廿一由八

Open Now

Now Closed

呢日陪朋友返HKU，喺附近搵咗間cafe girls talk一下，朋友話返咗咁耐都係第一次試😂 我最期待嘅當然就係要試吓佢最signature嘅焦糖燉蛋西多士🤤 🍔進擊的美式孖醬炸雞漢堡 $148份量都幾大，好彩係兩個人share一個main😂 炸雞burger中間配咗紅蘿蔔、紫椰菜，仲有辣同唔辣嘅沙律醬各一半，味道同顏色都非常豐富，鍾意食椰菜沙律嘅朋友話呢個配搭好啱佢口味！🍞焦糖燉蛋西多士 $138呢個甜品係由法式麵包brioche+香脆焦糖+吉士醬做base製成嘅，上面仲有啲berries，食落甜酸味平衡得好好😋 我同朋友都覺得食落好似實淨少少嘅麵包布甸，嚟呢度記得要試吓！✨🍰煙薰布里巴斯克芝士蛋糕 （Gluten free） $58朋友未坐低就已經話想食甜品，最後佢揀咗呢款～ 喺望落平凡嘅巴斯克蛋糕上面淋上一層糖漿，令到原本好濃嘅芝士味即刻無咁膩，可以食多幾啖！☕️飲品焙茶朱古力 S$48 L$5佢個拉花好靚好有心機，我同朋友都影唔停手📷 焙茶香味好出🤎蜂蜜咖啡 S$40 L$42好香蜂蜜味，佢嘅甜味令到咖啡無咁苦，適合想提神，但又怕苦嘅人士😝

情人節未有情人，於是同朋友去咗喱間隱世又Chill爆嘅「廿一由八」享受吓單身嘅浪漫。初時以為好偏僻，點知原來喺香港大學對面過條馬路行3分鐘左右就到。Cafe 裝潢以木為主，大型落地玻璃加埋幾棵中型植物，感覺悠閒寫意非常舒服。坐底睇睇餐牌好快就決定嗌個 DUET SET 二人套餐，揀咗「巴馬火腿忌廉芝士果仁卷」，「進擊的美式孖醬炸雞漢堡」，「美國肉眼扒配時蔬及壓薯」，仲追加咗個甜品「楓糖碧根脆脆」。果仁卷口感Creamy鹹鹹地有微少Rum酒味非常特別冇得輸。炸雞漢堡兩塊炸雞好厚超大塊肉汁非常豐富。肉眼扒嘅配菜種類多壓薯煎得幾香。個脆脆其實係 French Toast，有個雲尼拿雪糕球喺上面賣相幾好，厚多士外微脆內鬆軟仲有非常濃厚嘅...玉桂味，真係超邪惡。為咗中和吓，最後嗌咗杯熱Latte，上面個拉花應該係...梵高個徒弟拉嘅，都...幾有創意吖。非常欣賞「廿一由八」嘅店內環境和傢俬，特別係張梳化坐得我好舒服，食物質素唔差，日後一定會再拜訪。