Biang Biang Noodles

## 食評：灣仔的露面拌麵料理今日我嚟到灣仔試咗一間名叫「Biang Biang Noodles手工拌麵料理」的餐廳，整體體驗非常滿意，麵食質素出色，性價比亦都唔錯。### 環境餐廳設計簡潔明亮，座位安排合理，讓人感覺舒適。店內空氣流通，環境整潔，適合朋友聚餐或者輕鬆用餐。### 食物今次我哋點咗幾樣嘢，以下係具體評價：1. **嫩雞白布湯闊麵**： - 呢碗闊麵真係好驚喜，湯底聞落去有濃郁的奶香，食落去更係滑溜到不得了。雞肉質量不錯，嫩滑可口，湯底有少少椰香味，搭配蔬菜，味道十分滿意，份量亦都夠多。2. **牛骨餃子麵套餐**： - 我哋選擇咗轉Biang Biang麵，牛骨湯底濃郁，牛骨軟硬適中，帶有濃厚的牛味，食落去非常過癮。韭菜餃子口感好，餡料新鮮，套餐仲送咗甜品，性價比真係不錯。3. **香茅香水檸檬茶**： - 兩杯飲品清新解渴，香茅味道突出，檸檬清爽，夏天飲正好！4. **野生松茸鮮雞湯**： - 雞湯夠熱，湯底清甜，味道十分舒服，適合配搭其他菜式。### 總結整體來講，「Biang Biang Noodles 手工拌麵料理」係一個非常值得一試的地方，食物質素高，環境舒適，服務態度亦好。下次來灣仔一定會再光顧！…Read More

今日來到呢間露面手工拌麵～這間餐廳最出名的就是麵！看到餐牌都相當抵食，可以單點又可以點套餐。我跟爸爸點了一人一個套餐，再加配了飲品！凍豆漿，豆味香濃，豆漿細滑！正！小吊梨茶，梨味很濃，清香又清新，入面仲有梨肉及雪耳，非常滋潤又解暑！野生松茸鮮雞湯，原盅上！熱辣辣的燉雞湯，相當滋補，雞味香濃，入面仲有滑滑的雞件，啖啖肉好好味！而且仲有好多松茸片，非常足料及夠味！性價比高！牛骨餃子麵套餐！相當之抵食！牛骨麵有四件大大件的牛骨，仲有肉的，牛肉跟牛骨咬起來好好味，又香又濃，好惹味！另外湯底是奶白色的，肉味香濃，又甜彈美味，仲有幾件大大件的白蘿蔔，超級入味的，又腍身，正！超飽肚又足料。而且麵線又滑又美味，仲好掛湯！非常之美味！除此之外，仲有四件水餃，水餃是白菜豬肉餡，還可以揀韭菜豬肉口味！水餃大大隻，中間仲好多餡，又多汁又美味！勁滿足又飽肚！呢個餐仲有甜品的，我揀了凍燉蛋，非常美味！嫩雞白布湯闊麵套餐！這碗麵都是奶白色的湯底，湯底依然非常美味，又濃郁！這碗麵有大量嫩嫩的雞肉，份量超多！勁足料！仲有菜！相當健康又美味！這碗麵最特別之處就是闊條麵！闊條麵很闊身，有少少厚度，吃起來好有咬口，而且都是滑滑的，好像一匹布似的，麵質口感好好，非常有特色！…Read More

平時好喜歡吃麵🍜飯和麵之間一定會揀麵😆今次來到位於灣仔的「露面」，一直都好想試試店家的招牌湯闊麵，超吸引呢！✨嫩雞白布湯闊麵必試大人氣的白布湯闊麵！純手工闊麵口感軟腍，闊身的麵條更為掛湯😋奶白色湯底加入了花奶，散發着淡淡奶香👍🏼還有滿滿的嫩雞肉和白菜，吸滿湯汁特別好味～✨牛骨餃子麵套餐 店員推介的新湯麵🤓湯底比白布湯麵的更惹味！大大件牛骨肉，口應軟腍🐮套餐亦包括一份4隻餃子，可選白菜或韭菜餡🥟皮薄餡料飽滿，沾些餃子醋和辣油，味道不俗🫶🏼另外還有甜品，選了西施燉蛋，軟綿又有蛋香，極之豐富！✨野生松茸鮮雞湯愛喝熱湯的朋友，不妨試試這款滋補雞湯🐔帶淡淡的松茸清香和鮮雞味，是養生的感覺🙌🏼✨香茅香水檸檬茶✨小吊梨果茶香水檸檬茶絕對是近年大熱🍋酸味尤其開胃！小吊梨果茶裡加入大量梨肉和雪耳，清甜不膩，有驚喜！🍐…Read More

夏天天氣比較熱想食返清淡啲🌤️食碗麵係一個唔錯嘅Comfort Food選擇☺️ 手工嘅Biang Biang麵我都係第一次聽好有特色🤣手工嘅味道簡單但係有誠意係好溫暖嘅味道值得一試❤️⭐️ 油潑辣子魯肉Biang Biang麵 🍜⭐️ 麻辣雲耳 🖤⭐️ 小吊梨果茶 🍐口感微辣有種撈麵既滋味感覺🌶️但係香料味更加重☘️滷肉肥瘦相間半溶嘅口感好滋味🥓仲可以加餐配上小食同飲品🥤小吊梨果茶加上清潤嘅甜味岩岩好中和返💚⭐️ 嫩雞白布湯闊麵 🤍闊麵食落嘅口感就比較煙靭😛嫩雞白湯入落清甜好滋補🐔 特別一讚加咗滿滿嘅青菜好健康🥬⭐️ 粒粒巴蜀大雲吞 🥟雲吞非常飽滿肉餡充滿鮮味😊 精粹在麻辣嘅醬汁充滿鹹香好惹味🔥⭐️ 野生松茸鮮雞湯 🍗味道入口清甜🤩清澈得來唔會太重雞油味😋有種養生嘅感覺配上松茸嘅香氣用料好高質🍄‍🟫⭐️ 燉蛋 🥚最後試咗佢新出嘅甜品燉蛋🍳滑溜而且甜度唔太高好有家庭溫暖既感覺😜…Read More

星期六同朋友係灣仔搵間餐廳食飯。店鋪位置唔多, 但經常要排隊。我哋叫左嫩雞白布湯闊麵 湯底呈奶白色, 飲落去好清甜, 奶香味濃, 闊麵煙韌有咬口, 還有大量小棠菜和雞肉, 份量好多。另外我哋叫左油潑辣子魯肉bling bling麵, 個麵幾彈牙和掛汁, 加上半肥瘦既魯肉和冬菇, 配上特製醬汁, 撈埋一齊食十分惹味。我哋也叫左原盅松茸鮮雞湯, 湯底鮮甜, 有好香松茸味, 飲完唔覺口渴, 冇加味精。最後叫左香茅香水檸檬茶, 香茅味突出, 清甜鮮渴。…Read More

今日做完facial係灣仔附近搵野食，見到呢間店好多人食，咁要去食下喇🤗餐廳裝潢簡約，主打手工麵，有biang biang麵、闊麵、蛋麵等。鎮店蟹皇拌麵 $98蟹皇一大碗咁上枱，超足料、絕無偷工減料🤤，一羮一羮咁𢳂落啲麵度食，加埋少少蟹醋去下油膩感，creamy得黎帶有香濃蟹粉香同陣陣醋香，真係超抵食，貨真價實🫶龍眼冬瓜茶 +$10點左蟹皇拌麵可以+$10叫指定飲品。龍眼冬瓜茶入口清香味醇，飲起來好舒服。粒粒巴蜀大雲吞 (5粒) $36我怕會好辣，所以特意叫店員將辣油同雲吞分開上，等我自己可以控制辣度😝店員好好，即刻答應❤️雲吞皮薄，餡料飽滿，豬肉加入黑木耳，再蘸一啲辣油，口感味道都好豐富。一人拌麵套餐 $88午市仲推出限定一人套餐，一個價錢就可以享受到一份拌麵/一份主食+一碗滷肉飯、一份小食同一杯飲品。🔹️京醬豚肉炸醬麵每粒豚肉煮得軟腍，肥瘦比例適中，份量足夠。呢款炸醬帶微甜，豚肉配埋炸醬加青瓜絲一齊食，口感豐富；而麵條好幼身，麵質好滑有咬勁。🔹️手拍小青瓜青瓜清甜爽脆，加上特調的酸辣醬汁，十分開胃。🔹️野生松茸鮮雞湯 +$18套餐價+$18就有一盅鮮雞湯，松茸香味獨特而濃厚，佢嘅菌香和雞肉嘅鮮美全部融入個湯裡面，味道清潤，滋補又養生。…Read More

早幾日經過灣仔已經見到呢間嘢！ 咁啱今日出開港島就試吓💃🏻店員安排我哋坐近門口 後尾睇返其他人嘅食評先知有個靚靚霓虹燈係入面！我哋叫咗兩個麵、一個小食同一個湯share 碗麵好大份 我爭啲食唔晒 食到好飽🤣 嘢食嘅價錢好相宜～油潑辣子滷肉biang biang麵呢個手工麵真係好煙韌！ 佢比平時食嘅刀削麵會厚身少少🤏🏻 係一款較粗較厚嘅麵條 呢個撈嘅餸好香口 好好食😋嫩雞白布湯闊麵浸左湯啲麵都唔會淋 都係咁煙靭 呢個湯有少少似平時食拉麵嘅雞白湯咁 比較溫和嘅味道 男朋友忍唔住飲埋啲湯🥸野生松茸鮮雞湯呢個鮮雞湯好夠味 一啲都唔油 可能真材實料所以唔算好大盅～熱陳釀八至十六年金桔蜜飲落去真係同平時啲柑桔蜜唔同！ 個味道係濃郁好多 估唔到會喺度飲到咁正嘅飲品😜環境闊落 同埋好夠人手 服務都唔錯 食完飯唔小心跌咗個口罩落地 職員好好人俾咗一個我🥺❤️…Read More

鮮茄牛腩拌麵 $88（轉Biang Biang麵 +$3）牛腩軟腍唔柴，牛味香濃；蕃茄鮮甜開胃，鮮茄醬汁味道濃郁；Biang Biang麵麵身較闊，Q彈有嚼勁，而且好掛汁。油潑辣子魯肉Biang Biang麵 $88魯肉似厚身嘅五花腩片，煮得幾入味，加埋冬菇粒同辣汁一齊拌麵，好惹味，小辣亦唔會太辣。野生松茸鮮雞湯 +$18湯頭好鮮甜，有好多松茸同雞件，落足料，飲完成碗都唔頸渴，完全冇味精。秘製香糟醉雞 $58雞件嫩滑入味，滿滿酒香，但唔會濃到苦澀，好食😋〰️〰️〰️〰️〰$88 Lunch Set包拌麵，小食同飲品，免收加一。小食可揀麻辣雲耳或手拍小青瓜，2款味道正常，冇咩特別。食物質素中上，未至於驚艷，但係住附近或者係附近返工，呢間都係唔錯嘅選擇👍🏻 我本身鍾意食有咬口嘅麵，Biang Biang麵就好啱我啦，彈牙有嚼勁之餘，而且佢唔會太厚，有時啲刀削麵太厚會太硬太實，佢就完全冇呢個問題～繁忙時間要齊人先可以入座，但可能我哋13:30算比較晏，過咗最忙嗰陣，店員都叫我男朋友仔入去坐住等，冇咁熱，好好人😊 〰️〰️〰️〰️〰️食物:4/5消費: 2.5/5 環境: 3.5/5服務: 4/5Revisit: Yes…Read More

放工去灣仔換身份證，見到依間主打手工麵嘅舖頭就入咗去試下，點知有驚喜😍依間餐廳唔算大，但座位都還算舒適，餐廳嘅落單姐姐都好熱情，有禮貌，會主動推介有咩值得食，值得一讚❤️🍜一人拌麵套餐$88（台式鹵肉拌麵+麻辣雲耳）依個套餐包咗一個主食同小食，我哋就揀咗台式鹵肉拌麵，麵款揀咗佢哋最特別嘅Biang Biang麵😆依款主打麵係人手即整💪🏻食落好有咬口，好好食，鹵肉都做得好入味，食得出冬菇香味🍄👍🏻 麻辣雲耳就正常發揮🍜啖啖酸菜魚套餐$78（啖啖魚肉酸菜魚麻辣擔擔麵+飲品）依個就稍為有啲失色，麵底揀咗上海麵，但魚肉用咗鯇魚🐟食落有細骨同唔夠嫩滑，唔太推介大家叫依款🙅🏻‍♀️🍲野生松茸鮮雞湯$18依個燉湯做得出色，飲落好有松茸同雞味，唔係靠味精調味，值得推介💯🥟鎮店蟹皇雲吞(5粒）$50依款要襯熱食，蟹膏味濃🦀咬入口時會流出蟹皇汁，非常正，但如果擺凍咗先食就會冇咗依種效果🤫…Read More

陪朋友去玩具街尋寶前, 係附近食lunch 醫肚, 經過呢個sell 手工麵既餐廳就入去試下!一人拌麵餐(主食跟小食&飲品) - $88朋友簡左滷肉拌麵, 滷肉都滑嫩, 不過唔會好油膩, 帶有少少膠質, 而且都好入味, 由其係八角味!此外, 滷肉汁亦好掛汁, 而麵質算偏淋身, 但唔係痴住哂果種, 當撈埋汁就岩岩好!另外簡左手拍小青瓜，帶少少酸同少少蒜味, 青瓜口感爽脆!野生松茸鮮雞湯 (跟餐飲品改配價) - $18以盅上枱, 好熱, 有松茸同好多雞, 雞湯味都幾濃, 唔錯! 不過我寧願少雞再多點松茸, 咁先可以飲多點湯XD鎮店蟹黃拌麵 - $98蟹黃汁同幼麵係分開上, 店員都好好, 細心提我地可以加少少醋, 但唔洗加太多! 我會形容係一碗蟹皇羹配拌麵, 因為質地真係好似蟹皇羹, 一入口鹹鮮味都幾突出(有蟹粉有蟹肉), 然後再加落幼麵, 好掛汁不過食到尾都幾膩, 應該要加返醋 (但我真係對醋一般, 所以我無落, 導引食到最後好漏...) 仲有唔需要擔心唔夠汁, 呢度一碗蟹皇羹份量足夠撈哂成個麵!總括之言, 表示滿意同好飽! …Read More

今日行過灣仔，見到一間手工麵店，好吧就試一試佢先。由於過了午餐時間，人流都ok剛剛好有位，店內環境都坐得幾舒適，好快店員比左餐牌我，我就點了野生松茸鮮雞湯，傳統開揚蔥油拌麵同凍極品陳年龍鳳檸蜜。好快先黎個野生松茸鮮雞湯，松茸味道濃郁加上鮮雞件味道，鮮甜得黎帶點松茸獨一無二既味道非常匹配，必點之。傳統開揚蔥油拌麵，手工麵非常煙韌彈牙口感一流再加上特製蔥油，蔥油帶點甜味而且蔥段很多，呢個我覺得一定要試。凍極品陳年龍鳳檸蜜，同一般龍鳳檸蜜不同，經陳年後帶點點回甘味，甜中帶回甘作一個結尾，呢餐手工伴麵值得再去。…Read More

今日係灣仔睇完中醫，又要在灣仔覓食啦!麵店的燈光招牌鑲在正中，還配有一個好可愛食緊麵小孩logo，又搶眼又得意。內裏地方不算大，設有數張二至四人枱，但整齊企理。小店主打純手工麵，包括純手工拌麵、純手工湯麵、湯、純手工皮薄餡多之選、小食和手搖飲品，還有一人拌麵/飯套餐和限量供應。一人來就唔諗咁多，就在一人拌麵套餐中點了鮮茄牛腩拌Biang Biang 麵配手拍小青瓜和野生松茸鮮雞湯($88+$3+$18)，另再追加一客魯肉(+$10)，好豐富。鮮茄牛腩拌Biang Biang 麵大大碗，鮮茄味香濃，酸咪咪好醒胃。兩大件牛腩啖啖肉兼有咬口，但一點都唔嚡口，牛味幾濃，烹調入味，好味! Biang Biang 麵煙煙韌韌，挺有嚼勁，沾上香濃的鮮茄汁，更美味! 手拍小青瓜($0/跟餐) 好翠綠爽口，滿有蒜香。入口微涼，味道酸咪咪，同樣好醒胃。野生松茸鮮雞湯(+$18/跟餐) 熱度十足，味道好甘香，滋潤順口。內有不少爽口鮮美的松茸，還有鮮香腍嫩的雞肉，落足料，絕不欺場，真係好想來多碗。魯肉(+$10) 半肥瘦，不會太肥膩，甘香油潤， 恰到好處，味道鹹香，用來拌麵最岩。…Read More

即使疫情下，是朋友總要露面吧，於是相約食手工麵。餐廳環境簡潔，座位多而寬闊。餐牌上有不同的麵粉和小食選擇。⭐️野生松茸鮮雞湯$38天氣轉冷，有燉湯飲，正，充滿菇菌的味道和香氣，松茸營養價值高，湯健康不油膩。⭐️芥香麻醬雞絲粉皮$42吃雞絲粉皮重點在於醬料，而店裏的醬比平時吃到的芝麻醬稠杰和味道濃郁。⭐️啖啖魚肉酸菜魚$68估不到餐牌上有酸菜魚，是一個套餐，一大碗酸菜魚，配料除了有鯇魚和酸菜，還有白蘿蔔和豆芽。可選白飯，而我選配了手工拌麵，麵叫Biang Biang麵，賣相像闊條麵，有嚼勁，及包一杯指定飲品。⭐️菠蘿青檸蜜（熱）指定飲品可選冷熱甜度，菠蘿味不重，但也不酸，大概是配搭了些蜜糖。⭐️鮮茄牛腩拌麵$55足一個大蕃茄，味道很鮮甜，牛腩份量合理，炆煮時間剛剛好，很入味，麵是擔擔麵，質感Q嫩，試過其中兩款麵後，不愧為每天新鮮製作。…Read More

今晚在灣仔電腦城買點東西，順便在附近搵食，發現這家露面手工拌麵料理，有提供特別的BiangBiang麵，就來試試水準。餐廳主打各種不同的特色拌麵，亦有多樣小吃，以及不同的飲品。野生松茸鮮雞湯先點一客野生松茸鮮雞湯，以野生松茸細燉帶出湯頭濃郁甘醇的美味，舉勺淺嚐，一口先暖了脾胃，再者齒頰留香，不但十分和味而且層次豐富細緻，純粹天然真味，沒有一點味精。秘制香槽醉豬手豬手以香槽漬浸，酒香馥郁滲透肉骨，皮爽肉滑，份量不少，可以滿足地咬肉啃骨，十分痛快。鎮店蟹皇拌麵點了一客招牌的鎮店蟹皇拌麵，一大碗的蟹皇，配以掛汁能力極高的細麵，濃郁蟹皇一入口那滑膩、鮮味與蟹香三位一體的非凡滋味，但必須加入枱面上的鎮江醋，以淡淡的酸爽帶出更香濃的鮮味。油潑辣子魯肉BiangBiang麵亦點了香港十分少見的BiangBiang麵，油潑辣子的風味，刺激著舌頭，辛辣同時回味悠長，而BiangBiang麵麵條口感筋道醇厚，煙韌有嚼勁，水準之作。極品陳年龍鳳檸蜜龍鳳即是咸檸檬和鮮檸檬，一呷暑氣全消，純粹天然果酸，酸甜適口，腴而不膩，生津解渴。…Read More

叫到成枱野食，上到枱先知樣樣都好大份，好足料！而且整體食物都有質素，性價比高。巴蜀粒粒大雲呑 $35 以為類似紅油抄手咁，原來只係無浸湯既雲呑加辣椒油。粒雲呑真係夠大粒，好足料，好食！加埋秘製辣椒油好香好惹味！（唔夠可以自己再加）現場見到有同店員包緊水餃，望落都好大隻。芥香麻醬雞絲粉皮 $42 粉皮彈牙，麻醬比較杰身，撈埋雞絲青瓜絲同芝麻，多重口感，正！溫馨提示，因為太多料，所以要小心啲撈，唔係就跌晒徙左拉。野生松茸鮮雞湯 $38 雖然賣相同餐牌上有點差異，但松茸片幾多，仲有件煲到入口溶化既雞，飲落好鮮甜。油撥辣子魯肉Biang Biang麵 $55 餐廳主打手工麵，呢個Biang Biang有點似刀削麵，麵條粗身有嚼勁，夠掛汁。個魯肉係半肥瘦，夠入味，仲有冬菇粒，兩者size差不多，食起來口感豐富，味道唔錯，我再加埋秘製辣油撈埋食仲正！啖啖魚肉酸菜魚 $68 呢個麵餐好抵食，仲跟埋杯菠蘿青檸蜜。不過我見另一個叫左Biang Biang麵，呢個就加$3轉波菜寬麵。酸菜魚上枱果陣都覺得好大碗，但原來碗麵係另上！真係好足料！魚片好多，雖然唔算好嫩，但都可以接受。另外仲有蘿蔔條，大豆芽等等。湯底味道唔錯，酸度適中，我差唔多飲晒。菠菜麵賣相好似麻麻，但加湯撈鬆都好好食。滑溜溜香芋鮮奶 $28 近年鍾意飲芋泥或香芋口味飲品，呢杯香濃芋味，堅係好滑好濃厚。你餓不餓呀我煮碗麵俾你食啊…Read More