Tong Kee Restaurant

同老朋友聚舊, 最開心就係可以搵個地方，談笑風生，哈哈大笑, 暢所欲言,都無人話你, 大排檔絕對係一個好嘅選擇, 因為大家講舊時嘅時候,一定會忍唔住爆笑的 對我地幾個大西北人來講,屯門三聖村一定係我地食個靚飯放肆吹水嘅好地方！屯門三聖村一帶的海鮮大排檔一直都好出名,唔單只區內人鐘意來食,更不時都吸引好多區外客人來品嚐一番,原因好簡單,因為夠哂貼地,正宗港式小炒風味,而且海鮮超級新鮮, 地理優勢關係 （三聖村就是靠海的）,日日都有新鮮海鮮, 不過咁多間大排檔入面我最鐘意就係 ～棠記海鮮小廚 🔮菠蘿咕嚕肉    好食嘅嘢要講三次, 好食，好食，好食！這道咕嚕肉係店家的招牌菜,必食之選, 外面的脆漿炸到脆卜卜,但入面的梅頭肉還是軟腍腍的, 一脆一軟,口感超正, 每塊咕嚕肉都被甜酸汁均勻地裹著,火喉十足, 甜酸汁味道又剛剛好,最正係個菠蘿,廚師特登挑選偏熟的一種,因為鮮甜又多汁,仲要明火微燒一下表面,擺得靚靚來拌碟,開心又醒胃！👍 🔮招牌小炒皇   唔知大家有無聽過,想知道那家大排檔掂唔掂就一家要點小炒皇來食, 棠記嘅小炒皇當然一定過關啦，穫氣十足唔在講,以大蝦米,魚鬆,魚乾仔,猪油渣條爆香油穫,再落蒜苗,鮮魷魚,蝦仁再番落穫炒,惹味之選呀！ 🔮豉椒炒蜆係三聖食大排檔最正就係可以係隔離嘅海鮮檔買來再直接俾廚房加工,只需要$75/斤就可以幫你整你想要嘅風味,我地就食豉椒炒,蜆大大隻又新鮮, 火喉十足,三色椒又搶眼,汁料味道香濃,食到lam lam脷囉！正！ 🔮炸鮮蝦雲吞    大大粒蝦仁,外脆內鮮,蝦仁彈牙,送啤酒一流呀！ 🔮豉油王大蝦非常香口惹味, 味道十足,中size 蝦，廚師走油炸香, 蝦殼炸到好脆口,連殼食都得, 蝦肉又彈牙鮮甜,味蕾又享受了 🔮鹹魚蒜蓉白菜仔   總要點番個青菜來平衡吓嘅！新鮮蒜蓉再可上少少嘅鹹魚粒來釣香, 香口惹味,份量也不少,連炒菜都有穫氣呀！ 食大排檔最重要係配大啤🍺🍻,我話嘅！Asahi 一支都係$36 都幾抵呀！…Read More

來到屯門當然要去三聖邨吃海鮮，今次來到棠記海鮮小廚試試，海鮮加工和小菜都非常出色，而且價格實惠，可以品嘗到地道大排檔風味的菜式。   菠蘿咕嚕肉 $138外層很脆身，肥瘦適中，肉嫩多汁，每件切得小一口一粒，炸粉和肉比例剛剛好，酸酸甜甜很開胃，吃到最後仍然保持外脆內軟，菠蘿燒過後份外香甜，有驚喜的一道菜金銀蛋肉鬆扒時蔬 $88用上咸蛋皮蛋加上肉碎、冬菇、蒜粒、蘿蔔浸莧菜，口感豐富，菜很爽口，湯汁鮮甜豉椒炒蜆夠鑊氣，蜆肉肥美，鮮甜美味，乾淨沒有沙，豉椒汁香濃配料足，十分惹味豉油王大蝦蝦肉新鮮，肉質爽彈，很入味，充滿豉油香，煎得很香口滋味…Read More

一路都知三聖食海鮮又平又新鮮，但除咗知道爸爸耐唔耐會一大早去買蟹之外🦀，自己真係一次都無去過！原來三聖邨夜晚真係好熱鬧，有好多檔食海鮮嘅飯店，🍻摺枱摺凳開晒出嚟，保留住細個嗰陣嘅屋邨大排檔風味！今次我哋揀咗豐漁樓地下嘅棠記海鮮小廚，見佢室內幾光猛，有啲似普通茶餐廳格局，加上有 show 餐牌出嚟，🥘小炒價格都合理，第一次嚟食，自然揀間安全感大啲㗎啦！除咗 menu 嘅小炒，呢度都有 海鮮加工服務，可以喺附近買完海鮮，🦞自己揀刺身、清蒸、芝士焗、炒飯底等等煮法，😋啱懶人，想食生猛海鮮又唔想自己煮！🍍菠蘿咕嚕肉 $138兩餸飯嘅咕嚕肉食得多，都係而家先知一碟咁普通嘅咕嚕肉可以有唔同嘅境界！咕嚕肉皮脆肉滑，無骨啖啖肉，仲好鬆化，糖醋都做得好出色，甜而不膩，仲有少少脆身，就算凍咗都唔會痴牙，酸甜度啱啱好，非常開胃！而燒菠蘿，爽甜無渣，微微焦香又保留到菠蘿嘅水份，😋😋😋用驚艷嚟形容呢碟咕嚕肉真係一啲都唔誇張！！！🦤招牌鹹鵝 (例牌) $158鵝肉嫩好入味，但唔會太鹹，份量好足，脂肪同皮嘅比例都OK，啖啖肉！🥘豉椒炒蜆 時價炒蜆無沙係基本，每粒蜆肉都好飽滿，鮮甜入味，而且炒得夠亁身，有鑊氣，送酒一流！🦪蒜蓉粉絲蒸貴妃蚌 時價貴妃蚌好厚肉，爽甜彈牙，配埋鋪得滿滿嘅蒜蓉同粉絲，好惹味！…Read More

平時都聽得多屯門三聖邨嘅海鮮好正好好食，今次就真係特登走入去屯門三聖嗰邊食海鮮同小炒🤤屯門三聖嗰邊都有幾間專門食海鮮嘅飯店，而我哋就選擇左豐漁樓地下嘅棠記海鮮小廚😋我哋一共叫咗2️⃣個海鮮同2️⃣個小炒🤤😋⭐️豉椒炒蜆有大排檔風味的菜式 - 豉椒炒蜆，小菜嘅鑊氣足夠，鮮甜蜆肉加上惹味嘅豉椒醬汁，可以講係十分夾，又唔會太鹹，味道啱啱好，而且每粒蜆肉都好飽滿。大滿足！😋⭐️椒鹽炸賴尿蝦隻賴尿蝦好大隻呀，我都係第一次食咁大隻嘅賴尿蝦，將蝦炸到金黃色，油炸嘅瀨尿蝦沾上炒香嘅椒鹽，鹹香得黎帶點辣，加上賴尿蝦嘅肉質鮮甜爽口，啖啖都係肉好滿足🤤。⭐️菠蘿咕嚕肉肉嚼起來既有焦脆感內里又會有肉的鮮嫩感，裏面略帶少許肥肉吃起來很香，酸酸甜甜嘅咕嚕肉，忍唔住都叫咗碗飯夾埋一齊食🤤😋咕嚕肉旁邊有已經切好左嘅新鮮菠蘿🍍🤤酸甜得黎又多汁🍍好開胃😎⭐️炸乳鴿乳鴿的肉汁好飽滿，一咬就爆哂汁，皮脆而不乾身嘅乳鴿，食起來香脆肉嫩，而且乳鴿好入味，鐘意食乳鴿嘅朋友唔好錯過🐣🐣…Read More

📍屯門三聖村豐漁樓地下10-11號呢幾日特別好想食吓海鮮🦞，又見好耐冇入去三聖村，放工就即刻同個friend入咗去屯門😂😂😂行過見到呢一間坐滿晒人就入咗去，不過因為太好生意所以坐咗喺門口😅😅😅不過咁覺勁好feel🤣🤣🤣1. 炸BB鴿 🐥$58 - 炸乳鴿皮超脆，肉質唔會太乾，餸啤酒一流🍺🍺🍺2. 招牌小炒皇🥗$128 - 材料十分豐富👍🏻有魚乾，蝦乾，魷魚，同炸過嘅腰果，炒韮菜花又夠鑊氣，所以提升咗味道👍🏻👍🏻3. 椒鹽賴尿蝦🍤$時價 - 瀨尿蝦嘅蝦肉都彈牙多汁，椒鹽炒得勁香口，非常好食😋4. 豉椒炒蜆🐚 $時價 - 炒得好有鑊氣，蜆肉冇沙而且非常鮮甜👍🏻👍🏻👍🏻餐廳有啲似冬菇亭，👍🏻👍🏻👍🏻食物CP值勁高汁👍🏻👍🏻👍🏻…Read More

屯門三聖邨出名有靚海鮮食，今日又帶老爸出行，當然要搵間有口碑㗎啦，搵吓Openrice，見到呢間棠記幾多好評，加上望落環境比大排檔吸引，就揀左呢度同老爸食晚飯。叫左每枱都有叫嘅🍍菠蘿咕嚕肉。竟然喺中式食肆都食到燒菠蘿，經過燒烤嘅菠蘿真係會特別甜㗎，因為菠蘿嘅水份經微微燒烤後會被蒸發，因此糖份比例會相對被提高了，又鮮又甜，仲要無渣，十分好味。相比起混和肉排去炒菠蘿，呢種燒菠蘿伴碟更為出色，因為炒菠蘿會容易讓整體味道變得過酸。而咕嚕肉嘅糖醋比例亦十分出色，酸甜度互相平衡，入口微酸開胃，同時又帶有甘甜。🌶豉椒炒蜆，一上枱，老爸即急不及待起筷，入口大讚，無沙、夠入味、炒得夠亁身。而我都覺得炒得幾惹味，蜆肉雖然細細粒，但都幾厚肉。🦐豉油王大蝦，好好味! 大蝦經過油炸，蝦殼軟身帶脆，容易退殼;豉油有頭抽嘅鮮味，豉味醇厚香濃。這個餸十分惹味，伴飯食一流。🥬蒜蓉白菜，入口除左有濃郁嘅蒜香味，仲有少少牛油香。一道基本炒菜都做得咁出色，唔怪之得食肆得到咁多好評。呢度嘅侍應亦要讚，好多小廚食肆嘅侍應一係長期黑面;一係待客如友。而呢度係後者，老爸年紀老邁，侍應會囑咐他小心慢行。亦會關心餸菜是否合他口味。個人真係十分推薦這家食肆作家人聚餐，環境、食物都唔會讓人失望。…Read More

好耐冇嚟過三聖食嘢啦，同老公揀咗呢間，差唔多20:00嚟到裏面坐滿晒人🫣職員話外面有位，咁我哋就坐外面，雖然係夜晚但係都好熱，但見到坐外面嘅都好多人，咁就算啦，心諗咁多人食，應該都唔會差嘅。我哋叫咗菠蘿咕嚕肉（我見呢個好多人食）豉椒炒蜆、椒鹽鮑魚同埋腐乳通菜。先講菠蘿咕嚕肉，咕嚕肉炸到外脆內軟，好香口，甜酸度啱啱好，而且菠蘿🍍好有誠意，用新鮮菠蘿，切完重擺得好靚，用火燒過更加香甜多汁。豉椒炒蜆呢個好有鑊氣，炒得好好👍🏻唔會炒到啲肉甩晒出嚟，蜆肉冇沙而且非常新鮮。椒鹽鮑魚，完全過晒口癮，非常香口，炸粉唔會太厚，薄薄一層上面鋪滿椒鹽，非常惹味，鮑魚唔靭，好食😋腐乳通菜好大碟，我哋兩個人食唔晒，可能我哋加咗個飯🤣 個飯要講一講，係我鍾意食嘅軟硬度，非常煙靭有咬口，粒粒分明，我成日覺得食海鮮小菜嗰碗飯好緊要🤭總結整體都唔錯，但下次一定要坐室內，夏天冷氣真係好重要🤣好彩叫咗兩支青島🍻🍻如果唔係真係會溶咗💦…Read More

一聽👂🏻到食海鮮🌊依𝟑個字你會諗起🤔西貢？流浮山？仲有屯門三聖邨呀💁🏻‍♀️同西貢 • 流浮山一樣，附近有海鮮檔🛒可以自己買料去餐廳加工👨🏻‍🍳~•~•~•~•~•~•~•~•~•~•~•~•~•~•~•~•~•~•~• ▪豉椒炒蜆蜆肉都幾大粒🤗最緊要係冇沙🏜蒜蓉🧄 • 豆豉🤎 • 加埋三色椒❤️💛💚 • 洋蔥🧅炒夠曬惹味😝.▪香酥椒鹽鮑魚炸鮑魚，真係第一次食😯外面💫酥酥香脆，肉質爽彈 • 唔韌🤓椒鹽份量唔會太多🧂.▪菠蘿咕嚕肉旁邊放個條菠蘿🍍會唔會太岩打卡📸菠蘿🍍輕輕燒過表面🔥咕嚕肉🐷炸得夠脆✨表面既醬汁🧡係可做到拔絲🥢個種拉到絲既效果🤭味道就甜重過酸🤪.▪蒜子上湯雜菌浸菜心 有冇人同我一樣覺得蒜子🧄係精粹所在？平時出去食，蒜子得個𝟓粒左右🥲依到左成𝟐𝟎粒，勁滿足呀🤩菜心🥬唔會煮到過淋，莖部仲係爽口😌.整體黎講💁🏻‍♀️成餐飯🍚🥢既調味，唔會過濃 • 過鹹🙆🏻‍♀️但係又做到每一款菜式獨特既醬汁 / 味道。😙.~•~•~•~•~•~•~•~•~•~•~•~•~•~•~•~•~•~•~• 🔺逢星期六 • 日及公眾假期，需另加𝟏𝟎% 服務費🙇🏻‍♀️🔺茶位🫖每位$𝟓🔺餐廳🍽提供自來海鮮🌊加工服務👨🏻‍🍳~•~•~•~•~•~•~•~•~•~•~•~•~•~•~•~•~•~•~• …Read More

🇭🇰棠記海鮮小廚·我哋都係第一次嚟三聖 佢真係好遠 如果搭交通工具係要至少個半鐘 所以我哋最後就揸左車嚟🙊🙊不過如果大家都想揸車嚟 就唔好太遲黎啦 我地等位都等左半個鐘🫢😂😂·豉椒炒蜆 l 酥炸鮑魚我自己都幾鍾意佢呢度啲海鮮 尤其係佢個豉椒炒蜆真係超有鑊氣🔥佢個汁惹味得黎唔會搶咗花甲本身個鮮甜 而且啲花甲都煮到啱啱好 唔會過老😍😍之後佢個鮑魚都唔錯 好大隻 肉質好好 而且個炸皮超酥脆🤤🤤·菜遠排骨炒河$88 l 豉油王鵝腸$128 l 金銀蛋肉鬆扒時蔬 $88小菜方面我自己最鍾意佢個炒河 佢呢個又係超有鑊氣 而且唔會太油 調味剛剛好🤤🤤之後佢個鵝腸都唔錯嘅 洗得幾乾淨 唔係太肥嗰種 不過佢個調味就唔算超濃 最後個金銀蛋時蔬都OK嘅 但係唔知係咪我哋揀嗰種菜嘅問題 佢嗰菜食落有啲渣🥬😂😂·#rbyeat#rby港式#rby屯門·📍屯門三聖村豐漁樓地下10-11號…Read More

餐廳位於屯門三聖附近有好多海鮮檔，買完可以拎去加工棠記明碼實價標明加工費用👍🏻好彩肥妹有訂枱平日去到都坐無虛席，十分熱鬧環境闊落，乾淨企理👍🏻—-✄———-✄———-✄———-✄———-✄—-✾ 椒鹽酥炸鮑魚肥妹未試過炸鮑魚，覺得好特別🤩鮑魚炸得乾身唔油膩食落外皮好酥脆鮑魚厚肉，彈牙鮮甜強烈推薦🙌🏻✾ 豉椒炒蜆上枱就聞到好香豉椒味🤩蜆肉好鮮甜，最仲要係冇沙👍🏻配搭埋洋蔥同彩椒一齊炒鑊氣十足，仲有惹味添！✾ 沙薑雞腳 $88雞腳軟糯之餘仲帶有少少咬口而且沙薑味突出另外跟左沙薑汁但唔洗沾都好夠味✾ 豉油王鵝腸 $128豉油醬汁香濃，但唔會太鹹鵝腸入味，食落爽口同脆身仲有芽菜墊底芽茶吸曬醬汁味道👍🏻👍🏻—-✄———-✄———-✄———-✄———-✄—-…Read More

今晚約咗個朋友仔黎三聖食好野😎由佢發板買左啲海鮮拎過黎加工，唔駛我操心😆 另外仲係餐廳叫咗個小菜同兩個飯～❤️薑蔥炒蟹店家用上大量薑蔥，非常香口👍蟹肉鮮甜，調味適中😋❤️豉椒炒蜆勁有鑊氣勁惹味！食落完全無沙，三色椒好爽口😁❤️菠蘿咕嚕肉 💰1️⃣3️⃣8️⃣實物同圖片一樣咁吸引！😍咕嚕肉份量非常多，新鮮炸起外層又薄又脆🤤肉質岩岩好唔會太肥膩又唔會太瘦搞到柴口，配埋開胃既咕嚕醬同又甜又多汁既燒菠蘿🍍，完美！💯❤️缽仔白飯 💰1️⃣2️⃣缽仔蒸零舍有風味，飯粒唔會過淋，粒粒分明👍加工費合理，小菜又有水準，服務都非常唔錯，會encore的🤭…Read More

屯門近海，三聖村更是有名的海鮮天堂。新鮮又大隻，真係非一般街市可以媲美。係度買完再拎去附近餐廳加工！明碼實價加工費$75斤唔識揀海鮮都唔緊要，去到請老闆發辦，讓專業的來。豉椒炒蜆粒粒肥美鮮甜，重要無沙，食蜆最怕咬到沙，好冇癮㗎嘛。薑蔥炒蟹姨姨話呢隻叫紅蟹，真心甜，連炒個薑蔥配菜都好好味，大排檔火候夠真係冇得輸。避風塘賴尿蝦一上菜我哋都嘩咗一聲「點解可以咁大隻」。淨係炸蒜都可以撈一碗飯！肉厚，滿滿的膏，唔識形容睇圖啦。姨姨都好老實講食海鮮最緊要食新鮮，你喺街市買到返屋企都唔新鮮啦。所以有時寧願去舖頭食，方便企理唔使自己搞！…Read More

🇭🇰屯門-棠記海鮮小廚成日聽人講去三聖要食海鮮👽但我一直以嚟淨係去過燒嘢食🤣今次終於去食下海鮮啦 食完海鮮仲可以行下 外面仲有好多新鮮嘅海鮮賣 有啲漁民總會喺船上面叫賣 好有feel 仲可以買完拎去餐廳度加工～不過最緊要就係要識講價買海鮮😆⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗溫馨提示：海鮮加工費每款每斤$75～～價錢都算合理👍🏻所以大家可以喺出面啲海鮮檔度買完再比佢哋加工🥳🤘🏻⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ⍗🎏地址：棠記海鮮小廚 (屯門)1.屯門三聖村豐漁樓地下10-11號…Read More

最近天氣好好,所以去黃金海岸附近行下~去到屯門咁遠,當然要順便去三聖食個海鮮餐啦~呢間棠記海鮮小廚都幾大間,而且拎海鮮嚟加工明碼實價,唔怕糊里糊塗唔知要俾幾錢~上湯龍蝦個龍蝦肉好爽,而且個蒜蓉汁好香~本來諗住加個伊麵底撈埋啲汁,但侍應姨姨超好人,佢話另叫個干燒伊麵仲抵過你加個伊麵底呀!所以我哋就叫咗個干燒伊麵嚟撈埋啲汁,完全唔浪費,好味到lam lam脷~清蒸鮑魚只係簡單加少少陳皮喺上面蒸~鮑魚蒸到僅僅熟,唔會過老而變韌~豉椒炒蜆一上檯已經好吸引,因為非常香,而且有鑊氣!啲蜆仔沾滿咗豉椒嘅香味,連啲洋葱同紅椒都好甜好好食~只係整體稍為鹹少少,如果用嚟送飯就一流~原本諗住用嚟撈汁而已,但其實干燒伊麵本身都好好食~個伊麵好彈牙,而且唔似一般食到嘅一係太油一係太濕,味道剛剛好,唔撈汁食都夠味~食飽飽就一路沿海邊行去黃金海岸,沿路見到咖啡灣黃金泳灘啲水都好清,可能因為封晒無人去🙈希望夏天到之前可以開返俾人落水消消暑啦~…Read More

今日同朋友去屯門行山，行完山經過三聖村。聽人講三聖村的海鮮好出名，所以入去睇下和醫肚。在三聖買左幾款我地都鍾意食的海鮮，之後拿左去棠記海鮮小廚進行加工。這裏的海鮮加工費每公斤$70，配料再另外收費。 標明所有資料，讓人食得安心，唔怕比人開高價!上湯龍蝦龍蝦擺盤好美，蝦肉易拆開，熟度剛好，肉質結實而彈牙，充滿鮮味！整個龍蝦上盤，頭尾都勁多肉，「無」偷功減料👍🏻朋友好有心機剪開左龍蝦頭😂😂原來龍蝦蝦頭有好多肉。豉椒炒蜆材料有洋蔥、黃椒、青椒、豉椒和蜆。賣相一流，色彩繽紛。蜆肉粒粒新鮮，一粒沙都冇，鑊氣十足👍🏻，豉椒味濃，惹味！！果皮蒸鮑魚好香的果皮味道，鮑魚新鮮彈牙爽口，啖啖肉！店內還有其他野食都好像好吸引。有機會可以再食。…Read More