客尚來

晚餐諗吾到食咩 就去左呢到買外賣 叫左$50一個既客飯套餐 醉雞 同 咕嚕肉 包是日例湯或者豆漿咕嚕肉味道都吾錯 飯量超多 爸爸最後系食吾哂要不起一碗下餐食 醉雞味幾好 雞都嫩既 不過有一個缺點就系佢啲醉雞汁流左過去飯個邊 底下既飯食落少苦外賣速度都okay 但堂食相對就等耐啲 試過有一次叫左兩個餐 上完一個餸 另一個等到食完飯都未上到 感覺很差 …Read More

放學有啲夜，唔想番屋企食飯，於是同朋友喺西環趴趴走搵嘢食醫肚，結果就走咗入嚟呢間上海菜館食飯。間上海菜館望落嘅感覺好家常，街坊小店feel，老實講對間鋪頭唔係有好大期望。因為都好肚餓喇所以就求其點咗個醉雞客飯同鱔糊客飯，點知出乎意料地好食喎。醉雞件件都好香酒味，雞件好滑唔鞋口，亦都好好味，甚至個汁（應該係酒啦）我都筆嚟送飯食，連啲菜飯都有酒味，係正嘅！鱔糊都好好食，咪睇佢黑掹掹就以為佢鹹到飛起，其實食落味道唔太鹹，係OK嘅！不過食完先見到個汁面有一層油浮下浮下，其實係唔健康嘅，不過想好食都無辦法！當然個菜飯都好好食啦，啲飯軟熟，菜都好新鮮有口感，好食！不過唯一美中不足嘅就係隨客飯送嘅豆漿，好似淡咗啲，溝咗水咁 :(…Read More