Osama Tony

2013年的最後一天當然要跟朋友見過面啦！LUNCH同朋友來個HAPPY LUNCH跟住就去SHOPPPING，跟住會合另一位朋友就快快去食埋個HAPPY DINNER 先這間小店是朋友介紹的，小店的小籠包可以續隻叫的，但最少要叫兩隻，這樣很好喎小籠包~~~皮薄餡靚呀！湯汁好多呢，即叫即蒸，NICE，仲可以續隻叫架，不過最少要兩隻起酸辣湯~~~味道好好，湯料又十分豐富呀！不過太大鍋食唔哂上海炒年糕~~~好味呀！年糕炒得好QQ，又唔會好油 咸肉炒津白~~~好味！津白吸收哂咸肉的香味黑醋骨~~~它的外表有點醜但真係好好味，排骨炸得好香脆配上黑醋的香氣真係好好好味呀！炸銀絲卷~~~我們大家都好愛的炸銀絲卷好味！外皮脆脆內裡又軟軟這小店內裡空間少少，但位置的空間都OK架！店員的服務都好好…Read More

昨晚師傅離開監房時已經不太早, 但少少野都未放過落肚, 真係餓到有少少頭暈加腳軟, 所以在車上不斷地諗有咩野好食同有咩野想食, 腦海裡確實浮現很多美食, 但喺嗰一刻竟然冇一間想去, 咁點算好呢? 於是落左車唯有沿住條街上四圍蕩, 睇下有咩新發現! 終於經過呢間食店, 師傅見都新開左一段日子, 加上食家們都對有幾好評價, 原先師傅想搵多幾個人先一齊試, 但最後還是選擇單刀赴會! 入到去食店一眼見晒, 地方唔算大, 而食客甚少, 可能都幾晏, 所以比較少人; 一坐底師傅都未來得切睇下有咩食, 個伙計就行左埋黎問師傅“飲咩茶?” 師傅當場唔識反應, 於是亦回應一句有咩茶? 幸好伙計唔係答師傅奶茶, 檸檬茶之類, 而係話平時酒樓嗰d, 於是乎師傅就柯打左香片!開完茶當然第一時間睇下有咩想食啦, 點知樣樣都好似幾吸引喎, 但一個入又食得唔多, 點算好呢? 最後都係唔理咁多, 叫左先算! 於是師傅一口氣就柯打左酸辣湯, 小籠包, 紅油抄手同埋五香牛肉麵四款食物! 呢d咁嘅份量同兩個人都差無幾, 食落完單, 當然要品一品茶啦, 話晒師傅去左咁多年上海小店都未試過要開茶(大酒樓唔計), 講真茶真係唔多識品, 你叫師傅品酒好過; 但點都仲識得講好唔好飲, 呢壺茶呢真係一般, 茶葉淡淡冇味的, 香片香都唔香下, 咁點叫香片呢? 同辣椒辣都唔辣下有咩分別呢? 飲完杯淡口嘅茶, 其實反而飽左, 死未? 好快酸辣湯率先登場, 一放低師傅覺得賣相一般, 湯面浮出厚厚嘅油, 未見其利先見其弊, 扣分; 於是攞隻匙攪下, 撈勻之後方開始進食, 酸辣湯入口唔酸, 辣味就有少少, 味道不算太濃, 而料亦頗足, 有豆腐乾, 肉絲,木耳等, 都算幾爽口, 口感不錯, 如果可以再酸少少同辣少少就會更為惹味, 作為打頭陣嘅第一選擇亦算合格, 飲完碗酸辣湯後亦再次撩起師傅嘅食慾, 不錯!接住落黎係小籠包, 小籠包一客有兩隻, 而且係幾大隻, 咁大隻嘅小籠包其實已經談不上小籠包, 應該名為小籠大包, 咁大隻差少少師傅都唔可以成隻放晒入口, 小籠包皮亦算薄, 但要讚下讚咁大隻咁重身夾起都唔穿喎, 而且包裡有著濃濃嘅熱湯, 味道鮮甜, 絕對係必食推介!紅油抄手賣相一般, 一客六隻, 皮夠薄而餡料爽口, 皆因除左豬肉外, 餡裡還放左少少芹菜, 而且份量不多, 洽到好處, 連師傅一向唔鍾意芹菜嗰種味道亦深深被吸引, 究竟係師傅口味變了還是真的洽到好處呢? 但抄手個汁底少少香但唔辣, 如果可以再辣少少就更吸引, 整體而言還算不錯!最後係五香牛肉麵, 五香牛肉麵一放低師傅第一時間試下個湯底, 湯底係濃濃的雞湯, 味道略嫌過濃, 所以咸少少, 加上亦幾多油, 所以飲左幾啖後師傅亦要停一停諗一諗, 究竟應否再繼續飲呢個湯; 再講五香牛肉冇咩特別, 就是薄薄的牛(月展), 牛肉鬆軟, 都可以; 麵身入口唔似上海麵亦唔似拉麵, 師傅第一個感覺係公仔麵, 一般!總括黎講食物質素尚可, 環境舒服, 服務態度尚算友善, 價錢合理, 一個人四款食物, 埋單加一連貼士啱啱一舊, 最唔抵應該係要比五蚊茗茶; 最後師傅一個打四件, 一件不留, 雖未能似葉問一打十, 但對師傅黎講亦係一個創舉; 是次笑臉亦可以一比, 鼓勵大於一切, 有機會都可以再黎試多次!…Read More

早前在一個上海菜的飯局上,飯前和惡男兄閒聊,得知在佐敦開了間上海小店,而且水準不俗!於是這夜放工後特地前來一試.新裝修店子不大,以3-4人卡座居多.這晚一人前來獨佔卡位也相當舒適.四喜烤麩----雖然只是十多元一碟但絕不欺場,有東菇有荀!從外觀判斷大部份也是手掰的,愛烤麩像海綿一樣能盡吸醬汁,調味不錯,但如果醬油顏色深一點及味過再甜些就更好.川味牛筋----牛筋質感是屬於有咬口那種並不是啫喱類型.對牛筋有奇怪的要求,粉麵放湯吃時喜歡軟身的.炆的卻會要求硬身一點才對口味.這並不是麻辣牛筋,所以辣的感覺約有約無,但本身的調味是足夠的.酸辣湯----喜歡這夠酸夠辣重口味版本!只可惜湯內欠缺了像三六九令人懷念的豬紅.小籠飽----皮薄!但用筷子夾起Fing來Fing去也不穿,終於玩穿了放在碗中,可看見湯汁佔了小碗1/4位置!湯汁是屬於濃味,而餡料的肉吃下也有鮮肉的味道.上海炒年糕----年糕炒得軟身,椰菜切得幼細(很多店舖也是大大片而且煮不熟!)油份也不多,只嫌醬油下得不夠!凍豆漿----少甜而且有點荳味.價錢相宜,食物份量適合一至二人(因為碟頭不大,就算人少的話也可多試幾款)一直保持水準的話,不難成為這區熱店!…Read More

好友於佐敦區工作,放工相約於該區晚飯,好友說有間新開的上海店,於是上OP看看,只得1食評,好友猶豫之際,我說:一試無妨!門口有個人像logo,加上此店的英文名比較奇特,跟店鋪中文名像是無關係的,感覺幾另類!一看餐牌,價錢幾經濟之餘,有些包類,可以1, 2件的叫,可以多試幾款,於是2名女子開始點菜:冷盤類:油炆筍$12-前後我們叫了2碟,因為我們都是愛筍之人,而且筍嫩無渣,好味!醉雞$22-點菜前,心想 雖然明知是冰鮮貨,但取價$22,會不會份量很少,一看,份量尚算可以,.而且是雞脾的位置,雖然有酒香,但雞味淡皮蛋豆腐$16-皮蛋和豆腐切得太細件,皮蛋無味道,醬油太多,雖然味道不太咸,但不好吃!包點類小籠包/川味小籠包$12/2隻-每款叫2隻,皮薄,有肉湯,川味只有少少辣,無特別,下次叫普通小籠包亦可紅油抄手$20/6隻-一口一粒的小雲吞包住豬肉,白菜,重有切得好細的紅蘿蔔粒,味道好夾,紅油不太辣,重有蒜蓉,下次可以encore!湯麵類擔擔麵$22-麵的份量大約3小碗,麵條呈黃色的,並不是平時白色的,而且煮得過淋,好友是擔擔麵怪,她不欣賞!湯類酸辣湯$38/細鍋-酸辣湯是我的至愛,坊間的酸辣湯有加豬肚絲,豬紅,甚至紅蘿蔔絲的,此店的有肉絲,豆乾,木耳,筍絲和蛋絲,材料一般,其中筍絲份量都幾多,但味道調得適中,不會太辣,但對我而言,還可以酸一點!食下食下,望住餐牌上那人形logo, 好像剛才替我們落單的女士, 因為她禮貌又體貼地提議我們可以先叫數款,不夠再叫,冒昧問下,原來就是她本人,原本想叫銀絲卷,但太飽了,下次可以試下小菜和炒飯!…Read More