PUTIEN (Mira Place Two)

獲得米芝蓮一星榮譽既莆田, 其實係由新加坡黎既莆田菜館 莆田菜既特色係 清淡純樸 同有鄉間風味… 亦因為有背山面海既優勢 而出產大量新鮮海產既地方 因為屋企人前排話想試下莆田既哆頭蟶子, 所以我地特登book位一齊黎^0^ 我地book左7點, 但大約6:30已經黎到了~ 呢個時候仲未算多人, 所以可以即刻提早入座喇~ 不過當我地坐到7點左右 餐廳門口己經出現左大量人潮, 原來真係幾多人黎幫襯下 欣賞每一位員工都好勤力同主動幫客人, 見到即使坐滿晒, 個個都好忙 但當我地要搵員工幫忙個陣, 仍然係好易就搵到, 加上佢地仲keep到好好禮貌, 值得讚 呢度既茶品 竟然會有 杞子菊花茶, 比較特別呢 個人都幾鐘意間唔中飲下佢, 感覺比較清爽同清熱~ 一心黎食蟶子, 當然要認真揀款啦! 一共有8種煮法~ 價錢每款都有少少差距 不過最抵叫既, 一定係叫$198/2款呢個叫法~ 而且款式不限啊, 通通都係$198/2款 我地揀左比較受大家歡迎既 蒜蓉蒸蟶子 (單點$109) 同埋感覺會好補身既 紅菇鮮蟶湯 (單點$129) 蒜蓉蒸蟶子 完全無諗過會咁大碟 !! 份量好似仲多過Menu張圖 !! 蒜蓉份量好多, 而且平均分佈左係每粒蟶子上~ 仲有唔少香蔥同淋上左豉油~ 煮法有D似平時去飲個陣既蒸魚咁~ 新鮮熱辣辣食 好好味 ! 但由於走過油既關係, 都會見到豉油混合左唔少滾油, 怕油膩既朋友可以倒走下D油先食~ 呢一款係信心保證, 一定係大家都會鐘意既口味, 又香又惹味 : ) 第二款揀既 紅菇鮮蟶湯 就完全另一個feel喇!! 呢一款用上唔同種類既蟶子, 今次係大隻同飽滿好多 ~ 湯呈紅色, 其實係因為加入左罕有既紅菇🍄 營養價值極高 : ) 肥美既蟶子 吸滿左湯汁~ 好鮮甜 : ) 另外 湯可以就咁飲啊 好補! 興化炒米粉$86 呢個應該係大家既必點吧, 有特色又可以飽肚的一款~ 興化米粉 真係同平時食到既唔同, 呢一個係超級幼身啊 !! 而且, menu上介紹左, 原來呢款米粉係係陽光下自然曬乾架, 所以特別重米香味 仲被列入左 非物質文化遺產 @@ 估唔到咁堅... 米粉仲加入左唔同口感既餡料:: 蜆肉, 豆卜, 蝦仁, 菜絲, 紫菜乾, 花生粒, 冬菇 食落幾豐富~ 閔香洋燒排$139 非常非常開胃既一款, 排骨好腍身, 一咬即化~ 加埋酸酸甜甜的糖醋汁, 好入味又好開胃 排骨底下有D一片片 口感類似粉葛既物體, 本身無咩味, 但因為沾滿左糖醋汁 所以我地一樣清晒 酥炒芋芯$89 鐘意芋頭既朋友 一定唔可以錯過呢一道 !!! 起左沙既芋頭肉 口感軟糯, 外層包左紅糖 炒得酥香 係一個香口得黎又飽到肚既菜式~~ 精美四小拼$119 係幾有特色既一款~ 4款分別有:: 蝦苗拌頭水紫菜, 滷水嫩豆腐, 家常燜筍乾, 同水晶豬蹄凍 豬蹄凍微微辣, 帶有咸香, 不錯~ 另外幾款都各有自己特色, 岩晒朋友一齊share~~ 總結 呢度係一間價位親民, 但食物同服務質素高既米芝蓮食肆… 難怪 明明成個商場都唔係太多人, 偏偏呢度7點開始已經塞爆人, 無訂位既話預左要等位啊 我同家人都會再返黎食過 !…Read More

今日涼涼地，早上拜完山剛好就去左莆田食午餐🥣😋最開心就係而家4月份，蟶子節又返黎啦！老豆同媽子都超愛食蟶子，平時多數都係買返屋企自己整、不過出街食就怕唔乾淨。其他食肆我都會怕唔乾淨既，但黎莆田食既我就唔擔心！😜我地夠早黎，第一☝️枱，睇住佢一開門其實都密密有人黎，未夠12點都坐滿一半以上。可能尖沙咀舖頭係人流旺啲！好鍾意莆田既Tiffany blue 主調三個人可以叫個4小食，多啲款份量又唔駛好大😋😚呢個四小併樣樣都唔錯，有水紫菜、凍豬蹄、豆腐同九轉小腸。九轉小腸係迷你牌，雖然層次感冇原裝咁勁，始終係細粒牌，但個味好香。紫菜酸酸香香咁好開胃、豆腐雖然係鹵水味，但又有啲甜感，好食！豬蹄凍都好食，係佢切得有啲細，好難夾得穩。🤗😂媽子最愛食芋頭，所以例牌要食酥炒芋芯🍠，今日呢碟水準好高，個糖面唔太厚、但包得個芋頭剛好，咬落去特別香脆。而且聞落去都有微微咸香味、一個簡單既芋頭都唔只係一種味道，果然有水準！蟶子到啦！呢個時候黎莆田必食蟶子！我最鍾意食呢個鐵板鹽焗蟶子，用粗鹽薦底，一齊焗嘅時候鹽既香氣就浸入左蟶子入面，減咗少少海鮮嘅腥味之餘又好香，但又唔會好濃，完全仲聞到同食到鮮味！🥰而且莆田啲蟶子真係好乾淨，大細又好一致，所以賣相更靚！💯💯💯始終都要食啲米飯🍚類，老豆就揀左興化炒米粉，嘩！本來我麻麻地米粉，但呢個真係冇得頂、個米粉係用興化米粉，幼身得黎米味香、又軟身！加埋佢用蝦、蜆得炒埋一齊又唔乾身但又唔油！老豆話加埋個辣媽醬食真係好夾👍🏼本來係好飽架啦，不過都係聽唔住加多個桂花陳皮燉雪梨🍐原隻去燉真係好滋潤、清甜！大滿足既一餐…Read More

同朋友咁岩去開美麗華行街街到攰攰地夠鐘依肚就諗起莆田米芝蓮一星餐廳的福建菜餐廳叫左個百秒黃花魚果然好出色本身我好怕食魚因爲多骨同埋好怕魚肉好鞋但係呢個「百秒」既烹調煮法非常特別同有特式夠哂賣點之餘完全令我對出街怕食魚大大改觀魚好滑又彈牙用匙羹一不就起到魚肉出來骨肉好分離零腥味酥炒芋芯又一令我對芋頭改觀既一碟呢碟可以當佢甜品又得因為佢外層有層甜嘅薄脆好似冰糖胡佬嘅外層咁樣皮脆芋香福建特色海蠣煎有些似蠔餅既感覺不過呢個係福建風味的別有一番特色香蔥配上海蠣都係一個絕配九層塔香燜海蠣好惹味九層塔既味完全帶出海蠣鮮味一個選料六款選擇可揀兩食都係$188抵食到不得了興化米粉材料豐富中國紫菜好脆米粉竟然係可以好彈牙條條分明蝦又夠大隻白菜又夠新鮮仲有蜆同蝦…Read More

上個月帶了老媽來「齊齊撈起」，又玩得又食得，她不知幾開心。老爸睇完我的食評之後又嚷着要吃，明明是他當日爽約，理應給他教訓，但愛他的我必定心軟，結果……今晚就帶了他來。裝潢當然沒有改變，但菜式就不同。新年菜式和套餐都沒有了，當然上次和老媽吃的鴻運發財撈起都沒有。但也不緊要！還記得仍有很多菜式想吃，今晚一於盡情點。除了餐簿內的前菜、海鮮、肉類、蔬菜、靚湯、主食和甜品外，還有海蠣節一系列菜式，真是選擇多多。***********************還未點菜，店員便端上餐前小吃。咦！？今次除了有碟醋酸微辣的爽口小雲耳外，還有兩個枇杷。原來適逢枇杷當造時節，餐廳送給各客人品嚐，真窩心！大家知不知道莆田有那四大名果呢？店員略略提及，分別是龍眼、荔枝、枇杷和文柦柚。枇杷只送十天，我地真好運。店員還細心教客人如何處理枇杷，原來要先將皮肉分離，用筷子就得架啦！然後才剝皮。肉厚多汁，清甜潤喉，不錯！***********************適逢莆田海蠣節，以優惠價在6種吃法一次點倆（$188），抵！六款都各具特色，好難揀，一人揀一款吧！我選了頭水紫菜海蠣煎蛋，貪佢加了頭水紫菜，特別啲！雞蛋煎得香，每件都滿佈鮮香的海蠣仔和頭水紫菜，份量好足，三者很匹配，亦稍稍加了些清爽的洋蔥粒和紅椒粒豐富口感，加上少油少鹽，岩晒我口味。老爸點了一碢江口家鄉海蠣湯，熱辣辣上枱，陣陣胡椒香直湧味蕾。湯身黏滑，其實是湯羮，濃濃的胡椒味，味道略為鹹了一點。湯料也挺豐富，除了有多隻鮮香肥美的海蠣仔外，還有番茄、散花、腐竹、蔥段等，配搭特別。***********************老爸常買黃花魚回家做餸，對它情有獨鍾，所以一見到必吃10醉之一的百秒黃花魚 “100-Second” Stewed Yellow Croaker($69/位）就唔放過。賣相特別，魚頭昂起，好生猛咁！以薑蔥炮製，簡單的調味更能嚐到魚鮮味，亦沒有腥味，而肉質又嫩又鮮甜，特別是魚腩位置，相當滑溜，正！老爸話要回家試整，看來都好難.....這是百秒黃花，他卻十分鐘黃花，每次都蒸十分鐘，暈了！***********************興化炒米粉 Fried Heng Hwa Bee Hoon($82)有別於一般米粉，其比較幼身，稍稍黏口，米香十足，吃時加些辣媽醬，酸酸辣辣，更添美味。配料有蝦仁、蜆仔、菜、冬菇、豬肉、花生、炸紫菜和炸蒜片，都幾豐富。***********************上次已跟老媽吃過酥炒芋芯 Stir-Fried Yam ($89)，也打包了一些回家給老爸試，估不到他今次又點這道菜，他話要即炒即食才好吃。的確是！當然沒有令他失望，入口暖暖地，外層糖皮夠薄且酥脆，內裏粉綿，滿有芋香，甜度剛好，完全不甜膩，很討我歡喜。------------------------------老媽覺得得意（撈起），老爸就好鍾意，而我再來品嚐，仍很滿意，可惜胃仔有限，還有幾款心水菜式想吃。現在老媽已吃了，老爸都吃了，點好？下次一於帶老友來，但其實我估兩老都想再來，哈！…Read More

今日放假，同男人去左尖沙咀莆田食晚飯，記得N年前係某一間莆田食過，個時覺得佢地d食物麻麻地，一年後既今日再食番，發覺食物水準好左好多今晚都好多人，好彩我地之前訂左位食飯，因為聽到walk in已經冇位，大約要等到9點先有枱，十分旺場，所以小妹都建議大家訂枱穩陣d，不然好易冇位，因為地方不是很大，好快就滿坐~一坐低，待應就比左一碟前菜和開了一壼菊花茶比我地~d茶好香菊花味前菜: 蠶豆這個不過不失，味道粉粉咸咸的~莆田做緊海蠣推廣$188， 6選2海蠣原來就係蠔，我地都鐘意食蠔就揀左2樣1. 福建特色海蠣煎煎海蠣，面頭布滿蔥花同蠔仔，口感煙韌，味道不錯，不會太粉，好吃如果有醬點埋就完美嗱2. 江口家鄉海蠣湯這個有海蠣、蕃茄、腐竹和芫茜~碗湯都有好多蠔仔，而且蠔仔味道都好出，再加入蕃茄去煲，味道帶點微酸，好開胃興化米粉N年前係某間莆田食過，個時覺得味道好啖今次食番，覺得味道又ok wor,冇之前咁啖~佢地既米粉好幼身，其實都幾岩老人家同小朋友食🤗百秒黃花魚這個魚肉好滑，湯底清甜酥炒芋芯呢個一上枱個時覺得味道怪怪，因為聞落去酸酸地，但食落去又好好味，因為我好鐘意芋香味，芋芯外脆內軟，甜甜芋香味，服務員態度有善，食物味道不錯性價比高~…Read More

喺香港地，似乎好少聽見人會特登去食福建菜。但原來有間起源自新加坡的〈莆田〉福建餐廳曾榮獲美芝蓮一星榮譽，〈莆田〉在香港有咁多分店，沒理由不去試吧！！位於美麗華商場二期的二樓，商場平時人流較少，但一到晚飯時間有很多人特意來幫襯，足見其美味威力喔！！今天是閒日，還未到七點，但入座率就已經有六成！！店內還簡單的介紹了餐廳的起緣，當然還有是榮獲米芝蓮一星的威水事啦〈鴻運發財撈起〉新年流流當然要吃個撈起，大吉大利好意頭，越撈越起，旺足全年嘛！！侍應姨姨會替食客把一個個象徵好意頭的餸料和醬汁倒進色彩繽紛的蔬菜絲中，包括象徵年年有餘的三文魚片，紫氣東來的紫菜，甜甜蜜蜜的柚子醬汁等。放好醬汁同配料之後就可以去越撈越起，真係夠曬好意頭。〈黃金荷葉包〉肉絲和酥脆嘅荷葉包分開而上，吃的時候才把肉絲放進包內，新鮮整好就送進口中，確保荷葉包一定酥脆。肉絲經過汁煮後味道非常濃郁，而且本身也肉汁多又有咬口配埋爽脆嘅爽脆嘅洋葱絲，口感同味道都係一流的〈酥炒芋芯〉選用芋頭芯而製成，口感外酥內糯，味道甜甜的，趁熱就最好吃。〈椒鹽豬手〉這個椒鹽豬手絕對不得！！咬開香脆惹味的外層後，內裏竟然是滿滿的膠原蛋白，一點肥肉和油膩也沒有，吃的時候嘴巴是粘粘漿漿的，女士的美顏恩物。豬手大大隻，啖啖膠原，真係好似雞髀咁食都仲得！！絕對是本兔吃過最好味的豬手首位！！〈媽祖麵線〉最後怕老公不夠飽，再來一碗象徵長壽吉祥平安的媽祖麵線，真係飽足到不行。總結:原來福建菜是這麼好吃！！各位侍應姨姨即使在忙碌中，服務態度依然非常好，值得一讚。講下講下，又掛住他們的椒鹽豬手了。…Read More

仍然係新正頭，所以繼續去食下新春菜式依到唔係普通茶/水，係菊花茶嚟鴻運發財撈起係新加坡既傳統賀年菜每一樣都有意思個侍應一路幫我地撈就一路講四字詞好專業我成個新年加埋都無講咁多四字詞😂😂😂擺晒啲材料落去之後，就叫我地拎起筷子一齊撈撈啊撈~黃金荷葉包好好食啲肉好惹味加埋個脆脆地包，兩樣好夾，真係好好味食多個都仲得椒鹽豬手炸到成塊豬皮都好鬆脆酥炒芋芯面頭個調味甜甜地，香口得嚟又幾好食媽祖麵線最後就係個好足料既麵線係難得有意頭得嚟又好食既賀年菜…Read More

年初五唔洗拜年屋企無飯開，就想搵特別中菜黎試下，因為中菜有個局限係大碟頭，兩個人的確好難試到好多樣餸，來自新加坡嘅莆田超多配搭，餐廳供應2-10人嘅新春套餐，配搭之貼心令食客無論人多定人少嘅聚會都可以有得揀👍🏻鴻運發財撈起🧧，睇名知道係意頭菜，竟然好有內涵，餐廳侍應叫我地要一邊撈一邊講吉祥說話，寧捨有氣氛😂配料除咗有一般瓜類切絲，仲有食蛇會用到嘅薄荷葉同薄脆，更加入咗煙三文魚同脆紫菜，非常特別而且意外地好夾！椒鹽豬手酥香不膩，獨特鹹香再加外皮焦脆，肉質彈牙，滿滿骨膠原係女士美顏最愛🥰黃金荷葉包係一道睇名唔知食咩嘅餸，原來係有啲似肉夾饃咁，用包夾住秘製醬汁豬肉，豬肉餡醬汁特別，入口好香，配搭少少甜味嘅包，口感十足又中和到豬肉碎嘅鹹香🤤酥炒芋芯外酥內軟、鹹中帶甜，又係一道令人食到停晤到口嘅佳餚☺️難怪我見每一檯都有叫呢一味莆田十大名菜啦🤟🏻媽祖麵線就正好為呢一餐畫上完美嘅句號。濃濃嘅湯底非常鮮味！配料仲有啲蜆肉令整體感覺更提鮮，最衰已經好飽食唔晒，證明個套餐真係好足料㗎！久不久搵啲特色地道菜嚟食，咁先對得住香港美食之都嘅稱號，下次可以約埋屋企人黎食，咁就可以試晒十道名菜啦🙊🙊…Read More

初7係人日！所以和母親大人去食生日飯，而且呢間餐廳曾獲得米之蓮的名譽！大約7點餐廳裏面已經有六七成人入左座，而門口亦有財神爺座陣！好有節日的氣氛。人左後店員立刻遞上茶水和小食，服務欣勤有禮。鴻運發財撈起：新年當然唔少得食撈起！撈起撈起撈到風山水起，店員一上菜就講左呢度菜的意義。材料主要是白/紅蘿蔔絲等等，另外還有煙三文魚！姐姐一路落醬料一路講祝賀語；大吉大吉，蜜糖就甜甜蜜蜜，最後炸至金黃的脆片倒下就係片地黃金。這道菜的意頭十足，而且酸酸甜甜的也很開胃。椒鹽豬手：外皮燒到脆卜卜，好似食乳豬一樣，加上椒鹽好惹味！而且豬手含有大量有益皮膚的骨膠原，女士真係要食多D。黃金荷葉包係炸至金黃色的包，上面有些芝麻，然後將炒好的洋蔥和肉絲夾到包子中間一起食用。炒好的洋蔥和肉絲十分惹味，與炸好的包子配合口感很好，又不會感覺油膩。酥炒芋芯：原來酥炒芋芯係福建的名菜，外層帶點香脆和有少少甜味，咬下去的裏芋芯軟棉。一口接一口，不知不覺就食左好多。媽祖麵線：這個麵線的材料十分豐富，有紫菜、鷄蛋、蝦仁、豬肉、蟶子乾等等，而且麵線亦很大碗，可以2-3人分享。麵線質感較軟霖，家人認爲麵都應該是爽口的，但我個人就比較食較軟身一點的面。最後更有財神爺行過黎拜年（更派了金幣和利事封），令到在場的客人們都十分開心。餐廳的過年氣氛一流，加上服務優良，下一年的新年飯也可以考慮去莆田。…Read More

新年特別多飯局，今日友人話帶我食福建菜，皆因看中了餐店的新年菜式。究竟有什麼特別吸引了她？開放式的門面，地方寬敞，感覺開揚。設有多張二至四人枱，再入一點還有些大枱，座位不少，但枱與枱較密。多份的餐牌令我眼花撩亂，有多個新年套餐、精選菜式，而精美的餐簿就分別有前菜、海鮮、肉類、蔬菜、靚湯、主食和甜品，選擇幾多。***********************友人話想今年撈得風生水起，所以今日必點鴻運發財撈起（$168/小），老實說，第一次食撈起，感覺幾特別。店員端上一大堆食材，邊講好意頭語句，邊加入配料，再齊齊拿起筷子撈起，有趣！亦好歡樂。細閱餐牌，分三層，合共二十五種用料，配搭豐富，色彩豐富，還要全部一絲絲，是一道用時的菜式。甜、酸、辣；爽、脆、滑都集於一身，口感和味道多變，配搭起來亦美味，果然撈得開心，吃得開心。***********************友人除了想撈得起，當然也想荷包滿脹，故揀了黃金荷葉包Shredded Pork With Sesame Bun（$29/個，2個起），真好意頭。荷葉包外形十足十個銀包，夾滿肉絲後，就成個脹卜卜的銀包，真有意思。荷葉包炸的金黃，外脆內軟熟，又不油淋淋，夾着鹹香肉嫩的肉絲和清爽的洋蔥絲同吃，不錯！***********************酥炒芋芯 Stir-Fried Yam ($89)是一道巧手的菜式。外層糖皮薄而微脆，內裏粉綿，滿有芋香，甜度亦剛剛好，完全不甜膩，很討我歡喜。***********************有幾款主食都想試，炒米粉好？還是滷麵好？黃魚飯好？最後友人推介媽祖麵線 Mazu Mee Asia ($82/例），信吧！用料相當豐富，有鮮爽的蝦仁、蜆肉、蛋絲、芹菜、荷蘭豆、豆卜、冬菇、脆紫菜、花生和腩肉等。麵條又白又滑，待一會索了湯汁更好吃。-------------------------中國人的確很講意頭，這款有意思的鴻運發財撈起，讓大家高高興興地齊齊撈起，令我倆二人吃一頓飯都變得好有氣氛，祝願大家新一年撈得風山水起。…Read More

兩個人的家庭都要食開年飯既，唔想煮所以就訂左枱出尖沙咀莆田食。其實之前都有試過呢間餐廳，但果陣都係過節同埋第二間分店，食物唔太好食，今次寄予厚望試下呢間尖沙咀分店!我們點幾2點黎到，餐廳仍然是很多人，不過因為訂了枱，所以唔駛等就可以安排座位。開年飯當然要食到應節D既野啦!鴻運發財撈起，之前食過其他餐廳既撈起，覺得味道好怪，所以一直唔睇好，但係呢度既撈起味道唔太奇怪，上菜時侍應俾時間我影相後，就開始幫忙落唔同的調味料，每落一樣就會講一個賀年說話，幾有心思，例如甜甜蜜蜜、風上水起、遍地黃金等!食落味道唔差，脆脆又脆卜卜，咸咸地!椒鹽豬手，寓意橫財就手，豬手一隻分開兩半，椒鹽味幾夠，豬皮脆脆地，內裡唔硬，食到好骨膠原!黃金荷葉包，一個炸了的包子，配有洋蔥炒肉絲，將配料夾到包子中間，味道惹味!酥炒芋芯，芋頭表面甜甜地，脆脆地，跟蔥一齊炒，味道特別!媽祖麵線，麵線寓意長壽，個麵線質地有D淋淋地，所以家人食的時候覺得有點漏，但個人覺得唔錯，麵線有肉片、炒蛋、蟶子乾、蝦仁、芹菜等，味道唔算好咸，有D湯咁，熱辣辣!總括黎講，新年雖然好忙，但侍應仍然很好客，另外食物沒有想像中咁差，下次可以再黎!…Read More

每次莆田出新主題都心思思想黎，海蠣節感覺幾岩屋企人口味，就帶佢地黎見識下米芝連推介餐廳既新作。酥炸椒鹽海蠣 ($188/2) 六選二海蠣比想像中細粒，酥炸方式有少少似鹽酥雞既整法，甘香酥脆又難得地唔會好厚粉，仲隱約透出蠔仔既鮮味。 太香口既關係，一口接一口好快就清碟。頭水紫菜海蠣煎蛋 ($188/2)上次到訪對頭水紫菜既冷盤一試難諗，今次混入蛋漿中煎熟，紫菜香味反而唔太鮮明，只有淡淡香氣。 反而幾鐘意僅僅熟既煎蛋同蠔仔呢個組合，兩者都軟糯香甜又濕潤，口感同味道都好夾，係簡樸既美味。福建特色海蠣煎 ($188/2)台式蚵仔煎就食得多，福建整法賣相似普通煎蛋，原來內裡好似蚵仔煎咁落左生粉黎黏合蠔仔，口感有點奇妙，家鄉野特色野我唔係咁識欣賞，但材料係新鮮既。九層塔香燜海蠣 ($188/2)九層塔既香味經煲仔燜煮過後完全發揮到出黎，海蠣炸完拌入醬汁同香料猛火快炒，每一啖都係九層塔既香氣。 香就夠香喇，但燜煮做法令炸皮都吸哂汁淋哂，個人鐘意酥炸版本多d。酥炒芋芯 ($89)依然保持到水準，芋芯夠鬆化軟熟，外皮半煎炸至微脆帶甜，食極都唔厭。百秒黃花魚 ($69)雖然屋企食開細條黃花魚，見到king size百秒黃花魚依然係爭住食，唔知點解比平時食開既更加鮮味，咁大條都整得好滑，連薑一齊熬出既湯汁都飲埋。興化炒米粉 ($82)本來只係填肚之選，原來比平時食開既米粉幼身同鬆軟，感覺似軟身粉絲多d，重點係炒出黎完全唔油好乾身。 蝦、蜆仔、紫菜、芹菜等口感同香味都好豐富，幾有驚喜。今晚屋企人都幾滿意，佈置幾有新年氣氛亦夠體面，提早食個開年飯感覺不錯。…Read More

好耐以前當莆田仲未成為米之蓮一星餐廳嘅時候，我同過一班同事喺另一分店食過團年飯。當時已經覺得呢間餐廳嘅食物有別於一般中菜廳，幾特別今日經過尖沙咀呢一間莆田，發現佢哋竟然有喺新加坡食過嘅撈喜餐，趁新年前要預祝下自己來年撈到風生水起七點幾成間餐廳已經爆滿人，侍應們忙到不可開交都仍然面帶笑容一坐低就俾咗碟餐前小食黑木耳俾我哋，酸酸地好開胃呢碟撈喜比到好大驚喜我哋，超級多料起入邊 仲有我最愛嘅三文魚 侍應起上碟之後叫我地拎定筷子 佢一路講啲祝福說話一路將所有材料撈埋一齊 非常過癮重點係真係幾好食乜嘢味都有黃金荷葉包非常好味 仲非常體貼俾埋手套我哋好似炸饅頭咁好食同酥脆嘅包面鋪滿白芝麻 再放啲勁香嘅洋蔥同肉絲入去 成個感覺其實係一個完美嘅洋蔥豬肉絲包酥炒芋芯又係莆田必點菜之一 脆脆地甜甜地嘅外皮 加上糯香味十足嘅芋芯 趁熱食好好味椒鹽豬手完全係骨膠原蛋白爆錶之作 餐牌寫到明佢地用八個鐘蒸到豬手嘅肥肉肥油揮發哂 所以剩返係入面嘅全部都係膠原蛋白！外皮係勁好味嘅椒鹽脆皮 裡面就係豐富嘅骨膠原 女仔真係絕不能錯過！最後新年當然要食返碗媽祖麵線啦 寓意長壽吉祥保平安成碗都非常鮮味 麵線偏稔 材料好充足其實仲有好多菜式想試 下次再食過…Read More

莆田近年多了很多分店，之前吃過都很不錯，今晚Happy Friday，與兩位友人決去試試尖沙咀美麗華分店。看到最新推介「莆田海蠣節」，$188可選兩款海蠣菜色，友人們都很有興趣。海蠣原來是類似台灣的「蚵仔」，莆田的海蠣是養足300天的，冬天至三月是時令季節，正所謂不時不食，就食這個吧！「九層塔香燜海蠣」味道像中式的燜蠔，口感像蚵仔但更Q彈肥美，十分惹味，很適合送飯～「福建特色海蠣煎」就像台灣蚵仔煎，不過比較乾爽，不像台灣的那種黏口。海蠣煎比想像中要來得大塊，而且海蠣分量很多，每一口都有肥美的海蠣，香脆可口，個人覺得煎的時間如果短一點就更好，因為太燶的話吃得太多會很熱氣LOL之前吃過「酥炒芋芯」覺得很好吃，今次都再點了，外面是薄薄的甜脆感覺，裡面是芋頭芯，所以特別鬆化軟綿，是「莆田十醉」之一。「百秒黃花魚」也是必食菜色，顧名思義100秒便煮熟，剛熟的鮮魚口感好嫩滑！黃花魚出名鮮甜，真的是每次吃都沒令人失望！最後來的「興化炒米粉」，據說是已有千年歷史的「非物質遺產」，利用黃尖米製作及生曬，比一般米粉幼很多，但綿密而帶點彈牙，口感很特別，沒吃過的很值得一試啊。最欣賞莆田提供的不是茶水，而是杞子菊花水，吃完小菜再喝可以清熱明目，又清清味蕾，真是滿足的Happy Friday～------------------------------By alvahana…Read More

年近新年，掃貨裝身大出血，跟朋友在尖沙咀血拼完畢，順道晚飯聊聊近況。莆田是我們喜愛餐廳收藏系列，而且總有一間在左近，實在沒有過門不入的理由。先上杞子菊花茶，要多浸一會更出味，清清的茶香。前菜是香菇豆，很少見的豆，質地是淋身粉粉的，味道像瓜子。而開胃菜係酸酸地既黑木耳，唔太酸，係幾好味既開胃菜。餐牌話用養足300日嘅海蠣，每日產地直送到港，仲有6款煮法，只系$188，就可以任選2款菜式，當然試試佢啦!係店員推介下，我們點了最出名既必選: 酥炒芋芯，百秒黃花魚(1條)，興化炒米粉同埋自選2款: 1. 九層塔香燜海蠣2. 江口家鄉海蠣湯3. 酥炸椒鹽海蠣4. 頭水紫菜海蠣煎蛋5. 福建特色海蠣煎興化炒米粉: 興化米粉幼如絲，軟如綿；鮮蝦、紫菜、花生、小唐菜等，豐富了它的色彩跟味道，份量還不少啊，一句到尾，抵食！炒米粉足料，乾身嘅米粉，又唔滯而且仲有大蝦同蜆，絕對夠食!福建特色海蠣煎: 有好多海蠣、蔥和蛋。與潮洲式的蠔餅很不一樣，個質感食落係會漿住個口咁。百秒黃花魚: 莆田名菜，用100秒煮出一尾小黃魚，魚肉嫩滑，湯底鮮味，沒有魚腥味，加分!另外叫了個江口家鄉海蠣湯 :材料豐富，主角海蠣當然少不了，還有蛋花、蕃茄、椰菜花、白菜等等……，味道很好，有點像豪華版的蕃茄蛋花雜菜湯 酥炒芋芯 :外層炸得香脆，有糖衣吊味，芋心鬆化，熱食更佳。佢Menu上面介紹咗要配佢哋嘅《莆田辣媽醬》，呢款莆田辣媽醬既味道好似沾泰國生蝦果隻辣汁，酸酸地，辣就唔太辣既配米粉食一流!…Read More