Da Hong Pao hotpot

金屋藏嬌 $228平時最鐘意打邊爐既我，食黎食去都係個幾款湯底好悶啊😖見到大紅袍有特色湯底即刻黎試下✨金屋藏嬌係佢地既皇牌湯底，金係指黃色既湯底💛嬌係指入面既半隻鮮雞🐓湯底除左雞湯仲用日日魚、花膠、竹笙、蟲草花熬製，雞味濃郁、配料豐富，係必點之選✅你打完卡姐姐仲會好有心機幫你剪開隻雞😙-頂級安格斯牛頸脊 $338靚肉重牛味，想試多啲唔同部位，可以叫大紅袍三拼或者五併🐄-招牌餃(黑松露肉蟹餃) $54叫得招牌餃真係有返咁上下內涵，一隻落去好香黑松露味，然後就係蟹肉鮮甜味，真係食得出一條條蟹肉🦀-韭菜餃 $40好多韭菜，韭菜怪一定鍾意🫣-豬粉腸 $58平時喺街好難買到新鮮豬粉腸，呢度夠新鮮，推介👍🏻-豬腰 $58處理得好好無臭味又夠滑-魚標 $55前面嫩滑，後面爽脆-油麥菜 $42就係正常油麥菜🤣…Read More

「大紅袍」開左好幾年，一直都係人氣火鍋店，今次同屋企人一齊黎試試呢到裝修好古色古香，而且座位好闊落，就算多人一齊坐都唔會覺得攰～～湯底叫左呢到招牌「金屋藏嬌」，裡面有半隻雞、花膠、竹笙同冬瓜等等，十分足料，而且建議打邊爐前先飲一啖湯，非常滋補，正！呢到牛骨髓($40)同萵筍（$35)都好新鮮抵食，一定要試！呢款松露蟹肉餃($98) 真係好大粒，好特別，佢裡面全部都係蟹肉成餐飯最令人有驚喜既係呢款澳洲手打和牛，雖然外表平平無奇，企響到咬爆哂肉汗，果陣牛味超濃，一定要試　～…Read More

而家有好多各式各樣既火鍋店嘗試用唔同既創新火鍋湯底去吸引食客❗️而今次我就俾呢間火鍋店既金屋藏嬌湯底吸引左😂由於我地有12個人所以餐廳就俾左間房我地👍🏿不過有最底消費既$3800金屋藏嬌🐔($218)呢個湯底就係吸引我黎既原因🤤湯入面有冬瓜圈圍住原隻既雞,松草花,花膠同埋竹笙等等既配料,俾我地打曬卡之後,店員會將隻雞剪開方便我地食👍🏿放料落去之前,飲返啖湯,湯頭好鮮甜,有曬所有配料既精華🤤雞肉鮮嫩而且索曬D湯,好入味😋另外冬瓜都好甜酸菜豬肚鍋🐷($108)身為酸菜豬肚既忠粉又點可以唔點呢個湯底呀😂同出面果D比,佢既酸菜同豬肚相對地少,冇食得咁過癮🙈不過貴精不貴多,酸菜夠味,酸酸地,豬肚口感唔錯👍🏿湯頭都夠味再加少少胡椒既辣味提升左成個湯既味道😁胡椒味勁D會再好D火焰清酒醉甲鍋🍶🔥($148)呢個鍋係其他地方比較少見,為食妹都係第一次食😌鍋內本身有牛肉粒🐮,花甲,大蔥,店員首先會倒D清酒落去煮一煮入面既食材,之後再倒湯落去成為湯底😉湯頭有淡淡既清酒味,而且牛肉同花甲同個湯都好夾紫菜炸響鈴(6件)($48)🥠響鈴就食得多,有紫菜既就比較少見😏本身響鈴既脆再加埋紫菜既脆,簡直係脆上加脆😂而且紫菜既味道提升左響鈴既味道🤤招牌三拼餃🥟(每款3隻)($128)黑松露蟹肉餃🦀佢既賣相唔討好,黑色一舊😂不過食落個皮好滑溜,餡料都豐富,有濃濃既黑松露味雙籽鮮蝦雲吞🦐味道濃郁而且蝦肉食落夠鮮甜,餡料十足韮菜餃🥬口感好好,韮菜碎同豬肉碎混合左,仲有其他配料碎混合一齊味道相當唔錯自製炸魚皮🐟($48)魚皮炸得夠酥脆,而且食落唔油膩,絕對係食唔停口😂最緊要係新鮮炸花雕肥牛🐮($98)呢款牛肉係我地叫既三款當中最突出,因為腌製得好入味,擺完落湯都仲有花雕既味道,而且肉質好鮮嫩,不過就薄左少少,如果厚身返少少就更加有口感更加完美😍打邊爐又點少得酒呀😂所以我地仲叫左2L既啤酒🍻最後會有雪糕做甜品,係一隻香港製造既Gelato,味道就一般般,不過香港製造既絕對值得支持再提一提大家,包房係有最底消費既$3800,同埋醬油係每人$15,我地12個人每人平均食左$350…Read More

位於荃灣川龍街嘅大紅袍火鍋係我同朋友最喜歡嘅火鍋店之一，佢哋嘅金屋藏叫湯底係我哋每次必叫，首先十分足料，雞有大半隻，雞下面係墊住一大片冬瓜，再配埋竹笙蟲草花等等配料熬出湯底，實在係鮮甜無比，每個都飲到停唔到口，飲完個湯食埋雞就再落清湯打邊爐，火配料都係嗰啲嘢啦，比一般火鍋料貴少少但質素有一定保證，呢度亦有啲貴價小小嘅時令海鮮俾你選擇，今次我地叫左條象拔蚌做刺身，海鮮呢啲真係一分錢一分貨🙈🙈個個都食得好滿足😋😋…Read More

大紅炮有幾間分店 但荃灣呢間就較少人去我星期三晚上打邊爐 都未見full! 首先叫左個湯底 當然要叫金屋藏嬌啦 必食！推介！而喺等湯底嘅過程中 仲叫左啲小食 我最鐘意食鴨舌好惹味！好香口！一定要試！等左大約10分鐘後金屋藏嬌就到喇！真心話 依個湯底真係好正 係打邊爐之前你仲可以食咗隻雞 飲咗啖湯先係好鮮甜嘅雞湯 一啲都唔油 好補架！絕對無介紹錯！其他材料都好新鮮 最推介係個手切肥牛 好有牛味 叫完一碟 好想叫多第二碟！朋友就最喜歡個魚 話好鮮甜！大家可以一試總括而言 佢絕對係有水準嘅火鍋店…Read More

跟爸媽賀壽，祝福爸媽 福如東海 壽比南山！一家和樂，於大紅炮晚饍，火鍋精就是這樣一代傳一代的煉成的。。。我們這一家都很愛吃火鍋！大紅炮走的火鍋路線偏向中高檔次，所以對其食物的要求蠻高的，不過餐廳也沒有讓我失望。材料十足的「金屋藏嬌」湯底，先喝湯再火鍋，讓人回味無窮！過往其他火鍋店的湯底都用了味精，這個由開始到我們火鍋結束，味道保持，而且完全感覺得到它是真材實料煲燉出來的。然後來一隻份量十足、新鮮爽口的象拔蚌，口感滿滿的手切牛，彈牙爆漿的手打墨魚丸，還有吃完要再encore的炸魚皮。。。這晚吃得很滿足呢！…Read More

中秋節做節，一行10人，想搵間坐得舒服又冇時間限制既地方，家姐又經常黎食，今次終於有機會試到，book左7:30pm ，去到唔算太多人，環境暗暗地氣氛唔錯，員工都好有禮貌，坐低已經即時斟茶仲遞上menu 比我睇，一睇menu 見到有多款鍋底選擇，好多都好吸引，最後揀咗兩個鍋底，金屋藏嬌（$188）同花雕藥膳醉雞鍋（$128），鍋底好濃郁之後再揀配料，而我就最鍾意食牛，所以二話不說叫咗大紅袍牛王拼盤（$338），頂級歐洲和牛肉（$328），極級本地手切肥牛（$298），其他配料都好新鮮，另外推介迷你刺身拼盤（$388）刺身好新鮮海膽係我至愛！抵食～小食推介椒鹽雞軟骨（$62），食到好飽最後仲有甜品送榴槤或椰子雪糕，唔太甜好食！埋單$4200 食物質素好，價錢算合理，會再去…Read More

天氣凍約了三五知己打邊爐，一看到那個放筷子的鴨非常精美，先吃主打刺身，海膽和帶子，帶子還配上蟹膏非常夾，再來牛刺身，師傅刀工一流切得超薄，而且沒想到刺身的新鮮程度拍得上高級酒店、再來是小菜，椒鹽豆腐，皮脆內軟，不過要提醒大家一下上菜時先放一下再放入口，因為熱到辣嘴火鍋湯底非常特別，物來金屋藏嬌，金屋是指冬瓜，非常甜美，嬌是指雞，原隻上，還有專人幫忙剪件，肉質非常鮮嫩 。至於火鍋配料選了幾款牛，賣場已經好吸引，吃下去真的令人回味無窮！而其他配料方面有田雞，四寶丸等都非常新鮮，主打菜響玲簡直是秒殺，一出來就給全清了，所以另外再叫多一次紫菜響玲。總括而言，食物水準非常之高，值得一試！…Read More

除夕夜🎉🎉約左家人一齊打邊爐。見大紅袍係荃灣開咗新店，就帶家人一齊試吓😊室內裝修跟其他分店一樣，有古色古香的味道。可能係新店，假日時段都未見爆滿。湯底名為「金屋藏嬌」，雞湯肉有半隻雞，花膠，竹笙，日日魚，蟲草花及冬瓜。個湯好好飲，材料豐富。不過大家不要對個花膠抱有寄望🙄用來做湯底嘅花膠，質素係得過且過啦😬我地揀左一條細杉班切片，只係4百幾，唔算貴。雖然係細魚，但份量不少。魚味非常鮮甜。我估可能跟楊屋道街市攞魚，所以格外新鮮😂仲有白鱔同花甲都好肥味。海鮮類來説，十個讚👍🏻不過肉類就平平，我地叫左安格斯牛頸脊和羊片，太冰鮮，失左肉味。鵝腸雖然有肥，但是入口並沒有什麼油香同入口即溶嘅感覺。四寶丸亦唔算彈牙，只算係一半，不過佢係打邊爐嘅鐵腳，點都要叫佢🙄…Read More

終於有機會去大紅袍打邊爐之前聽過好幾個朋友推介過我們揀左荃灣新開店好靚 好豪華的裝修！我有幾樣覺得特別好吃特別回味: 1) 金屋藏嬌湯底必點！好清甜！配什麼都match非常足料2) 響鈴上菜的時候仲好熱，真係即叫即炸，望落去都覺得係用新鮮油炸，一個字: 正！3) 安格斯牛頸脊雪花分佈平均，厚度剛好，肉味濃郁質素不錯!4) 鬼馬蝦膠其實是油炸鬼加上蝦膠而成，在湯中稍煮2分鐘就可食用，當晚最快清光！！！　　…Read More