越味皇

今日同朋友去荃灣買野，所以就係個頭揀左間越式野食。串燒是必嗌的，由其係雞肉，肉質嫩滑而且非常惹味，沙嗲醬都好濃郁，令人有想再食既衝動。椒鹽炸軟殼蟹炸得好脆好乾身，椒鹽味都算重，調味調得幾好。本身諗住嗌通菜但賣哂，所以嗌左越式馬拉盞配油麥菜，啲菜幾新鮮，係估唔到都幾辣下，不過辣得黎都幾好食，但食唔到辣既就唔建議食，可以試吓清炒蒜蓉或者越式蟹頭膏。招牌炒飯有好多細細粒既海鮮係入面幾有咬口，味道比較清淡，仲有兩隻炸蝦，都唔會太膩。然後牛油蒜蓉雞翼都係必嗌，新鮮熱辣辣炸到卜卜脆，入面肉質嫩滑，仲有陣陣牛油同蒜香味，味道濃郁。仲有柚子鮮蝦沙律，睇個名以為有普通鮮蝦，但原來係炸鮮蝦，味道酸酸甜甜，柚子都幾爽口，整體都唔錯既。然後食越式野通常都會嗌椰汁冰，呢間既椰汁冰都唔錯，幾香滑，椰汁味都濃郁。而朋友見到越式滴漏咖啡有個👍🏻又幾特別就試下，香味濃郁醇厚，略帶苦澀回甘，佢最底係奶，落既份量可以自己決定。…Read More

好耐冇同家人食飯，今次係荃灣食越南菜，選擇多價錢合理，再1人，2人，4人餐。我地避免選擇困難，所以揀左4人餐。越式柚子鮮蝦沙律，有4隻炸蝦，都好香口肉質彈牙，如果係用水煮熟，味道更夾沙律，有大量多果汁的柚子，酸度剛好，很清爽消膩。牛油果軟殼蟹卷，牛油果完熟好香，味道勁夾肥美飽滿的軟殼蟹，加埋爽脆青瓜同彈牙米粉，用薄薄米紙卷起食，口感豐富。越味皇炸春卷，金黃色，炸得超脆。用生菜包著食，感覺冇哂油。春卷餡料豐富，好多粉絲、木耳絲、甘筍絲……味道不會過重，沾酸甜汁食更美味。越式雞翼帶點港式風味，有蔥油及炸蒜，極為惹味帶香，仲有點香料味，如果套餐可以加錢轉牛油雞翼更完美。由於粉皮售罄，所以轉左做網炸蝦燒，估唔到咁好味，個網炸的超鬆脆，入口即化的口感很獨特，蝦卷細細件，食完岩岩好。主菜可選2款，越式燒雞有半隻，都係醃過再炸香，雞肉更扎實，但都有肉汁，較重香料味。越式咖啡牛腩煲，雖然好細份，但牛腩量都幾多，煮得肉質鬆化易咬，牛味濃郁，帶咖啡香料味，配飯或多士都好夾，最欣賞個咖哩濃調度剛好，包住每件牛腩。菠蘿豬頸肉炒飯，也是份量較細，但整個套餐都豐富，所以最後大家都好飽。菠蘿偏少，豬頸肉反而幾多，拌腰果同肉鬆，味道提升，個飯也炒得粒粒分明。馬拉盞炒通菜，夠哂大碟好滿足，馬拉盞微辣很濃重的香味，通菜炒得均勻，爽口惹味。牛油果沙冰甜甜地好夠冰凍，沙冰打得細滑，牛油果味慢慢出來，令人回味。椰汁珍多冰好多粉條，甜度剛好，食辣野飲最岩。…Read More

間中都會到荃灣 附近掃街食飯，食過兩次呢間越南菜餐廳，環境同食物質素真係唔錯。餐牌都幾多款式選擇，可以好似車仔麵咁自由配搭餸菜，因應個人選擇湯粉再單點小食飲品。我同朋友就揀左$198嘅二人套餐，包含沙律／3款小食／2碗單拼粉類或飯類，仲有兩款飲品，啱晒懶人一族！✨越式柚子鮮蝦沙律食物配搭好特別，柚子份量好足，甜度都足夠，夠醒胃 👍配合蝦肉，味道都幾match！✨鮮蝦米紙卷 米紙卷味道會本身偏淡dd，對於重口味嘅我，沾一沾店內提供嘅越式甜酸汁或者是拉差辣椒醬，整體風味都提升左，幾有滿足感～😋✨熟牛肉蕃茄蟹膏湯檬粉 牛肉應該呢間鋪頭嘅主打，搭調好的醬汁，非常惹味！食落都好入口即化～湯底方面有食得到一舊舊蕃茄，黑椒味比較重，唯獨蟹膏味如果再加強多d會更好，整體黎講呢碗檬粉幾有質素！😄✨越味皇炸春卷 味道脆口但偏硬身左dd，味道普通✨牛油蒜蓉雞翼牛油味道超濃郁，雞翼炸得好香口。✨泰國椰青東南亞食物配合椰青簡直一流，呢間餐廳嘅椰青幾大個，椰汁鮮甜，飲完仲可以食晒入面d果肉，我同朋友都好surprise d果肉好易舀起，唔會好硬身，食落口超嫩！總結，鍾意食東南亞風味同越南菜絕對推介一試！我都會再幫襯呢間餐廳～…Read More

荃灣的路德圍一向多食點，筆者曾光顧過這邊的幾間米線店。今天就搞搞新意思，不吃米線了，改吃越南菜。車快是越南語，解作沙律。這碟柚子鮮蝦車快舖了生菜塊墊底，然後是大量柚子跟青瓜絲，酸甜的味道使人吃得清新開胃。2隻鮮蝦經燒熟，有著彈牙的口感。雜錦拼盤可以一次過試到幾款越南小食，不用花時間心大心細。拼盤有香脆雞翼、蒸粉包、香燒迷你蔗蝦、炸香卷4款，每款各有2件。筆者對蒸粉包最感興趣，它的外表有點像中式的雞絲粉皮。用滑溜的河粉皮，餡料有豬肉碎、沙葛、木耳等，口感既腍身又爽脆。香燒蔗蝦啖啖香甜蝦肉，配以酸辣醬食得滋味。唯略嫌雞翼烤得有點乾。若有研讀歷史的話，就知道越南曾經是法國殖民地，而這一道越南三文治就是有著法國色彩的越南菜。和傳統法包不同，越南法包製作過程再會加入米粉，所以口感會脆一點。法包夾了青瓜、蕃茄跟札肉，但攤涼後麵包會硬，所以需趁熱吃。被餐牌圖片吸睛而點的燒魚，味道質素果然不俗！燒魚魚肉紮實不鬆散。因為燒烤的方法可把醃料氣味迫出，味道非常香口惹味，蘸上由餐廳特調的醬汁更出味。吃東南亞菜時，總會點一杯特飲。今次點了龍眼冰，一口下肚，清甜解喝。…Read More

Happy Friday又係時候約朋友食飯～上年去完越南成日都會想食越南野，所以今晚揀左路德圍既越味皇。見佢裝修都好越南，一頂頂斗笠掛晒係天花板 😆柚子沙律超多西柚😋 酸酸甜甜好fresh! 小辣個米紙卷老實講睇落好似好大舊好乾，其實食落超好味！牛油果好多 😍 同質地好軟熟，襯埋啲酸汁一絕！炸雞翼有勁多蒜蓉，好正😍 啲炸粉充滿牛油味，同埋炸得好脆，放多陣食住其他野先再食返隻雞翼都唔會林左痴晒肉。越式生菜包同泰式都幾唔同，越式既調味冇咁辣，但多啲香草。生菜唔算好嫩，但都juicy 😋雞串超好味！好滑，但外層又燒得好鬆化。個沙嗲醬又係冇得彈 👏🏻牛油果，又係牛油果！好好味呀 ☺️ 飲得出落足料！必飲！另外有個益力多沙冰都想試，但最後俾牛油果吸引左🤣…Read More

跟朋友再攞左假期下個月再去越南，但想飛嘅心情一早已經頂唔住。所以就食住先過下人口癮，知道荃灣路德圍一向都係美食集中地，就揀左呢度大吃一餐。招牌牛肉湯河。除左牛肉有啲過熟之外，味道都幾唔錯香料足，而且湯底入口甘香令淡味嘅河粉生色不少。牛肉好大塊同同入味，食嘅時候加上少少檸汁中和一下個咸度啱啱好。越式柚子鮮蝦沙律。新鮮柚子堆到山咁滿，正！甜酸汁唔會過辣，配上柚子嘅微微苦味，蝦肉爽口入味，連同柚子食好開胃。雜綿拼盤。份量好豐富，有蔗蝦／牛油雞翼／蒸粉粿／炸春卷。蔗蝦肉質結實香口，蝦味好濃又帶點甜味，幾好食。蒸粉粿嘅皮幾煙韌，調味唔錯。不過牛油雞翼及春卷就油膩咗少少，味道唔算有突出。越式豬頸肉飯。一定要轉做椰香飯底，因為個椰子味十分香，配上醬汁撈飯十分惹味。而豬頸肉好大塊同燒得香口，咸咸地配飯食一流。越式燒魚。用上䱽魚即時燒製，所以都等左一陣，但因為細微魚骨全無，所以可以大啖大啖咁食唔怕骾骨。魚肉偏結實但油香依然足夠，愛魚朋友不能錯過。越式滴漏凍咖啡。咖啡味香但唔會太苦，攪勻煉奶黎飲幾香滑，飲後一杯咖啡，消膩又醒神。正。椰青清甜又解暑，啱晒近排炎炎夏日。近近地唔使飛越南都食到正宗越腩味道，荃灣食街都算係咁啦。…Read More

今天來到荃灣找越南美食甫進店侍者們就熱情招待菜單包羅萬有花多眼亂先點越式柚子鮮蝦沙律柚子份量超級多酸酸甜甜既好味又開胃作前菜一流點了一客兩件的迷你庶蝦誰知迷你換來特大size是日的越式燒魚是倉魚用香料醃制甚具東南亞風味再點一碗頂級生牛肉湯粉呷一口湯頭有香醇牛骨味配上九層塔等香料味道出色這的招牌是牛油蒜蓉雞翼雞翼體型大得驚人賣相佳富牛油香會令人愈吃愈上癮蟹頭膏炒高麗菜坊間少見比平時的炒菜多一份鮮味飲品點了青檸梳打牛油果沙冰懷著滿足的心情抱著肚子回家…Read More

放假同呀媽喺屋企果頭搵食 見到間越南餐廳 好似好耐冇食過越南菜 就入左去一探究竟入面嘅裝修都幾靚 好有越南特色 抬頭望上去見到天花板掛咗好多當地獨有嘅漁夫帽 好得意由於勁肚餓嘅關係 兩個人竟然買咗勁多嘢 主菜方面 我叫咗個 特式炒飯 佢將啲飯炒完放到好似一個金字塔咁 四圍就放咗啲蝦 八爪魚 等等嘅海鮮 飯嘅質地好煙韌 幾好特色炒飯 $88然後阿媽就叫咗個口扎肉撈檬粉 檬粉口感做得非常好 乾爽有口感 吾太乾或太稔 撈咗佢嘅魚露非常好食 感覺佢嘅魚露有少少唔同之前食過嘅都比較濃味 呢個就比較溫和 可以自己調較多少 配合口味 唔會落少少就太重口味 吾錯厚扎肉撈檬粉 $40講返個開胃菜先 我哋叫咗個柚子沙律 首先啲友仔好多汁好甜 好高質 然後佢再撈咗啲青瓜絲 上面擺咗幾隻蝦 成個配搭好fresh 嗰時本身已經肚餓 食咗呢個就更肚餓 然後我就食咗好多嘢啦 哈哈越式柚子鮮蝦沙律 $68小食方面有兩個都超值得一讚 首先就係由店員推介嘅牛油蒜蓉雞翼 本身都唔期待有啲咩咁特別 但一嚟到都要幾有驚喜 因為首先佢勁大隻 然後咬落真係一陣好香嘅牛油同蒜蓉味 完全冇偷工減料 而佢嘅火喉一條覺得剛剛好 咬佢一啖雞肉 入面仲有肉汁流出來 而且肉質勁滑 好似bb咁 呢個誠意推介 值得一試牛油蒜蓉雞翼 $45另一個正正小食係牛油果軟殼蟹米紙卷 身為一個牛油果控嘅我 一見到牛油果就發癲架啦 而如果入面放得唔夠我會好sad 但係呢件事冇發生 因為佢好足料 米紙入面包左層生菜 再入面就係大大舊嘅牛油果同更大舊 炸得好香脆嘅軟殼蟹 外面好fresh 入面本來油膩 兩者balance番 結果係perfect match 牛油果軟殼蟹米紙卷 $62野飲方面 個越式滴漏咖啡 令我印象好深刻 首先佢嘅格局同正宗嘅越南滴漏咖啡係一模一樣嘅 喺香港本身好少見 然後佢個咖啡味道超級好 我第一啖飲落去嘅時候真心嚇咗一嚇 味道好濃好香好滑 好耐冇試過飲咁好飲嘅咖啡 讚讚讚 滴漏咖啡 $20…Read More

同男朋友黎食越南菜，貪越味皇選擇夠多，基本上想食咩越南野都有 ！影左其中兩頁ｍｅｎｕ俾大家參考下，真係睇到花多眼亂XD越式柚子鮮蝦沙律＄６８我其實好怕柚子既甘味，覺得好苦，但男朋友想食就照叫啦！原來溝左越式醬汁食係好好多，酸酸甜甜咁，都幾開胃，如果可以俾多少少蝦就好啦哈哈越式椒鹽軟殼蟹＄７２依個都係男朋友話想食既，我只食左一小舊，因為本人唔好軟殼蟹男朋友話都幾好食，仲要食到有蟹膏好正～越味皇牛油蒜蓉雞翼＄４５四隻用得自己店名黎做個食物名，一定有返咁上下信心啦～所以依個牛油蒜蓉雞翼真係幾好食隻隻都大大隻，有好香既牛油同蒜蓉味，炸到熱辣辣好脆身，真係好邪惡！越式燒魚＄８８燒魚亦都係依度既推薦菜式，用燒既形式烹調，帶有少少焦香味（我覺得燒野係有少少焦香脆身先好食，但唔係全燶呀！）而魚肉不腥啖啖肉，點埋醬汁食好正，係我全晚最鍾意既菜式，我地勁快清哂～越式燒雞肉串燒＄４８三串雞串亦都整得唔錯，唔會好多肥膏，燒得岩岩好，配埋花生沙嗲汁，好香口！青檸梳打＄２６每次食越南野都要飲既青檸梳打～…Read More

又一個Happy Friday，今次遠少少去了荃灣食飯，主要是因為星期日會打風，順便過去南豐中心入定零食，唔怕打風無野食。這間越味皇地點方便，離荃灣站幾分鐘路程，餐廳以越南菜為主，價錢全部由幾十蚊起，非常貼地。越式柚子鮮蝦沙律酸酸甜甜的柚子肉加上些青瓜絲及生菜，清新開胃，另外還配上爽彈蝦肉。越式串燒雙拼各3串分別有牛肉及雞肉串，兩者都有很濃的香料味，雞肉比較嫩滑，牛肉則有咬口，配上沙爹醬，十分惹味。牛油果軟殼蟹米紙卷香脆的軟殼蟹加上幼滑牛油果香味，兩者配搭適宜，加上有些生菜包在裏面，有點爽脆。咖哩牛腩煲配蒜蓉包有差不多六七件牛腩，份量甚多，而且牛腩炆得又腍又入味，咖哩不辣香味尚可，配蒜蓉包至正。越式滴漏咖啡&青檸梳打咖啡味道香濃，一定要熱飲；後者帶點酸味，清新去膩感。…Read More

今晚系荃灣食越南菜，呢間越味皇餐廳有好多選擇，見到相片樣樣都好想食。越味皇火車頭湯河有：生牛肉，熟牛肉，牛筋，牛丸湯底好清甜，牛肉又香濃又大大碗。越式柚子鮮蝦沙律，有兩隻蝦大大又彈牙，好多柚子酸酸甜甜超開胃。牛油果軟殼蟹紙米卷，外層好薄好通透，可以看到包到什麼材料，有米粉和生菜，軟殼蟹炸到好香口，清淡的味道雜錦拼盆：香脆雞翼，蒸粉包好多餡，迷你蔗蝦好陣牙和炸春卷全部熱辣辣好香口。越式燒魚燒到皮脆肉嫩，又用左好多香料放落魚到燒燒到香噴噴，又帶出魚的鮮味，沾上醬汁更加美味。…Read More

最近友人發現荃灣大間好抵食嘅越南餐廳,今晚便相約一起,順便聚一聚。原來餐廳就在荃灣最旺的食肆集中地。門面很平實,但裏面的裝飾就充滿越南風情,令人感覺好優閒。望下餐牌,有好多唔同種類嘅嘢食,有濱海,紙米卷,沙律,㗎喱等。我地揀了前菜--越式柚子鮮蝦沙律 份量都好多,蝦彈牙,好多柚子,大大粒,加咗啲炸蒜片和青瓜,好清新。餐廳沒有落了太酸的醬汁，所以不會太酸,更突出了柚子好甜,好多汁。越式燒老虎蝦米紙卷 有4件，我唸就係分蝦身和蝦尾,米紙卷扎得實,咬時裏面啲材料沒有爆出來,蝦肉很彈牙,很新鮮,虎蝦燒到好香,夾埋沙律菜一起吃,好配合。越式燒魚是倉魚,雖然不是太大條,但燒得啱啱好,金黃色,皮脆脆的,加咗啲辣椒粒和葱粒,好香和辣辣地夠晒野味仲有叫了咖哩牛腩煲 ,可以配飯或蒜蓉包我和友人選擇了配飯。平時食嘅牛腩煲只得幾件牛腩,但依道有好多牛腩,薯仔都唔少,份量十足。牛腩同薯仔都煮得好淋好入味。 咖喱不會太辣，也不會太杰,撈飯好好味。最後和友人叫了兩杯飲品,越式牛油果沙冰 好杰身,一飲下去好香牛油果味,有啲冰碎,好提神。滋補龍眼冰 好大杯,好多龍眼肉,甜甜地,唔錯。最後仲有甜品送.食咗咁多嘢,樣樣都夠份量,都係300多元,又不用加一,抵食…Read More