Kwan Kee Beef Balls & Pork Knuckles

呢間豬手我一兩年前已經聽過，嗰時已經好想試，但係一直冇機會，因為佢收好早唔做晚市，好難食到，終於搵到機會平日同屋企人去食午餐。佢係一間好傳統嘅店舖，冇冷氣冇裝修，七月去食都幾係野，食到成身汗，佢價錢牌仲係用好古舊嗰種字體，相信新一代都冇乜人睇得明佢食物款式唔多，豬手、牛丸、牛腩粉面，炸卷。我就叫咗豬手牛丸米，同一份炸卷，豬手好爽好入味，牛丸亦有牛香彈牙，重點係，佢份量超多，餸仲多過面炸卷係一個包住鹹牛肉嘅卷，好睇個人口味，我覺得唔錯，但我屋企人就覺得普通。我特別要介紹呢度嘅辣椒油，我覺得全間店舖做得最出色其實係佢辣椒油，佢個辣味好特別，撈落個面度非常之香，真心推介…Read More

黎呢間鋪頭，一定要早，否則好多野都無曬，次次黎親想食果個炸卷都係賣曬🤦🏼‍♀️黎到都係叫1碗豬手米+1碗淨豬手，佢既豬手係好食，有時就會比好多骨，有時又會多肉。豬手通常都好林，又唔會硬，米粉就普通啦。不過佢既重點我覺得唔係喺豬手度，而係喺佢既辣椒油度！我平時係唔食辣椒油架，亦都唔太食辣，有好多人去食粉麵鋪都會落辣椒油，但我又唔會落，但係呢間既辣椒油真係好好食，佢拎黎果碟辣椒油好細碟，次次都要自己出去拎多d，佢有少少辣，但好香，好好食，食唔停口😊可一可再👍🏻…Read More

群記牛丸豬手可以說是遠近馳名，聽聞不少人專登駕車入粉嶺吃麵，區內更加是無人不曉，今天中午，本小姐又和這位老友舊聚。這家店是傳統麵檔格局，鋪面內外裝修都沒有跟著時代變遷，店內就連冷氣都沒有安裝。一坐低店員就走過來放下一小碟辣椒油，兼且落單，今天想吃牛丸，於是點了大牛丸米粉($39)。不消5分鐘就端上來，一碗丸米整整有12粒牛丸！很足料！牛丸是手打的，結實彈牙，而且牛味濃郁；米粉爽口幼滑，不會太淋，軟硬適中。這裡的湯底其實沒有特別，因為眾所周知，這裡的辣椒油才是好吃得令人戰慄。辣椒油應該採用了多種材料，導致吃下去的味道豐富，香辣之餘也很香口，富有其他食材的味道。堂食的話，這裡的辣椒油是任裝的！於是我把辣椒鋪滿牛丸和米粉上，務求每啖都嚐到辣椒😏。群記裝潢已經保留舊式風味，味道當然也盡力傳統。現在，新派的餐廳湧現，這種傳統小店已經買少見少了，大家有時間就要去嚐嚐了😭。…Read More

很早过去粉岭发现还没开门等到11点发现已经在外面排队了 建议10:50到猪手牛丸河粉一点味道都没有 必须加辣椒油 猪手没有泰国夜市的软糯牛腩米粉意外的好吃入味炸卷味道特别 比较类似于北方的香肠…Read More

‪#‎小店系列‬ 之前介紹過粉嶺四眼仔腸粉，宜家介紹埋同區聯和墟😈 ‪#‎群記牛肉圓豬手‬舖面格局非常舊式的老店，牆上貼了老師父寫上的[花碼]價目表<豬手牛丸米> $36去到群記食豬手🐷是必須的，但先講講📢上午賣哂就無了🙊或者要等到下午3點多先有機會再推出😭豬手唔同一般粉麵店，唔係用南乳炆的，係用上清湯鹹豬手方式，食落肉質一樣軟腍帶點咬口，而最正就係佢個豬手皮做得非常爽脆帶膠😍好似食左好多骨膠原咁牛丸🐮氣孔不多，但仍然爽口彈牙，而這店的辣椒油也是精髓所在👍夠香夠辣 (辣油會先送上一小碟，唔夠出面自己再去加)…Read More

牛丸河，招牌手打牛丸好一般，牛味淡，只係質地滑，但又唔夠彈。紅磡郁香園丸之專門店既牛丸好食百倍！大粒滑彈味濃 juicy！硬河粉麻麻地，我要棉滑熱辣辣，依家唔夠熱，只係暖暖地，拖拖水就算，唔掂架喎。湯底清淡要加辣椒油同豉油先夠味，辣椒油微辣而極香口，麵豉味濃及帶甜，自家調製幾特別。豬手麵，招牌豬手無修甲，見到腳甲有啲壓力，您睇佢無修甲呀！搞到我諗起大陸木偶餐廳恐怖羊蹄。豬腳皮起晒枕喎，最終我都硬著頭皮照食。豬皮好爽口，充滿骨膠原，好補啊！我較鍾意無骨既淨肉，豬肉味鮮，肉汁澎湃，炆得質地幼嫩，好好食，滿意。原來可以要求淨肉走骨架喎，那就更好啦！幼麵普通，不過不失，不提也罷。掛上大量帶甜辣椒渣都好好味，無辣不歡的我。炸牛卷，人氣爆燈，個個爭住食。香氣同味道都勁似漢堡扒，不過帶一點淡淡鮮牛味道，質地好似牛腩。炸得腐皮香脆，裡面牛肉軟棉，又似免治牛，亦似漢堡扒，味道調得略咸，浸湯食都幾有趣。專登係粉嶺火車站行過黎，但只係十點半左右，十一點先開檔，但點解要成班食客堆係門口等呢？唔比坐住等？條路又窄，食客又唔係排隊，只係雜亂無章地塞住門口及行人路囉！係咪派號碼會更好呢？仲要有兩條單車友將兩架單車鎖正係門口碌柱，行人路已經非常窄，鎖兩架單車塞住半條，您地有無腦架！…Read More

行完山搵個地方醫肚先，傳聞粉嶺群記豬手好得，撞啱今日有地頭蟲文廸姐係度，就跟住佢去搵食啦！咁晏可能咩都賣晒無野食架喎，去到先算啦。裝潢保持幾十年前古色古香，老麵店架局，燈光暗暗，掛場風扇、天花吊扇、摺櫈、牛角扇、不設冷氣開放，果真好有風味！初戰群記，太晏無豬手喇，河粉賣晒、牛卷賣晒，所以唔洗等位一到就入坐添。只有豬手、牛丸、牛腩、牛肉炸卷賣既群記，唔食牛就只有豬手了，連豬手都無就食淨粉麵啦！牛腩牛丸麵走蔥，牛腩碎麻麻地，乾鞋又多肥膏無咩肉食，豉油味重而濁，唔多喜歡。小牛丸 good 喎，細細粒容易食，手打丸質地幼滑，淡淡牛味不算濃，肉汁微微還可以。清清的湯底，幼麵平庸普通掛上湯汁都蠻滿意。辣椒油非常獨特，香濃而不辛辣，濃厚麵醬味道帶甜味。一小碗麵我要用上兩大羹已夠喉呢，自助添油。剛剛辣油沽清撞上侍應姐姐親手調製呢，原來唔係一早調好，見姐姐將辣椒渣跟其他不知名醬油混合就完成喇。不明白何解如此質數日日大排長龍呢，一定要黎會一會佢既豬手先得！…Read More

甚少踏足粉嶺，當天參加了「馬寶寶有機農莊」的導賞團，原來農莊與聯和墟只是兩條馬路之隔。中午是自由的用餐時間，老公跟我別無他選，因為三年前在給「群記」的食評裡，除留下了滋味，還埋下了伏筆！別來無恙的「群記」，依然是人山人海，舖外的人在等外賣，舖內的人在等吃、等位和專注於美食中。我們當然是等位，兵分兩路，老公率先等到一張三面的四人檯，由於這檯一面已靠牆，剩下三面讓四人分坐，雖有點劑迫，但總算是可以坐下來。剛坐下已聽到侍應在喊：「只剩牛丸和牛腩。」！有些剛進的食客聽到，立即回個頭便離開，我還是心靜如水地坐著不動，想想伏筆可能要逾期才能完成！落單後，男侍應隨即送上兩小碟辣椒油。「群記」的辣椒油是以香甜為主，辣度輕微，相信愛它的人就是為了那股如磨豉醬與秘方混和所溢出的香氣和甜甜的味兒，雖然刺激度不高，但則富有特色，相信非獨有的話，在香港也難找到類同的了！我要了細的牛丸米。「群記」湯底的韻調簡單，就是一點點的鮮味夾雜輕鹹，入口暢順，襯托爽口的米粉，感覺撲實。而著名的牛丸，則以爽口幼滑、透出自然牛香見稱，雖與我喜歡粗丸的質感、風格與口味完全不一樣，但各具優點，各有捧場客。老公要齊了當時僅有的牛丸和牛腩，襯上他喜歡的滑溜河粉。這件原汁牛腩帶有筋膜，而且筋膜還有如軟骨般，非常爽脆；牛腩肉亦燜煮得軟腍，足證選料與做功也並無馬虎。至於所謂的原汁，經品嚐過後，認為介乎保留牛腩的原味與輕量的調味之間，入口可嚐到丁點醬汁的道味，但還是以牛腩的原味為主道。多得年青侍應的幫忙，搶先為我們奪得這碟家鄉炸卷，正因三年前未能嚐到的家鄉炸卷埋下了伏筆，今次可一償心願了！家鄉炸卷以牛肉作餡料，腐皮捲包作外層，加上喼汁調味，令我想起廣東點心的山竹牛肉來，一蒸一炸，兩者有著異曲同工之妙。入口腐皮半脆，饀料的牛肉較為粗糙，擁有如純手琢牛肉的嚼感，跟牛丸的幼滑形成強烈的對比，而牛味則相當突出，再蘸上喼汁，令家鄉炸卷更為醒神！剛過下午兩點，其中一位侍應大喊：「豬手可落單。」！頃刻彷彿有千萬隻手舉起般震撼，有的食客還擔心落空，要跟侍應再三確認！我們的大豬手來了，打從家鄉炸卷到美味豬手，一切都來得失而復得似的。美味豬手以白滷水的方法烹調，我最喜愛它難得的爽彈與煙靭。無論豬手的瘦肉、皮層、脂肪或筋膜，絕不會軟乎乎得毫無個性來，就連脂肪都是爽脆的，愈吃愈有味道，而且也不會產生膩意！當天的美味豬手可能因趕功的關係，入味程度沒有三年前所嚐的佳。一別三年，「群記」的佈置、辣椒油的標語及擺位，和一切一切皆沒有絲毫變化。人說香港人善忘愛變，但「群記」不變的正能量，把低下頭來專注玩弄手機的低頭族或品嚐麵食的客人，統統給抬起頭來，顯然「群記」的吸引力並非來自新鮮感，證明舊的可貴和價值。究竟香港政府還要以住屋問題作擋箭牌，剷平多少具本土特色的樹木、果園、農地，拆毁幾代人辛苦營造的家園，催毁富有本土特色的鄉郊景色、農業、漁業及禽畜業，要香港窮得只剩下石屎來，何不認真檢討房屋和移民、人口政策，確在令人痛心！只懂將舊物拆毁，眼前的香港已經面目全非，變得愈來愈俗氣！…Read More

來到粉嶺聯和墟覓食，總是會想起三家餐廳，群記牛肉圓豬手便是其中一家。小時候家父常帶我們來食，以前在周末下午總是摸門釘，假日不開市，而且豬手一賣光便收舖，這是從前的群記。現在第一輪豬手賣完，等兩小時便再有新鮮出爐。又多了一個到訪的理由。豬手麵當然是必選之列，豬手煮得軟硬適中，豬手皮很好彈性，食起來一點肥膩也沒有，而是啖啖肉的美味。我這天點的是豬手米粉，米粉剛好清爽，更突出豬手的原味。來這裡，其實第一個上菜的，不是油菜，而是一碟辣醬。這碟讓人愛不釋手的辣醬，輕輕的麻辣感覺，而且辣油相當香，用豬手點上，不但提升了豬手的鮮甜，更讓人不禁食多了。牛腩煮得很入味，牛筋彈牙，想多食一口又一口，甚至把湯喝了。…Read More

是日元旦，新一年相約一起去鶴藪走走，本想去上水食好味多料紅豆冰，但星期四廣成係定休日，唯有返返去粉嶺捃食，友人就建議到聯和墟­捃食。在OPENRICE找到位粉嶺聯和墟­人氣最高既 群記牛肉圓豬手，友人說這家小店勁多人，成日要等位，但反正諗唔到其他，試下2015首日的運氣吧！泊好車，一行3人入店捃位，大約下午1點45分店內有8成既檯後也有人等緊，超爆滿；店子簡樸本想試家鄉炸卷，但聽到賣晒等了唔使10分鐘有兩個位，食緊野位太太好好人，叫我地坐住先同提議我地叫定野食，一陣就讓個位比我地; 感恩運氣也不錯  .  一張貼牆的方檯，每邊都要坐兩個人其實都幾迫坐底店員即刻比咗三碟辣椒油我地，聽聞都幾辣，所以我無試；分別叫了一碗大手麵、一碗大手米、一碗細手米，另加一碗淨細牛丸同一碟菜SHARE牛丸有點似豬肉丸，無乜牛味又唔彈牙，好無特別大手麵 ~ 豬手的數量比細多兩三件左右 ，食得辣應該點D辣椒油味道會有所提升細手米 ~ 豬手算多肉、皮同肉爽腍，若多D筋就仲正離開時，店外已有一堆人在等候入內…Read More

超人氣的小店，沒空調，店內只有畔幾把吊扇，大熱天時30多度仍勁爆場，大家吃得汗流浹背。勁爆場之餘，卻沒排隊/登記派籌制度，像舊式茶樓般，自己選定看似快結帳的對象站在旁邊等位。座位擠逼，一定要搭枱。客觀條件好趕客，但仍客似雲來，自有其吸引之處...鎮店名物清湯白烚豬手，和慣常吃到用南乳炆得腍身的豬手很不同。白烚豬手，切成小件，皮爽肉嫩。豬皮滑溜有嚼勁入口不肥不膩，瘦肉也鬆化不韌，沒半點羶味臊味，絕對是鮮肉，好吃。店家說沒什麼特別秘方，只把豬手刷淨後白烚下鹽，最重要是豬手要新鮮。湯是用牛丸、豬骨和豬手煲成，沒味精的原味甘醇可口。手打牛丸體積小巧，剛好一口一顆，爽彈有肉味。原汁牛腩肥瘦均衡，帶點筋膜，肉質鬆軟夠腍多汁。看來像是柱候炆的烹調方法，但醬汁味道輕盈不會遮蓋了牛肉的原味。一入坐店家便奉上每人一小碟辣椒油，近門處大字寫上請大家合作吃完再添不要浪費。這辣椒油，是店子自家秘方調製，入口初嚐到香濃蒜味，繼之是甘甜，收結才吃到辣椒的辛麻，配豬手牛丸牛腩都一絕。…Read More

好耐冇去過粉嶺, 記得有間豬手好好味, 我又好耐冇食過就上o黎開飯網搵返個地址出發!經過約30分鐘車程, 經過東隧, 大老山隧道, 吐露港再加行錯路.......終於到步.......(好彩門口有車位).......入到去裝修依舊(冇裝修+冇冷氣, 好彩天氣開始轉涼)......一個箭步搶位坐(其實大把位, 因為下午4點幾冇o羊人), 二話不說大豬手+家鄉炸卷<---網友介紹......(約5分鐘)......豬手先到, 一個字正! 依舊好美味! 不過辣椒油唔夠辣.....似豆板醬多o的.....(再多5分鐘)...家鄉炸卷到<---網友介紹, 一放入口..(感覺怪怪地........)瘦肉過多而且有~榨~(可能個人口味問題)...食左兩件其他唔食啦....下次唔洗再叫....基本上我係為左豬手而o黎冇投訴......不過我都唔知幾時再o黎啦(因為好少入新界).....希望o的o甘全統又好味o既~豬豬豬豬豬手~唔會因為香港經濟發展失傳或消失啦! …Read More