Uedo Sakaba (Closed)

屯馬線開通之後，偶然都會去九龍城搵食！除咗泰國嘢之外，呢幾年原來進駐咗唔少高質嘅日本居酒屋。Happy Friday！同事就帶我哋去食呢間海鮮都係由日本直送嘅居酒屋，刺身新鮮肥美超大件，🥰真係好正呢！呢間居酒屋喺宋王臺B出口出，行 5分鐘左右就到。🪵門口同內部都係木系裝修，枱係可以自己組合，隨時變成幾張大枱，入到去就有幾枱日本大叔喺度收工啤一啤，超有氣氛！🥕野菜條伴鯷魚醬 $32一開始少少哋叫咗個前菜食住先！蘿蔔、青瓜切成一條條，其實有啲似兔仔食糧，哈哈～不過重點係旁邊用火爐仔熱住嘅鯷魚醬，鯷魚醬加咗沙甸魚同多春魚，鹹香十足。沾爽甜嘅野菜條食，絕對衝擊味蕾，送酒一流！🍏松葉蟹肉青蘋果蟹籽沙律 $118爽甜嘅青蘋果絲配上滿滿嘅蟹籽同松葉肉，入口清新又帶有卜卜口感，夏天就係要食啲開胃嘢！🦪仙氣町生蠔 $196/2生蠔喺宮城縣仙氣町直送嘅～手掌咁大，肉質爽身，厚肉肥美，而且十級鮮甜！🐟刺身盛合(五款) $348刺身盛合嘅刺身都係新鮮從日本空運到港，有啲咩都係每日由廚師自己決定。今次就有赤鯛、油甘魚、三文魚、吞拿魚腩同埋帶子。每件都切得勁厚身，肥美新鮮啖啖肉！當中嘅吞拿魚腩油脂十足，就算厚切都入口即溶；而赤鯛爽身鮮甜，完全無筋；帶子亦都非常厚用彈牙！三百幾蚊雖然都唔平，但物有所值！🦞鐵板原隻龍蝦 $788同事想食龍蝦，一於捨命陪君子！原隻龍蝦已經起肉切件，好貼心！龍蝦輕輕燒過，焦香提鮮，肉質依然保持鮮嫩彈牙有肉汁，而且仲有唔少膏，甘香十足！加埋蟹籽同少量調味，超級好食！🍕煙燻五重芝士Pizza $118呢個 Pizza 好特別，用一個煲上枱，一打開就聞到陣陣煙薰味！店員話 Pizza 係用櫻花木煙薰過，簿簿嘅餅底少少脆口，唔會硬，5重芝士嘅味道好有層次，加上煙薰味，食落鹹中帶甜，一啲都唔膩！鍾意重芝士嘅朋友一定要試！🫓鐵板豆腐 $58鐵板豆腐用嘅係外酥內軟嘅普寧豆腐，淋上牛肉汁之後炸炸聲，超香超惹味！🥒粒粒麵豉青瓜 $58最後叫咗個粒粒麵豉青瓜清清喉嚨，清爽嘅青瓜配上惹味嘅麵豉，又一送酒佳品！…查看更多

🇭🇰上戶酒場·我哋本身個日其實唔係諗住食呢間居酒屋架 不過因為我地book咗喺附近釣蝦 無咩時間 所以最後就食咗佢😂😂我自己覺得呢間居酒屋嘅送酒小食做得比較好 其他野食就比較一般🫢·野葇條伴鯷魚醬$32 l 蒜片赤雞腎$78佢係一坐低就好似啲酒樓咁會放低個前菜比你😂老實講我自己覺得觀感一般 不過最後呢個前菜係我全餐覺得最有驚喜 最特別既🤣🤣🤣佢個鯷魚醬我都係第一次食 佢係超級鹹鮮 配埋啲清爽既蘿蔔條同埋青瓜條好好味 尤其係佢個白蘿蔔超甜 好多汁 係好似食緊梨咁🥕🥒之後佢個蒜片雞腎都唔錯 佢係勁有鑊氣 而且好多炸蒜 食落好惹味🧄·伊比利亞豬肋條串(兩串)$72 l 白魚湯海鮮烏冬$98 l 明太子奄列$98 l伊比和亞豚肉鍋$228 l 油甘魚刺身$108之後佢其他野食就正正常常啦 比較好味係佢個豬肋條 因為係真係望住師傅係你面前燒既🔥之後佢個卜魚湯烏冬擺盤就好靚啦 因為佢係將啲魚湯放咗落個茶壺度 所以望落幾靚 不過味道就都係正正常常😂😂反而我自己覺得最失望係佢個豚肉鍋 佢個湯底係好奇怪嘅豉油味 而且佢個豬肉都好似擺得比較耐咁 唔係好新鮮🙊·#rbyeat #rby好去處#rby日本菜 #rby港式#rby九龍城·📍九龍城龍崗道33-39號龍翔閣地下A號舖…查看更多

以家無得食晚市，想食好啲，又唔想自己煮，就梗係去最多好嘢食嘅九龍城覓食啦。今日就去食下呢間上戶酒房先！——————————————入去見到個裝修就覺得好有日式居酒屋啲氛圍，咁我就坐喺bar台位，可以直接見到師傅。嗌完嘢食，好快就送到了。首先係個前菜，呢個鯷魚醬咸咸地，配埋野菜條掂嚟食，個味好夾。我最鍾意係個蘿蔔掂醬，因為佢個蘿蔔條好鮮甜，加上個醬咸咸地，超特別又好開胃。之後就到咗個刺身盛，佢就有五款刺身，包括北海道海膽、牡丹蝦、油甘魚、吞拿魚同三文魚。佢另外仲比咗啲紫菜你包住海膽同青瓜食。我首先就食咗蝦先，蝦肉好結實鮮甜，唔會好似出面嗰啲霉晒咁，另外佢個蝦頭都好多膏同肉，要記得食埋。跟住就係油甘魚同三文魚，佢地都超肥味勁鮮甜。最後就係吞拿魚，啲油脂勁多， 入口即溶，超香。下一道餸就係鐵板原隻龍蝦，佢係將一隻龍蝦身嘅蝦肉炒到一粒粒，再加調味。啲蝦似炒完超彈又唔會好乾身，用嚟送酒一流。跟住就係蕃薯串同雞翼串，蕃薯串燒完之後勁甜，雞翼燒到好多汁，唔會好乾身，重點係佢地都有用煙燻過，食落係有一陣煙燻木嘅味。就後都係煙燻嘅餸。有豚肉腸、豚肉腩同鱈場蟹腳。佢個豚肉腸入面都係勁多汁，豚肉嘅香味加埋煙燻起夾。而佢個腩肉燒完係一啲都唔會好乾好硬，相反，個腩肉係超淋。而佢個蟹腳，雖然肉唔多，但係啲蟹肉都仲有陣海水味鮮得嚟又咸咸地，起正。最後嘅最後就係個龍蝦湯飯，師傅係將個啱啱鐵板嘅龍蝦頭再加日本味增煮出嚟嘅湯，加埋飯，煮成呢碗湯飯，成碗飯嘅湯雖然加咗味增，但唔會過咸。最後食埋呢個就啱啱飽埋，一級棒！！！雖然價錢唔可以話太平，但係食嘅時後就好似去咗日本咁，食佢嘅食物質素同環境都值回票價。…查看更多

屋企人之前覺得身體出現左少少毛病，於是就一路好擔心，一路就去睇醫生🙈等左2個星期報告終於出左～結果係咩事都冇🤩咁梗係要去慶祝一番啦🥳🥳-黎到九龍城，我地一於就再次一反常態，唔食泰國野🤣而且咁值得開心嘅事，梗係要食高級啲！平時係九龍城食開另一間鐵板燒，今次就係openrice搵到呢間上戶酒場，佢嘅店舖位置唔喺平時比較熱鬧嘅街，不過都唔難搵😇餐廳係以居酒屋風格裝修，木為主題～坐喺到好有家的感覺😋-1.野菜條伴鯷魚醬 $32 🥗一坐低店員會先送上呢個收費沙律做前菜👍一放低我都會覺得佢唔值得呢個價錢🤣點知一試個鯷魚醬就覺得值回票價😋鯷魚醬係一種鹹鮮嘅味道，就咁食會偏鹹，但點埋啲新鮮蔬菜更加可以提鮮❤️-2.時令魚刺身-原條剝皮魚 $680全晚最期待嘅刺身❤️未試過食剝皮魚嘅刺身，師傅嘅刀工都好好，切得好薄，唔會韌🥳剝皮魚嘅肉質偏爽同彈，而且鮮美，咀嚼左就會係口中感覺到清甜帶魚香😋😋-3.煙燻白鱔 $168坐低嘅時候有問過店員餐廳有咩signature~佢話煙燻係最推介👍所以我就叫左2款試下🥳屋企人好鍾意食白鱔，而且白鱔應該係時令，係白板嘅推介👍佢嘅煙燻係用櫻桃木～我最怕係煙燻到過哂龍嘅味，但呢到又控制得幾好❤️淡淡嘅煙燻味，又唔會蓋過白鱔嘅味😆-4.煙燻雞翼 $88佢除左有9款係長期都會提供嘅煙燻之外，仲會整好多期間限定嘅款式～煙燻雞翼雖然份量偏少，但勝在好香口，好juicy👍👍-5.火炙呑拿魚腩筋丼 $138火炙吞拿魚就食得多，魚筋就真係未試過😆😆好特別，鍾意食魚油嘅人必嗌👍佢嘅油脂相對上比較豐富，但唔會太油膩🤗火炙完更加香口，配埋葱食簡直係錦上添花🤣-6.明太子奄列 $98雖然佢嘅賣相唔算好靚～但係佢真係有內涵架喎🤣🤣食得出好香嘅日本蛋味，甜甜地😋入面有芝士，明太子份量亦都適中，所以味道唔會太鹹，好balance❤️-7.Suntory生啤 $58Premium 嘅Suntory真係未飲過~好夠凍同好夠氣，飲完即刻gur哂🤣🤣-除咗食物嘅味道超讚之外，店員嘅服務態度亦都好值得讚👍👍每次上菜之前亦都會講解清楚食法😆決定遲啲再慶祝都要黎食🤣🤣…查看更多

屯馬線通車後，去九龍城真係好方便，今日就登等約朋友仔去九龍城「上戶酒場」食晚飯，在宋皇臺站一出就到了。坐下後先來一個前菜野菜條伴鯷魚醬 ($32) - 香濃鯷魚醬是用沙甸魚和多春魚混合而成，配上爽甜的沙葛、脆脆的紅蘿白條食用，鯷魚醬的鹹味帶出蔬菜的鮮甜時令活魚(金目鯛)刺身 ($588) - 師傅把金目鯛厚切做成刺身片，再用火槍燒一燒魚皮表面，令魚食落有微微焦香，金目鯛色澤白中帶紅，肉質鮮甜彈牙火炙左口魚邊壽司 (2 x $24) ($48) -左口魚是我的愛人之一，魚油十足，鮮油感在口中蔓延，肉質鮮嫩，讚！牛油果軟殼蟹卷 ($128) - 軟殼蟹炸得酥脆，唔油膩，配上蟹籽和香甜牛油果，一個卷物雙重美味時令活蠔刺身 (酸酢汁) 🦪($176) - 來自西班牙的生蠔，清甜爽脆，配上酸酢汁來吃，恰到好處蘆筍炒牛舌 ($88) - 牛舌味道夠濃，咬落爽口，食完口腔留著牛的香味，蘆筍爽甜泡菜炒豚肉 ($78) - 泡菜辣辣的，用來炒薄切豚肉，十分惹味煙燻厚切三文魚 ($78) - 餐廳用上櫻花木來煙燻厚切三文魚，滑順絲柔的油花口感，生熟程度恰到好處，帶著點煙燻的風味，香滑細緻，必點煙燻帆立貝仔 ($68) - 同樣用上櫻花木來煙燻，帆立貝大大粒，香煙燻番薯 ($68) - 用上了日本番薯，番薯甜美，和煙燻香氣互相輝映。白魚湯 ($96)- 是用上時令活魚(金目鯛)刺身的金目鯛魚頭煲成，十分清甜巨峰梳打 ($38)Suntory 黑啤 ($65)…查看更多

今日去了九龍城一間以煙燻和食作招徠的新派居酒屋「上戶酒場」食晚飯，依家去九龍城比以前方便得多，我們乘搭地鐵🚇直達「宋皇臺站」，由B3出口步行2-3分鐘就可以到達餐廳我們叫咗以下食物：1️⃣ 野菜條伴鯷魚醬 $32鯷魚醬咸咸地，配上新鮮野菜條，又幾好味，一個唔錯的開胃前菜2️⃣ 時令活蠔刺身 (酸酢汁) (2 x $88) $176🦪 生蠔大大隻，肥美鮮甜又好昧道3️⃣ 時令活魚刺身 (原條) $588🐟 金目鯛刺身非常新鮮，魚肉呈淡淡的櫻花粉紅色、肉質細緻鮮甜嫩滑4️⃣ 火炙左口魚邊壽司 (2 x $24) $48🔥 火炙左口魚邊壽司，魚油豐富，食落口有入口即溶的感覺，正🤤5️⃣ 牛油果軟殼蟹卷 $128🦀 牛油果軟殼蟹卷有六大件，件件都好足料6️⃣ 蘆筍炒牛舌 $88、泡菜炒豚肉 $78新鮮蘆筍配上牛舌，泡菜配上豚肉，兩樣食物看似簡單，但食落口又幾野味7️⃣ 煙燻厚切三文魚 $78三文魚 厚切成一粒粒，食落口非常嫩滑又好味😋；第一次食煙燻三文魚，估唔到有驚喜，必食之選；細問職員食物是用了什麼木材煙燻，原來餐廳選用上「櫻花木」，唔怪之得食物有濃厚嘅煙燻香味8️⃣ 煙燻帆立貝仔 $68、煙燻番薯 $68另外，煙燻 帆立貝仔 及 番薯🍠，味道都唔錯9️⃣ 白魚湯 (2 x $48) $96🥣 白魚湯 用了剛才的金目鯛魚頭烹煮而成🔟 巨峰梳打 $38、Suntory 黑啤 $65飲品我們叫了 巨峰梳打 及 Suntory 黑啤🍻…查看更多

屯馬線通車後，現在去九龍城區變得很快很方便，由荃灣西到宋皇臺站只需24分鐘，因此便相約太太前往這間高級日本料理，預祝太太的生日:)位置（9/10）：宋皇臺站B3出口步行約2分鐘，前往太子道西亦只需3分鐘，附近有不少泰國雜貨店及甜品店，十分方便環境（9/10）：餐廳面積算大，座位闊落，環境舒適，裝修很有日本酒吧的感覺服務（9/10）：餐廳提供消毒潔手液，侍應很有禮貌，會奉上熱茶並不時幫忙加茶，上菜會一再介紹食材食物（9/10）：各式日本料理，包括刺身、磯煮、燒肉、燒海鮮等一應俱全，擺碟及食物質素都不錯野菜條伴鯷魚醬 $32前菜是用多春魚及沙甸魚混合而成的香濃鯷魚醬，配上沙葛、紅蘿白條等蔬菜食用，帶出蔬菜的鮮甜亦減少醬汁的鹹味燒明太子伴青瓜片 $88一層夾一層的青瓜片及辣味明太子，再輕輕燒香，味道夠鮮夠辣，很醒胃磯煮鮑魚（原隻） $88磯煮後有光澤的原隻鮑魚，切成四份方便食用，既香且滑，很是鮮甜時令活蠔刺身 $78/隻（時價）用上西班牙蠔去做的活蠔刺身，我和太太選了不同的口味太太選的原味即是生蠔配檸檬，蠔肉非常飽滿，口感很好，而且鮮味十足我則選了酸酢味，在生蠔上放上香蔥、酸汁及辣蘿蔔蓉，令生蠔的鮮味更為突出時令活魚刺身-伊佐木（原條） $488（時價）當日時令活魚是名為伊佐木的石鱸科海魚，師傅把牠薄切做成刺身片，色澤白中帶紅，肉質鮮甜彈牙，可沾上酸汁配蔥花蘿蔔蓉，令魚的鮮味更出櫻花蝦炸豆腐（4件） $68把一些堆櫻花放上蝦豆腐去炸，再放上香蔥，上枱時香氣滿溢，豆腐外脆內嫩，且有櫻花蝦的鮮甜和口感煙燻牛舌 $98煙燻味非常濃烈，醬汁醃過的牛舌吸收了煙燻味所以很香，而肉質乾爽之餘亦有醬汁的鮮味龍蝦味噌虎蝦 $178在燒香的虎蝦上放上龍蝦味噌及大量蟹籽，帶有濃郁的龍蝦香味，而虎蝦肉質結實，本身的鮮甜融合濃厚的味噌，味道相當不錯白魚湯 $48用上白魚去煮湯，亦即方才的伊佐木的魚頭及魚骨部位，配合香蔥、味噌及黃芽白，非常鮮甜味美，亦能暖胃巨峰梳打 $38三得利威士忌割冰 $58飲品選了鮮甜的巨峰梳打汽水及三得利的highball，配上煎炸及濃味的食物，汽水或酒類又怎能沒有呢？為了預祝太太生日，提早請餐廳安排用甜品做出生日的設計，包括了日本卷蛋和福餅日本卷蛋(2件) $68有巨峰及香蕉兩款口味，巨峰味有很香的提子忌廉味及巨峰果醬在中間；香蕉味則非常重香蕉味，且放入了香蕉粒，同時有淡淡的朱古力忌廉味福餅(4件) $48四款口味包括哈蜜瓜、鹽漬櫻花、芝麻及焦糖，前兩款水晶皮軟滑而餡料鮮甜，而後兩款較香和濃，全部都很吸引:)整體來說，這間餐廳由於屯馬線開通變得更加方便，環境服務都很不錯，當然食物質素好及外觀吸引才是她們客似雲來的主因吧🌺上戶酒場🌺地址：九龍城龍崗道33-39號龍翔閣地下A號舖…查看更多

話說這間位於九龍城龍崗道的『上戶酒場』，先生想去好耐，最近屯馬線開通，我們先到宋皇臺站參觀，再到『上戶酒場』慶祝生日，真係好興奮 ！！！餐廳以簡樸的原木打造出居酒屋風格， 店內擺滿不同的日式清酒，很有特色，來到酒場，先來一杯果味香濃的巨峰味果酒和令人愈飲愈興奮的三得利威士忌割冰潤下喉先～～餐牌內既有壽司，刺身，天婦羅，丼飯， 也有壽喜燒，鐵板燒，煙燻海鮮/肉類，仲有原條活魚刺身等一系列日式料理，好多選擇。🎯 野菜條伴鯷魚醬 $32前菜點了這款由多春魚及沙甸魚製成的鯷魚醬伴蔬菜條， 紅蘿蔔爽脆， 沙葛爽甜，沾上咸鮮幼滑的魚醬同食，令人食唔停口。🎯 磯煮鮑魚 $88先生一直鐘愛鮑魚，這款磯煮鮑魚炆得入味，口感軟淋彈牙，鮑魚味重。🎯 燒明太子伴青瓜片 $88平日在日式超市買到的明太子通常偏辣又偏咸，呢碟燒明太子配合青瓜同食，味道清新又剛好，送酒一流。經理介紹，店內的海鮮刺身，全由飛機直送到港，日日都有新鮮飛機貨送到～～🤹🤹是日推介大虎蝦， 伊佐木魚，西班牙生蠔，款款都甘吸引，最重要係價錢都好抵食，一年一次，全部都要 ！！！生蠔，我們選了2 種食法～🤹‍♀️🤹‍♀️🎯 先生喜歡香口，用味噌燒最適合了，上枱香噴噴，添加了酸汁和辣蘿蔔蓉，令味道更為豐富。🎯 生蠔超大隻， 肥美又飽滿，對我來說，生食是最佳選擇，入口海水味和鮮味都十分出色呢。繼肥美生蠔後，重頭戲，擺盤精美的原條活魚刺身接著上場，這日的主角伊佐木魚在白身魚來說，脂肪較為豐富，店員說伊佐木魚在夏日當造，現在食正合時。🎯 切得透薄的伊佐木魚刺身配酸汁，蘿蔔蓉，蔥花同食，鮮味瞬間提升，越食越開胃，魚身完全無骨，入口柔軟嫩滑，魚味濃厚香甜，一下子又食至清碟。🎯 龍蝦味噌虎蝦 $178鐵板菜式，虎蝦個頭超大，先在鐵板煎香， 再加入厚厚的龍蝦味噌同燒，滿口龍蝦膏香， 且虎蝦肉質新鮮彈牙，帶鐵板煎過的獨特香味，又有蟹子增鮮， 不愧是餐廳的熱門菜式。🎯 櫻花蝦炸豆腐 $68櫻花蝦跟豆腐同炸，入口香，鮮，軟，脆齊集，非常好味，是一道令人著迷的菜式。🎯 煙燻牛舌 $98煙燻牛舌用煲仔盛載，送上枱後，店員才打開蓋子，焗好的牛舌真係好香， 表面煎得金黃，入口油脂豐富，又帶煙燻過的獨特木香味。令我最窩心的是店員竟幫忙把伊佐木魚的魚頭，魚骨，加入白魚滾湯，湯水濃郁鮮甜，魚味極濃，好飲又暖胃。最後送上先生為我準備的浪漫生日驚喜，包括有焦糖，芝麻，哈蜜瓜，鹽漬櫻花，4 款口味的和菓子，更有香蕉和巨峰提子味的忌廉卷蛋，款款都甜美動人，估唔到酒場除日料外，甜品都做得出色。除美食外，店內氣氛輕鬆寫意，令人感覺舒適又放鬆，員工有禮貌，收枱快，經常主動添加熱茶， 服務殷勤，也是令我喜歡的原因之一，『上戶酒場』榮升我最喜愛居酒屋的首位，讚讚讚上戶酒場九龍城龍崗道33-39號龍翔閣地下A號舖🌙 月光太太…查看更多

屯馬開通真的很興奮，最大得益除左係九龍城土瓜灣一帶嘅鋪主同小商戶，對一班老饕都係一大喜訊呀！事關哩兩區不嬲都多美食，但因為冇地鐵站所以都好難約朋友黎食，而家終於唔洗怕了！喺宋皇臺站B3出口上黎過隔離街就係上戶，非常方便，佢係九龍城區內少有嘅日式居酒屋，店面唔算大，不過淺木色嘅設計感覺幾舒服。野菜條伴鯷魚醬($32) - 同好多居酒屋一樣，一坐低，侍應例牌每枱先上一客野菜條。雖然係default左你要，不過鯷魚醬有用火熱住都算交足功課，唔係hea俾你兩碟前菜就要收你錢，爽脆嘅蔬菜條蘸埋咸咸香香嘅鯷魚醬都幾好食。乳酸梳打($38) - 上戶嘅酒類選擇都幾多，清酒梅酒汽酒啤酒都有好多款揀，但如果唔飲酒，佢地就只有兩類唔同味道嘅梳打，好彩我都啱飲，揀左乳酸梳打，酸酸甜甜好透心涼。刺身盛合五款($338) - 刺身拉盤有三文魚、吞拿魚腩、油甘魚、牡丹殺同海膽，唔單止新鮮，仲好厚切。油甘魚魚油甘香舷黎唔會太油，食落帶少少爽口。吞拿魚腩好滑又冇筋，食到成口油。牡丹蝦鮮甜得黎蝦肉都好結實爽彈。煙燻厚切三文魚($78) - 三文魚用個炭爐熱住咁上，三文魚都幾厚切，每一舊中間仲帶少少粉紅色，唔係全熟，所以食落除左有陣煙燻味，肉質仲唔會好鞋。伊比利亞豚肉鍋($158) - 豚肉鍋除左有一碟豚肉，另外仲有滿滿一鋪野菜，下面仲有粉絲墊底，所以都比想像中飽肚。湯底係壽喜燒，其實平時我鍾意鹹味湯底多啲，不過佢唔會太甜我覺我都可以。豚肉量都唔少，幾大塊同厚身，唔會碎濕濕咁。總結，上戶嘅野食質素唔錯，定價相比起尖沙咀銅鑼灣哩啲鬧區平少少，而且屯馬線開左估計都會多左人黎九龍城搵食。…查看更多

聽朋友分享，九龍城開咗間新嘅日本料理,質素都唔錯,今日約埋好朋友一齊試試🤗🤗 侍應介紹清酒買一送一，我同朋友都唔蝕底，叫返一set來試試， 侍應問我地喜好，我地話要易入口，她推介了這支“一酌一景”，入口香醇，甜甜地，酒精成份15％，配搭很有特色的玻璃酒杯，不錯不錯😚😚 我地先來頭盆， 野菜條伴鯷魚醬（＄32）多春魚及沙甸魚肉蓉， 沾上生紅蘿蔔、青瓜和沙葛， 魚肉味重， 鹹鹹地， 沾上生嘅蔬菜，感覺清新。😋 磯煮鮑魚（＄88） 大大隻鮑魚，肥大肉厚，抵食💥💥 伊佐木魚原條刺身（＄488），肉質煙韌， 夠曬新鮮 ，沾上特有製的醋汁， 能帶出刺身的鮮味👍👍 侍應建議我們將剩下的魚骨滾湯飲， 魚湯有濃濃的魚鮮味，不錯的提議。 火炙牛小排壽司（＄64／件）火炙後帶點焦香味, 肉質嫩口 ，牛肉味濃。 葱吞拿魚腩簿脆（＄58）吞拿魚蓉配上米通簿脆，鮮魚入口即融，米通夠脆，這個配搭很新穎，不錯。 黑松露帶子手卷（＄68／件）我至愛係帶子，這裏帶子很新鮮，可切上3片，鮮味帶入味蕾，其實好想食多件，但叫了很多其他食物，下次再食。 松葉蟹膏甲羅燒（＄78），我對蟹膏又愛又恨，因膽固醇實在太高😒但自己又太愛吃。香濃的蟹膏，配上鬆脆的梳打餅，絕配！ 煙燻羊扒三支（＄188）， 羊扒經煙燻，能平衡羊的酥味，不用太多醃料已經好好味。 焦糖及芝麻味福餅（＄24／2件）薄薄的焦糖皮包著好像是奶黃餡， 焦糖味福餅我未試過， 味道很特別，仲想打包多兩件回家吃😋😋 這日本料理的水準給我意外驚喜，下次要再試其他食品。…查看更多

晚市堂食限制終於放寬，適逢朋友告知九龍城有間剛剛開將的居酒屋，便約定時間，大家齊齊去試試。餐廳佈置平實簡潔，以木材製作的傢俬及吧枱加上微黃燈光，感覺温暖。餐牌上的菜式也不少，實在難以取捨，經店員推介，終於鎖定目標。野菜條伴鯷魚醬 $32餐廳有四款沙律可供選擇，論吸引程度，此款必定是道選。不似一般的沙律，醬料淋在沙律菜上，而是另外放在一台小巧的蠋爐上保持微温，配撘已切成粗條狀的青瓜、紅蘿蔔、白蘿蔔等蔬菜。醬料主要以沙甸魚、多春魚製成，魚味濃郁，鮮味得來又咸咸地，配以味道相反，清新爽脆的青瓜、紅蘿蔔、尤其是白蘿蔔，鯷魚醬令其更顯清甜可口。鯷魚醬味道實在與蔬菜太合拍， 所以我連其他碟上的配菜也不放過，一併用來點鯷魚醬。葱吞拿魚腩薄脆 $58吞拿魚腩蓉配醃蘿蔔粒、幼葱絲，兼具黃、綠、紅三原色原素，以海水綠器皿承載，令金金黃黃的薄脆更富貴氣，小小的醃蘿蔔粒為吞拿魚腩蓉增添口感，其酸味及葱香提昇了吞拿魚鮮味，真的有心思安藝虎土佐錦純米吟釀 720ml  $580 🍶友人選了這款由50%米芯部分所釀成的清酒，侍應會徵詢客人打算熱或凍飲。我們選了凍飲，不久侍應送上整支吟釀，並在客人面前倒進四個被透明大玻璃器皿承載著的小酒餅內，玻璃器皿內其實放滿冰粒，放便客人斟酒之餘又可保持酒的温度，真細心。此吟釀㗳落有種果香，味道略辛，入口順滑清爽，適合喜歡果香又易入口的人。我雖不好杯中物，原本打算淺嚐，不過配合以下的煙燻日本豚腩肉，令我又不經不覺一杯接一杯。煙燻日本豚腩肉 $78  🐖 🥩🍲店長見我們有點清酒，便極力推介這客~ 煙燻日本豚腩肉。豚腩肉置於一個小白鍋的網架上，鍋底内保留少少已燻過的木屑，令客人邊食仍邊聞到那股誘人的煙燻香氣。厚切的豚腩肉份量十足，外層色澤黃金，肥瘦層次分明，油花脂肪甘香，肉質紮實，口感郤嫩滑豐膄，十分惹味，店長果然無介紹錯，配清酒真的一流，口中的煙燻味與清酒相遇，令酒的味道起了微妙的變化，更醇厚甘甜。而那股煙燻肉香至今仍經常在我的記憶中繚繞不散。鐵板鮑魚 $98原隻鮑魚以醬油醃過夜後，再鐵板燒，配以由昆布、松葉蟹肉淆成的醬汁，味道令人期待。今次這個鐵板鮑魚火侯控制得剛剛好，肉質入口嫩滑彈牙，完全不覺得韌，兼且非常入味，有種難以容易的鮮味，不用點松葉蟹肉昆布汁，單單只是醃過的鮑魚味道已俘虜我心。活龍蝦刺身 龍蝦頭甲羅燒 兩食 $488 🦞活龍蝦刺身日本菜的擺碟有時真的令人不禁要拍照留念或看多兩眼才捨得起筷，今次主角還是~ 肥美的龍蝦，見到都心花怒放。以紅紅橙橙的蟹子作點綴，醒神奪目。龍蝦肉晶瑩、爽脆彈牙，鮮甜味美，份量也多，彷彿吃不完一樣，真得十分滿足。龍蝦頭甲羅燒食完淡淡肉的龍蝦刺身，便輪到全隻龍蝦的精華所在 ~ 龍蝦頭 ，平時食蟹甲羅燒就食得多，今次用大大個龍蝦頭製作甲羅燒，諗起都流口水。甲羅燒賣相雖然無活龍蝦刺身那麼出眾，不過份量以及美味程度同樣不容小觀。手掌般大的龍蝦頭開邊，鋪滿澎湃的龍蝦膏以及師傅秘製的味噌，燒烤後，鮮香撲鼻，理論上將滿滿的蝦膏鋪在小餅乾上吃，感覺上會無咁漏，之不過甲羅燒的份量也相當多，區區幾片餅乾也不足以應付，最後索性用匙羮㧾，才發現原來底下還有一梳梳仍附在殼上的龍蝦肉，熱辣辣兼厚肉鮮甜，用匙羮掘呀掘，再大淡大淡往口裏塞，真的超滿足，一點不覺漏。松葉蟹壽司  $34觀乎蟹肉的紋理，光澤已反影其新鮮程度，松葉蟹那清甜鮮味，有誰能抗拒；壽司飯酣香清雅，份量恰好，一啖過，吃得乾淨利落芝士蛋奄列 $68來到日本餐廳，怎能錯過蛋類料理，就點一客奄列吧。蛋皮厚薄適中，帶少少甜味，中央的芝士呈半流心狀，口感豐盈又富層次，芝士味不算濃，没有搶去蛋味，加上木魚碎一同吃，有少少咸味之餘，食起來更順滑。櫻花及黑糖福餅  $24承載甜品的餐具器皿、擺盤裝飾也貫徹著日本風格的美感，令人心生喜悅。褔餅小巧精緻，味道不太甜，皮薄軟熟，櫻花福餅帶有少許咸味，餅芯用上櫻花味饀料；而黑糖褔餅並非只有甜味，還有種黑糖獨有的蜜蔗味，配吉士饀，個人覺得味道稍勝櫻花，特色則各有千秋。巨峰、乳酸味梳打汔水 $38不想沾酒的話，甜甜香氣的巨峰加上醒胃的乳酸，也不失為清新可口的選擇。其實最初選擇這間餐廳時沒有抱甚麼期望，因為新開業，網上又未有甚麼評論，本著姑且一試心態，郤又喜出望外，不但食材新鮮，擺盤精美，更重要是菜式設計富心思，製作具水準，店員態度殷勤，價錢相宜，雖沒有華麗佈置，但坐得舒服，是一間以質取勝的居酒屋。…查看更多

因為太耐沒有到九龍城的關係，所以和朋友就來到這裡行街，行行下發現原來九龍城多了很多以前沒有見過的食店，好少見九龍城有居酒屋，見到這間新開的居酒屋就出於好奇走了一去。這間店環境整潔，裡面有一個長吧枱可以望到廚師為人客做食物，我們今日被安排坐普通座位，所以無緣看見廚師的功架。坐下後，店員第一時間就問我們有冇興趣飲清酒，今日有點興緻，雖然不是酒量了得，但來到居酒屋，要飲點清酒先啱數，經店員介紹下，就叫了一支清酒。我們見餐牌都有很多很吸引的食物，都不知怎樣選，店員見我們有點噢惱，所以就推薦了一些給我們，所以我們都不需要煩惱就可以點了幾款。清酒要了一支安藝虎純米吟釀，店員除左放了一支清酒，還放了四瓶玻璃樽，他將酒開了後就將酒倒入玻璃樽內，玻璃樽有一個大既容器盛載著，容器裡有一些冰保持酒的冰凍。店員隨後拎了一盤小玻璃酒杯，等食客可以挑選自己喜歡的酒杯盛載清酒，真的很貼心！　這隻清酒入口醇厚，一陣陣的蜜瓜香味，入口不會感覺很濃烈的酒精，很易入口，很有清新的感覺，不是好酒的我都好自然的飲了很多，值得推介給女士們飲用！前菜是野菜條伴鯷魚醬，是用上沙甸魚和多春魚做成的鯷魚醬，配上紅白蘿蔔，青瓜等點來一起吃，魚味香濃但不腥，只係覺得很鮮味，尤其配上白蘿蔔，清新得來很鮮味，魚醬還減低了白蘿蔔本身的辛辣味，比起其它蔬菜，白蘿蔔是一個很好的配搭！活龍蝦剌身+甲羅燒兩食，先來活龍蝦剌身，淨看賣相已經相當好看，龍蝦剌身肉質晶塋剔透，師父很有心機將龍蝦切片，放回入龍蝦殼，再放上蟹籽，剌身加入蟹籽，入口爽甜，蟹籽脆爆，不黏醬油都已經超好吃，吃得出龍蝦的鮮味，店員說龍蝦新鮮在魚缸撈起做的，很生猛新鮮，很美味！龍蝦甲羅燒，師父用上味噌和龍蝦膏做成醬料，加入龍蝦頭上再燒，味道很香濃，人客可將面頭的醬連龍蝦肉放上餅乾一起吃，味道夾得剛剛好，不會咸，開頭店員說如果淨食肉和醬可能會咸一點，但我吃上去還不是呢，沒有他所說的咸，証明師父在調味上都花上一點功夫，令到食客就算淨吃都不會覺得有差別，雖然醬汁香濃，但就因為是用上龍蝦膏做，所以吃上去很有龍蝦的味道，我開頭以為龍蝦頭都不會有什麼肉吃，但誰不知裡面都還有很厚的肉，真係以想不到，很驚喜的一個美食！蔥吞拿魚腩薄脆，師父將蔥香拿魚打成蓉，配上用飯做成的薄脆，鮮味得來又脆口，一軟一硬，口感極端而美味，很可口！赤貝壽司，新鮮開出來的赤貝做壽司，入口鮮甜爽脆無比，飯的大細軟硬適中。松葉蟹腳壽司，肉厚鮮味可口，用料上乘，很高質素！時令活蠔剌身，因朋友不吃蠔，所以只叫了一隻，生蠔雖不是很肥，但肉質鮮甜，加上青檸汁，提高蠔本身的鮮味，不錯！鐵板鮑魚，飽魚用上醬汁醃了一晚，再用鐵板燒成，鮑魚本身淨吃已經很好味，又柔軟彈牙，配上師父用松葉蟹肉加昆布做成的醬汁黏上來吃，花心思之餘令食客感覺有種被尊重的感覺，不會只是一隻鐵板鮑魚就咁燒給食客食的，這裡的心思非常！煙燻日本豚腩肉，一上枱已經聞到一陣陣很香的煙燻味道，豚腩肉肥瘦適中，吃上去煙燻獨特的氣味加上豚腩肉的外脆內軟，簡直天作之合，朋友都很欣賞這個豚腩肉，但外賣回家給家人品嚐，但店員反而不建議外賣，外賣了會影响了本身的味道和口感，我覺得這種堅持真得很值得讚賞，不會為賺一少少錢就出賣自己的食物！芝士蛋奄列裡面用上蔥花和芝士煎成，芝士味不是那麼突出，但蛋味很香，煎得很滑，加上面頭的木魚碎，都還不錯呢！甜品是福餅，福餅一客有兩隻，一款是焦糖味，一款是櫻花味，焦糖味的入口有陣陣焦糖香味，裡面是吉士，甜而不膩。櫻花福餅用上櫻花做饀，加上面頭都有一朵櫻花做裝飾，櫻花入撰本身會將櫻花用鹽製過，所以味道帶咸味，咸咸甜甜的將味蕾衝激，很得意！今次來到這間店，食物質素和味道都很令我們很有驚喜，服務又很好，疫情下新開張，希望他們可以不會受疫情影響，高質的食店不多，希望他們可以保持這個初心。…查看更多