Hing Kee

舊年三月，一班死佬好兄弟入嚟新界西大食遊，先到屯門三聖炒蝦拆蟹食海鮮，再到元朗佳記食B仔涼粉，不過，嗰次喺星期五晚，唔喺好齊腳，無份去嘅自然抵唔得頸，所以，今年就再大搞多一輪，繼年初二月嘅死佬蛇宴迎團年，依次勝完再「聖」再嚟死佬三聖海鮮局 ，可惜嘅喺原本「夫添」15人齊晒，臨時有兩件死佬因事嚟唔到。上次晌三聖村買海鮮就幫襯咗關財記及發記，今次費事煩，全部晌晒發記搞店，「死佬」之一孔Sir發辦揀海鮮，小弟今次被為以重任，負責管數 ，所以，又影相，又記低單價，非常忙碌 ，唯一做唔到喺記低啲海鮮重量，海鮮檔又唔會逐樣同你寫低，要單都喺一張過手寫銀碼單咁大把。搞咗半粒鐘，海鮮就買好晒，一共買咗9樣海鮮，單價如下。不過，小弟唔喺好鐘意啲海鮮唔標價，下下要問，標明價啲客睇啱咪買囉，唔使下下問佢哋，咪可以煩少啲。 花螺 $96/斤 大蟶子 $140/斤 大瀨尿蝦皇 $200/斤 厚肉紅鬼蝦 $380/斤 桶蠔 $160（大杯）/ $80（細杯） 象拔蚌 $360/斤 印尼龍蝦 $480/斤 大扇貝 $68/斤 澳洲鮑魚 $260/斤夾夾埋埋足足23斤嘢，合共$5,180 ，最貴喺隻龍蝦，3斤幾，成千幾蚊隻，事後我哋都覺得唔划算。揀好海鮮，拎去興記代煮，上年嚟代煮海鮮油料費收$52斤，依家已經收$58斤，足足加咗近12% ，所以，我哋23斤海鮮，淨喺油料費都成$1,334 :( ，故此，點都唔好白灼咁老襯，煮法揀啲複雜啲，至少心理上都覺得抵啲，哈哈！今次被安排坐晌近門口，出入人來人往，無上次坐到六角亭最入咁好。因為喺星期六晚關係，分咗兩輪時段，雖然我哋6:00pm就到，都已經有唔少客等「開飯」，過多一陣已座無虛席。順道講少少服務，OK啦，唔算好，亦唔算差。啲海鮮洗洗切切有排搞，所以，我哋預先訂定隻燒鵝，可以食住等。對比番舊年個食評，燒鵝又喺加咗價，加幅10-20%，一啲都唔溫和，舊價喺$100/例牌、$200/半隻、$400/一隻，而新價就$120/例牌、$220/半隻、$440/一隻。 馳名燒鵝 $440 燒鵝即燒，所以送到嚟一股香氣，燒得油亮富光澤，入口微暖，外皮油潤香脆，肉質甘香鬆化，比上次好食。 辣酒煮花螺 花螺跟辣酒煮，就有種必然食法嘅關係，其實花螺有唔少食法:白灼，紫蘇爆炒，醬爆或鹽焗都得。啲花螺辣而有酒香，但肉質就差少少，唔夠爽，唔知喺花螺本身嘅質素定煮得過火。 豉椒炒蟶子 大蟶子買咗一紮就可以炒出滿滿一大碟，蟶子肥大肉厚，爽口彈牙，豉椒惹味十足，香辣兼備！ 椒鹽瀨尿蝦 泰國嚟嘅瀨尿蝦皇，身形有番咁上下大，所以賣到$200/斤。一人一隻，點明原隻炒，免切，咁先食得夠爽。拆殼後，大啖大啖入口，爽口而香辣，少少鹹味吊起，一流。 油泡紅鬼蝦 鮮蝦嘅種類好多，食得豪氣嘅有虎蝦，不過今次邂逅紅鬼蝦，亦都印象難忘。問店員，紅鬼蝦晌中國水域捕捉，佢無虎蝦咁出身，但就好肥大厚肉，唔喺浪得虛名，一招油泡，蝦鮮味盡出，蝦肉彈牙到不得了，而且，有唔少甘腴嘅蝦膏。 薑蔥煀美國桶蠔 上次個砵酒焗美國桶蠔，做得麻麻，煮完之後縮晒水，又無砵酒香。今次改一改，薑蔥煀，兼且加大份量，一份大加一份細，夠晒我哋13個死佬食。啲桶蠔好飽滿，又有蠔味，朕朕薑蔥清香，真喺好食好多。 象拔蚌刺身 要咗一條大嘅象拔蚌，學上次咁，一蚌兩食，先嚟一份刺身，感覺好似細份過上次，不過，今次處理我好啲，蚌身切得大塊而薄，所以入口較有爽脆嘅口感，灑點檸汁，再蘸點日式芥末，更能品嚐到當中海水嘅鹹鮮。 椒鹽象拔蚌膽 :( :( 至於個膽，就試一試椒鹽做，以粉漿炸後再椒鹽炒，不過，唔多好食，一來椒鹽做得唔夠香唔惹味，二來粉漿腍，個蚌膽口感比較韌。反而，上次白灼象拔蚌膽有點驚喜。 印尼龍蝦刺身 龍蝦同樣做個兩食，先上第一食喺刺身，臨尾再上個龍蝦粥。依碟龍蝦刺身夠晒貴，成本成千銀一碟，可能因為貴，所以特別有期望。單講刺身個味道，啲龍蝦確實鮮甜無比 ，不過，賣相方面，落晌興記手中，真喺有啲嘥料，切得巖巉之餘，亦厚薄不均，隨意鋪晌碟上，毫無美感 :( ，如果落晌日本師傅手中，相信一定喺另一番景象。 蒜蓉蒸扇貝 蒜蓉蒸，較少出錯嘅做法，大量粉絲加大量蒜蓉，做法簡單直接。扇貝厚肉挺實，蒜香突出，就連粉絲都好味啲。 果皮蒸澳洲鮑魚 上次試過好食，當然要翻兜多一次，豪番晚當然要一人一隻鮑魚。澳洲鮑魚以果皮及蔥絲清蒸，再淋上少少豉油，值得以刀叉嚟享受。鮑魚鮮味十足，滲出淡淡果皮香，入口口感煙韌中有份爽彈，的確回味。除海鮮加工，興記本身都有唔少小炒，食咁多海鮮，近尾聲梗喺點兩道菜平衡一下啦。炒菜例牌嘅份量一般60、70蚊碟，我哋咁多人，當然要中份先夠食啦，中份就即喺例牌嘅一倍份量，價錢就自動乘二。 椒絲腐乳炒通菜 $120雖然食菜，都先點一客惹味啲嘅炒通菜，好有大牌檔風味，通菜都尚算脆嫩，腐乳又寧舍入味。 蒜蓉炒西芹 $120另一道炒西芹，西芹入口非常爽脆，帶濃濃蒜香。但老實講，如閣下無必要一定食菜，當然唔建議晌度食啦，百幾蚊碟炒菜喎，雖然包人工、鋪租，諗嚟諗去心理上都喺覺得唔抵囉！況且，你睇我哋碟西芹（中份）都唔喺好大碟咋 :( 。 龍蝦粥 :( 上次單尾要個韮王豉油皇炒麵，今次因為買咗 龍蝦，所以，順利成章點咗個 龍蝦粥，加個粥底要另收多$100，感覺都幾唔平。好食都無所謂，不過，小弟就覺得麻麻哋，主因喺兩者好分離，粥底喺綿香嘅，但就無鮮味，粥還粥， 龍蝦還龍蝦 。餘興就喺切蛋糕，阿Brown（朱古力紅桑子慕絲蛋糕）就襯晒我哋一班死佬，做人迤吓迤吓，順道賀一賀近幾個月份生日嘅老友。晌興記切蛋糕，喺要收$30切餅費，主要喺佢俾啲碟同膠叉你用，$30都好濕碎啫。成晚食咗14道菜，大家飽到上心口。除油料費，茶位、醬料每位收$10，星期六、日、公眾假期嘅晚市要收加一，計埋燒鵝、炒菜、汽水及切餅費，晌興記埋單盛惠$2,692（註：佢張單都寫得好求其，有堆細數佢無列出嚟，我哋又無記低飲咗幾多罐汽水，都喺大概覺得合理就算），計埋發記買海鮮料使咗$5,180，是晚消費用咗$7,872，平均每人六百多啲啲。因為龍蝦兩食都做得麻麻，如果無要隻龍蝦，大家可以慳番百幾蚊，每人落樓唔使五嚿水！…Read More

晌小弟嘅飲食日誌裡邊，「死佬飯局」喺其中一個必不可少嘅飯局組合，顧名思義，就喺一班撇低老婆仔女嘅死佬，出嚟大食大喝嘅麻甩飯聚。一年梗會搞幾次，十幾人難次次人齊，所以有小飯局，亦有大飯局。以前成鬼日去長沙灣新星打鞭爐，話要衝出深水埗，殺入香港嘅「大西北」 ，講咗成年，卒之成事，多謝一眾好兄弟嘅支持，今回大飯局就揀嚟屯門三聖村嘅「興記」。未去興記，當然要先晌三聖村買海鮮。附近一列十多個海鮮檔，海鮮種類繁多，其中一個「死佬」孔Sir同啲判頭食開大茶飯，揀海鮮依啲工作當然難佢唔到，小弟都喺跟住尾去見識吓 。最後，晌關財記及發記唔覺唔覺買咗9樣海鮮，一共$2,900左右 ，下面自然逐一介紹。不過，個人最唔鐘意啲海鮮檔無標明價錢，下下都要問佢，雖然話嚟到食海鮮唔計較得咁多，但標明價嘅話，啲客睇啱咪買囉，又唔喺咩神秘嘢。揀好海鮮，就「嗱嗱淋」拎去興記代煮，興記收費好簡單，代煮海鮮油料費收$52斤，包晒洗切，點整都得。理論上佢會逐袋海鮮同你秤，所以，其實晌買海鮮時，應該問海鮮檔要單，方便對個重量數，以及等自己心理有數，油料費大概要俾幾多。此外，興記又會問埋你想點整，如無心水，佢都可以俾啲意見點整先好食，絕對唔使你太操心 。興記自詡為海鮮燒臘飯店，所以，除來料加工代煮海鮮，又有馳名燒鵝及其他燒臘，數十款小菜，故此，今晚食海鮮以外，都預訂咗隻燒鵝，又額外加個扒芥菜膽及炒麵。除油料費，醬料每位收$10，星期六、日、公眾假期嘅晚市仲要收加一。結果，連埋汽水、啤酒，晌興記埋單喺$1,880，所以，夾埋成餐飯嘅消費約$4,800，除番10個人，每人$480左右。順道講少少環境，有部份地方屬戶外，但搭晒帳篷有瓦遮頭唔使擔心，亦有部份地方屬室內，喺由六角亭間出嚟，裝修到同間酒樓無分別 。服務方面，OK啦，話好唔算好好，話差亦唔喺差。講咗咁耐，都喺時候起筷，飲杯…… 馳名燒鵝 $100 / 例牌、$200 / 半隻、$400 / 一隻 :) 燒鵝晌興記都算幾出名，為求穩陣實食到，預訂咗一隻，雖然隻鵝幾大隻，但面對我哋10個麻甩佬，真喺一隻都只喺勉強夠。燒鵝即燒，送上枱時仲感受到股熱氣，燒得色澤亮麗金黃，入口皮脆熱辣，油潤甘香，但個人覺得肉有點嚡，未能滿分。 象拔蚌刺身 :( 買咗一條象拔蚌，我估都有兩斤重，按老闆介紹，可以兩食，蚌身可做刺身，而蚌膽用嚟白灼。刺身部份，切得好大塊，十分有睇頭，不過幾厚吓，入口唔夠爽，唯一就喺感受到一份海水嘅鹹鮮。 白灼象拔蚌膽 :) 第一次食白灼象拔蚌膽，雖然個賣相唔多討好，部份位置烏烏黑黑，但味道唔錯喎，有啲似食豬潤，加埋椒絲、薑絲、芹菜，沾點豉油，又幾好食架 。 薑蔥炒肉蟹 :) :) :) 肉蟹最大路都喺薑蔥炒好食，啲蟹買嘅時候仲生勾勾嘔緊泡，所以，啲蟹炒好出嚟，肉質新鮮，味道鮮甜，滿滿薑蔥香，食到要舐手指。「專燈」揀多件蟹鉗位，一流到爆 ！ 椒鹽瀨尿蝦 :) :) :) 瀨尿蝦非用椒鹽莫屬，啲瀨尿蝦雖至有手臂咁大咁粗，但體形都唔太輸蝕，厚肉爽口，炒得好惹味，椒辣味就夠嘞，鹹度再多少少就更理想。 砵酒焗美國桶蠔 :( 買咗兩杯美國桶蠔，未煮嘅真物都幾大隻，煮完之後大縮水，真喺有疑惑喺咪我哋啲桶蠔，入口有點脆，明顯炸過，此外，砵酒味亦唔明顯，算喺今晚做得差嘅菜式。 辣酒煮花螺一買花螺，就想起辣酒煮，有少少慣性，其實花螺有唔少食法，如白灼花螺，紫蘇爆炒花螺，醬爆花螺，鹽焗花螺……等等。個花螺雖然喺辣酒煮，反而無個蟶子咁辣，但就確有酒香，肉質卻有少少韌，不過不失咁啦。 油鹽水浸蝴蝶螺 :) :) 晌買海鮮時第一次見食款蝴蝶螺，好奇佢喺點，所以就買啲試吓，海鮮檔老闆介紹油鹽水浸，味道唔錯。下午墊有粉絲，又有啲冬菜，啲蝴蝶螺打開其實好似啲蜆咁，食落爽脆，味道鹹鮮，都真喺唔錯。 豉椒炒蟶子 :) :) :) 買咗一紮蟶子皇，炒出嚟的確唔少，滿滿一大碟，而豉椒炒惹味十足，夠辣夠香，蟶子肥大，肉爽彈牙，超正，立時叫咗幾碗白飯分嚟撈汁撈蟶子食，好過魚翅撈飯，再俾多個讚 ！ 果皮蒸大連鮑魚 :) :) 跑到老遠嚟食海鮮，預咗豪番晚，一人一隻鮑魚無走雞。最佳做法，果皮蒸啦，大大隻鮑魚，煙韌中有份爽彈，少少果皮香吊起鮑魚鮮味 :) 。 蒜蓉蒸扇貝 :) :) :) 蒜蓉跟扇貝真喺天作之合，大量粉絲鋪晌扇貝之上，再加入大量蒜蓉，做法簡單直接，但味道就惹味鮮香，扇貝厚肉挺實，蒜香突出，連啲粉絲都特別香滑。 上湯扒芥菜膽 $68 :) 食咁多道海鮮，一道上湯扒芥菜膽，清清哋，又健康，芥菜膽又做得爽脆入味，蒜子吸滿湯汁，亦都唔好錯過。 韮王豉油皇炒麵 $70死佬即喺死佬，點都要叫碟炒粉飯麵，雖然有干燒伊麵、瑤柱蛋白炒飯，但以豉油皇炒麵喺大家最想食。炒得夠乾身，又唔太油，不過，個人認為唔夠豉油香，兼且韮王落得好少 :( 。飽餐一頓，再揸車過元朗食B仔涼粉，咁先稱得上大食遊 。好難得，由讀書年代，出嚟打工，到結婚生仔，一班人後生時組隊一齊踢波，依家唔多走得郁就一齊睇波，飯局一坐低就有講有笑，晌whatsapp群組就更唔在講啦，日日短訊發來發去，講政治、講英超、講老細、講旅行……志在你知我未死，我知你仲食得走得，好不開心嘅一班人生死佬 。個飯局晌3月7日晚食，拖到今日先出，為嘅就喺將第800篇依個位置，獻給依班死佬們！…Read More

久未踏足新界大西北，今日難得來到附近遠足，晚上順道到聞名已久的三聖吃海鮮。我們先到海鮮街略購海鮮，然後本想光顧邨內酒樓，但適逢有飲宴被包半場，而餘下位置早已爆滿；最後臨時轉陣，改到附近的興記大牌檔來料加工，吃過痛快。 興記為一般「冬菇亭」改建而成，除了見慣的大牌檔位置，還特設空調「雅座」。而小店為了應付慕三聖海鮮街之名而來的客人，在狹窄的通道兩旁位置也擺設桌椅，環境較係擠迫，而出入要小心之餘，不熟地頭者更可能會迷路哩。 甫坐下，我們把預購的海鮮交由店員處理，而因做慣來料加工的關係，店員不用半分鐘便提出不同海鮮的烹調方法，非常熟練。最後我們再加個馳名燒鵝和幾道小菜，便成了今晚的即興海鮮局。 蒜蓉粉絲蒸扇貝：巨型扇貝以最普通的蒜蓉粉絲蒸，蒜蓉味略略滲入扇貝中，味道香濃之餘，也不會掩蓋扇貝本身鮮味；而清蒸的火候掌握得好，不會過老過韌，加上扇貝有近豉油碟般大，故除了味道好，口感也極佳，當然食材新鮮佔了很重要的一環吧。 椒鹽瀨尿蝦皇：同屬巨型的瀨尿蝦皇以椒鹽處理，再切成頭尾二段。椒鹽味沒有想像中段重，但瀨尿蝦本身鮮甜肉厚，加上蝦膏多，鮮味絕不比扇貝遜色，惟吃時要小心被尖刺所傷哩。 豉椒炒蟶子：撇去貴價的巨型蟶子皇，單以豉椒炒蟶子肉，賣相當然稍遜，但味道卻絕不差。蟶子新鮮，乾淨無沙，濃郁豉椒味道完全滲進蟶子內，惹味得來帶點微辣；加上去殼蟶子特別足秤，一大班人吃極也吃不完，抵食又美味，一流。 油鹽水蝴蝶蚌：資金有限，不可再選海斑肉蟹等高價貨，於海鮮檔見有少吃的蝴蝶蚌，似乎頗新鮮，就來了一斤，以油鹽水煮。蝴蝶蚌與蟶子一樣乾淨無沙，比吃慣的大蜆較肉厚，入口更為鮮甜；油鹽水處理後也變了啖啖海鮮湯，單喝拌飯也可，正！ 馳名燒鵝：馳名燒鵝每隻售三百元，以大牌檔而言絕不便宜，我們來了半隻。上檯賣相甚佳，入口皮不算脆，肉汁較多，但肉質卻不太嫩，而鵝味也不算濃重，味道不差但說不上頂級，以鎮店之名無疑有點名過於實，較為失望吧。 :( 香酥炸大腸：大腸外皮炸得不夠脆，可口不足還有點硬，加上也炸得不夠透，內裡脂肪仍呈膏狀，沒有綿軟口感，反而有點膩，水準之下。 :( 中式肉排：味道和質素與一眾大排檔相近，中規中矩，不見突出，算是為「食肉獸」添點合符口味菜式吧。 蝦乾小炒王：除蝦乾和腰果外，其他食材沒有像坊間般切得細碎，感覺比較怪。而味道亦可能食材較「大件」而難以滲進其中，變得相對淡口，不能像平常作為佐酒小吃般品嘗吧。 砵酒焗桶蠔：桶蠔略作煎炸，但粉漿較厚增添膩感，砵酒味也沒有想像般濃郁，最後薯片變了主角，成了搶手的佐酒小吃哩。 以海鮮來料加工而言，這裡處理很得宜，絕對沒有浪費新鮮的食材；但單點店內其他小菜，水準則較為飄忽，有點顧此失彼的感覺。有聞邨內酒樓質素也不錯，而且價錢不高亦坐得舒適，有機會必要一試，再戰三聖。 …Read More

燒鵝 - 雖然唔及元朗某間燒味舖好,但都好食炸鮮魷 - 唔錯,唔係好多炸粉,食到鮮味豉椒炒蟶子 - 蟶子肉好大件,好好食,眼前一亮豉油皇蝦 - 好大件,唔錯係有鮮味蒜蓉粉絲蒸扇貝 - 扇貝同蒜蓉粉絲好夾,好得西芹炒斑球 - 較為普通一點炒蟹 - 可能唔係好食蟹,所以唔識比較骨腩 - 唔錯,但可能已太飽,所以食得較少其實但海鮮次要,食個氣分為主,希望呢位同事喜歡今餐啦!…Read More

今次係同老公D舊同事去----講是講非吹水大集會一行十二個大人, 當然唔少得我個百厭仔啦今次去關財記買海鮮, 送左2斤蜆比我地, 仲有專人同我地送去興記加工, 唔使自己攞, 抵讚,買左齊頭$1200!當晚菜餚有--白灼九節蝦--D蝦真係好鮮甜, 正!:)豉椒炒蟶子-- 豉汁香濃, 辣辣地超冶味 (同我地去左殼方便食):)豉椒炒蜆--同炒蟶子一樣冶味, 但好多肉同殼甩左, 食得比較麻煩油鹽水灼花蛤--花蛤鮮甜,D肉唔韌, 佢仲加左粉絲吸左D汁, 好味!:)辣酒煮花螺--有酒味, 唔太辣, 好味!:)西芹炒石斑球-- 火侯啱啱好, 香口鮮味, 魚肉爽口唔爛:)椒鹽瀨尿蝦--OK, 但比較油膩薑蔥炒蟹--OK砵酒焗蠔--上枱時個樣唔靚, 但食落真係幾正, 淡淡酒香煮得又夠乾身, 正!:)半隻燒鵝--皮脆肉厚, 入口熱辣辣, 正! :)蒜蓉炒豆苗--OK, 但比較多油另外叫多一碟豉油皇炒麵+一碟楊洲炒飯, 相比豉油皇炒麵好味D仲叫左2枝啤酒+9罐汽水, 埋單$1140.00關財記-$1200.00+興記-$1140.00, 合共$2340.00, 平均每人都係$195.00咋(最衰只限UPLOAD 8張相, 只可揀部份上載)…Read More

29-03-09 興記 Sunday Dinner朋友生日, 即日book 21:00, 幸好有位7 人晚餐, 亦都是忠仔記買料買料用了$520連加工total 大概$1200當中魚和蝦和海鮮湯的料是送的跟第一次吃的伙伴但無獨有偶也是7 人上次3 男 4 女今次4 男 3 女其實如果會吃湯渣的話, 大可人頭數目減2 作為餸的數目標準醬爆雞球: 因為當中有人不怎麼吃海鮮, 所以另外點了這道小菜. 不過這道菜卻不大好吃, 香味是夠, 很多韮王, 很多辣椒但是雞肉炒得過了火, 老了呠酒焗蠔: 乾了一點, 有點像炸蠔, 吃起來有些地方脆卜卜的, 但內裡就沒有汁了. 和日本料理吃到的炸蠔當然不同啦椒鹽蝦: 本身的蝦已死了一段時間, 用椒鹽的方式吃起來會好一點. 爆得很香, 很脆, 蝦殼都吃了神仙魚: 兩味, 炆頭炒球. 炆頭的部份都是先炸再炆, 很脆, 很入味, 又是脆卜卜的, 金香味美.炒的部份用西芹去炒, 亦很香口.蒜茸貴妃蚝: 很新鮮, 很香, 啖啖肉的, 吃起來很有感覺豉椒炒蟶子: 幾乎是這裡必吃的, 豉椒的味道把蟶子的鮮味吊了出來…Read More