Aroy Khao Man Gai

一去到見勁full以為要等，原來樓上仲有位，仲坐得舒服啲😳，長期都有店員喺上層，唔會被遺棄😂。Menu選擇多，落單講no.就ok～上菜速度快👍🏻🔅泰皇咖哩火山軟殼蟹法包 ($158)見到呢個賣相好吸引，係必叫item😍。份量都幾多，軟殼蟹🦀炸到幾脆又厚肉，包又好大個🍞，點埋咖哩一流💕🔅辣椒膏蝦頭油海鮮炒飯 ($68)炒飯幾香幾惹味，唔算好辣，海鮮好足料😋🔅豬頸肉炒通菜 ($78)超多通菜🥬，豬頸肉都唔少，被埋沒喺通菜堆入面🤣。蒜蓉炒得幾香幾惹味🔅蒜茸包(4件) ($38)包幾厚，偏大片，蒜蓉味香啲就好😝💬Overall性價比頗高，食物份量偏多又唔貴👍🏻…Read More

行開旺角食晚飯 度度都排長龍見到呢間都坐滿哂人 又有好多人買外賣 咁岩有人食完有兩個位我地即刻入去試下先😆泰式火山排骨($108)一堆排骨排到好似成座山咁第一眼望落去個擺位已經覺得佢好特別有十五十六猶豫要不要試下佢好😂結果呢個菜式完全冇令我地後悔味道仲要係超級驚喜！😍排骨炆到岩岩好 骨肉好易分離 而且啲肉超嫩同超腍！醬汁好似由香茅、青檸、乾蔥煮成酸酸辣辣同時又有青檸香茅既草青味食落非常青新又惹味🤩我地食每一啖都會點好多醬汁一齊食😝串燒沙嗲($78半打，豬雞各一半)沙嗲味香濃少少甜 仲有粒粒花生 一放落黎已經香氣撲鼻😆雞肉肉質嫩滑 豬肉肉質相對結實辣椒膏蝦頭油海鮮炒飯($68)炒飯粒粒分明 配料有蟹柳、蝦、帶子、魷魚辣椒味非常香口 辣度中等🌶🌶蝦頭油既蝦味非常濃郁 但唔會太油辣辣鹹鹹咁好惹味😋😋椰青($38)椰青超級清甜🌱椰肉非常軟腍，口感好似果凍咁，超級清甜😍食完飯再食埋椰肉好滿足😚…Read More

呢間餐廳好多時都經過但每次都係食飽嗰時咁啱今晚突然之間醒起去到門口有一大班人仔等緊 嚇死—————————————————————泰國菜除左生蝦刺身其實蠔仔蛋都好吸淨架鐵板上嘅蠔仔蛋滋滋作響蛋味香濃 蠔仔大粒飽滿粒粒都大過手指公可以話係必食之選🤤另外唔少得嘅梗係咖哩啦唔想食嚟食去都係黃咖喱所以揀咗紅咖喱佢入面嘅泰國圓茄子好好味🤣原來除咗白飯之外撈炒飯都幾好味事關中島叫左個辣椒膏蝦頭油炒飯有啲辣貪過癮就試下撈啲咖喱落去點知出奇地唔錯仲降低咗個辣度🙈個炒飯其實本身都好味係嗆咗少少炒得夠乾身之餘配料都好足咁出街食盡可能都會叫返碟菜平衡返泰國菜少不免都一定係通菜不過今次加啲豬頸肉俾佢碟菜即刻多咗啲肉味 仲要塊塊都勁大塊總括都幾抵食分量足難怪成日都滿座—————————————————————↝ 泰式鐵板蠔仔蛋 $88↝ 牛肉紅咖喱 $68↝ 辣椒膏蝦頭油海鮮炒飯 $68↝ 豬頸肉炒通菜 $78↝ 泰式奶茶 $25↝ 椰汁三色冰 $25…Read More

出名又平又抵食既泰國菜，每次經過都好多人等位～近7點去到，原來都唔係近好耐就已經有位，比想像中快。入到去見到人上樓上，原來上面仲有檯，唔怪得之咁快就入得！❤️辣椒膏蝦頭油海鮮炒飯 好香好有鑊氣既，海鮮好足料，有爽口彈牙既大蝦+魷魚圏+蜆肉等等等，味道有少少辣，特別惹味🧡小食拼盤 大推炸蝦餅，非常彈牙好有口感!!春卷好香咖哩味，又香又脆～仲有炸魚餅同雞翼添💛蒜蓉包 4塊大大塊，好抵食既蒜蓉包 💚青檸梳打 微微酸少少甜，食完炸野飲解解膩岩晒呢個價錢有呢個份量，仲要咁好味，唔怪得之咁多人啦～真心抵食又好味！提外話～見到有個香港人侍應，仲學識用簡單泰文同個泰國客人落單，好型呀！…Read More

天氣咁熱無咩胃口食嘢，泰國菜香辣口味最啱呢啲天氣，下午花墟膠遊遊後就去旺角覓食第一次食，通常都會叫冬陰功湯試試口味，呢個酸辣味平衡做得好好，而且湯底濃郁，有一陣蕃茄帶出嚟嘅酸味，辣味唔嗆喉，應大部分人都會接受到嘅辣味，叫個細size湯都有2隻蝦，其他配料都好豐富！一見菜名辣椒膏蝦頭油海鮮炒飯就心心眼😍直接𝗈𝗋𝖽𝖾𝗋無商量～泰國炒嘢最正係鑊氣，但平時成日食到油淋淋或唔夠特色嘅炒飯，今次炒飯真係好得！😎😎😎😎粒粒分明食完碟底都唔多油！辣味好出，但唔係辣到食唔落兼胃痛嘅辣，非常之出色！海南雞嫩滑，雞皮爽口唔肥膩，酸辣醬非常出色！雞肉蘸滿醬汁非常開胃，辣度唔係太高，但就好開胃😜天氣太熱就叫埋最愛椰青，大大個超多水，消暑解渴最好嘅朋友～搵到間咁好食嘅泰國菜真係好驚喜，而且地點非常方便，客人多都無𝗁𝖾𝖺煮，💓💓真心會再訪～💓💓…Read More

原來觀塘紅色小巴對面有間🇹🇭泰國菜館，位置非常方便，今日經過見到剛好有一張枱，就衝🏃🏻‍♀️🏃🏻‍♂️咗入去試下。就咁望入去以為得好少位可以坐，但是原來他們是有二樓的。🥥椰汁三色冰 $22：我哋叫咗少甜，所以飲到香濃🥥椰香味，不會像街外有濃濃的糖水混雜在其中。辣椒膏🦐蝦頭油海鮮炒飯 $68：炒飯炒得好香亦炒到粒粒分明（最怕濕嘅炒飯）。不過，可能我們有點了小辣，所以，這個飯個名有辣椒膏三個字但亦沒有太辣。由於太肚餓，並沒有太留意炒飯有什麼海鮮，印像中是有墨魚。咖喱炒軟殼蟹🦀 $108：原本係menu嘅時候見到，咖哩炒蜆係有，但係炒軟殼蟹🦀就沒有。猶疑咗一陣，最後都係點咗軟殼蟹🦀，因為覺得坊間很少有泰式咖哩炒軟殼蟹🦀。真係好有意外驚喜，2大隻軟殼蟹炸至非常香脆，而咖喱汁非常香滑且帶有濃濃咖喱味，調味得非常好，我直頭一匙一匙🥄放落咀吃，食咖哩汁食到好似飲湯咁，這個菜非常值得推介。由於我哋叫咗太多餸很飽，如果唔係叫個白飯嚟撈咖喱汁，簡直係完美配合。串燒沙嗲 $78：串燒上枱時非常熱辣辣，吃第一串時，混有濃濃沙爹醬的串燒，非常可口惹味。串燒切記要襯熱就好食，唔好掛住傾計影相啊:)冬陰功 $78：冬陰功用料豐富，細細碗嘅湯入面居然有三隻大鮮蝦，而三隻大鮮蝦都非常之鮮甜。材料亦有很多雜菇，正。這間店舖的食物價錢💲便宜，份量大，👁️眼闊肚窄的我們，最後都係食淨咗。我見有好幾枱都會叫明爐烏頭🐟來吃，相信這個是鋪頭的招牌菜吧，下次再嚟可以試下。在旺角用50幾蚊可以有飯有嘢飲，其實呢個餐非常之抵。叫咁多嘢埋單都唔使400蚊，好抵囉整體嚟講，呢間舖頭抵食夾大件，味道又不錯值得一試。…Read More

因為疫情不能出外旅遊，能解思鄉之愁的，就只有去吃當地菜式。讓我們今晚去旺角來一趟泰國之旅吧！這家店超級旺場，週末晚餐時段來遲兩步就要等位了。食物選擇多，價錢不算貴。當然先來支泰國象啤，飲勝！希望在不久的將來能真的去泰國玩啦！清新、微甘的味道，讓精神為之一振。然後就是我和男友當年在泰國旅行時，逢午晚餐都必吃的馬拉盞通菜。無他，我倆就很喜愛馬拉盞的鹹香跟微辣，這種誘人的味道加上爽脆的通菜是一絕配。既然有數款咖喱，就試試紅咖喱雞吧！它的顏色偏淺啡，濃稠的咖喱汁充滿椰子香，味道清甜，只有微微的辣度。配料的份量十足，除了柔軟的雞柳，還有薯仔、車厘茄、四季豆等蔬菜，增加咖喱汁的甜味。主食方面，我們選了辣椒膏蝦頭油海鮮炒飯，飯粒分明，感覺清爽。飯粒面可見小辣椒塊，吃下去香口帶微辣，但是會愈吃愈辣。這時候，剛才的椰香咖喱汁就非常適合用格撈飯了，味道好夾！海鮮除了大大隻蝦，還有魷魚、八爪魚和蟹柳等，爽口彈牙。兩個人吃不到很多，三碟已經很滿足。每碟都份量十足又充滿泰國風味，值回票價，能理解為何有那麼多客人了！…Read More

「阿來泰式地道風味」可算係我半個食堂，疫情前去街去到夜🌘，要喺旺角坐紅Van返屋企都會幫襯佢或者魚蛋粉，皆因佢哋開到好晏。夜但都好熱鬧，因為真心係平靚正。反而日頭食就無幾多次，呢個星期六去食先發現週末都有做午餐，仲要做到下午五點半。難怪餐廳無時無刻都咁多人幫襯👏。午餐$50樓下就有交易，仲要係大大碟。其實就算正價餐牌都唔貴！餐廳環境正正常常啦，無別緻嘅裝修，但尚算企理。下層座位唔多，好快爆滿，幸好仲有上層，而且上層有大枱，適合一班人聚會👨‍👩‍👧‍👦。辣椒膏蝦頭油海鮮炒飯($68)，炒飯炒完有經堆疊過先上碟，所以成座山咁高，好有氣勢😎！炒飯各方面都做得好好，飯粒分明，炒得夠乾身，而且每粒都好入味🍚。炒飯隻色似用咖喱炒，但食落辣度強勁，我會起碼用三隻辣椒🌶🌶🌶嚟形容，唔食得辣者勿點，但其實辣味以外真係帶點蝦油香，令我又愛又恨。餸料方面，海鮮好足料，有幾隻爽口大蝦、魷魚、青口、蜆同蟹柳等，算係咁啦。金不換香辣肉碎炒河($48午餐價)，炒河同炒飯一樣咁大碟，同樣比人澎湃嘅感覺😍。雖然名為肉碎炒河，但實際邊止淨係得肉碎吖，另外仲有大量蔬菜如三色椒同粟米筍等。味道方面散發住金不換嘅香氣，而微辣嘅肉碎則好惹味，呢款辣度就易入口好多呢😛。不過講到我最欣賞嘅地方係，呢度用上超闊身嘅河粉，約有成吋闊，口感幾滑亦唔易碎，有少少似涼皮。佢嘅炒河明顯比其他泰菜店或茶記出色。椒鹽軟殼蟹($88)，軟殼蟹貫徹大大碟嘅作風，大量嘅避風塘碎碎將蟹蟹埋藏住，椒鹽味好過醬汁煮，因為唔會整濕脆皮。🦀軟殼蟹幾大隻兼肉厚，外皮炸得酥脆香口，更難得唔油膩亦唔熱氣。一碟嘅份量係夠四個人食，因為有兩隻，而且佢會再分邊。呢個價錢食到咁大啖蟹肉確係完全無得輸😋！飲品方面🥤，我哋要咗青檸梳打同椰汁三色冰，佢哋同樣係特飲，正價$22，午餐轉就加$5。我夠膽講呢度嘅嘢飲係數一數二有誠意，即使只係經典款式，但令我難忘在佢味道夠濃，夠足料。青檸唔係得兩片；椰汁芳香，三色啫喱好繽紛。總括嚟講，阿來係一間當之無愧抵食夾大件嘅街坊泰菜🇹🇭👍。今次我哋嗌得唔夠醒目，因為明知兩條友真係無可能食得落兩大碟炒飯麵囉！反而可以Share食一碟，再試下咖哩或其他小食。整體係值得一食再食啊😉，推介。…Read More

通常搵食都係旺角近油麻地方向多啲食店，今次朋友話先達附近都有好食嘅泰國菜，就嚟咗呢間餐廳試下。平日六點半到達，都已經9成滿座，睇嚟都真係街坊食店喎睇下餐牌，海南雞、豬髀飯、冬蔭公一應俱全，價錢都係公道合理，海鮮嘅價錢先會稍高，都ok啦先嚟一個椰青，size唔算大，但都算多水同清甜泰國菜一定要食炸蝦餅， 一碟有6件，外皮酥脆，入邊嘅蝦膠彈牙，合格以上😋見到隔離枱食蜆好大隻，我地都唔執輸要咗份咖喱炒大蜆加蒜蓉包，啲蜆真係匙羹咁大隻㗎，食完都有十幾隻，咖喱入邊加咗蛋，配蒜蓉包一流🤤🤤另外見到出邊少見嘅青咖喱肉碎魷魚筒🦑，原來係將平時食生菜包嘅香料肉碎釀咗入原條魷魚入邊，再用青咖喱汁煮，比起平時嘅汁燒魷魚，味道口感多啲層次，而且冇燒嘅咁乾，配飯好夾呢！炒飯要咗呢度推薦嘅辣椒膏蝦頭油海鮮炒飯，食落大約係中辣左右，蝦油令到碟炒飯提升咗一個層次，好香好惹味😋😋甜品就食唔落芒果糯米飯，就揀咗椰汁西米糕，一碟有6件咁多真係出乎我意料之外，上層椰漿，下層西米糕有軟糯嘅芋頭粒粒，完美嘅晚餐完結…Read More

今日去到旺角先達附近搵野食，通菜街原來有好多餐廳，我就搵到呢間阿來泰式。叫左一個小食一個飯一個主菜，先黎既係牛油雞翼，同一般既牛油雞翼有少許分吃，唔係有好厚炸粉拎去炸果一種，呢種炸雞翼睇落冇咩特別，但係食落有濃濃既牛油味，但係又唔肥膩，真係食多幾隻都唔膩。再黎就係泰皇咖哩軟殼蟹，泰皇咖哩睇落係唔辣，食落就知個功夫所在，個汁最啱就係要黎撈飯，而咖哩配既炸軟殼蟹亦都出奇地夾，軟殼蟹炸得脆脆地，點埋咖哩汁真係食得落幾碗飯。最後叫左個辣椒膏蝦頭油海鮮炒飯，食落辣辣地又惹味，而且配料十足，蝦、墨魚仔、蟹柳，真係一個唔錯既選擇。最後重有杯青檸梳打，食泰菜又點可以唔叫杯青檸梳打呢。最後要讚既係餐廳每碟都好大份，多人食都唔驚分唔到！…Read More

泰菜除咗係九龍城食 呢間都係我心水旺角可以搵到好味泰菜🤩-📌泰式炒金邊粉泰國菜唔少得食炒金邊粉😍😍炒得好乾爽夠味 最搞笑應該係佢擺盤點解放條蔥🤣-📌辣椒膏蝦頭油海鮮炒飯貴為廚師推介真係無令人失望 辣得好過癮🤪🤪又有蝦頭爆出嚟嘅香味 同埋炒飯最緊要嘅乾爽都做到👍🏼👍🏼-📌泰式蝦醬炒飯重口味人士首選🤣🤣其實係好香好濃味😝😝配料都算豐富 係一個唔錯嘅嘗試😇飯/麵嚟講呢間餐廳做得幾好😌😌最有驚喜係蝦頭油炒飯果款🥰比較特別而且味道📌串燒沙嗲（豬&雞）啖啖肉 主角沙嗲醬又香又惹味 會不自覺一串接一串-📌馬拉盞通菜每次必點的菜式 馬拉盞的鹹香同通菜好夾 裡裡外外都吸收個汁😋😋-📌泰皇咖喱火山軟殼蟹法包咖喱的香料味濃而香 配包/薄餅好正😋但另一主角軟殼蟹炸的太耐 搞到外表黑黑實實要扣分-📌芒果糯米飯食飽飽都好點都要食埋呢個甜品先圓滿☺️☺️ 芒果大大塊夠甜👍🏼 糯米飯比滿滿的椰汁包住👍🏼👍🏼😝 整體嚟講呢間絕對係性價比高的泰菜餐廳😍😍 大部分食物都好有水準 唔怪得keep住咁多人幫襯…Read More

有冇發覺好多泰國餐廳都叫「金X」或者「泰X」🤣而呢間就多咗「阿來」呢兩個字。原來係泰文嘅意思就解「好味」， 咁今日就梗係要試下係咪真係咁正啦🤔💗辣椒膏蝦頭油海鮮炒飯($68)炒飯夠哂火喉同鑊氣，飯粒分明入口，乾爽唔油膩，加上蛋花更香口🍳配料包括有大量章魚腳🐙、蟹柳🦀同青口，令整個飯富有口感，海鮮冇雪味但欠缺鮮味，尤其青口食落好淋。放咗唔少辣椒碎同辣膏調味🌶真心係惹味但幾辣，悲傷小姐都食到流鼻水，不過蝦油味道唔突出。面頭仲有兩隻蝦做裝飾，口感彈牙。💗泰式鮮蝦冬蔭功湯($78/小)湯底充滿香茅、南薑同香葉嘅香料味，飲落香濃，唔會得死辣，酸辣平均，已經就番香港人口味偏甜🍲湯料亦非常足夠，鮮蝦有三大隻，肉質結實飽滿，食落彈牙鮮甜🦐爽口嘅雞脾菇🍄同車厘茄🍅吸收晒湯汁。不過對唔食得辣嘅人嚟講都會頗辣。💗豬頸肉炒通菜($72)通菜新鮮爽脆，菜莖菜葉好翠綠無變啞色，食落無渣，唔會炒得過老🥬薄切豬頸肉份量都幾多，咬落軟滑有肉汁，可惜偏肥所以唔夠爽口🐷用咗大量蒜蓉炒，夠哂鑊氣非常惹味，而且唔會好油膩同過鹹🧄如果用馬拉盞做底，味道加番少少辣就仲正。💗椰汁三色冰($22)喝落係香甜濃厚嘅椰奶，不過冰溶咗之後有少少變淡🥛底下嘅三色啫喱滑溜溜，咬落幾爽脆，色澤鮮艷好靚，但唔夠Q彈🍭…Read More

老婆話好耐之前食過阿來，味道唔錯！所以趁假日同老婆有時間就嚟撐枱腳！一出地鐵站，行幾分鐘去到通菜街。位置上面十分方便就腳。落完order 無幾耐就送咗嘢飲。青檸梳打、熱華田野飲選擇好少，我一開始以為有特別啲野飲，最特別喺椰青，龍眼冰同泰象啤。見到好多人都叫咗椰青，應該好好飲，大家可以去食下。青檸梳打同熱華田，味道就一般同茶餐廳差唔多啦。然後唔洗15分鐘，已經好快上晒啲菜式。辣椒膏蝦頭油海鮮炒飯呢個炒飯真喺認真麻麻，一開始聽人介紹話好食，有大蝦、章魚條、蟹柳、蜆飯，炒埋一碟加上特別嘅泰式醬料，外表就炒到唔錯，一開始食落都覺得好食，但點知炒飯無鍋氣，海鮮無海鮮味，又話辣點知唔辣，一開始都幾好食，點知個炒飯愈食愈難食。泰式suki（牛）炒粉絲嚟到果陣望到都嚇咗一跳，成間大碟到好似二人份量咁。我食開炒粉絲喺有少少乾底，但呢個有少少喺濕底，濕到你入唔到口，我勉為其難食到一半，一堆嘢炒埋一齊麻麻地。玉子豆腐肉碎粉絲湯呢個湯諗住叫嚟純粹解下渴同滋潤下，真喺估唔到佢喺成晚入面最成功嘅，都好飲！味道方面同住家湯有啲似，都好足料。蒜蓉炒通菜一般住家炒菜，味道十分一般，其實我哋本身叫芥蘭，但唔知點解嚟咗通菜，因為炒飯本身有通菜，所以無乜評價，都叫入到口。…Read More

今時今日，用三百元有找的價錢可以吃到一餐正宗地道泰國菜，確實不容易找得到，但今天我們就了二百七十五元就吃到兩個主食、一碟菜、一個甜品和兩杯特飲，確實是經濟又實惠。阿來海南雞飯 （$54/全日套餐）👍👍👍👍這個海南雞飯套餐是全日供應的，套餐包括一碟去骨的海南雞飯，並奉送咖啡或茶、凍飲+$2，特飲+$5。去了骨的海南雞，啖啖肉，雞肉幼嫩不鞋口，雞皮爽滑又不太肥。油飯大大碗並帶有雞油香氣，而我特別喜歡它的自家調製醬汁，味道辣中帶点甜酸，令海南雞味道更添層次。青檸梳打（+$5）👍👍👍👍味道不太甜又有青檸香氣。辣椒膏蝦頭油海鮮炒飯 （$68）👍👍👍👍炒飯炒得很乾身，材料十分豐富，有多款海鮮。辣椒膏蝦頭油令炒飯更加惹味，少少辣味令人食慾大增。飛天炒通菜（$68）👍👍👍👍👍通菜用了大量蒜蓉、紅辣椒等材料，味道香中帶辣。通菜颜色仍然青綠，口感爽脆。咸檸七（$22）👍👍👍👍青新的咸檸七跟泰國菜同吃，十分配合。芒果糯米飯（$58）👍👍👍👍最後當然要來一個泰式經典甜品，芒果糯米飯。芒果清甜配合香膩的椰汁糯米飯，就是最佳拍檔。門面室內環境餐牌…Read More

無住家飯食嘅我今日又去搵好嘢食。之前介紹過黑布街附近有咩好嘢食，今日就講下旺角另一條平民化的食街，就係先達隔離嘅通菜街。今日口啖啖，想食啲香辣嘢，所以約左朋友去呢間阿來。呢間阿來好多人幫襯，我六點入去就唔使等，但坐咗一陣就已經全場full house。因為大太肚餓，所以叫左六樣嘢食。首先飲番個泰式鮮蝦冬蔭功湯開開胃。叫一個細嘅就兩個人啱啱好，個湯好好飲，香辣酸味夠，亦都好平衡，香料好足，蝦頭索晒啲湯，識食蝦頭嘅人就會覺得好食。飲完個湯就到炸蝦餅。蝦餅好香口，夠彈牙，食落蝦味都夠。因為驚食唔晒，所以海南雞叫咗例牌，兩個人就啱啱好。雞肉夠滑夠嫰，雞皮唔會太肥，可以接受。跟住食下主菜泰皇咖喱炒大蜆，呢個我朋友叫，我本身麻麻地甲殼類，不過啲汁就好好味，用嚟撈飯或者蒜蓉飽就very good喇。呢個辣椒膏蝦頭油海鮮炒飯 ，食落有辣椒膏嘅香味，可以再辣啲都得，不過今次最主要都係用左嚟撈汁食。最後就係食菜啦。好少見食店炒通菜會加豬頸肉，所以叫嚟試試。不過其實就咁炒菜都夠喇，因為菜都炒得好香，唔使豬頸肉都得，人到中年，都係唔好食太多肉好～雖然眼闊肚窄叫多咗，不過我地無浪費咖，全部食晒。食咁多嘢，埋單都只係四百八十幾蚊，唔使加一服務費，抵食！…Read More