Wing Gor Kitchen

約咗朋友兩公婆食飯，佢地強烈推介呢間榮哥私房菜，話食過幾次都好味，所以一行四人就決定去飯聚，早幾日就已經訂好餸菜添！雖然坐落工廈，但地點超方便，步出地鐵車廂到飯店唔使5分鐘就到！職員好有禮貌，而且好有耐心咁介紹每道菜式，值得加分！“自家甜酸齋”同“百合木耳”，兩款小食都係秒清再嚟前菜“沙律菜伴芝麻醬”清新醒胃，“雙色墨魚仔”一隻辣一隻唔辣，“茶燻流心蛋伴黑魚子醬配厚切茄子”一食就知係有心機製作，好特別，想encore!“原盅燉哈密瓜螺頭黑毛豚肉湯”和“原盅燉川貝陳皮海底椰鱷魚肉”，每樣兩盅即係每人一盅，又可以交換試吓，一飲就知真材實料，唔係一般例水可比！“油浸時令鮮魚”，今晚係馬友，第一次食油浸馬友，原來又幾好食喎，但喺外面好似唔多見咁煮馬友法！“蝦球水芙蓉”，老友話呢個係招牌菜之一，下面蒸蛋白上面係甘筍汁，滑捋捋得嚟又好味，蝦球非常爽口彈牙，正！“士多啤梨黑豚肉排骨”最花心思係排骨下面有好似米通嘅卜卜脆，一啖食落去口感層次豐富！“招牌茶王燻雞 ”寫明招牌又點會令人失望吖，表皮好似炸子雞兼有茶燻味，雞肉嫩滑冇雪味，100分！“米王有機時令鮮蔬”今晚食菠菜，淡淡米香加蔬菜青味，有種去除油膩嘅感覺！“農坊獨頭糖心黑蒜炒飯”充斥住黑蒜味，仲有唔少帶子粒，食到咁飽都食哂，可想而知味道幾好！最後到咗甜品時間，第二個胃今晚食“薑汁芝麻湯圓”薑味夠而不辣，芝麻蓉唔太甜好自然，我仲要食埋太座一粒先夠喉！總結嚟講，係一間非常抵食嘅私房菜，我地都話一定會再返轉頭，唔怪之都幾旺場，多謝老友介紹！…Read More

食友帶領一行四人探店官塘工廈內楼上私房菜秘點, 開放式內廳枱桌以屏風拉簾分隔, 不乏舒適及私隱度👏私房菜單：餐前小食-榮哥自家甜酸齋；雙色墨魚仔；茶燻流心蛋拌黑魚子醬配厚切茄子；本地水耕沙律菜拌芝麻醬, 開胃的甜酸齋, 墨魚一有微辣一有甘香, 流心蛋入口綿滑, 沙律菜爽口😋原盅燉湯兩款-哈密瓜螺頭黑毛豚肉；川貝陳皮海底椰鱷魚肉哈密瓜, 螺頭黑毛豚肉湯甘甜潤喉, 川貝陳皮海底椰鱷魚肉湯味清不油膩, 兩款皆足料口味各不同😋蝦球水芙蓉-浮在蒸蛋白上的蝦球爽口, 配上甘筍汁混入蒸蛋白好香滑😋油浸鮮馬友- 熱騰騰香氣散溢, 魚肉嫩魚皮頭骨脆😋士多啤梨黑豚肉排骨以脆卜卜米通墊底，肉爽底脆，口感佳😋江南百花雞，心機菜式，一半傳統嫩滑烤雞，另一半去皮釀以百花，面灑芝麻增加香氣，一雞兩款口味😋米王有機菠菜，米水香加青菜味，清淡的一道素菜😋農坊獨頭糖心黑蒜炒飯，不單充滿黑蒜頭香味，飯内更有鲜帶子粒😋芝麻湯圓作為结尾的甜品， 湯圓不黏口，芝麻香味濃😋滿足的一次探店👏👏…Read More

👩🏻‍🍳 觀塘功夫私房菜食材新鮮😍菜品有心思🤩性價比高👍🏻榮哥獲獎無數，用的均是新鮮時令食材，每道菜盡顯心思和功架，菜品由餐廳安排，有如中式的「廚師發板」，性價比高，人均消費$450.5，推薦帶家中長輩來👍🏻👷🏻‍♀️非專業foodie，純粹個人主觀分享🙏🏻————————————————————————🍴 榮哥廚房私房菜📍 觀塘觀塘道436-484號官塘工業中心第三期四樓L室————————————————————————💁🏻‍♀️主觀記錄1️⃣ 黑白雲耳、榮哥自家甜酸齋雲耳用了麻油涼拌，十分爽口。甜酸齋煙煙韌韌，甜酸度適中。2️⃣ 茶熏流心蛋伴墨魚子醬配厚切茄子🍆茶熏味恰到好處，流心蛋流心程度完美，厚切茄子炸而不油，啖啖肉。雙色墨魚仔🦑一辣一不辣，肥美鮮嫩。本地水耕沙律菜伴芝麻醬🥗水耕菜十分新鮮爽口，車厘茄拌了柚子醬。3️⃣ 原盅燉黑木瓜螺頭黑毛豚肉湯、原盅燉川貝陳皮海底椰鰐魚肉湯原盅燉法保留原汁原味，十分清甜。4️⃣ 油浸時令鮮魚🐟上碟時連碟都是熱的😍馬友炸得酥脆，本身用鹽醃過，帶點咸香，不用點醬汁也可以5️⃣ 蝦球水芙蓉外貌精緻有驚喜🤩下層的蒸蛋白十分滑溜，蝦球爽彈，淋了少許熱油，令蝦球閃亮帶光澤✨6️⃣ 士多啤梨黑豚肉排骨🍓最下面是很脆的米通，沒有油膉味👍🏻黑豚肉非常鬆軟，沒有豬騷味，略肥了少許🐷士多啤梨醬中和了黑豚肉的肥膩，甜酸度剛好，不會過酸，而且食得出是用新鮮士多啤梨製造的👍🏻7️⃣ 江南百花雞🐔這道菜盡顯心思和功夫，有雞皮、雞肉、蝦膠三層，層次分明🤩雞皮很脆、雞肉嫩滑、蝦膠爽彈👍🏻8️⃣ 米王有機時令鮮蔬第一次吃米湯菠菜🤩令人聯想起嬰兒吃的米湯糊🫣烚菠菜的時間剛剛好，十分嫩滑，沒有澀味，靠米湯的咸味調味。9️⃣ 農坊獨頭糖心黑蒜炒飯🍚炒飯帶有黑蒜味和焦香，飯粒有咬口，是家的味道🤤🔟 姜汁福元湯圓甜品是最愛的福元黑芝麻湯圓，皮薄餡滑，姜湯是用了老姜，微辣👍🏻…Read More

朋友有好消息公佈，當然要揾個地方聚下一齊慶祝下，聽同事介紹官塘工業中心有間高質私房菜叫榮哥廚房，獲獎無數。一早訂定枱，餐廳就會同你設計菜單。嘆住茶就等第一道前菜，本地水耕沙律菜伴芝麻醬、雙色墨魚仔、茶燻流心蛋伴黑魚子醬配厚切茄子，有次序嫁！先嘗沙律菜，新鮮爽脆，再食墨魚仔，辣味尤其惹味，最後就係食茄子，口感同味道有層次，一試難忘！榮哥自家甜酸齋，麵筋軟諗酸度同甜度都恰到好處，冷食好開胃！原盅燉哈密瓜螺頭黑毛豚肉湯，除咗螺頭同黑毛豚肉，竟然仲落埋西施骨、陳皮、圓肉，足料濃郁，清甜滋潤！黑松露醬炒花尾躉班球配鮮露筍，個人認為係今餐MVP，花尾躉班球肉質好結實但嫩滑，淡淡黑松露醬唔會喧賓奪主，同魚鮮味幾夾，加上晶瑩青綠嘅鮮露筍，入口爽脆鮮甜！蝦球水芙蓉，造型精緻，爽口大蝦加上香甜甘筍汁，入口細嫩滑溜鮮美！韓泡汁煮牛面肉配雙色蘿蔔，入口微辣肉味香濃，蘿蔔燉到軟腍入味。荷香蟲草花牛肝菌蒸沙欄雞，沙欄雞整嘅白切雞真係細細個就聽得多，今次第一次食蒸沙欄雞，皮薄肉唔算厚但嫩，搭配荷葉、蟲草花，香味怡人。魚湯有機時令鮮蔬，菠菜又青綠又嫩，入口唔會有苦澀感，鮮味十足！農坊獨頭糖心黑蒜炒飯，炒飯粒粒分明，特選獨頭糖心黑蒜，高營養價值又易入口就唔太食蒜頭嘅朋友都覺得有驚喜！最尾就係甜品薑汁煮芝麻湯圓，我哋個個滿足到捧住個肚走！總括嚟講，真係每道菜式都幾高質素，仲可以為你安排專屬菜單，帶屋企老人家嚟食都好啱！…Read More

和家人聚餐都喜歡選擇中菜館，感覺比較合他們的口味，是夜就來到觀塘試試朋友推薦的私房菜🍴 預先訂位安排菜式，由前菜燉湯海鮮主菜甜品都一應俱全，非常豐富而且價錢合理，食得滿足又盡興～🔸前菜先送上榮哥自家甜酸齋和涼拌黑白木耳，酸甜清爽，好開胃呢🔹頭盤分別有本地水耕沙律菜伴芝麻醬、雙色墨魚仔和茶燻流心蛋伴黑魚子醬配厚切茄子，擺盤好精緻，配搭上相當有特色🥗🔸原盅燉姬松茸淮山甘筍黑毛豚肉湯先喝口燉湯滋潤一下✨ 每盅都很足料！入口充滿濃郁的姬松茸香氣，是提高免疫力的秋冬保健湯水，可補脾肺腎 👍🏼🔹油浸時令鮮魚開邊炸的馬友，皮脆肉嫩，好酥香美味🐟🔸蝦球水芙蓉雞湯羹底下是又嫩又滑的蒸蛋，入口即化🔹蜜椒比利時杜洛克 St Louis橄欖豬肋骨烤得焦香惹味，甜滋滋的味道🐷🔸江南百花雞廣州名菜之一，將蝦膠釀入雞肉之中，充滿雞油脂香而且口感豐富，絕對要品嚐一下這道手工粵菜😽🔹金銀蒜香有機時令鮮蔬小棠菜炒得翠綠🥬 口感清脆🔸農坊獨頭糖心黑蒜炒飯米飯乾爽分明，黑蒜的甘甜蒜香增添了不少風味，裡面還有帶子粒呢🔹時令甜品是日甜品是黑芝麻湯丸配薑茶，完美的作結…Read More

今次同屋企人食飯，成日去酒樓食來食去都係果啲，今次想特別啲！帶左家人去依間私房菜食飯。依間位於工廈嘅榮哥廚房雖然唔係開喺熱門地區，但食物質素值得回味！豐富前菜：前菜係每人一份，剩係個擺盤都落足心思，見到咁靚咁精緻，梗係影多幾張相打卡喇！本地水耕沙律菜伴芝麻醬 榮哥自家甜酸齋雙色墨魚仔茶薰流心蛋伴黑魚子醬配厚切茄子首先沙律菜新鮮，唔會有種放左好耐嘅感覺，都唔會有多餘水份喺上面，當然蔬菜配芝麻醬無得輸，係好好嘅開胃菜。甜酸齋面筋唔太稔恰到好處，都好吸到酸甜汁。墨魚仔有一款辣一款芝麻，都係好好嘅開胃小食。茶薰蛋有驚喜，首先要做溏心已經唔易，佢帶有果種煙薰味好濃，好特別，但係又唔過於咸 配埋個茄子帶清爽感覺，前菜已經令我好開心🥳湯：原鼎海底椰椰子無花果燉鷓鴣黑毛豚肉湯有啲似清雞湯咁濃郁，但係無咁油膩，從未飲過鷓鴣依種食材煲嘅湯，有啲新奇。都幾大煲，可以一人飲兩碗左右，仲有侍應哥哥一路好貼心咁幫我地加湯。主菜：蝦球水芙蓉好有趣嘅一道菜，廚師喺碟邊砌左朵花仔，配上淺黃色甘荀汁，又係賣相好精緻嘅一道菜，蒸蛋白配濃稠甘荀汁，清清地帶點甜，軟身又滑入口即溶可以直滑落喉嚨咁。每人一碗仲有一隻蝦，新鮮爽甜，雖然都好大碟但好快就食哂。油浸時令鮮魚今次食嘅係馬友，開邊炸到成條魚都炸到脆卜卜，香口惹味但又唔係太重油膩感，魚肉嫩滑，滿足！蜜椒比利時杜洛克 StLouis橄欖豬肋骨多層次嘅一道菜，香甜帶醋味，但係又唔會好似糖醋排骨咁重酸味，味道平衡得好好，而豬肋骨唔會太多脂肪搞到成口油咁，反而豬肉嘅味道都好出，一人一件實在係唔夠喉，意猶未盡。招牌茶王薰雞雞味有好香既菜香味, 而且外皮炸得非常香脆, 咬落好啖啖油香, 而且雞肉完全唔鞋身, 非常出色.魚湯有機時令鮮蔬菜苗鮮嫩唔使講。份量都唔少，食得多肉之餘依餐都有足夠菜食。農坊獨頭糖心黑蒜炒飯炒飯乾身，仲有帶子喺入面，一定唔係HEA既炒飯，初時以為得面頭有黑蒜，原來炒飯都有一粒粒黑蒜，黑蒜係爽甜嘅，令到食到半飽嘅我地都食得好開胃。時令甜品：黑芝蔴福元湯圓呢款福元湯圓係超級市場可以買到, 質素唔洗擔心, 超級香濃既芝麻香味, 同埋最緊要係流心,一咬落去絕對有驚喜, 配埋個薑湯為今晚既聚會畫上完美既句號！我地4個人去食人均消費大概每人$450左右，以私房菜黎講真心唔算好貴，廚師處理食物嘅質素可以以5星酒店級嘅級數黎相比環境上好舒適，服務夠完全體貼，屋企做節食飯都會考慮再黎食多幾次…Read More

一間餐廳的質素，就取決於主理人對食物的執著。之所以光顧了榮哥幾年，就是欣賞他的這份誠意。食材高質、新鮮，廚師經驗豐富、巧手，由擺盤到上菜都一絲不苟，所以，出品每次都有進步，精益求精。每次晚飯，都是食「周生發辦」，自己不用愁，因為炒飯出色，所以是必選。…Read More

老婆訂了枱去觀塘工業中心的榮哥食飯，預訂的菜單以人頭計算，三百多元有十款菜式及燉湯，真是心物超所值。先來的小食涼拌黑木耳及岩鹽花枝豆，兩者都是用簡單食材去製作及調味，但卻很清新開胃。有機沙律菜伴芝麻醬是用水種菜，菜較清甜爽脆，加上有點柚子醋味道，酸酸甜甜甚是開胃。茶燻流心蛋伴黑魚子醬配厚切茄子，流心蛋有很香的煙燻味道，而蛋王半流心的狀態，蛋白軟滑，茄子結實，醬汁比較濃郁，令味道較淡的茄子增添不少味道。原盅燉哈密瓜螺頭黑毛豚肉湯裏面有很多湯料，整個湯較清甜，感覺很滋潤。蝦水芙蓉聽個名都已經好有意境，蝦肉新鮮又彈牙，下面的蒸蛋白嫩滑。黑松露醬炒班球肉質雪白，新鮮結實且嫩滑，還有些雜菌及西芹，西芹細心地去掉外層，食落爽脆。明梅醬炆頭腩，魚頭充滿油份，骨膠原豐富，不會太咸。而我最鍾意就係士多啤梨黑豚肉排骨，酸甜又開胃，黑豚肉入味又夠腍，下面的米通應該是自家製，非常鬆脆。幾特別的米王湯浸碧綠溫室菜苗，出面未曾見過，做法特別又健康，菜苗嫩脆。農坊獨頭糖心黑蒜炒飯蒜味不重，炒飯爽口少油，有幾款海鮮，十分豐富。最後上埋個生果拼盤，十分滿足的一餐。…Read More

觀塘區工廈多數都是以西餐為主，今日去了這間食中菜的私房菜。一早打去訂位，菜式可以自行選擇，餐廳會預備當天的食材，確保新鮮亦不會浪費。有機沙律菜伴芝麻醬沙律菜是本地有機種植，新鮮爽脆，加埋個芝麻醬及柚子汁，帶點微酸，非常開胃。涼拌黑木耳&岩鹽花枝豆黑木耳爽脆帶點麻油香，枝豆咸咸地，清新又開胃的小食。茶燻流心蛋伴黑魚子醬配厚切茄子流心蛋充滿著燻香，蛋王又香又滑，茄子略為炸過，所以結實不鬆散，茄子吸收了醬汁味道。厚盅燉姬松茸淮山燉甘筍黑毛豚肉湯姬松茸味道濃郁，湯非常鮮甜，好有住家湯感覺。蝦水芙蓉蛋白軟滑，蝦肉新鮮爽彈，是一個比較清淡的菜式。士多啤梨黑豚肉排骨有淡淡的士多啤梨果醬味，排骨肉腍且鬆，帶點酸甜味，下面的米通非常香脆，兩者配搭適宜。黑松露醬炒班球班球新鮮，肉質彈牙且嫩滑，有淡淡的黑松露香，西芹更細心的去根，咬落爽脆。明梅醬炆頭腩食完覺得自己充滿骨膠原，魚油豐富，而且完全唔腥。米王湯浸碧綠溫室菜苗菜苗色澤翠綠，而且爽脆，有淡淡的米漿味，非常健康。農坊獨頭糖心黑蒜炒飯千祈唔好比個蒜字嚇阻，炒飯完全無個種濃郁的生蒜味，反而是一種清淡的蒜香味，唔怕食完會口臭，炒飯油份不多且爽口，有些帶子粒及蝦肉，十分豐富。時令甜品火龍果手、西瓜及菠蘿，全部切開一粒粒，啱哂懶人用，而且生果清甜無浸糖水。整體味道高質，食材新鮮且量足，每樣少少去到最後炒飯都食唔哂確實是高質中菜。…Read More

早前在網上見到有篇報道說有些網絡紅人在live播片時錯手關了美顏，真身嚇壞很多人，其實不單女士有喬妝，在近年的尋食經驗中也發現很多時我們都會被照騙影響。食評可以是假，你以為照片不能騙人？那就錯了，同一間食店同一款食物，影到鬆郁濛和用filter令相片顏色更濃艷相比，後者一定更能吸引你光顧。也是這個原因，即使我很早之前已經聽過榮哥這個名字，但因為看過食物相片不特別吸引所以一直沒有光顧。但當聽到不止一個朋友大力推介，又開始掀動我的好奇心，我決定俾次機會佢。＊＊＊＊＊＊＊＊＊＊＊榮哥是一間中式私房菜，店內全部是中式圓枱。由於是私房菜，所以食店沒有餐牌，通常都是預先訂位和事前跟食店溝通好菜單。食單有幾個菜單選擇，如果有甚麼不吃的，可再稍作改動，收費亦如其他私房菜般按人頭收費。一入門口就會見到幾個主廚榮哥的獎牌和獎杯。另一樣吸引我目光的，就是這一排水耕菜，全部都開得非常茂盛和翠綠。今次我們的菜單包括四款前菜、燉湯、五道菜、炒飯和鮮果拼盤，人頭$338，價位非常合理。有機沙律醬伴芝麻醬這個沙律菜真是超過新鮮爽脆，原來就是門口位的水耕菜，當然店內的水耕菜沒可能足夠應付客人需要，但貨源是來自同一處的，侍者解釋只有不夠菜時才會用店內的水耕菜應急。本身生菜夠新鮮爽脆已經不會差得去那裡，而車厘茄微酸中還帶點鮮甜，再加上芝麻醬，非常美味。紫薯配鮮淮山紫薯和鮮淮山都切成小丁方，紫薯清甜，淮山有沙沙口感，沒有調味，能吃出食材原有的味道。涼拌伴黑木耳黑木耳很爽口，入口微涼，只簡單加上麻油調味已經味道不錯。茶燻流心蛋伴黑魚子醬配厚切茄子厚切茄子上放上半隻流心蛋，流心蛋因為經過茶葉燻過，所以外層呈淺啡色。流心蛋只有蛋黃最中間部份呈半固體狀，邊位都是蛋汁，食落蛋香豐富亦帶點茶葉清香味，下面的茄子煮得很軟腍，吸收了碟底的芡汁，簡直冇得輸。原盡燉姬松茸淮山燉甘筍黑毛豚肉湯燉湯捧上時熱辣辣，入面非常足料，有姬松茸、淮山、龍眼肉、螺頭、紅蘿蔔和豬肉，燉得夠入味，姬松茸據聞有保護肝腎之效，平時習慣夜訓的人飲就最適合。原盅燉品蜜瓜螺頭黑毛豚肉湯燉湯內有蜜瓜、龍眼肉、螺頭和豬肉，飲落味道其實跟姬松茸燉湯差不多，但因有蜜瓜，所以味道較清甜，所以兩款燉湯之中個人亦比較偏好這一款。蝦球水芙蓉水芙蓉就是蒸蛋白，上面以高湯製成的芡汁令蛋白鋪上一層金黃色，賣相度大增，面層再放上三隻蝦球和炸薑絲。蛋白非常滑溜。蝦球肉質爽彈結實，預先剔去蝦腸，感覺較衛生。蒜香芝士焗老外蠔王芝士焗蠔連殼大約有2/3隻手掌般大，旁邊以菊花和青檸作伴碟。掏開芝士外層，蠔肉都仍有睇頭。蠔肉生熟程度剛剛好，夠熟之餘肉質仍保持軟嫩。黑松露醬炒斑球這道菜是海斑二食其中一食，斑球都幾厚肉，嫩滑得來亦有應有的彈口，用黑松露、蜜糖豆、三色椒和本菇一齊炒，顏色鮮艷之餘又充滿黑松露香味。可謂色香味俱全。明梅醬炆頭腩敝頭腩則是海斑二食的另一食，今次斑球上了少評炸粉，出面再用梅子醬醃，食落外面帶點微脆，入面剛有斑肉的彈口，梅子醬酸酸甜甜，令人越食越開胃。米王湯浸碧綠溫室菜苗碧綠色的菜苗浸在米白色的湯內，上面再放上幾粒杞子作點綴，簡單得來已經令色彩形成強烈的對比。米湯味道非常湯淡，明顯沒有下味精，菜苗夠嫩沒有渣，清清地夠健康。農坊獨頭糖心黑蒜炒飯炒飯以老抽跟帶子粒、翠肉瓜和蛋一起炒成，上面再放上幾粒黑蒜，份量看似不多，但足夠四人每人一碗有餘。飯炒得夠乾身，不會過油，用上老抽所以即使飯帶微啡色但實質鹹度適中。精心甜鮮果匯拼鮮果拼盤有菠蘿和西瓜，兩款生果都很清甜，為這一餐私房菜劃上完美句號。總結，食物素質高，看得出主廚榮哥的心思，份量又非常足夠，如果不是特別大食，基本上都吃不完，幸好可以打包，以一般私房菜三百多元的收費，絕對物超所值。…Read More

是日受到朋友的邀請一起去吃飯, 私房菜其實之前只吃過一次, 但一直記得, 因為菜色不用自己想, 就是餐廳設定了, 滿特別的. 其實之前已經看過open rice 的評價, 看到很多笑笑面, 那就已經很安心了. 結果來到實地考察, 也沒有令我失望. 職員也很友善待我們, 為我們講解每樣菜色的造法和選料. 我覺得每款食物無論賣相和味道都很不錯…Read More

趁著慶祝生日一同享受一餐房菜，正因太長時間沒有再嚐私房菜的韻味。新鮮、獨特、精緻、家常味道就是私房菜的特色吧。我們預先訂了的套餐是「樂融和」實符其名的私房菜呢，前菜是開胃醒神的酸菜，當中包括了”涼拌黑木耳”及”醒胃三蔬”，“涼拌黑木耳”就是黑木耳佔上麻油以清淡酸汁，健康又清新。”醒胃三蔬”分別是酸紅蘿蔔、白蘿蔔和青瓜，爽口開胃。接上是有機沙律菜伴芝麻醬、當中混合了黑醋、芥末和小蕃茄，同樣是引起了我們的食慾。隨後便是”茶燻流心蛋伴黑魚子醬配厚切茄子”，茶燻流心蛋非常精緻，融融的表面及流心蛋黃就好像啫喱一般吸引，味道是香香濃濃蛋香加上一點點魚子醬的咸香，作為支柱的厚切茄子卻有著另一番味道，煎釀茄子配上傳統豉油肉燥醬汁，十分富有家居美食感。“原盅燉川貝陳皮海底椰鱷魚肉湯”正是當晚靚湯。燉川貝陳皮海底椰已夠清甜，再配盅鱷魚肉實在是入冬養身湯。主菜逐一到來，先來“帶子水芙蓉”，帶子水芙蓉就是蒸滑蛋白，表面蓋上甘筍汁茨，味道溫和，配上幼薑絲及主體的煎香帶子一起進食，便會發現帶子的甜被提升了不少。另一主菜便是”生猛海斑兩吃”。先來的是”黑松露醬炒斑球”，斑球厚切配合黑松露醬炒香，斑球肉質較厚而且新鮮，口感十足。還有一些菇菌和甜豆作為配菜，香、色、味並全。再來是”明梅醬燜頭腩”，這明梅醬燜頭腩令我最為滿意的菜色，原因是燜頭腩的火喉十足，沒帶太多炸醬下仍然能香趣可口，加上明梅醬的酸甜味道使人不覺油膩，因此值得推介大家必須品嚐之列。“冰梅黑豚肉排骨”是一款創新的菜色，大廚利用了米通餅墊底，以其吸水力吸收黑豚肉排骨的肉汁，當你一口咬下時便發覺米通餅香味夾雜著冰梅黑豚肉香氣，這亦是冰梅黑豚肉排骨創新巧妙之處。當然冰梅黑豚肉也相當富口感，冰梅獨有的味道配合起來亦恰到好處，非常出色的菜色。蔬菜方面，餐點中選上了”鮮魚湯浸溫室菜苗”，故明思意就是溫室菜苗利用魚湯浸制，這不但保留了菜苗本身的清香，更加上了一份鮮魚的甜美，對於喜歡菜食的朋友是不二之選。主糧是”農坊獨頭糖心黑蒜炒飯”，糖心黑蒜是現時最流行的健康食品，用糖心黑蒜來炒飯突顯了家常飯關顧健康的理念。言而炒飯本身制作出色，每粒飯粒都是獨立地乾身彈牙，可口非常。“甜蜜美滿慶團圓(甜點雙併)”作為終結的句號結在是令我捨不得呢!! 全因家鄉式的”蕃薯糖水”富有著陣陣薑味，加上蕃薯選材高質，每口咬口極富質感。另一點題就是”紫薯炸薯球”，非常巧心作品，外脆內軟的感覺實在是難得的制作，加上甜度適中實在希望一嚐再嚐，可是每位只預設一球，還是要學習知足常樂吧!整體而言，榮哥私房菜站在高水平的出品打造出新鮮、獨特、精緻、家常味道，加上侍應服務友善，又不像大餐店趕下班態度，私房菜實在是晚餐用膳的應有態度。…Read More

香港譽為美食之都, 中西各國經典傳統潮流創新美食包羅萬有, 可見百花齊放. 繁華背後, 大部份業主都感慨生意難做, 辛苦經營得來的成果, 郤被高昂租金吞噬. 有見及此, 近年不斷湧起好多隐世工廈美食, 租金成本減輕可�加利潤之外, 可把資金投放落高質食材上, 為食客獻上價廉物美的美食. 對店主及食客而言, 實是個雙嬴方案. 來到觀塘探望朋友, 朋友公司正好就在位於美食林立的工廈, 就順道拜訪下榮哥吧！先來兩款涼伴前菜及沙律, 為來作個熱身。木耳及秋葵都是近來流行的健康食品, 保健秋葵真味:秋葵營養豐富更有食療作用, 配上醬酸酸甜甜芝麻醬, 開胃之餘，亦輕輕緩和了秋葵本身的滑潺潺感。涼伴木耳：木耳爽脆，有滋補及排毒的功效.有機沙律菜伴芝麻醬: 沙律菜非常鮮甜爽嫩, 蕃茄仔亦鮮甜，據聞是店主自己種植, 保証真正有機及新鮮, 想不到這份沙律做得比西餐廳更出色！前菜過後，就來潡湯及小食。茶燻流心蛋伴黑魚子醬配厚切茄子：流心蛋熟度剛剛好，入口幼滑，淡淡蛋香伴著微微煙燻，配上黑魚子醬及原切茄子，味道細緻得來豐富，簡單之中不失高雅!原盅燉哈密瓜螺頭黑毛豚肉湯： 看餐牌時已十分驚訝，燉湯材料不是一般瘦肉，竟用上黑豚肉，更以哈蜜瓜取代木瓜，真材實料之餘更是用料上乘！的確，味道清甜，加上陣陣肉香，倍感滋潤！帶子水芙蓉：簡單的一道帶子蒸蛋，賣相可比黃金白玉之配。金黃幼的滑蒸蛋盛著白滑鮮嫩的帶子，再配上清甜的甘荀汁，簡單之中倍顯心思！隔一會兒後，主菜陸續送上，先來生猛海斑兩吃。黑松露醬炒斑球：斑球啖啖肉，肉彈結實嫩滑，黑松露醬味濃郁之餘更帶出魚鮮味，連配菜菇菌及蜜豆都非常入味，好快就被清碟！明梅醬燜頭腩：明梅醬酸酸甜甜，開胃醒神，在進餐的中段特別有煥醒作用。遠年新會陳皮骨：肉厚鬆軟而有肉汁，外層香脆內裡嫩滑，陳皮味非常入味，不只留於表面。啖落肉汁慘出陳皮香，令人回味！鮮魚湯浸碧溫室菜苗：魚湯清甜奶白，不似味精湯，菜苗鮮嫩翠綠，如能換上多葉的豆苗，吸收更多魚湯可更入味！臨近飯局尾聲，已感果腹滿足，本打算小休一回等吃甜點，卻被這道炒飯吸引了。農坊獨頭糖心黑蒜炒飯：粒粒飽滿的飯粒，咬落有嚼勁，飯味十足，吃起來陣陣飯香撲鼻。同伴們即使飽肚，最終都一粒不剩！最後由一冷一熱甜點作結尾。炸薯球:：粒粒圓圓飽滿, 外層炸到金黃香脆, 內餡鬆軟夾上綿綿芋蓉, 甜度恰好, 做到甜而不膩, 但有一點要溫馨提示, 薯球是即炸, 小心燙口。曲奇雪糕 ：雪糕上枱時看似綳硬，其實十分軟綿幼滑，吃起來不費勁。而且甜度剛剛好，感覺不像市面上一般杯裝雪糕，質素不俗!埋單328一位+茶芥12+加一 感覺有驚喜，食材質素高，煮法有創新，菜色用料，煮法，賣相以至排序都有花過心思。高手隱世於民間！…Read More