金樂軒雞煲魚鍋

Open Now

Now Closed

天氣開始轉涼，又係時候打個靚邊爐。 今次去北角搵食 - 金樂軒雞煲魚鍋。酸菜桂花魚鍋🍲極鮮！！！少少酸味，帶出200%既魚鮮滋味！ 魚肉爽滑，辣味係後勁先出，係喉嚨涼涼地感覺。留意到鍋底仲落左檸檬🍋闢腥。椰菜花🥦就吸收比較多酸辣味，西芹神奇地超夾味！好爽！ 有d似初期腌菜感覺～竹蔗茅根🥕🌽🥤，清清地好舒服，店員介紹話係自家制無落糖水，健康養生。特級安格斯肥牛，爽口結質，油脂比例豐富。蟶子十分新鮮！肥美🤤🤤🤤 熟左都無縮水🤤🥰😋什菌拼盤🍄勁鮮甜，薯粉滑脫脫，煙韌彈牙，好有𡁻口。鮮魷魚🦑 口感爽彈厚實，一咬就斷，啖啖滿足感😋😋😋😋 湯底🥣完全夠味，連醬都唔需要。四個人食到飽一飽都只係一千埋單，計落每人200幾🙀🙀

行到邊食到邊～北角-今次為了遷就住在港島區的朋友來到北角吃晚飯。天氣晚上開始有秋意決定吃火鍋。可惜我的喉嚨發炎還未痊癒，最後是一半點火鍋，一半點小菜🤣-HK$208酸菜桂花魚鍋（BB辣）～吃魚肉之前可以先喝魚湯。奶白色的魚湯看色澤就知道美味又鮮甜再配上鮮嫩的魚肉，微微的辣刺激了味蕾。酸菜份量非常多，好像永遠吃不。-HK$68鮮雲吞雙拼（鮮蝦雲吞及韭菜餃）～兩款味道的雲吞是店家自己包。所以味道與別不同。喜歡吃韮菜的我，非常喜愛此味道。因韮菜饀佔8成，好濃郁的韮菜香味。-HK$45炸魚皮～黃黑漸變色的外表，脆卜卜的魚皮入口香脆厚實且無腥味。-HK$98椒鹽鮮魷～惹味的椒鹽配爽口彈牙的鮮魷🙂-HK$98什菌炒黒豚肉～用爆炒洋蔥，帶出什菌的鮮味。肥瘦剛好的黑豚肉配上秘制的醬汁份外惹味😋-HK$33竹蔗矛根～老板娘每天日日自己煲一大鍋，材料非常足。不會過甜，呷一囗好有家的感覺。

今晚我們兩家人、5大7小一行12人搵食，要大人小朋友都滿意，真有點頭痛；最後朋友提議食雞煲，所以我地揀了這家，因為這家較為寬敞，至少唔太影響其他客人!入到去侍應款待熱誠，俾左張大枱我地，坐得夠晒鬆動；之後我地點左“雞煲、魚鍋、幾個小菜和飯麵”…因為要迎合小朋友口味，所以走辣，雞味道即時大打折扣，還有小小雪味桂花魚夠滑，味道整體唔錯小菜味道不過不失，份量偏小飯麵偏油，味精稍重整體味道尚可，勝在服務態度熱誠!埋單…不收茶介，價錢就唔算貴!下次唔帶小朋友，可以再試…

平時雞煲食得多啦，呢間餐廳雖然有得食雞煲，但都試咗佢嘅另一招牌菜：酸菜桂花魚鍋（1條）（小辣）（$208）。酸菜桂花魚鍋，用酸菜、辣椒、花椒、魚肉製成湯底，一開始上枱嘅時候味道會較清，感覺到係冇落味精，之後不停用電磁爐小火煮，湯底嘅味道開始會出嚟，食到最後湯底會好有鮮味！我哋叫嘅係小辣，食落本人覺得唔算太辣，食得辣嘅朋友可以挑戰更高嘅辣度，而桂花魚肉好滑嫩，整體唔錯！怕食雞煲油膩嘅朋友，可以試試。叫左鮮蝦雲吞韭菜餃雙拼（$68）、唐生菜（$33）作為火鍋配料！另外又叫咗兩個小炒：燒汁彩椒炒白鱔（$188）、尖椒炒黑豚肉（$98）。燒汁彩椒炒白鱔，一上枱已經聞到非常之香，彩椒、洋蔥、蒜頭等香味撲鼻而來，白鱔魚肉滑嫩，而且唔多骨，用燒汁彩椒一齊炒，食落去非常之惹味，鑊氣味濃，非常推薦！尖椒炒黑豚肉，亦都炒到好香，黑豚肉配搭醬汁、尖椒同洋蔥，好香口，係重口味人士之選！

有朋友誠意推薦呢間魚鍋，用料十足，價錢公道，地點方便，決定一試！未夠八點，見到坐無虛席，仲以為要等位，原來仲有一個VIP房，幸運地被安排入去坐，仲要唔洗比min charge!我地決定揀魚鍋！老闆好有誠意同友善向我地介紹一下佢地既魚鍋！原來餐廳既魚鍋湯底係用龍躉頭同鮮魚淆成湯，再用魚湯加上酸菜，蘿白同其他蔬菜去煮桂花魚！辣度係可以自己選擇！唔辣都得！我地揀左小辣！酸菜桂花魚鍋 $188嘩！好大鍋！而且有好多桂花魚！餐廳好細心，已經將桂花魚切成魚片，方便進食！食曬成條魚都只係得幾條魚骨！值得一讚！必試呀！首先當然要試一試個湯底先！正如餐廳老闆所介紹一樣，鮮甜美味，超正！飲得出係絕無味精，真材實料呀！特級安格斯肥牛 $98肉色鮮紅, 賣相已經夠靚！肉質嫩, 肉味鮮, 牛味濃郁！ 唔洗點豉油已經好好味喇！炸魚皮 $40炸魚皮好薄身，非常脆！超正！必食呀！十分推介！即食同浸幾秒湯再食，同樣都鬆脆可口！豬頸肉 $58豬頸肉係薄切，又爽又滑！好味道！椒鹽鮮魷 $98鮮魷即叫即炸，新鮮嫩滑！唔會韌！午餐肉 $40午餐肉係厚切，份量都有成罐架！竹蔗茅根 $33竹蔗茅根真材實料呀！而且小小甜，飲得出係材

今晚放工很夜，索性同老婆去北角呢間雞煲試吓。呢間鋪頭雖然裝修簡陋，但食物很有質素，老闆娘同老闆都很好客，主動介紹佢哋嘅撚手菜。同老闆娘傾過計， 佢哋本身間鋪喺柴灣，但依家雖然搬咗嚟北角，但柴灣嘅居民都會過嚟食，咁就知道呢間野有好多回頭客，嘢食一定有質素。老闆係上海人，但佢去咗四川學四川菜，跟住返嚟開雞煲。我哋叫咗個老重慶麻辣雞煲、酸菜桂花魚鍋、咸肉炒蒜心、鮮味香煎墨魚餅、蒜香椒鹽豬手。♨️老重慶麻辣雞🐤煲：叫咗個小辣，但已經都很惹味，雞件很滑，內裡有豆腐卜，索晒啲麻辣味，很正，👍🏼推介！♨️酸茶桂花魚🐟鍋：酸茶加桂花魚，絕配！我好鍾意呢個配搭。桂花魚很滑，食個不停！👍🏼推介！🥇蒜香椒鹽豬手：炸到外脆內軟，咬落去，脆卜卜，跟住咬到裡面豬手肉，很軟，👍🏼推介！🦑鮮味香蒜墨魚餅：很大份，有水準！🎋咸肉炒蒜心：送啤酒一流，蒜心很爽，加上咸肉既味道，配搭很好！👍🏼推介！總結：呢間位於北角既忍世雞煲，價錢合理，坐得舒服，服務又好！值得再去！

今日去開北角打完波，經過見到有川菜，就入去試試。家庭式經營，一睇就覺得大家好close, 好友善，好似韓國果d食肆咁 又有staff在包餃子，自家製餃子好有親切感。牆身上都有貼出餸菜既相，好易睇~我地一時爭持不下，有人想食雞煲，有人想食魚鍋，我就兩個都想食，最終叫晒兩個，唔洗爭雞煲先到，好野味，唔知奇味點解，老板娘話係用左好多好多唔同既香料 (而我已經唔記得佢講左邊幾隻香料lu~~) 總之就好好味！！！經過一陣狂風掃落葉，我地已經KO左個雞煲之後黎既係酸菜桂花魚鍋~ 酸菜好林好味，原條桂花魚d 魚肉係出奇地滑！好~~~~滑~~~~!!!!! 我以為會好多骨啦，點知又無wor!!!! 我地竟然食晒成煲！之後上的小菜都好出色：黑醋小排骨，椒鹽金錢鱔，咸肉炒蒜芯。好好好味又有特色，黑醋汁好好味，送飯一流！金錢鱔好脆，外脆內嫩！蒜芯真係未食過，我地大鄉里出城唔知係咩，總之就好正啦~~竟然食得晒d野！好叻！不過就打唔到邊爐lu~~下次黎再黎打邊爐啦！！！ 仲有自家製竹蔗茅根水，唔會太甜，又足料~非常滿足的一餐

街坊黎街坊小店食小菜，魚煲！餐廳入面唔係好大，一半卡位，一半圓枱。多數啲人黎食都坐兩三個鐘既感覺。好多係一班人傾計食雞煲打邊爐，幾旺場！職員都好多，所以上菜同收拾都快。煎墨魚滑呢個墨魚滑好爽口！應該係舖頭自己手打既，食到一粒粒既脆脆地既墨魚。切開一片片甘放，幾大片下，厚身，材料應該用唔少！外皮炸到脆脆，上枱個熱熱地既。明顯同普通既墨魚片好唔同，點埋個酸辣醬，好好味！！什菌炒牛勁脊呢碟係我覺得黎到必食！！上枱時已經文到好香，好似食大排檔既感覺！好有鑊氣！什菌有茶樹菇、雞脾菇、鮮冬菇等，仲有西芹同洋葱。全部炒得好乾身，好似煎香左甘，好惹味！主角牛頸脊好林，第一次食呢個部位，好香口，好有牛味，汁炒得好混，每一件都好入味，正正正！酸菜桂花魚鍋勁多酸菜，多到食唔晒。條魚已經切好一片片放係面，未完全熟，要滾多陣先食得。魚肉應該預先用豆粉yip左，好滑，鮮甜，肉好多。個湯底酸酸地，又有魚既味道，食完魚飲埋個湯，正，飽晒！！整體上好滿意，份量多又惹味！仲會再黎！下次想試下個雞煲！多啲人黎可以叫多啲！不過以我經驗，唔想無位就最好訂座啦！