新鮮又大隻，真係非一般街市可以媲美。係度買完再拎去附近餐廳加工！
明碼實價加工費$75斤
唔識揀海鮮都唔緊要，去到請老闆發辦，讓專業的來。
豉椒炒蜆
粒粒肥美鮮甜，重要無沙，食蜆最怕咬到沙，好冇癮㗎嘛。
薑蔥炒蟹
姨姨話呢隻叫紅蟹，真心甜，連炒個薑蔥配菜都好好味，大排檔火候夠真係冇得輸。
避風塘賴尿蝦
一上菜我哋都嘩咗一聲「點解可以咁大隻」。淨係炸蒜都可以撈一碗飯！
肉厚，滿滿的膏，唔識形容睇圖啦。
姨姨都好老實講食海鮮最緊要食新鮮，你喺街市買到返屋企都唔新鮮啦。所以有時寧願去舖頭食，方便企理唔使自己搞！
