Butao Ramen (Wellington Street)

以前為咗食豚王拉麵，真係排足一個鐘都願意。自從一蘭拉麵同埋好多過江龍進軍香港之後，都未食過豚王，星期六晚大約7:30，在中環搵食，路過豚王，裡面竟然無客，我仲以為佢哋收咗舖，後來才來了幾枱客。拉麵有五款，包括豚王（原味）黑王（墨魚汁）赤王（辣味）、翠王（芝士和羅勒汁）和期間限定。個人口味選擇：湯底可以選擇醬油多少、香味油濃淡、蒜蓉多少。义燒可以選擇腩肉或肩肉，或唔要。配菜可以選擇蔥或椰菜。唐辛醬可以選擇1辛至10 辛。麵種類可以選擇幼麵或扁平麵，亦可選擇軟硬度。我哋揀咗赤王同黑王，另加溏心日本蛋。赤王，少香油、普通蒜蓉、腩肉、硬幼麵。1辣的赤王，食得辣嘅人，1辣係好普通。湯底濃郁，辣得嚟好香，麵硬唔夠爽口。黑王，普通香油，多蒜蓉、腩肉，軟扁平麵。麵太林，下次都係揀返普通硬度。湯底濃郁但無辛王咁香。溏心蛋必叫，蛋黃汁流哂出嚟，勁正❤️（$17）腩肉好薄，半肥瘦，口感好淋好軟身。下次試吓肩肉可能無咁肥。 湯底味濃，所以要叫罐啤酒飲吓札幌啤酒$26 總結：我鍾意重口味，所以接受到濃郁湯底。如果同一蘭比較，一蘭個湯底如果唔加辣，其實係唔夠香只係鹹。 䐁王有五款選擇，而且唔洗自己係門口買飛，所以我還是會覺得䐁王比較優勝。 埋單無加一，每人$117.5。…Read More

今日同友人相約中環，見到豚王拉麵舖，聽人講得多，但係都係第一次試。我嗌左嗰赤王，湯底濃郁，麵底爽滑彈牙，加上黑木耳同入口即融的日本叉燒，辣味都調配得好恰當，ichiban!友人嗌的豚王都好好食，湯底一試就知用足料，呢個價錢可以係中環食上一碗咁高級數的拉麵 真係好抵。…Read More

之前經過豚王已經被門外香氣吸引，這天晚上在附近吃晚餐，就想來豚王食拉麵。店舖內比較狹窄，想「轉身射個三分波」也很難。一個人食拉麵，所以被店員安排坐自閉位，檯底有位置放隨身物品。因為菜單只有四款口味+期間限定拉麵，所以早就決定好試 赤王拉麵。和其他拉麵店一樣，豚王同樣能個人化調整口味，身為懶人的我，自然選擇「廚師推薦」，交由廚師決定。先呷一口湯底，微辣但沒有被辣度搶了風頭，湯底味道豐富，濃稠，偏重口味。拉麵軟硬適中，麵條好像比平常外面吃到的還幼身。拉麵中間的「肉球」，應該是豬絞肉加唐辛子而製，混入湯底中能增加味道的層次感。拉麵配料不多，糖心蛋要額外加錢，木耳絲不爽口。煎餃子因為漏單，最後等了半小時才送來。餃子皮薄，但底部不是太脆，豬肉餡普通，比較出色的反而是旁邊的醬油，據說使用了日本柚子檸檬醬油，蘸了醬汁的味道瞬間加分。以這個價錢但不包糖心蛋其實偏貴，味道中規中矩，湯底比較重口味。如果在中環區覓食，我可能偏向於多加點錢，走去食雞白湯拉麵。…Read More

这家拉面分为豚王、黑王、赤王、翠王和限定王。这次点的是赤王和限定王，目前这款限定王是黑醋汤底，非常特别，加入了sour cream，反而中和了面和肉的油腻，爽口好吃。赤王辣度等级可以从1到10哦！但是我没敢挑战，口味上是让厨师帮我定的。…Read More

多年前已是豚王的忠粉，可是2016/2017年起，感覺食物質素下降，便少了光顧。 主要問題在於麵的質感不及以前的爽口彈牙中帶點煙韌，尤其是太古分店做得最差，而且份量還特別少。 最近特別來中環店，看看是否個別分店的問題。 豚王：這次選了肩肉，但始終比較喜歡腩肉的香軟。湯底依舊香濃，是真的非！常！香！濃！ 可惜麵身還是沒做回以前的水準… 感覺略似雲吞麵… 真的好懷念2016年的那種拉麵啊… 赤王：辣味程度不統一，有時3的辣度剛好，但有時選1的辣度已太辣。不過整體還是很香濃的。 溏心蛋：完美。 價錢稍貴，但色澤、質感、味道、香氣，基本上都無可挑剔！…Read More

朋友話好想食拉麵，而且無同我食過一餐好食既拉麵，所以今晚點都要食佢HAHA..好啦，反正我又未食過本身以為八點去到應該唔駛等位，點知...食前同食完之後都仍然有人排隊果然魅力依然心大心細，想試黑王，又想試翠王。🤔結果見到隔離枱食梗黑王，又見Menu話係人氣，就試佢啦😎等左一個字左右，熱辣辣上枱😍黑王、粗硬麵、普通醬油香油、配蔥、無蒜、1度辣、腩肉片首先，試左個湯底先..唔辣但鹹左少少😥，下次可以揀淡醬油，不過湯底香濃又滑，好罪惡粗硬麵有咬口，配埋個湯一齊入口，正!!值得讚既係腩肉片，有三大塊，非常滿足!但講到最中意，就係中間果粒黑肉球，好好味，啖啖肉  令我瞬間變成食肉獸😆朋友點左個赤王、粗硬麵、普通醬油香油、蔥、有蒜、1度辣、腩肉片賣相比黑王吸引，因為有辣味刺激味蕾，所以比黑王更能取悅我雖然只係1度辣，但足以辣到流鼻水拉麵係好食，但真係少食多滋味，多食壞肚皮...食完真係溜...估計需要休息番一段時間最後要讚下員工，好貼心。係送上麵後再打開張餐紙比客人，提醒小心彈到衫 窩心…Read More

又到星期六出街食飯嘅日子，3年前食過舊舖間店最後食個次麻麻地因為我叫左個豚角煮即係一舊舊豚肉炇食落好鞋同好韌所以幾年都無再去今日故意再試一試⋯⋯ 今次我已經問定職員腩肉和肩肉分別，回覆係腩肉肥d和淋d，所以我就做出左又一次嘅錯誤決定叫左腩肉 ，脂肪分佈比例佔2/3十分之漏，幸好還有少少木耳食下加左埋隻充滿蛋汁嘅溏心蛋，麵質我選普通都已經好爽口，但個湯底鹹左少少 另一碗就係剔左廚師推介即係除左個湯底所有野都係廚師幫你選，所以朋友就食到好滑脂肪分佈係1/10嘅肩肉，但呢個湯底唔講得笑，真係好辣食到咳呢個係用上柚子檸檬醬油撈埋一齊食，酸酸鹹鹹加埋燒過嘅义燒真係好香口惹味，下次會再去試個肩肉的 …Read More

拉麵 - 起源於中國, 可以追溯到明朝, 煮熟的拉麵常配以牛肉湯或羊肉湯, 比較著名的有蘭州拉麵。在香港, 拉麵一般人會想起日本拉麵, 日本拉麵自中國引進, 而日式麵條不再拉而是切成, 在日本有三大拉麵 - 北海道札幌拉麵, 福岡博多拉麵, 福島喜多方拉麵 ；日本拉麵只是日式麵食代名詞。日本拉麵店近年來像雨後春筍一樣, 一蘭和豚王是在香港的日本拉麵店表表者, 筆者對日本拉麵的興趣不算大, 加上有長長人龍, 一直沒有一試, 直至友人要求下便到豚王中環總店品嘗試食。等了約20分鐘, 終於入座, 安頓後, 看看menu, 因首次到豚王, 就點豚王 , 因驚味道比較清淡, 所有都選擇重口味, 除了辛辣, 麵選擇細麵及硬麵, 選擇細麵因掛湯能力比較好。等了約3分鐘, 豚王來了, 白色的豚骨湯, 上面放上木耳及蔥花, 叉燒則在其下, 先嘗湯頭, 湯底口感濃厚, 豚骨味強, 呈少許膠質狀態但沒有黏咀；麵質有咬勁, 筆者覺得有點中式拉麵的感覺, 單以麵質計中國山西或蘭州的拉麵比其更有咬勁口感和出色, 但已算不俗；叉燒入口不乾身, 味道只可說可以。日式拉麵湯底是其精髓, 其他只是次要。後加了麵(加$15)及加湯, 如不加麵男食客可能不足夠。總括來說可以一試。友人則點了赤王 , 據無辣不歡的他表示其辣味一般, 比其最愛的四川辣麵是小兒科, 其湯底味道跟南韓辛辣麵差不多, 可以一試但未算好。日本拉麵在香港大行其道是有其特色, 其湯底比中式麵食變化更多及更注重, 但其主菜及麵質則中式麵食比較出色。差不多百元一碗日本拉麵相對於中式拉麵平均約50元以下, 當熱潮過後會怎樣情況 ?…Read More

今天來到豚王拉麵的新店，原來就在芽莊的對面。我們在一時半到達，店外約有二十人。在天氣時晴時雨，等待真的是很痛苦的事，大家就撐著雨傘在排隊。新店門面有點像還未裝修好......但當到了我們的時候（二十五分鐘後），明明有兩個空的座位，收銀的店員一句「hold住」就沒有讓我們入內。如是者，再過了十分鐘空了四個座位也沒有讓我們入內。我們一直以為店方是為了「製造」排隊的人潮而不讓我們入內。五分鐘後，店員終於宣佈因為麵餅不足，現正由工場送過來，時間約需要二十分鐘，如大家不介意可以先行入座在店內等候。店方亦供應水給未能入座的顧客。為表歉意，店方送上每枱一份免費的 紫菜。新店共有24個座位，比舊店闊落很多。12個吧枱座位可看到煮麵過程。店員大部份都是熟悉的面孔，從舊店過來的。他們的服務仍然不錯。令人感動的一刻：店員正把千呼萬喚始出來的麵餅放人廚房。 豚王湯底味充滿豚肉味，麵的掛湯度很高。义燒也很腍，同時有口感和肉味。唯獨是我選的蔥變了椰菜，友人的椰菜變了蔥。 友人點的 赤王，跟舊店的水準一樣。…Read More