那個ㄋㄚˋ ㄍㄜ (Moved)

呢間新嘅主打台式便當嘅小店長期都大排長龍，雖然鋪仔細細有啲逼，但係嘢食真係好有誠意，便當入面有一塊勁大塊嘅豬扒，豬扒炸完再沉入滷汁，所以食起嚟香口得嚟都好惹味，而且佢仲配上咗幾款配菜，非常豐富同飽肚！不過如果佢可以好似台式火車便當咁將飯同配菜分開，就唔會整到啲飯太濕啦。⁣This new small restaurant specializes in Taiwanese bento. The braised ribs bento came with a huge pork chop and 5 different side dishes. Overall, the food is extremely hearty and home-like!⁣…Read More

又係一間有參與罷工既小黃店💛佢間鋪頭好細間架咋 好似任何時候都好多人等位咁 但係因為我哋嗰日好想食台灣野 所以我哋都有排🙊🙊好彩佢最後係冇辜負我個等😍😍我覺得佢超級好味😋·那個滷排骨便當 $64本身我哋係想食嗰個超級photogenic嘅大大隻雞髀㗎 但係我哋去嗰日冇 所以就嗌咗呢個都係佢推介嘅便當🍱我哋仲加咗$5轉滷肉kekeke超貪心😈佢超好食 個排骨係酥脆得黎完全唔會鞋 而且好入味 同埋佢入邊會有好多當日嘅小菜 我記得我哋嗰日係有啲紹菜 滷豆腐 同埋粉絲 每一樣野都好好食😋不過我覺得其實大家唔使加滷肉飯 因為佢本身個排骨都係比較重口味嘅 咁所以個飯已經勁超夠味 加埋滷肉會有少少太多🙊😂😂·鹽酥甜不辣$15鹽酥手工黑白丸$15因為見到佢啲小食實在太平 所以我哋最後就淨係嗌咗一個便當分 再加左好多小食😏😏佢個鹽酥真係做得好出色 超好食 尤其係個甜不辣 我地超鐘意😍😍個黑白兩丸本身我哋以為係黑白墨魚丸 但係原來個黑丸係牛丸 但係都唔影響佢個好味wakakakaka·滷香雞翼$15因為我哋太肚餓啦 我哋無等埋其他嘢就食咗呢個😂😂我哋真係永遠都唔可以等齊所有嘢先開始食 不過呢個就係我哋嘅特色😎呢個滷雞翼都係超入味 佢入邊啲肉淋晒 不過佢對我黎講有啲太入味啦 太滷😂我鍾意佢啲鹽酥多啲keke但係我男朋友就好欣賞呢一個·#rbyeat#rby小黃店#rby台灣菜#rby大角咀·📍大角咀大政街6-16號大同新邨大有樓地下A號舖…Read More

喺大角咀想食台灣野唔算有好多選擇，前排成日喺ig到知道附近開左間新嘅台灣菜，又見好多人讚，就梗係要黎試下。不過間鋪好細，得16個位，而且都比較窄。之前中午黎過幾次，每次黎到都無位。今日下定決心要早啲，餐廳12點開門，同同事12點正就已經黎到，但竟然已經見到有條隊。未開門已經有人排定隊真係有啲誇張，好好彩我地咁岩係最後一檯，入完後即刻full左，真係遲一步都無得食。餐廳主打台式便當，樣樣都好吸引，因為新開張所以個餐都有優惠價同埋送野飲。我揀左滷排骨便當配紅茶。始終係小店啦，又多人同時叫餐，所以出餐都比較慢。不過當個便當真係上到檯嘅時候幾驚喜，塊豬排好大塊，而同事食雞腿便當都勁大舊。除左雞排外仲有啲配菜，而且啲配菜唔同日子會轉，咁岩今日嗰啲全部都好岩我食，好開心竟然會有甜不辣。豬排超大塊，用左地瓜粉炸然後再滷，好入味，中意依種煮法多過就咁乾炸。我覺得個便當嘅飯量比較少，反而係多餸。所以基本上食完成個都已經好飽，不過如果真係唔夠食嘅話，都可以叫佢比多飯。而且食唔哂仲可以帶走架。食物質素唔錯而且大大件，唔怪得咁多人排隊幫襯啦，一路食都見到出面有人排隊。覺得幾好味，值得黎試下，我下次一定會再黎。不過如果係想食嘅就真係要早啲黎排隊，如果唔係就要等第二輪。…Read More

"那個"呢個名好特別,行過就忍唔住想試下店面比較少,店內主要是三個年輕人, 一個係樓面,一個係廚房, 一個就兩邊都幫手menu寫係黑板, 掛係店內當眼位,其中有一塊黑板話"店內只有三隻小貓,等餐時間可能要等耐D"(大概係咁啦),我覺得好得意~無錯啦~我又係食豬軟骨啦~今次呢個豬軟骨便當配菜份量超級多~有蒜香紹菜, 醬香茄子, 親子炒豆, 糖心蛋同酸菜 , 感覺成件事好健康; 另外仲加多$10要左台灣香腸豬軟骨十分極之入味,軟骨部份偏軟熟; 滷水汁送飯好快就可以食晒成碗飯~香腸係台灣香腸, 有肥肉, 令香腸更加香!洛神花玫瑰好重玫瑰味,洛神花的酸味反而無乜, 可能因為有落左蜂蜜男朋友嗌左滷排骨, 講真,真係好好味!!!!排骨先炸後滷.食得出脆的炸皮,但肉的部份又入味!!好有士林夜市的某檔炭烤雞扒的感覺!!(如果你有食過果檔,你一定明!!)由於個排骨太出色...搞到我完全唔記得男朋友嗌左杯咩飲....整體成餐飯都好"台北"...如果大家"思鄉"病發,可能黎試下頂住癮先!…Read More