Mr. Iron MarkII (Closed)

今晚約左男友人食韓燒，睇完餐牌後都係決定食鰻魚飯，好似好吸引咁，男友人就叫左個燒肉餐。爐開左之後，喺蛋漿上加人粟米同芝士就等佢熟。首先燒左豬皮，好香，唔錯！然後就燒磚頭五花腩，好肥厚，用個熨斗板壓一壓會較快熟，前後反左幾次終於燒好，然後剪成一條條就食得。豬肉味香，點啲醬油一齊食都幾好味。燒完豬個鰻魚飯就到啦，比我預期嘅大條，好正呀！鰻魚味道好好味！什至比燒肉仲好味。中間有層玉子，入口係半熟，蛋好滑，一啲都唔老。燒完豬之後就換個網燒牛啦。牛分別有一口雪花牛粒，牛肩胛同m9霜降西冷，味道黎講最滿意牛肩胛，入口油香四射，肉切得夠薄，好滿足。最後飲多杯荔枝特飲，like fb送架，份量夠哂大杯，配燒肉就最啱！…Read More

呢排追韓劇，見到啲男女主角燒豬皮燒得咁過癮，搞到我條韓燒癮又發作今日收工放早，所以就入元朗搵間韓燒食下，聽朋友講呢度個燒五花腩食法好特別因為我哋好早就到，加上係平日，所以鋪頭入邊冇咩人，唔駛等位實在太好有啲復古既感覺，尤其係天花同啲抽油煙機ironman樣既鐵板，店員話係用黎壓住舊豬肉燒，好似係受熱會平均啲，咁就唔會燒到其中一邊燶晒但另一邊都仲未熟前菜，最值得一讚既係大豆芽辣得好入味磚頭五花肉＄138估唔到佢個size真係成舊磚頭咁大，一啲都冇誇張！就係咁壓住佢燒大概四分鐘左右就已經可以剪開，再點埋汁用生菜包住食！雖然咁大舊肉，但燒完依然係好多肉汁美中不足嘅冇蒜頭夾埋一齊食調味豬皮 ＄48燒嘅時候卜卜聲，仲以為燒完會係脆卜卜，估唔到會係外面好脆入面有啲煙un醬汁又配合得幾好食特級雪花牛＄108啲雪花靚到呢入口即溶牛肩胛肉＄88雖然冇雪花牛咁多脂肪，但都好重口味，而且燒完都仲有好多肉汁…Read More

本身對韓燒冇咩興趣 不過熨烤達人真係好特別裝修好靚！好多超級英雄既坐位前菜好有水準 左邊既芝士同粟米 係加落蛋醬到我特別鐘意個薯條（粟米的右邊）薯條係涼伴 味道清新 同油香既燒肉成比鮮明對比 前菜係可以冇限再添店員幫我地倒蛋醬我地自己再加粟米同芝士建議大家食時要睇火我地唔記得睇 造唔到流心既效果不過都好食因為加左芝士好香口我鐘意加埋小小泡菜一齊食 依個拼盤係double 左份量一見到個「豬肉橋」真係嚇親我地燒極都燒唔好跟著店員教我地要用ironman燒Ironman 熨斗成舊豬肉磚加上熨斗壓起上面一齊燒豬肉冇經過調味要自己再加調味鹽磚塊豬肉燒完較乾身但加埋大豆醬 再包埋落生菜度食就好完美好開心係生菜都係冇限refill我最期待既調味豬皮聽講韓妹食得豬皮多 所以皮膚靚食完會唔會靚得就唔知啦不過得好鐘意依個豬皮豬皮燒完好QQ 微烤過既外皮 再加上夾層QQ既口感真係好正我既終極組合：豬皮 加泡菜 加五花肉菜包食完豬肉到牛肉牛肉超級肥味 入口即溶 而且好juicy 燒既時候悉宜放係邊位燒如果唔係就太乾荔枝特飲 好大杯兩個人都夠飲上層係泡沫 好得意…Read More

今日和友人到元朗探完朋友,唸住喺埋元朗開餐,但毫無頭緒,在街閒盪之時,見到這張Banner,“熨烤達人”,韓燒就食得多,但什麼叫熨烤呢？好奇之下,便和友人去了這間餐廳醫肚。餐廳用了類似鐡的物料做牆身,有數部電視播著韓著韓國歌，每張枱都放著一個“熨斗”,這些前菜每枱都預備好放在枱上.看後餐牌,決定叫個“熨斗烤壓套餐”,飛魚籽沙律.首先餐廳送上2人份量的胡椒湯,飲下很香黑胡椒味,辣辣的又不太鹹,很驅寒,好味。首先送上的就是.熨斗烤壓拼盘,當中有豬肉,牛肉,侍應很詳細解釋如何用個“熨斗”磚頭五花腩,餐廳已將這件“磚頭”半切開了5 件,就是用這個熨斗壓著來燒。壓著的時候,豬皮的脂肪就滲出來,很香,當煎完上,下兩邊後,就可剪開一件件,再煎剩餘的位置。生的時候看似很肥,但煎完後,脂肪已滲出大部份,沾上韓國醬,包上生菜,可吸收埋餘下的油,豬肉雖然煎了很久,但吃下去唔覺靭。調味豬皮,啡色薄薄一塊,買相真的不討好,有些卷曲,侍應亦示範用熨斗壓著燒一會就可食因已熟,食下是爽的,鹹鹹地.可能吃慣豬皮,魚蛋啲豬皮,所以,bond bond 唔係咁習慣這種口感。燒完豬肉,侍應換上了網板燒牛肉。一口雪花牛粒,咬落幾有咬口,唔靭。但牛肩脾肉和霜降西冷,bond bond 就不識分,但都是薄薄一片,燒一燒就食得,好香口。飛魚子沙律,很多魚籽,配上沙律醬,卜卜聲連同青瓜,蟹柳一起吃,很清新.食下疏菜,可以心理上減低了些罪惡感 .餐廳侍應大部份都是20出頭的後生仔女,好有活力,襯返韓國style .…Read More