺身, 脂肪分佈平均, 雪花紋理清晰可見, 和牛刺身入口即溶, 沒有牛根連帶, 牛脂在口中滲出, 口感嫩滑, 點少少壽司豉油帶出更鮮味道, 食左第一啖之後, 心心眼, 正!【金撈富貴老鴨湯】HK$198 (半隻)雖然我地只Order左半隻鴨, 但隻鴨都幾多肉食, 而且很入味, 肉質好林, 初初意為湯底落左杞子、蟲草花等等, 湯底沒有預期中陣陣的中藥氣味, 素翅更增添些少口感, menu上建議食客打邊爐前可以一嘗湯底味道, 我地各人飲左一碗之後, 都搶住encorn再飲第二碗,清甜湯底真係一試難忘!!! 果然真材實料!! 飲完湯之後, 侍應為我地加入清湯就正式開始打邊爐。  【新鮮鵝腸頭】HK$88雖然鵝腸有部分都有連帶肥油, 但放入去湯底滾既時候, 部份肥油都會自然被溶解, 鵝腸帶點煙韌爽口感。【自家炸響鈴卷】HK$48呢度既響鈴係即叫即炸, 賣相有點與別不同, 薄薄既腐皮只簡單卷了幾圈, 沒有那種卷好幾圈的札實感。將響鈴卷放入湯底最多3秒即起, 很快輕易地吸左湯底味道。如果唔放落湯底就咁食, 都好脆啊!!【特式龍躉魚蛋】HK$48出面好少可見到"龍躉魚蛋", 所以就order一試。賣相好似同平時食開既白魚蛋冇分別, 但味道係超鮮甜, 而且都幾彈牙。【自選雙併滑】HK$88 我就揀左手打深海花枝滑+手打鮮蝦滑, 兩款手打滑都很鮮甜彈牙, 最欣賞既係"手打鮮蝦滑", 蝦滑中會有驚喜, 竟然會有鮮甜爽口既原粒蝦肉係入面ga!!埋單後, 餐廳更會送上珍寶珠做甜品。 整體黎講呢度既野食絕對帶比我驚喜, 完全冇諗過打邊爐時, 唔會熱氣, 反而仲可以養生。除左食火鍋, 呢度仲有多款刺身、熟食小食選擇。服務亦招呼周到, 係打邊爐過程中, 不忘跟我地主動換碟, 而且更細心地將湯底面層既油層飛走, 非常細心!!有機會一定會再黎encorn!!…Read More

同朋友做完運動,友人提議餓餓地不如打邊爐啦..打邊爐咁就試下養生火鍋喇,飲個鴨湯補補身坐西鐘柯士甸行幾分鐘去左金撈老鴨入到去望下D餐牌黎個湯底先..金撈富貴老鴨湯個湯有妃子,菇,蟲草花,素翅,仲有隻老鴨隻鴨肉都好好食,半隻都勁大隻...飲個湯個身暖晒,真係大補湯,堅好飲搞一搞個醬都真係好多選擇,個辣椒粉真係加少少點綴真係好正飲完個鴨湯就點左以上幾樣野鮮什菌,紫玉淮山.脆骨腩,牛胸爽鮮什菌--超正呀,D菇成支筆咁好正好好食,出面我無見過有得買紫玉淮山--入口即溶,好食過平時個D脆骨腩--新鮮好食,無得輸牛胸爽--真係好好食,我未食過,第一次食,唔肥,唔油,堅正食完埋單仲有珍寶珠食,好耐無食過,正呀…Read More

平時打邊爐食得多，但想搵特別的邊爐於是上openrice search邊間好，讓我搵到間金撈老鴨湯火煱刺身專門店。進店坐低後店員即刻遞上醬料架放系台上，醬料架好齊全有醬油，辣椒，蒜...等。金撈富貴老鴨湯里有鴨肉，素翅，雞脾茹，蟲草花等。在打邊爐前我喝了三碗湯，湯好清甜好美味好足料😋頂級安格斯牛頸脊肉質好腍唔會鞋又唔肥膩，厚度又不會太厚切得又幾大塊，又好重牛的味道👍雙拼蚌：桂花蚌和珊瑚蚌好爽口彈牙夠新鮮。什錦海鮮塔：有帶子，蠔，聖子，蝦，魚蛋，蟹柳，魚片和蟹，超級多海鮮好正。…Read More

之前黎佐敦呢邊都係為左食添記法包，但聽朋友話呢度有間都開左年幾既火鍋店好似幾吸引，於是我就同兩個朋友一齊黎試試。醬料 $20/位位位廿蚊不過好彩好多款醬任揀，質素唔錯<順德撈魚皮 $48>先點個前菜醫醫肚- 炸魚皮就食得多，撈魚皮真係第一次食，同埋無諗過咁好食! 魚皮非常爽脆，咬既時候好似食薯片咁聽到咬開脆片既聲音, 味道帶微辣，最啱飲住啤酒咁一齊食<金撈富貴老鴨湯(半隻) $198>老鴨湯底係呢度既主角，半隻鴨已經足夠我地3個人分享。未加牛肉打邊爐既時候先試一啖鴨湯，清甜滋補，唔似平時火鍋店既味精湯底咁飲完好咸又口渴，值得一讚! 而鴨肉肉質鮮嫩，即使食到中場既時候再食鴨肉都唔覺霉霉爛爛!<M9和牛刺身 $198>因為我唔食生牛肉既關係，唯有比張相大家睇下有幾靚<頂級安格斯牛頸脊 $268>牛頸脊切得比一般肥牛厚身，雪花明顯，打邊爐既時候只要輕輕放入鍋內煮至肉身帶微紅即可，食落香軟而牛味濃郁，如果煮到完成熟，會有D硬同冇咁多牛味<神秘手打丸 $148>$148 8 粒丸,自己都覺得有得貴,不過唔係成日食咁就豪一次啦蝦丸爽口彈牙，咬開既時候會見到原隻蝦肉，真材實料原本大家都以為呢粒係鯪魚丸，但一咬已經聞到黑松露既香味，不過個人覺得黑松露同丸既質感唔係好夾<紫淮山 $48>見到MENU上面寫紫淮山可以豐胸養顏又滋潤,平時又好少響火鍋店見到，所以幾個女仔都好好奇地點左。紫淮山上會有滑溜透明既黏液，不過煮左幾分鐘之後就會冇曬黏黏既感覺。紫淮山口感較粉,有D似食緊芋頭不過冇芋頭咁粉同甜。<自家制響鈴 $48>有D失望，響鈴比較油同本身唔太脆，所以即使滾左只係幾秒都已經林曬。<特色蝦條 $68>蝦條細細條但幾香口，好好咬好彈牙…Read More

天寒地凍最岩打邊爐了，曾經到內地旅行食過鴨湯鍋好回味果種特別既味道，原來香港都有好味既鴨湯鍋食餐廳位於佐敦，都幾方便!多款醬料自選店員推介呢個金撈富貴老鴨湯，入面有老鴨，蟲草花，素翅，杞子等材料，香氣撲鼻！我地先飲湯先，之後再加點其他火鍋料打邊爐！用老鴨炖煮既湯味道好香，鴨味香濃，仲有蘿蔔既清甜，好好飲！鴨肉雖然經長時間炖煮，但肉質一點都不"鞋",未開始放料打邊爐已差不多食哂半隻鴨了打之前點左個香口小食，蒜香三文魚骨，炸蒜粒非常香口！與三文魚骨同起好惹味，送酒一流神祕手打丸，當中既墨魚奶黃丸，墨魚芝士丸都有餡架，真係要小心燙咀！墨魚奶黃丸真係第一次見，創意十足！墨丸係手打，好彈牙，中間有奶黃流心，甜甜地，估唔到又幾好味！薯粉打邊爐就最岩，吸哂啲鴨湯精華，好好味呀！鵝腸頭，口感厚實爽脆，仲要係新鮮架，所特別爽口，通常火鍋店食到都係急凍貨色，所以呢個激讚叫到一枱都係，今餐非常滿足，食完暖笠笠回家去lu…Read More